ممكن انسان طيب يعطيني سهم يعوض خسارتي بالمجموعه

[ســـاااره]

ياريت اكو انسان قلبه طيب يعطيني سهم اعوض خسارتي في المجموعه الدوليه لااتي عزمت ابيعه اليوم الاثنين اول السوق
وشاكره

 

[بيل غيتس]

مالك الا المركز المالى

وانشاء الله تدعيلى بعدين

 

[ســـاااره]

واللي يعافيك بجم اشتريها وبجم ابيعها والمده واللي يسلم قلبك
وعلى فكره

يايني تلفون من واحده اتقول اشتري اسكان باجر اشرايك بس الله يخليك ما فيني شده للخساره كلش

 

[بيل غيتس]

الشراء بسعر من 670-690 والبيع اخر السنه ومتوقع شهر واحد 2006

فوق الدينار

راح يتحرك مع المخازن العموميه

اسكان ماعرف عنها شىء

 

[ســـاااره]

مشكور ويزاك الله خير

 

[LONG TERM]

ياريت اكو انسان قلبه طيب يعطيني سهم اعوض خسارتي في المجموعه الدوليه لااتي عزمت ابيعه اليوم الاثنين اول السوق
وشاكره

لا تبيعين وشتري اليوم او باجر بردي عليه السهم ممتاز ..........

العجله من الشيطان ( مافينا صبر للاسف )......... انسيه بس اسبوعين وتذكريني بالخير


للتذكير : المركز المالي واسكان اسهم غير شرعية

 

[See]

المجموعه الدوليه اعلن اليوم عن ارباحها الي من وجهت نظري فوق الممتازه
والسهم ماينباع كلش. وبتلقين فيه خير انشالله بس يبيله صبر شوي
وجهت نظر

 

[الكندري بورصه]

اسكـــــــــــــــــــــــان وايد زين

 

[pilot35]

المجموعه الدوليه مع اعلان ارباحها فوق الممتازه بسعرها الحالي ومثل ماقال اخوي الصبر اسبوعين وراح ترتفع المجموعه ان شاء الله

 

[خير الكلام]

السلام عليكم

وصينا على الوطنيه العقاريه بس راحت حد اقصى اليوم .
ووصينا على الصناعات الوطنيه من قبلها .
وكذلك وصينا على الكويتيه للاستثمار بس يبيلها صبر .
اما للمدى البعيد فعندك البحريه 1800 انشالله مع الخبر القنبله بعد سنه .
او الفنادق (خسرانه). واللي راح تكون بحدود 380 و 400 انشالله .
واخيرا نصيحه الابتعاد عن التوصيات الرنانه اللي ماتودي ولاتجيب وعلى فكره عربي قابضه انشالله قريبا 920 فلس .وخير الكلام ماقل ودل .

 

[rahaly]

من صجج تسالين احد يدليج على اسهم ربحانه ميه ميه؟؟!!!!

لو الربع يعرفون ما لقيتي احد في المنتدى ..
جان كل واحد عنده يخت وراسي في البورتو بانوس في اسبانيا :d


الصبر يا اختي الصبر

اذا ما بعتي المجموعة صبري علية ورجعي راس مالج ..
ولكل حادث حديث


واكبر غلطة تتنططين من سهم لسهم


تحياتي


رحالي

 

[ابن صفير]

السلام عليكم

لاتبيعين المجموعه الدوليه وراح تحصلين خير خلال 3 شهور
الخساره علي 10% منهاء والربح لي 10% منه
وراح تذكرين كلامي
والله كريم

 

[ابراهيم3]

ا لعقاريه

اليوم 315 العقاريه وشهر12 600 والعلم عند الله

 

[bo-5amis@]

اذا يعتي المجموعه انا انصح بمجمعات الاسواق واسالي بعدي لان وضعها طيب

زقلت قبل فتره ( يبيــــــــــــــــــــــــــله مجمعات الاسواق )

 

[مصادر]

ياريت اكو انسان قلبه طيب يعطيني سهم اعوض خسارتي في المجموعه الدوليه لااتي عزمت ابيعه اليوم الاثنين اول السوق
وشاكره

يا سبحان الله ما خسر من هالسهم الا الطماع بس ولا انطلق من 118 فلس الى 200 فلس وربح ناس ومن 200 فلس الى 300 فلس ربح ناس وناس ومن 350 فلس الى 520 فلس ربح نصف المتداولين في البورصه ومن 570 فلس الى 680 فلس ربح 70% من المتداولين ومن 700 فلس الى 1040 د ك فلس ربح 90% من المتداولين بالامانة الي خسر من هالسهم اعتبره يا طماع يا ماعنده درايه او هذا نصيبه .


السهم ممتاز ولكن ما يملى بني ادم عينه الا التراب !!

 

[مصادر]

اذا يعتي المجموعه انا انصح بمجمعات الاسواق واسالي بعدي لان وضعها طيب

زقلت قبل فتره ( يبيــــــــــــــــــــــــــله مجمعات الاسواق )

@@ اخ بوخميس انتي هنيه وتوصي بعد يبا لا توصي ما نبي ناس دش فيه اخاف تطلع مديرة محفظة ولا تقوم تضغط بهالسهم

 

[فؤاد]

ياريت اكو انسان قلبه طيب يعطيني سهم اعوض خسارتي في المجموعه الدوليه لااتي عزمت ابيعه اليوم الاثنين اول السوق
وشاكره

علمينا وش سويتي للفائدة............