شركة الدار الوطنية للعقارات ش.م.ك مقفلة ( أدنك ) .

[متابع قديم]

حلمت ان الدوليه ا اوصلت قريب 2 دينار ( دينارين )


قلت يا طافني السهم جان اسمع واحد يقول اشتر ادنك بتوصل 600 فلس


اللهم اجعله خير

اضغاث احلام

 

[بنت بورصويه]

حلمت ان الدوليه ا اوصلت قريب 2 دينار ( دينارين )


قلت يا طافني السهم جان اسمع واحد يقول اشتر ادنك بتوصل 600 فلس


اللهم اجعله خير

اضغاث احلام

مو اضغاث هذه صج واكثر بعد


بس امتى يعلنون اخبارهم الحلوه؟؟؟؟


الله اعلم؟؟؟؟؟؟؟؟؟

 

[بنت بورصويه]

المحافظ تدخل على ادنك هذه الاسبوع

للوصول الى 425


بسبب اعلان خبر زيادة راس المال.



منقول من النوادي

 

[بونور]

متى توصل 400 فلس يا محليين الكبار نبى نعيد عدل

 

[بنت بورصويه]

متى توصل 400 فلس يا محليين الكبار نبى نعيد عدل

الهدف القادم 510


والسهم قوي مدام وراه الدار لا خوف..


بس يحتاج صبر بسيط او شوفو السهم بعدين.

 

[مصادر]

الهدف القادم 510


والسهم قوي مدام وراه الدار لا خوف..


بس يحتاج صبر بسيط او شوفو السهم بعدين.

طلعوا كلك بكلك الي بادنك للاسف ، ولا ناس بادارة الاستثمار تقولنا حجي والواقع حجي ثاني ، مااقول الا حسبي الله ونعم الوكيل ، قالي راح تصعد وراح ندعم ، وراح نشيل ، وراح نخم ، حس فينا ياادنك والدار الاحساس نعمه !!!!

 

[شرياص العديلية]

أدنك هو أكثر سهم غامض

بسم الله الرحمن الرحيم
السلام عليكم...
شرياص العديلية يحب يشارك بالقلق اللي اسمه ( أدنك )
سؤال يطرح نفسه وبقوه ؟
ليش السهم امغرز ؟
ليش كل السوق خضر ومشلع الا أدنك نازله 5 فلوس وتداولها تحت المليون ؟
ليش في أول سبتمبر بعد ماكسر السهم مقومة ال425 صار تداوله قوي بمعدل 10 ملايين يوميا بأسعار تتراوح بين 420 - 455 ؟؟؟
هل تعتبر شروات ولا قط ؟
ليش السهم كريه ويسبب قلق ؟
الاجابه
بعد التشاور والاستفسار وتقصي الحقائق( وان كانت صعبه الحقيقه )وصلنا للآتي:
1- السهم جديد 2-7-2005 وصعب تحديد اتجاهه !
2- بدايته فيها مشاكل بين الدار والمعرفية وجاسم البحر. ( وركز عالأخير )
3-السهم بدايته مثل الواحد اللي هادينه من السجن ( مايدري وين يولي ! )
290 بعدين قووووع 212 بعدين صار طوربيد مو أدنك....400..455
شنو ؟ ليش؟ ليش ماتأسس وتركد بارك الله فيك انت وهلك !
4- السهم من كثر ماتكلموا عنه ان شايف ال550-600 حتى سيلانيتنا بالمطبخ قامت اتسولف مع الهنود... ادنك واجد جين !
راد من السفر اشزيني اركب تكسي... اسمع الشياب.. ادنك بجيب العيد! شنو هدا؟ ليش القلق لاحقني؟
5-ربعنا ( وانه وياهم طبعا ) خموا الآجل خم شنو 15 مليون ؟ زلزال باكستان
6- عدنان المسلم في أحد دواوين الجناعات اسألوه الشباب عن أدنك ؟ شقال؟
مادري والله عنها.. يعني احنا مو مركزين عليه وايد.. صج نملك فيها 18%بس مو نفس مدار فوق ال70% وانا اشوف راسمالها كبير وسعرها الصجي 250 فلس ليييييييييييييييييشش يا عدنان ليش؟
7- حقيقه ان ارباح الربع الثالث تعادل النصف الأول بأكمله بس.. أخ 49%غير محقق.. حط خط تحتها
8-في واحد بالادارة وصوه ربعه بأن يصك حلجه ولا يسرب أخبار عن بيعة أرض ابشرق... بس مسكين ماقدر يمسك نفسه..حتى راعي البقالة عرف السالفه..
9- المحافظ والصناديق لما اتشوف هالآجل والاشاعات القوية على هالسهم
طبيعي راح ترزم بريك ( والله قديم ترزم ! ) المهم ان في اسهم ثانية اتجابلها
وتشقحها فوقوبعدين ترجع فوق تحت .. وتنفض نفضه..370 بعدين نفضتين 350 وبعدين اهل الآجل يصيرون اطفال الحجارة وفلم يعني.
10- محفظة التأمينات يحليلها يوم شافت السهم فوق ال405-425 قامت
اتخر شوي شوي ...بعدين خربتها عاد موليه جنها ماسكه جمره مو أدنك!

