السوق الآجل

الموضوع في 'السوق الكويتي للأوراق الماليه' بواسطة *بو عبدالله*, بتاريخ ‏1 نوفمبر 2005.

  1. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    السلام عليكم


    يا اخوان اتمنى احد يفيدني عن السوق الاجل وشنو طريقته ونظام وحداته وكل شي يتعلق فيه


    ودي ادخل اجل بس ما اعرف عنه شي


    يزاكم الله خير
     
  2. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    شدعوة يا جماعه عبرونا
     
  3. aldub2000

    aldub2000 عضو نشط

    التسجيل:
    ‏14 يوليو 2005
    المشاركات:
    1,566
    عدد الإعجابات:
    131
    هلا فيك ومرحبا .؟؟

    السلام عليكم ..؟؟

    اذا انت بوعبدالله رئيس رابطه سهم التجاريه العقاريه حياك الله واذا كنت مو هو ايضا حياك الله وكل عام وانت والكل بخير وصحه ..؟؟

    بالنسبه للآجل انا الصراحه توني جديد عليه وراح اقولك اللي اعرفه ومعلوماتي المتواضعه ..؟؟

    1- اول شي سوق الآجل اللي اعرفه وتعاملت معاه هو اثناء الدوام الصباحي ومكانهم عند الصاله الزجاجيه لمكان المدخنين ..

    2- يوجد اكثر من مكتب للآجل مكاتب تتعامل مع كل الاسهم الاسلاميه وغيرها ومكاتب تتعامل مع الاسهم اللي حسب الشريعه الاسلاميه فقط واسم هذه الشركه المثنى...

    3- انا بصراحه تعاملت مع شركه المثنى واشتريت اسهم بالآجل لمده 3 شهور وعلى فكره عندهم آجل 3 شهور فقط ..

    4- مثال اشتريت اسهم الشركه التجاريه العقاريه واشتريت من السوق الرسمي ..

    60 الف سهم ...دفعت للمكتب 7.530 الف دينار مع الفوائد تقريبا 500 دينار ..

    السهم اشتريته من السوق بسعر 390 فلس وانحسب علي بسعر 400 فلس تقريبا او بالضبط .3985...

    يعني بعد سعر 400 فلس الربح ال60 الف سهم كلهم للمشتري وبعد البيع ترجع لهم فلوسهم وتاخذ انت الباقي مع فلوسك ..؟؟

    5- ملاحظه مهمه سعر تفصخ السهم عليك هو : 270 فلس تقريبا ...؟؟؟ يعني اذا وصل السهم الى هذا السعر لابد من البيع ضروري .؟؟وراح تخسر اكيد الا اذا سددت للشركه كامل المبلغ وتمتلك الاسهم ال60 الف سهم

    6- لابد من الدخول على سهم انت واثق منه ومتابعه متابعه ممتازه ..؟؟

    7- يارب اكون فدتك يا حبيبي واعذرني للاطاله وهذا اللي اعرفه وبالتوفيق .؟

    والله المستعان..؟
     
  4. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    يزااااك الله خير اخوي الكريم وما قصرت صراحه معلومات جيدة واستفدت منها جداااا


    بس الصراحة ماني عارف شلون طريقة حساب الاربااااح الي راح اجنيها ولا فهمت ايضا شلون ارد لهم فلوسهم؟؟؟


    مشكوور
     
  5. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    في شغله اخيرة ودي اعرفها


    هل ىباستطاعتي ابيع باي وقت سواء كنت ربحان او خسرااان ؟؟؟؟


    وفي حال الخسارة جم المبلغ الي ممكن اخسرة هل هو قيمة كل الاسهم ام هو المبلغ الي انا مسدده بس؟؟؟؟



    مشكووور والله يجزيك الخير
     
  6. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    اخر سؤااااال ادري تعبتكم معاي


    الحين ااذا باخذ اجل لازم اييب لهم تحويل مبلغ من البنك مع العلم اني ببيع اسهم بالبورصة وراح اشتري بالاجل ؟؟؟؟ او شلون بالضبط؟؟؟؟



    اسفين علىالازعاج
     
  7. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    شوف توضيح aldub2000 واضح وصحيح

    بالنسبه حق البيع
    تقدر اتبيع باليوم الثاني
    لو كنت خسران او انك ربحان تقدر تبيع
    وخسارتك او ربحك تنحسب على الكميه اللي شاريها
    تقدر تشتري اجل وبعدين اتبيع بس لازم بنفس اليوم واذا تبي اتحول ممكن اتحول باليوم الثاني قبل الساعه 11

    مافي اي ازعاج​
     
  8. aldub2000

    aldub2000 عضو نشط

    التسجيل:
    ‏14 يوليو 2005
    المشاركات:
    1,566
    عدد الإعجابات:
    131
    مافي ازعاج وحاضرين يا بوعبدالله ..؟؟

    السلام عليكم ..؟؟

    راح اكمل لك باقي المعلومات اللي اعرفها والمتواضعه طبعا .؟؟

    1- طريقه حساب الارباح اقولك مثال :

    التجاريه مثلا عندك 60 الف سهم اشتريتهم من السوق بسعر 390 فلس ...

