اكلنا (منسف) ونسف جبدنا واكلنا ( مألوبه ) وقلبت جبدن

الموضوع في 'السوق الكويتي للأوراق الماليه' بواسطة mr3ashli-st, بتاريخ ‏14 نوفمبر 2005.

  1. mr3ashli-st

    mr3ashli-st عضو جديد

    التسجيل:
    ‏26 أكتوبر 2005
    المشاركات:
    380
    عدد الإعجابات:
    0
    سافرت العام مع واحد من الربع للاردن وزرنا الطلبه هناك او وصونا على مطعم شعبى ومدحوه لنا , رحنا للمطعم وطلبنا اكله شعبيه عندهم اسمها (منسف) بس الله يديم النعمه الاكل كان بارد ومو شهى , ردينا للشباب وقلنالهم انه المطعم مو مثل ما وصفتوه , قالولنه انتم اخطاتم الاختيار وان الطبق الى يشتهر فيه المطعم اسمه (مألوبه) رحنا للمطعم اليوم الثانى وطلبنا المألوبه ولكن للاسف كان الاكل مثل اليوم الاول, واحنا طالعين من المطعم قال رفيجي كلمه كل ما اذكرها اضحك
    (طلبنا منسف ونسف جبدنا طلبنا مألوبه وقلبت جبدنا) :)
    الضاهر حضى بالاسهم مثل حضى بالمطاعم شريت القيوين ونزلت على
    شريت لؤلؤه ويوم صاعده 5 ويوم نازله5 والتحاليل الفنيه اتأكد والتحاليل الاساسيه تأيد والتوصيات والاخبار ممتازه..وخوفى باشر لاصار التصحيح يصير عليهم بعد
    مادرى شسوى الضاهر فى مؤامره ضدى لكن شقول غير انى اكلت المنسف والمألوبه
     
  2. kuwait2world

    kuwait2world عضو جديد

    التسجيل:
    ‏2 يونيو 2005
    المشاركات:
    73
    عدد الإعجابات:
    0
    انت بعت ام القيوين ؟
     
  3. mr3ashli-st

    mr3ashli-st عضو جديد

    التسجيل:
    ‏26 أكتوبر 2005
    المشاركات:
    380
    عدد الإعجابات:
    0
    لا والله ما بعتها ويا انا يالمعلى
     
  4. بومشـــاري

    بومشـــاري عضو جديد

    التسجيل:
    ‏25 أكتوبر 2005
    المشاركات:
    212
    عدد الإعجابات:
    0
    مكان الإقامة:
    الكويـــــــــــــــت
    وانا اقوووول ليش لولوه نازله ههههههههههه
    اضاهر ماشالله امقبس عدل علي السهم

    يبه قوو قلبك وصل ركعتين استغفار وانشالله الله يوفقك .... ولاتبيع لولوه حته لو محتاج اتركه اخووي ليه 400 فلس وبيع
    واذا فيك شده تطمع انطره ليه 500 بداية السنه

    والله يعينك انشالله
     
  5. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    سلام عليكم
    اخوي mr3ashli-st
    انتى الدايم جذي تشتري ينزل السهم من صجك
    واذا بعت يصعد
    لان في واحد والله صج كل ما يشتري سهم ينزل وكل ما يبيعه يصعد بعدين
    صرنا ما انقوله اخبار كلش علشان لا ينزل السهم لما يشتريه
    واي سهم يدش فيه سيده نطلع منه
    من صج
    الله يوفقك
     
  6. اقتصادي 2005

    اقتصادي 2005 عضو جديد

    التسجيل:
    ‏19 سبتمبر 2005
    المشاركات:
    167
    عدد الإعجابات:
    0
    منسف و مألوبة!!

    الله يهاداك... جم مرة تطيح بمنسف و تاكل مألوبة بالسوق؟؟؟!!!
    ادرس السهم قبل ما تتخذ قرارك زيين. آآآه ولا؟؟!!! :d
     
  7. السهو

    السهو عضو نشط

    التسجيل:
    ‏11 نوفمبر 2005
    المشاركات:
    623
    عدد الإعجابات:
    0
    اطير عيون

    ما شاالله عليك العين بارده عليك والقلب داعيلك اخوي اسهمك عسل والله اعلم
    الله يوفقك فيهم
     
  8. kuwait2world

    kuwait2world عضو جديد

    التسجيل:
    ‏2 يونيو 2005
    المشاركات:
    73
    عدد الإعجابات:
    0
    اتقووول مابعت لليحين ؟؟

    تكفه واللي يعافيك بيع يمكن يرتفع :p
     
  9. علي بابا 71

    علي بابا 71 عضو جديد

    التسجيل:
    ‏6 نوفمبر 2005
    المشاركات:
    85
    عدد الإعجابات:
    0
    جت العروسة

