الرابطه دائما هابطه

الموضوع في 'السوق الكويتي للأوراق الماليه' بواسطة signalindex, بتاريخ ‏31 أكتوبر 2005.

  1. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0
    انا بصراحه اول مرة اشارك بالمنتدى عشان جذي اخترت موضوعين بتكلم عنهم واولهم سهم الرابطة حسبي الله ونعم الوكيل في اعضاء مجلس الادارة اللي قتلو السهم في العصر الذهبي للبورصة الكويتية ولو تلاحظون يا اخوان ان السهم مستمر في النزول من اربع شهور من 2700 وحسب اقفال اليوم 1500 يعني خسارة جايدة والمشكلة ليمن نسال المحللين بالمنتدى محد يعطينا رد وكان الكل خايف انلومه اذا عطانا توصية بالبيع او التبريد .
    عشان جذي نرجو من المحللين افادتنا هل السم صاير مثل الريشة وراح ينزل الى مستويات اقل من جذي والنصيحة بالخروج من هذا السهم او التبريد عليه وفي حال اتوقع العقد مال التنظيف الى اي مستوى راح ياثر عليه .
    اما الموضوع الثاني والله شرايكم انخليه بصفحه ابروحه .
     
  2. hhhmg

    hhhmg عضو جديد

    التسجيل:
    ‏26 يوليو 2005
    المشاركات:
    250
    عدد الإعجابات:
    0
    قطة عليهم مثلي راح يشيلونه ورده خذه لوعاجبك من تحت (سهم يسبب صداع )
     
  3. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0
    يعني اتشوف سلمك الله انه راح ينزل بعد ولي وين تقريبا اما من ناحية ايسبب الصداع انا راجعت الطبيب من كثر الصداع وطلع في تطعيم ضد مرض الرابطه الله يكفيك شرها فعلا سهم صار ممل .
     
  4. امدور الزينات

    امدور الزينات عضو جديد

    التسجيل:
    ‏8 مارس 2005
    المشاركات:
    389
    عدد الإعجابات:
    0
    السلام عليكم اخوان انا من تجربة صارت معاي قبل حوالي سنة كان عندي سهم الرابطة وكنت ماخذة علي سعر 1600 وكنت مثلكم ودي السهم يصعد ماينزل ولكن انحدر فيني السهم الي 1180 وانا ماسك السهم ومابعت ومن ثم ارتد والحمد للة بعته بربح ولكن بعدها السهم كمل مشواره الي 2700 ايام عقد ميناء عدن اليمني فالقصد ان ممكن السهم ينحدر الي مستوي اقل من سعره اللي هو فية ولكن تري السهم من الاسهم الطيبة والممتازه في السوق وراح يرجع لسعره اللي نزل منه وانا اقصد السعر اللي اسس علية موسعر المضاربات ولكن اللة يسامح ادارته ( صانع السوق عل السهم ) فمايخلونك تعرف للسهم مذهب لان الطرق اللي يتبعونها ومنها اي خبر ايجابي علي السهم دايما ينفونه مع ان متوسط عقود الرابطة حوالي عقدين شهريا ولكن كل العقود اللي ياخذونها ماتشفع للسهم انه يصعد والسهم غالبا ماكان يتحرك بداية الاسبوع ونهايتة او يغيرون التوقيت مرات ويكون نص الاسبوع الحركة علي السهم وباقي ايام الاسبوع يهدونه علشان ينزل ولكن المحك الرئيسي في هذا الوقت هو ارباح الربع الثالث وعادتا تري اعلان الربع الثالث لهم مرات يطلع موشي فاذا كان موشي يعني معناها ان السهم بينزل معلومة اخيرة ربح النص الاول 82 فلس لازم الربع الثالث يكون فوق 42 فلس حتي يكون السهم ثابت ماينزل عن سعره اللي وقت الاعلان وتحياتي لكم .
     
  5. عندك سلف

    عندك سلف عضو مميز

    التسجيل:
    ‏27 نوفمبر 2004
    المشاركات:
    3,239
    عدد الإعجابات:
    2,072
    مكان الإقامة:
    ضاحية عبدالله السالم
    انا كان لي معاه تجربة طويلة ايضا ( أطول من المسلسلات المكسيكية )...
    و تجربة مأساوية حزينة درامية ( تقول مسلسل خليجي من النوع الي البكي فيه من الحلقة الاولى الى الاخيرة) :(
    أخذته وبرد عليه وبردت عليه.... ليما طلع علي ب1520 تقريبا وصبرت عليه أشهر الى ان قلت خلاص مابي اربح من وراه وبعت بخسارة (طبعا) :eek:
    أنا بعت من هني والسهم تعلق من عقبها يوم يومين ثلاث أربع ..... يمكن طول المدة الي كنت شاري السهم فيها :eek:

    الخلاصة السهم هذا اسلوبه...... ممل ويقعد مدة طويلة ينزل تدريجيا وفجأه يصعد بدون مقدمات و ماتصيده....
    اذا كنت بتبيع اصبر الى موعد اجتماع مجلس الادارة عادةً يصعد قبل اعلان النتائج الفصلية لأن الناس تتوقع وتتأمل ارباح ممتازة