أدري ان كلامي يضيق الخلق ويكدر الخاطر ويعور البطن.. بس الصج ينقال
انا وأعود بالله من كلمة انا شريت آجل بهالاسعار 400-390-375-355
الآفرج 0.388 والكمية 200 ألف ( انا أقول ليش حياتي قلق ) بس احب أقول لكم شي عن أدنك.... راح يطيب خاطركم وايد وايد ... بس مو الحين
أحب أخليها مفاجأة لان دوامي شقا .. وأبي انام ..بس والله لا تخافون..
أهم شي ان مايفصخ الآجل على ال315 وبس .. ولي البشاره
وياما ناس حطوا ربية على ربية وصاروا 36

 

[صقرالبحر]

اللحين كل هاللي قلته وتقول لاتخافون ؟ واالله عجيبه ؟ احنا بعد لازم نرزم بريك منك ....

 

[بوعزيز]

شعار ادنك______نرزم بريك________

 

[Riskman]

تقريبا خلص من التصحيح

 

[سراااب]

ياجماعة الخير نامو على السهم راح أيدلعكم .........)


ودعولي ....

عن قريب قريب قريب راح تستانسون

 

[سراااب]

على فكره شباااااااب
لاتنسون الكناااااااااااااااااااااااااااااااااااافه

للعلم لأملك بالسهم ......

لاكن صدقوني راح أيدلعكم

 

[feb2005]

بلييييييييييييييييييز سراب انت متأكد ترا انا خسرانه 45 فلس بالهسهم

ومتى يتحرك وتتصور اكثر من شهر او اقل عشان يوصل فوق 400

ياجماعة الخير نامو على السهم راح أيدلعكم .........)


ودعولي ....

عن قريب قريب قريب راح تستانسون

 

[شرياص العديلية]

Adnrec is going 2 reach 0.470 soon

السلام عليكم ياملاك أدنك المحترمين...
هانت هااااااانت والله العظيم هانت ياجماعه ... تدرون ليش ؟
لأن ولا شخص شرى السهم من تحت مستوى ال440 وجنا أرباح بمعنى اكثر
دقة.. ان ولا واحد شرى ادنك من تاريخ 15-9-2005 وربح...
واللي يقول غير هالكلام يا أن يدز وايد .. أو أن يقص على نفسه...

والله العظيم من مصادري اللي في أدنك ومدار والدار... كلهم يجمعون أن
هدف السهم يوم وصل 455 ...ان يشق دربه ويتعلق من يومين الى ثلاثة
اييييييييام تدرون شنو يعني 3 ايام يعني البيت النازل 125 فلس+455=580 فلس .... كان المفروض يصير بس في بياااااااااااااااااع قوي يبي يقط
كل اسهمه اللي من الاكتتاب ويسترجعه بسعر 300-325 ليش ؟ هل اهو اهبل؟ هل اهم مينون ؟ هل اهو لاقي فلوسه بالشارع ؟مع العلم ان الشخص يملك عالأقل 10 ملايين وصاحبي اهو البروكر في مكتب الخليج ..
بس ..
حاليا .. الشاب اللطيف باع كل اللي عنده + محفظة التأمينات هم باعت كل
كميتها ( وشوف المركز الشرقي - تبديل المراكز للصناديق )
والسهم حاليا يعتبر أسس على ال355-365
يعني لو شفتوا السهم تداوله فوق ال4 ملايين وينزل شوي شوي الى 340-330 اقفال ! والسوق يكون في حالة تصحيح خضر حمر .. رمادي..والميتاستوك وهالخرابيط كلها قطها بره..هالسوالف ماتركب على سوق الكويت هدي سوالف هونغ كونغ أو العملات اللي تداولها بالمليارات
ولا احد يقدر يسيطر بفلوسه على السوق.. اهني شوف هالأدوات والتولز والتكنكلي ادفايس.. المهم بعد العيد باسبوع... اشوفكم ... والوعد عند كبابجي العديلية وأدنك سعر يديد يديد بادن واحد أحد سبحانه ...
ولي البشارة

 

[feb2005]

خسرني وايد السهم 45 قبل + 20

متى يتعدل متى تتوقع يوصل 500 هل بسرعه او راح يرتد شوي؟

متى سعر البيع ؟ واشكرك

السلام عليكم ياملاك أدنك المحترمين...
هانت هااااااانت والله العظيم هانت ياجماعه ... تدرون ليش ؟
لأن ولا شخص شرى السهم من تحت مستوى ال440 وجنا أرباح بمعنى اكثر
دقة.. ان ولا واحد شرى ادنك من تاريخ 15-9-2005 وربح...
واللي يقول غير هالكلام يا أن يدز وايد .. أو أن يقص على نفسه...

