احذر 00من يوم السبت سوف يبدأ الهروب الكبير0000؟؟

[مضارب1]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

 

[كرباج]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

المدى القصير: مستوى مؤشر السوق فوق المتوسط السريع. الاتجاه العام لمؤشر السوق للمدى القصير لأعلى. هناك تفاؤل كبير، حيث أن المتوسط السريع فوق المتوسط البطيء، وكلا المتوسطان في صعود. وكذلك اتجاه مؤشر السوق للمدى الطويل لأعلى. ارتفع مؤشر السوق إلى مستوى قياسي جديد للمدى القصير.
المدى الطويل: مستوى المؤشر فوق المتوسط البطيء. الاتجاه العام للمدى الطويل لأعلى.
مؤشر بولينغر: يشير إلى أن الشراء في السوق قد بولغ فيه وهو الآن مرشح للتغيير. مع ذلك قد يستمر الصعود لفترة قبل أن يعتدل. حجم التداول زاد مع ارتفاع مؤشر السوق إلى المستوى القياسي الجديد، مما يشير إلى دعم ورضا السوق واحتمال استمرار الارتفاع.
مؤشر أي دي أكس : صاعد مما يشير إلى أن اتجاه السوق الحالي الصاعد آخذ بالقوة وقد يستمر.
مؤشر ستوكاستك: يشير إلى أن الشراء في السوق قد بولغ فيه وهو الآن مرشح للتغيير. المؤشر أعطى مؤخراً إشارة للبيع
السقف أو المقاومة التقريبية : عند مستوى 11432 فلس
القاع أو الدعم التقريبي : عند مستوى 10536 فلس

منقول من المركز الشرقي

 

[مصادر]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

معليش اخوي مضارب صارلك سنه تحذر والسوق عكس الي تقوله

 

[بورصراتي]

ودي اضحك وانا مالي خلق

 

[سوق الاوراق]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

السلام عليكم

شنو الحجي ..... شفيكم ...... ماكو شغل .​

 

[alqattan]

الدلائل هذه السنه غير السنوات السابقه في رمضان والدليل قوه الشراء التي وصلت بالامس الى 180 مليون دينار 0

ثانيا عطله العيد حسابيا لن تتعدى يومين غير طبعا الخميس والجمعه 0​

 

[FAISAL14]

ممكن الاخ مضارب اتفيدنا من وين المعلومه هذه ولا فقط تخمينات لا تنفع ولا تضر على العكس نحن على ابواب النصف الثالث وبعدين شنو لو الواحد اعيد وافلوسه بالبورصه يعني راح تنباق لفلوس ولا صدام راح يطلع من سجنه ويغزينا مره ثانية

 

[السوق الكويتي]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

كلامه صح 100 % .... بس طبعا مو كل الناس ... فيه ناس تبيع وتسافر .. فيه ناس تبيع وتستانس بجم بيزة ... وفيه ناس تبيع نص وتخلي نص ... وفيه ناس ماتفرق معاهم ... اصابعك سوى ؟

وعلى فكرة ... رمضان هالسنة نوعا ما يختلف ... تداولات قياسية بسبب وقت اعلانات الربع الثالث ... واعتقد عيد هالسنة راح يختلف اشوي ...

يا جماعة ... الحين هذولا ... اللي راح يبيعوون .. هل راح تأثر بالسووق؟؟ ما اعتقد !!

جم سهم عندهم ؟؟؟ المحك يا جماعة عند المحافظ وصناديق الاستثمار ... اللي تتعامل بالملايين ... اللي اتحرك السوووق بالبيع والشراء ..

هذولا صغار المستثمريين اللي راح يبيعووون ... مثل مايقولوون نويتش بالبحر ...

عادي ... يبيعووون وياخذوون حلالهم ... وبعدين الكبار يخمووون من تحت ... ويقطوونه عليهم ورى العيد !!! عادية السالفة ... تعودنا على هالموااال !!

انا اقووول ياجماعة ... خلكم اشطر .. خموووو مع الكبار ... وقطو قبل الكبار !