    جت العروسة تفرح ما لأت لهاش مطرح
    المنحوس منحوس حتى لو علقوا على رأسه فانوووووووووووووس
    نقه نقه وطاح بال..................:eek:
    بس والله عندي لك خوووووووش شغله اتسويهه ويفتك منك النحس والله يكافينه شر النحس .
    سجل عندك : روح سوق الغنم وأخذلك خروووف (ذكر) وحط في بالك نيته حق الفقاره يعني يتوزع حق الفقارة وأقرأ عليه دعاء بنية صادقة لوجه الله بأن تفتك منك العين والحسد والله يكافيك شر الحسد والعين .
    وشوووووووووووووف الربح من كل مكان اييك , واذا فيه ساهم نازل دش عليه وشوف السهم اذا ما راح انزل من النزول الاولي هاهاههاهاهاهاههاها
    أتغشمر معاك , بس والله روح إذبح الذبيحة ووزعها حق الفقارة وانشاالله تحصل رزقك والرزق على رب العالمين .
    بس ها اذا ربحت لا تنسى اخوك الصغير هذا رقم الحساب (71)
    بالتوفييييييييييييييييييييييييييييييييييييييييييييييييييييييييييييييق
     
  10. mr3ashli-st

    mr3ashli-st عضو جديد

    التسجيل:
    ‏26 أكتوبر 2005
    المشاركات:
    380
    عدد الإعجابات:
    0
    :) :) :) انشالله مافى نحس انا حبيت اتغشمر معاكم والخير وايد
    بس والله باطين شابدى لولوه والقيوين
     
  11. برق الشرق

    برق الشرق عضو جديد

    التسجيل:
    ‏13 أغسطس 2005
    المشاركات:
    1,018
    عدد الإعجابات:
    0
    مكان الإقامة:
    في ظل غيمة!

    الله يهديك!
    عطه أول عنوان المغارة حتي توصلك اللحيمات لعند الباب!!:d :d
     
  12. الفارس_Q8

    الفارس_Q8 عضو جديد

    التسجيل:
    ‏17 يونيو 2005
    المشاركات:
    185
    عدد الإعجابات:
    0
    ياخوي عرفنا على رفيجك علشان لباع نتشترى السهم:D
     
  13. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    اي والله توه بايع العقارات المتحده يوم الثلاثه او الاثنين
    ومن باعها واهيا صاعده اي والله
    وتوه بايع ام القيوين والله مع المال العقاريه اعتقد ياي الدور لهم بالصعود انشاء الله
    بس اقول مو تشتري وبعدين ما يصعدون تراني مالي شغل
    اقول شوفهم وبعدين والله بس يشتري شي راح اقول وراح اتشوف السهم شراح يصير فيه يتبهذل السهم لما صاحبنا يبيع السهم راح يصعد
    والله يستر عليني اي والله
     
  14. التحليل الفني

    التحليل الفني عضو نشط

    التسجيل:
    ‏12 أكتوبر 2005
    المشاركات:
    889
    عدد الإعجابات:
    0
    تبي اقولك اصج سوقنا ماينفع فيه لاتحليل فني ولاتحليل الله كرم القاري سوقنا يبي فلووووووووووس
     
  15. thunder

    thunder عضو جديد

    التسجيل:
    ‏22 يونيو 2005
    المشاركات:
    280
    عدد الإعجابات:
    0
    تشأن زين

    بومشاري يقول صل ركعتين وانت تقول له اذبح ذبيحة-علي فكرة ماكو خروف نثية،النثية اسمها نعجة مو خروف-الصلاة زينة والصدقة هم زينة ،بس ما يشتغلون مع الاسهم ،والا تشان كلنا صلينا وذبحنا وربحنا الملايين.مو تشدي ؟
     
  16. صقرالبحر

    صقرالبحر عضو نشط

    التسجيل:
    ‏23 سبتمبر 2005
    المشاركات:
    2,703
    عدد الإعجابات:
    4
    نصيحتي لك لاتعلم احد انك بالسوق ولا تعلم شنو شريت ولا شنو بعت ةاللي يسالك قوله انا خسرت وطلعت من السوق وفلست بعد لانه مشكلتنا مع العين والحسد ترا الكل غافل عن هالشغله وانا ماقلت هالكلام الا من تجربه واسال محسود ولا تسال بياع الغنم ... وبعدين الرجل ماقال خروف نثيه هههه .. قال ذكر يعني كلامه صح ... ليش ثندرت عليه ياثندر ؟
     
  17. السهو

    السهو عضو نشط

    التسجيل:
    ‏11 نوفمبر 2005
    المشاركات:
    623
    عدد الإعجابات:
    0
    صقر البحر

    كلامك عسل والله يحسدون الاعمى على وسع عينه :cool: