يا جماعة .. شهالمواضيع !!

[Bo Tasneem]

يـــــــا جمــــــــاعـــــــــة .. شهـــــالــمــواضــيــــــــــع !!

السلام عليكم أولا وأخيرا اخواني الأحبة

يا جماعة الخير .. مواضيع مطروحة بمنتدانا المحبوب مالها داعي كلش .. اللي يقولي المباراة تأجلت .. والثاني يخبرنا عن موت (عزت الدوري) !! لاااااا وأحلاهم موضوع (الجواخير) !! . . . الله بالخير يا جماعة

المشرفين والمسئولين ماقصّروا .. اعيزوا وهم يقولون عن هالسالفة وهالمواضيع اللي مالها شغل باقتصادنا وبورصتنا .. وهم يشوفون من بعض الناس هالعناد .. يا أخي بتسولف بهالمواضيع روح الديوانية واطرح هالمواضيع .. حطولنا باب اشكبره بالمنتدى .. قول هالمواضيع الاجتماعية فيها على كيفك .. لاااا ومحسوبة لك كمشاركات اشتبي بعد !!

ان شاءالله تكون الصورة والرسالة واصلة للاخوان .. وحطوا في بالكم إن مشرفينّا نبي راحتهم .. واحنا بهالمواضيع انتعبهم .. الله يجزيهم عنّا كل خير .. وسامحونّا على هالموضوع .. وأرجو مسحه بعد ماتوصل الرسالة إن شاءالله


بوتسنيم​

 

[الفهلوي]

السلام عليكم أولا وأخيرا اخواني الأحبة

يا جماعة الخير .. مواضيع مطروحة بمنتدانا المحبوب مالها داعي كلش .. اللي يقولي المباراة تأجلت .. والثاني يخبرنا عن موت (عزت الدوري) !! لاااااا وأحلاهم موضوع (الجواخير) !! . . . الله بالخير يا جماعة

المشرفين والمسئولين ماقصّروا .. اعيزوا وهم يقولون عن هالسالفة وهالمواضيع اللي مالها شغل باقتصادنا وبورصتنا .. وهم يشوفون من بعض الناس هالعناد .. يا أخي بتسولف بهالمواضيع روح الديوانية واطرح هالمواضيع .. حطولنا باب اشكبره بالمنتدى .. قول هالمواضيع الاجتماعية فيها على كيفك .. لاااا ومحسوبة لك كمشاركات اشتبي بعد !!

ان شاءالله تكون الصورة والرسالة واصلة للاخوان .. وحطوا في بالكم إن مشرفينّا نبي راحتهم .. واحنا بهالمواضيع انتعبهم .. الله يجزيهم عنّا كل خير .. وسامحونّا على هالموضوع .. وأرجو مسحه بعد ماتوصل الرسالة إن شاءالله


بوتسنيم​

كلام جميل وتم تثبيته للفائدة


الله يعطيك العافية


الفهلوي

 

[Bo Tasneem]

تسلم أخوي الفهلوي

الله يجزيك خير إن شاءالله .. هذا واجب يجب تبيانه



بوتسنيم​

 

[عنيد]

الله يعطيك الصحة والعافية أخوي العزيز Bo Tasneem وكلامك عين العقل

ومنا الى المشرفين لوضع الحد لهذه الفوضى .​

 

[piccadilly]

والله يا اخوى كلامك كله عدل وعين الصواب .
اذا يبون الاخوان ملوت الجواخير عندهم جريدة الوسيط او جريدة 808080
ودنا الاخوان المراقبين يتابعون هذى المواضيع الى ما منها اى فايده . وشكر

 

[برق الشرق]

صح لسانك يا بو تسنيم!
ودي أضيف هناك تكرار في بعض الموضوعات ,فياليت المشرفين يضمون الموضوعات لبعضها البعض بدلا من التشتيت,مع الأسف أن هذا المفروض يكون من أولويات الأعضاء قبل الكتابة عبر التأكد من جدة الموضوع وأصالته,لكن الله يكون في عون المشرفين على كبح الفوضى غير المقصودة.

 

[مستثمروون]

صح كلامك يا بوتسنيم...
احنا بمواضيع البورصه وموخالصين من الخلافات ... التي توصل الى حدها (
اشلون بعد مواضيع اخرى مالها علاقة بالمنتدي ...
اخاف يدخلون الجماعة في مواضيع حساسة خارج نطاق البورصة او الاقتصاد..
الحمدلله الاخوة المشرفين مو مقصرين لكن نبي الحيطة والانتباه ..
ويعطيك العافية يا بوتنسيم على هالطرح للموضوع...

 

[سعود222]

كلامك عدل اخوي Bo Tasneem وكل موضوع له مكانه الخاص وهذا المكان مخصص للسوق الكويتي
الله يعطيك العافيه

 

[متداول كويتي]

موضوع جميل وكلام سليم في محله....

هذا المنتدي مخصص للبورصه الكويتيه وأي موضوع خارجها لا يستحب أبدا ولا ينبغي وضعه هنا فلكل مقام مقال ...

