يوسف غضنفري قال:
هاهاهاها ضحكتني
العلة فينا يا الصبر .. ويا خوفك باجر يطلع تصريح وينسب العطل الى جهات اجنبية
شوف كلامك هذا دليل طيبتك
شلون ؟ انا اقولك
كلش كلش ادارة البورصه بتقول حاشنا عطل وصلحناه
متخيل اداره البورصه تناقش واحد مؤدب مثلك وشرواك بس نشبة توه طاق قرض بو خمسة الالف يقولهم
ليش وقف السستم ؟ وهم يجاوبونه :
سستم ووقف ..الادمي يوقف هالمره ما تبي سستم يوقف !
يعني اشتبون نسويلكم ؟ نحب ايدينكم ؟ خشومكم ؟ زين منا الي قاعدين نسوييلكم مللتونا اسئله مليقه وكافي وايد اشيا متحملينكم عشانها
كافي الاسهم الي قاعدين نشوفكم تشترونها وتقطونها بعد نص ساعه تقول جنك شاري كوبونات امسح واربح
وكافي الزحمة الي مسوينها بالصاله مع ان الابتوبات مقططه والشبك ابلاش
وكافي منا متحملينكم وانتو يايين من الشمس ايام الحر ومتقبلينكم ( فاهم اشقصدهم )
وكافي على زيادة هالزحمه والشركات والمحافظ والفلوس الي تدش لكم ولا احد سال فينا او زاد معاشنا
وكافي ان محد فينا يقدر يزرق من صالة التداول عشانكم وانتو كلكم مزرقين من دواماتكم قاعدين تتداولون اشكره وعيني عينك ومحسوبلك دوام بوزارتك
عاد الاخ رد عليهم وقال
اشدعوه دوامكم من الصبح ؟ يالله صارلكم 15 يوم دوامكم من ال 9 ليم 12 ونص ومحد طايق نفسه ولا قبل دوامكم كله كله 3 ساعات وصارلكم 15 سنه واحنا ساكتين
واشدعوه الاخبار الي احنا نتداول فيها الاسهم ماهي عندكم من يومين او 3 ودايما انتو الربحانين
واشدعوه ليم توقفون سهم عن التداول لخبر معين ما يكون عندكم منه خبر تبيعون وتربحون واحنا لنا الله وباجي المقسوم
واشدعوه انتو مو منتفعين من الزحمه وفاتحين مطعم ما ادري حق حساب منو
واشدعوه المصافط الي حاطينها بس لموظفينكم واحنا الي انتو فاتحيلنا الخدمه نصفط على بعد 5 كيلو ونطقها مشي ابهل الحر ومرات ركض ايام المطر عشان نوصل للبورصه ..ولا ماي سبيل ولا حتى راعي بررد سائل فينا
وترى بدونا ..جان انتو بدون وضايف ولا جان احد سال فيكم..
واشدعو انتو كلش بسالفة الاب توب يا اهل التطور ... انتو شركه كمبيوتر مثل الاوادم دافعليها الوف أألوف الدنانير كل يوم سستمها واقف ومضيعيين فلوس الناس علبالكم فلوسنا فلوس منيبولي
وعلى فكره الي صار بيني وبينكم بحطه بمنتدى اسهم ابرد حرتي فيكم ... لان الجرايد الحين كلهم ربعكم
يالله خلص دوامي باي
(
ولا تقول لحد. 
