هل تعلم

الموضوع في 'السوق الكويتي للأوراق الماليه' بواسطة nfrs66, بتاريخ ‏3 نوفمبر 2005.

  1. nfrs66

    nfrs66 عضو نشط

    التسجيل:
    ‏4 أكتوبر 2005
    المشاركات:
    493
    عدد الإعجابات:
    18
    هل تعلم ؟؟؟؟

    إذا زاد الطلب عن العرض فإن السعر سيرتفع، وإن زاد العرض عن الطلب فإن السعر سينخفض.هذا السلوك يعتبر الأساس لكل التوقعات الاقتصادية والأساسية.

    .................................................
    وصول سعر السهم لنسبة الحد الاعلى ينبهنا بوجود مضاربه على السهم وهذا شي مشجع ويدل على ارتفاع في اليوم اللي بعده لكن يجب الحذر.
    لان اليوم اللي بعده عند افتتاح السوق قد يرتفع السهم ثم يعود السعر لمستواه الطبيعي وهذا الشي دايما يصير ..
    ..........................................................



    نصيحه ......... لا تشتري ابداً بسعر الافتتاح لان سعر السهم قد يكون مرتفع عند اغلاق اخر مره ويفتتح السوق لينزل سعر السهم ويخسرك ....
    .........................................................


    هناك بعض الشركات التي تحصل عليها مضاربه بشكل حاد حالياً بحيث يشتري الكثير من الناس في شركة معينه ويبدء السعر في الارتفاع بسرعه مخيفه وهذي مثل فقاعة الصابون في اكثر الاحيان بحيث يرتفع السهم الى اعلى مستويات ثم ينزل بعد ذلك فجاه ليرجع الى مستواه الاصلي فاذا واكبت احد فقاقيع الصابون هذي يجب عليك ان تبيع فور احساسك بانخفاض سعر السهم قبل انفجار فقاعة الصابون.
    .........................................................


    اذا لاحظت ان الطلب دائما يطغى على العرض اعرف انه فيه مضاربه وتوكل على الله واشتر بسعر العرض او اقتنص باقل منه اذا استطعت بفارق بسيط وعندها يبدأ السعر في الارتفاع ولازم تكون عيونك عليه حتى ما ينزل بصورة مفاجأه وارضى دائما بما في اليد ولا تقول بنفسك الحين يمكن ترتفع وهي بالاصل تنزل لانها احيانا تنزل وتنزل وتخسر وتقول الحين بعوض الخساره وترتفع وتنزل وتصير انت الضحيه.
    .........................................................

    لنفترض عندك 3000دينار وامامك شركتين احدهما ب 255 للسهم والاخرى ب 1100 للسهم فأي منهما تشتري؟؟؟
    اذا اشتريت في الشركه الاولى راح تعطيك 10الف سهم بينما الثانيه راح تعطيك 2500 سهم
    بعدها ارتفعوا الشركتين حد أعلى الاولى 25 فلس والثانيه 100 فلس
    الشركة الاولى راح تعطيك ربح 250 دينار
    و الشركة الثانيه راح تعطيك ربح 250 دينار
    ............................................................


    محد سأل نفسه وشلون تبدء المضاربه على السهم ؟؟؟؟؟؟؟؟؟؟؟؟؟؟؟؟؟؟؟؟
    احيانا بالصدفه ولكن احيانا ثانيه تكون مدبره ........
    مثلا .... مضارب مليونير او مجموعه من المضاربين بالاتفاق فيما بينهم يدخلون السوق ويشترون كل الكمية المعروضه ويشترون المضاربين كل كمية العرض فينتقل السعر للسعر اللي بعده
    وهكذا يستمر المضاربون فيرفعون السهم ويبدئون الناس في الشراء.
    عندها يتوقف المضاربون عن الشراء ويصيروا الناس يشترون فيرفعون السعر
    عندها يبدء المضاربون في بيع اسهمهم وغالبا ما تكون كثيره جداً فيبيعون بسعر الطلب حتي ينزل السهم وبعدها يبيعون للسعر اللي تحته وهم طبعا كسبانين
    ولما يشوفون الناس ان سعر السهم بدء ينزل يبدئون هم بعد في البيع ويستمر البيع حتى يرجع سعر السهم لمستواه الاصلي.
    فقاعة الصابون .
    ..............................................


    وصول سعر السهم لنسبة الحد الاعلى ينبهنا بوجود مضاربه على السهم وهذا شي مشجع ويدل على ارتفاع في اليوم اللي بعده لكن يجب الحذر.
    لان اليوم اللي بعده عند افتتاح السوق قد يرتفع السهم ثم يعود السعر لمستواه الطبيعي وهذا الشي دايما يصير ..
    .............................

    مقططفات منقوله للعلم
     
  2. بورصراتي

    بورصراتي عضو متميز

    التسجيل:
    ‏8 مارس 2005
    المشاركات:
    2,895
    عدد الإعجابات:
    0
    مكان الإقامة:
    الكـــ مشرف ــــويت
    اخوي من هالناحية مو شرط
     
  3. bo_ahamad

    bo_ahamad عضو نشط

    التسجيل:
    ‏28 سبتمبر 2005
    المشاركات:
    1,207
    عدد الإعجابات:
    1
    الله يعطيك ألف عافية وماقصرت!