والسلام....

 

[saam]

المنتدى محتاج وعلى الفور لقسم

منتدى البيع والشراء

يكون فيه عرض وطلب لشراء اى شى غير الاسهم

المنتدى لم يعد كما كنا فى البداية المنتدى ,الاعضاء زاد عددهم

ويجب ان نتفاعل مع هذه الزيادة

وشكرا

 

[Q8_FAHAD]

مو شرط تدشون بموضوعهم

السلام عليكم ورحمة الله وبركاته

الى الاخوه الافاضل موضوع الجماعه عن الجواخير سويتوه انتو كارثه
شدعوه كل هذا ازعجكم اخواني ارجو ان تكونون منطقيين وديموقراطيين بنفس الوقت
الجماعه ماطقوكم على ايدينكم وقالولكم دشو لموضوعهم انتو الي فييكم فضول زياده عن اللازم اعتبروه من ضمن المواضيع وخلو غيركم يستفيد
ولا نعتبره هذا حسد؟
وهو انا متأكد انه حسد100% على فكره مالي ولاعلى بالموضوع حالي حالكم دشيت وقريت ماشفت احد خل بالادب او الاسلام .
ارجو من الاخوان الي خلو المنتدى كله وراحو يعقبون على موضوع الجواخير
يتحلون بالروح الرياضيه ولا يتشكون عند المشرفين ترا المشرفين فيهم مايكفيهم خلوهم يتفرغون لشغل اهم من هالاشياء

ولا تبون مثلهم؟

نصيحه اتركو الناس مالكم بالقيل والقال

 

[عنيد]

ارجو من الاخوان الي خلو المنتدى كله وراحو يعقبون على موضوع الجواخير
يتحلون بالروح الرياضيه ولا يتشكون عند المشرفين ترا المشرفين فيهم مايكفيهم خلوهم يتفرغون لشغل اهم من هالاشياء

كلام جميل وتم تثبيته للفائدة


الله يعطيك العافية


الفهلوي

اعتقد ان كلام اخونا العزيز المشرف الفهلوي واضح

انا متأكد انه حسد100% على فكره مالي ولاعلى بالموضوع حالي حالكم دشيت وقريت ماشفت احد خل بالادب او الاسلام .

الله يهداك أخوي Q8_FAHAD احنا القصد يكون المنتدى على مستوى عالي

من ناحية التنظيم ومن ناحية المواضيع اللي تطرح ما تصير فيه فوضى بغض النظر

عن موضوع الجواخير أو غيره , وبعدين أخوي صف النيه أي حسد اللي أنت تقوله

نحسدك على جاخور . والا نحسد الامارات على منتخب البرازيل

اللي اليوم راح يلعبون هناك .

يبى اذا أنت بتقول جذي باجر يطلع لنا واحد يقول شرايكم بالحراج عندي سياره

مستعمله مرسيدس موديل 2005 وناوي أبيعها جم سعرها .

ويصير المنتدى فوضى والا شرايك .​

 

[Q8_FAHAD]

الي العنيد

اخوي العنيد مشرفنا الفهلوي لما قال بثبته عن موضوع اخونا الي مو عاجبه موضوع الجواخير مو موضوع الجواخير نفسه

وانا اخوي العنيد مالي بموضوع الجواخير اى صله ولا املك جاخور ولاغيره
بس انا اقول خلو الناس على راحتها بدال لا نرد على الجواخير ندور موضوع مفيد نشارك فيه احسن

ومشكور اخوي العنيد على الرد

 

[عنيد]

اخوي العنيد مشرفنا الفهلوي لما قال بثبته عن موضوع اخونا الي مو عاجبه موضوع الجواخير مو موضوع الجواخير نفسه

صباح الخير أخوي Q8_FAHAD وبالنسبة للأقتباس أنا عارف ان أخوي المشرف الفهلوي كان مؤيد لوجهة نظر أخونا Bo Tasneem وكذلك الاخوان وانا من ظمنهم وهذا رد لك ان المشرفين أيضا مستائين من هالشي .

بس انا اقول خلو الناس على راحتها بدال لا نرد على الجواخير ندور موضوع مفيد نشارك فيه احسن

وبالنسبة لوجهة نظرك انا عن نفسي أقدرها وأكن لك كل تقدير واحترام .

وان اختلفت انا وبعض الاخوان معاك في هذه النقطة فبالأخير لازم تكون

مصلحة المنتدى فوق كل اعتبار . بعيده عن عواطفنا ومصالحنا .

ومشكور اخوي العنيد على الرد

العفو أخوي العزيز ولا شكر على واجب وانت أخ عزيز وغالي والله يرزقك

ويرزق جميع الأخوان .​

 

[Bo Tasneem]

اخوي العنيد مشرفنا الفهلوي لما قال بثبته عن موضوع اخونا الي مو عاجبه موضوع الجواخير مو موضوع الجواخير نفسه

وانا اخوي العنيد مالي بموضوع الجواخير اى صله ولا املك جاخور ولاغيره
بس انا اقول خلو الناس على راحتها بدال لا نرد على الجواخير ندور موضوع مفيد نشارك فيه احسن

ومشكور اخوي العنيد على الرد

ودّي أكتفي بما كتبته بأول الموضوع .. لكن أرى الإتهام وأسكت لأ !!