    المكتب ياخذ عمولته على طول ويحسب عليك السهم بقيمه تقريبا 400 فلس او بالضبط 3985...تدفع للمكتب 7.530 الف دينار كدفع اولى شامله العموله وهي 500 دينار وعندك 3 شهور قيمه العقد ...وطبعا اذا زادت الاسهم تزيد العموله ...

    الحين انت تقدر تبيع بأي وقت ومتى تشاء قبل ان ينتهي العقد ال3 شهور او قبل ان يتفصخ عليك السهم اي يوصل لسعر 273 فلس ..؟؟

    أ- اذا وصل السهم بعد النزول الى سعر 273 عندك حل من اثنين اما ان تبيع بخساره كل الاسهم ال 60 الف سهم وتاخذ انت باقي فلوسك وتعطي المكتب فلوسه كامله على ال60 الف سهم وتخسر انت خساره تقريبا نص الدفعه الاولى ..

    ب- او انك تشتري الاسهم ال60 الف من المكتب والمبلغ المتبقي عشان تستملك كل هذه الكميه هو 16.380 الف دينار ...وطبعا المكتب مثل المنشار مو خسران لان اخذ ربحه من اول العقد وهي عمولته ال500 دينار وانت رجعت للمكتب فلوس الاسهم كامله ...؟؟

    الحين اذا مثلا وصل سعر السهم بعد فتره الى 500 فلس مثلا :

    400 فلس سعره عليك من المكتب... يعني اي مبلغ بعد هذا السعر كله لك ..؟؟

    من 400 فلس الى 500 فلس ربحك 100 فلس يعني ... 100 فلس * 60 الف سهم = 6 آلاف دينار ربحك طبعا غير فلوسك الى دفعتهم بالبدايه ...

    وبالنسبه لتحويل الفلوس اللي اعرفه انك لازم يكون عندك سيوله او تشتري الصبح بالآجل وتقدر تبيع اسهك اذا عندك بالسوق قبل ان يقفل السوق ..او تقدر اتدخل لهم فلوس عن طريق البنك للبورصه قبل نهايه التداول الصباحي ...؟ المهم لازم يكون عندك سيوله قبل ان يقفل التداول صباحا ..؟؟

    والله يرزقنا ويرزقكم يارب وبالتوفيق للكل واي معلومه ولا يهمك انا بالخدمه واللي اعرفه اقوله لك حاضرين وعيدكم مبارك.؟؟


    ملاحظه : تقدر تبيع نص الاسهم وتحتفظ بباقي الاسهم كيفك بس اهم شي تروح تاخذ رقم العقد عند مكتبك بعد الشراء بيوم وتلقاه بالتقرير اليومي او الاسبوعي ..؟؟ عشان تقول للدلال رقم العقد وتبيع الاسهم نصهم او كلهم او ربعهم كيفك على دفعات يعني ..؟؟؟

    والله المستعان..؟
     
  9. *بو عبدالله*

    *بو عبدالله* عضو محترف

    التسجيل:
    ‏2 يونيو 2005
    المشاركات:
    2,785
    عدد الإعجابات:
    2
    مشكوووووور بالغاااااالي جدا جدا على سعه صدرك


    والله يجزيك الخير ويوفقك ونشوف التجارية 600 ان شاء الله



    اخوك


    بو عبدالله
     
  10. ميثاق

    ميثاق موقوف

    التسجيل:
    ‏1 فبراير 2003
    المشاركات:
    595
    عدد الإعجابات:
    1
    انشاء الله نشوفها 1,000
    بس اشلون على الكمية 60000الف لازم او على كيفي اخذ الي ابي مثلا باخذ 30الف بس اقدر ولا لاء
     
  11. aldub2000

    aldub2000 عضو نشط

    التسجيل:
    ‏14 يوليو 2005
    المشاركات:
    1,566
    عدد الإعجابات:
    131
    للاسف تم توقيف السوق الآجل مؤقتا والسبب الهواش والنجره ..

    السلام عليكم .؟؟

    ولا يهمك يا رئيس رابطه التجاريه الاخ العزيز بوعبدالله وحاضرين لاي استفسار وسؤال وكل عام وانت وكل الاخوه بخير وصحه .؟؟ ونتمنى نشوف التجاريه على الاقل 500 فلس على آخر السنه يارب ..؟؟

    وبالنسبه لسؤال الاخ العزيز يوم كان فيه آجل ( تقدر تشتري على كيفك بس لك سقف اعلى مثلا التجاريه لا يتعدى شرائك 150 الف سهم عشان تعطي فرصه لغيرك يشتري لان في كميه من الفلوس عند المكتب )..؟؟

    بالتوفيق للكل وعيدكم مبارك ..؟؟؟

    والله المستعان.؟
     
  12. bo_ahamad

    bo_ahamad عضو نشط

    التسجيل:
    ‏28 سبتمبر 2005
    المشاركات:
    1,207
    عدد الإعجابات:
    1
    أقل شي تشتري 5 وحدات وأكثر شي ماتتجاوز 25 وحدة!

    مثلا: سهم سعرة 600 فلس أقل شي تشتري منة 25ألف سهم(يعني 5000+5000+5000+5000+5000=25000) وأكثر شي 125000ألف سهم

    وأذا في شي موواضح قولي أقدر أفيدك!