 

[saud koc]

بسبب قرب عطلة العيد سوف يقوم الكثيرون بالبيع لماذا؟0000لان كل متداول يحب يقضى العطله وحلاله عنده ومرتاح البال وبعد العطله يصير خير ان شاء الله0

اول مره اسمع هالكلام انزين لو العيد يومين وراح الناس تطلع فلوسه،والخميس والجمعه يومين ،يعني كلامك معناته كل نهايه اسبوع اطلع فلوسي وابطل استثمر او حتي اضارب ، ولاتزعل احنا بمنتدي ديمقراطي ، انا اطلع فولسي وشغلها بغيات تاجير بالعيد يمكن احسن عدل .....

من غيييييييير زعل رجاءا

 

[sprite]

متوقع تصحيح لقطاع الإستثمار .. و خصوصا من الشركات التي أعلنت عن أرباحها .

 

[garmin]

بإختصار
السوق بإذن الله حديد
لارفع فايدة ولابطيخ ولاعطلة عيد
وإنشاء الله أيامكم كلها عيد
إذا راح يجني أرباح راح يجني أرباح يوم بالكثير بسبب خبر رفع الفايده
اخوكم
بوفواز

 

[matrex-ku]

تــذكرون يا شباب قبــل رمضـــان شقالوا
السوق راح ينزل سمعتها
من كذا واحد وفيه بعض الشباب باعـــوا
المهـم قلت والله ما ني بايع ورزقي ورزق عيالي علي رب العالمين
وجانا رمضان واكرمنا الله بكرمه ولله الحمد والمنــــــه

 

[alqattan]

ونظريه تبيع الاثنين او الثلاثاء علشان تعيد بفلوسك مو صحيحه لانك ما تستلم شيكك الا بعد العيد 0
وهنا ضيعت سهمك برخيص وما استفدت بفلوسك وراح تشتري بالغالي علشان ترجع سهمك 0

ودمتم سالمين 0
وعيدكم مبارك 0​

 

[متداول مالي]

اعتقد هذه مبالغه والعيد كله يومين
واللى ماعنده فلوس إلا الأسهم اللى بالبورصه هذوله صغار صغار المستثمرين اللى مايتأثر فيهم السوق أصلا وتستفيد منهم المحافظ والمستثمرين الكبار
والسوق توه في ارتفاع وسيتم ارتفاعه لأسباب كثيره
وعلى قولة الجيماز أيامنا كلها عيد

 

[Bo Tasneem]

اللهم إني صائم




بوتسنيم​

 

[بو النور]

اللهم إني صائم




بوتسنيم​

انت كده OK

 

[الراقي]

تــذكرون يا شباب قبــل رمضـــان شقالوا
السوق راح ينزل سمعتها
من كذا واحد وفيه بعض الشباب باعـــوا
المهـم قلت والله ما ني بايع ورزقي ورزق عيالي علي رب العالمين
وجانا رمضان واكرمنا الله بكرمه ولله الحمد والمنــــــه

انا صدقتهم وبعدين شفت الحبيب الي يحذر الناس من رمضان مطيح في السوق وقاعد يشتري

 

[بن تركي]

الهروب الكبير ها قلت قامة القيامة ،،،

 

[bu3teeg72]

أنا أقول يتسكر الموضوع وايد أحسن.

 

[كرباج]

بصراحة سالفة اطلع فلوسي حق العيد
ذكرتني بفلوسي
من دخلت السوق وانا ابيع واشتري وناسيهم
العيد هذا بسمع نصيحتك

لكن اذا طّلعت فلوسي وباقهم العيار شسوي ؟

مو فاهم شلون اطلع فلوسي قبل العيد
واردهم بعد العيد

تخيّل لو كل الناس سمعوا نصيحتك وباعوا قبل العيد

آنا راح اشتري

معلومة مهمة للاخوان
سالفة قبل العيد بيع
دعوة للشراء
بمعنى إشاعة ايجابية
للسوق

ان شاء الله نشوف
الشموع البيضا
أطول من سيقان جاسم الهويدي

يا أخي

انتعاش اقتصادي
استقرار سياسي
اعلان ارباح
دخول محافظ
ضخ سيولة غير مسبوقة في السوق
دخول آلاف من المستثمرين الجدد
رغبة حكومية برفع السوق
ضغط برلماني على جميع المحاور

كل هالأمور ما ترفع السوق
والعيد والعيديات صار المشكلة

ليش الربع داشين السوق بعيديات العيال ؟ :d
وووووو

كل هذا