أخوي العزيز Q8_FAHAD .. هل كلامي يبيّن إن فيه كلمة حسد أو حتى تمويه !! اقرأ كلامي مره ثانية

الشغلة الثانية .. هل تعرف ليش بين الحين والآخر يتم تغيير السيرفر ؟ إن كنت لاتعرف أكمل القراءة ..

يتم تغيير السيرفر لزيادة حجم ذاكرة حفظ مواضيع المنتدى .. وأيضاً للتطوير (وهذا مالي شغل فيه) .. ركّز على النقطة الأولى وهي لزيادة حجم ذاكرة الحفظ !!

معلش اسمحلي .. بس لازم أتكلم بهالاسلوب

تمام .. ومن ضمن المواضيع اللي تحتاج زيادة حجم الذاكرة الموضوع الاستراتيجي الاقتصادي البحت (الجواخير وجم صار سعرها) !! الله وأكبر

طيّب آنا ماركزت على موضوع (الجواخير) بس .. أيضاً لمّحت على موضوع (إلغاء مباراة البرازيل) وأيضاً موضوع (موت عزت الدوري) .. اشمعنى انتقدت موضوع (الجواخير) !!

سبحانك يارب .. خيرٍ تفعل ، شرٍ تلقى .. أي موضوع فيه حق لازم يطلعلك أحد معارض ولا يسويلك سالفة !! الله يجزيك خير أخوي وماقصرت وأشكرك على نيتك الحلوه بأني (حاسد)


بوتسنيم​

 

[عبدالعزيز]

لتذكير بوجود قسم خاص في استراحه المنتدي
--------
يرجي من الاخوه الي عندهم مداخلات ومواضيع خارجه عن سوق الكويتي للاوراق الماليه ان لايكتبوها في هذا القسم المخصص لها .
اما اذا عندهم مواضيع اخري يوجد في المنتدي قسم استراحه المنتدي موجوده كتبو الي تبونه فيه لانكم بصراحه قاعدين تحطون مواضيع كثيره مالها علاقه في هذا القسم واحنا نبي اندور مواضيع خاصه في الاسهم نقعد اندورها بين الصفحات فايريت انكون منظمين في طرحنا المواضيع وان نضعها في المكان الصحيح.
لانه عن جد انزعجنا

 

[الفهلوي]

لتذكير بوجود قسم خاص في استراحه المنتدي
--------
يرجي من الاخوه الي عندهم مداخلات ومواضيع خارجه عن سوق الكويتي للاوراق الماليه ان لايكتبوها في هذا القسم المخصص لها .
اما اذا عندهم مواضيع اخري يوجد في المنتدي قسم استراحه المنتدي موجوده كتبو الي تبونه فيه لانكم بصراحه قاعدين تحطون مواضيع كثيره مالها علاقه في هذا القسم واحنا نبي اندور مواضيع خاصه في الاسهم نقعد اندورها بين الصفحات فايريت انكون منظمين في طرحنا المواضيع وان نضعها في المكان الصحيح.
لانه عن جد انزعجنا

رابط استراحة المنتدى


الفهلوي

 

[boali]

الصراحه كلامك عين الصواب
والمفروض من الاخوان المشرفين ألغاء اي موضوع خارج المنتدى
ومع ذلك تحذير العضو من وقف عضويته
وشكرا

 

[ابو الاثنين]

منتدى راقي

اول شي السلام عليكم ثاني شى انا مع الاخ ابوتسنيم اخي ابو تسنيم يطرح وجة نظرلمنتدا راقي يهتم فقط بالاسواق المالية فقط واظن هذا مافيها شي لان العالم جميعا يهتم لهذه الامور المالية والاقتصادية والقصد من هاذا الكلام هو الكسب في هذا المجال وبعدين اخوي فهد كويتي لازم نكون نظامين بعض الشي لمنع الفوضى ولا نكون مثل بعض النتديات وانا والله لااعرف ابو تسنيم ولااعرفك ولاكن هذه وجة نظرحبيت اقولها وارجو ان لحد يزعل مني وانشاء الله مافي حسد ولاحسود وشكرا لكم ولمراقبين هذا المنتدا الطيب على جهودهم الجبارة والسلام ختام بالمحبة والاحترام

 

[بوحسن]

مبروكين الشكل الجديد للمنتدى

برايي الي قبل كان احلى خصوصا مربع الاقتباس القبلي احلى


بس التغيير حلو بين فتره وفتره

رايي وكيفي

وبصراحه مرات في اخبار مهمه مثل موت الدوري او غيرها من الاخبار السياسة الي تبعث الاطمئنان على الوضع السياسي وبالتالي على الوضع الاقتصادي هذي خل تنقال