والله العظيم من مصادري اللي في أدنك ومدار والدار... كلهم يجمعون أن
هدف السهم يوم وصل 455 ...ان يشق دربه ويتعلق من يومين الى ثلاثة
اييييييييام تدرون شنو يعني 3 ايام يعني البيت النازل 125 فلس+455=580 فلس .... كان المفروض يصير بس في بياااااااااااااااااع قوي يبي يقط
كل اسهمه اللي من الاكتتاب ويسترجعه بسعر 300-325 ليش ؟ هل اهو اهبل؟ هل اهم مينون ؟ هل اهو لاقي فلوسه بالشارع ؟مع العلم ان الشخص يملك عالأقل 10 ملايين وصاحبي اهو البروكر في مكتب الخليج ..
بس ..
حاليا .. الشاب اللطيف باع كل اللي عنده + محفظة التأمينات هم باعت كل
كميتها ( وشوف المركز الشرقي - تبديل المراكز للصناديق )
والسهم حاليا يعتبر أسس على ال355-365
يعني لو شفتوا السهم تداوله فوق ال4 ملايين وينزل شوي شوي الى 340-330 اقفال ! والسوق يكون في حالة تصحيح خضر حمر .. رمادي..والميتاستوك وهالخرابيط كلها قطها بره..هالسوالف ماتركب على سوق الكويت هدي سوالف هونغ كونغ أو العملات اللي تداولها بالمليارات
ولا احد يقدر يسيطر بفلوسه على السوق.. اهني شوف هالأدوات والتولز والتكنكلي ادفايس.. المهم بعد العيد باسبوع... اشوفكم ... والوعد عند كبابجي العديلية وأدنك سعر يديد يديد بادن واحد أحد سبحانه ...
ولي البشارة

 

[شرياص العديلية]

توضيح

الحبيب اللي يملك أدنك....
يبه ادا كانت الصفقة آجل .. ليش السؤال عن نقطة البيع..؟
لا يكون راح اتبيع الآجل ؟ بما ان تحملنا السهم وخسرنا فيه لغاية مستوى 340 وحاليا 360 ... يعني اللي اشوفه قرار البيع مو سليم.. كلش..
كان فيه 15 مليون آجل والحين حوالي 12 مليون كلهم اقل من 45 يوم !
أدنك رجعته تبي شراره من محفظة أهلها وبس .. خل تكسر ال390 بس
رجعتها راح تكون قوية لأسباب نفسية فقط لا غير ..
اكل حبة منوم لغاية اليوم اللي قبل الآجل ابيومين... يعني انقول 25-11

انا اشوفه سعر يديد انشاء الله

 

[سراااب]

بلييييييييييييييييييز سراب انت متأكد ترا انا خسرانه 45 فلس بالهسهم

ومتى يتحرك وتتصور اكثر من شهر او اقل عشان يوصل فوق 400

أسف على التئخير :

عزيزي عن قريب قريب
وبعدين السهم سعره بالقاع يعني مامن خوف
والي وصاني يقولي دشه على السهم ،،،،،، وبصراحه أحترم هاذا الشخص وصدق معاي بكذا خبر ،،،،،،،، وأتمنى أنه يصدق معاي وما يفشلني معاكم
ولاتخافون السهم عند المغاومه
وحرام أحد أيفرط فيه لأن سعره يعتبر بالقاع

 

[شرياص العديلية]

آه يا ادني آآآآه

29-10-2005

السبت ........................ 360
الأحد ........................ 355
الأثنين........................ 360
الثلاثاء........................ 350
الأربعاااا آسف عيد ...


الأثنين .........................365
الثلاثاء.........................380
الأربعاء......................... 405

السبت.......................... 430
الأحد .......................... 445
الأثنين......................... 440
الثلاثاء........................ 465
الأربعاء........................ 485​

الله عالم الغيب والشهادة ... سبحانه

 

[مصادر]

خسرني وايد السهم 45 قبل + 20

متى يتعدل متى تتوقع يوصل 500 هل بسرعه او راح يرتد شوي؟

متى سعر البيع ؟ واشكرك

بس انتي سعرج رخيص وايد ، الناس شاريته بالـ 430 و 25 وللحين متفائلة انتي اقل من هالسعر وكمياتج قليلة وهمن متحسفه !!

خساير الناس بعشرات الالاف وانتي بالمئات وقاعدة تحلطمين الله يهداج بس يبا تفائلي السهم بخير وراح يصعد اعلان الدار ارباحه القياسية راح تشد السهم وتخليه يقوم من ركوده وراح يعطيه انجكشن منشط للصعود انشالله

 

[شرياص العديلية]

بسم الله الرحمن الرحيم​

تحركات السهم 2-7-2005​

290 ...............................................................212

بعدين فوق تحت

212................................................................400

مادري شنو صار ... طق امطاقق ...... بعدين....

400.....410...........425............435..................455

هالكلام في نص شهر 9 .... بعدين بلش القلق ...

455....440....425.........لا....410.......400..........380
370....360....350.....360....350.....355...350..375

من نص شهر 9 لغاية آخر 10.......... 45 يوم من الكفاح

وهو 350....370....350.....370.... نقدر نقول أسس عال360

سؤال للمحللين الأفاضل ؟

شنو توقعاتكم عن السهم بعد شهر من اليوم ؟ يعني نقول 30-11

والسلام