@@@ ديوانية المؤشرنت الاقتصادية @@@

[بترو جلف]

مع الاسف ...
ماكو اي مؤشرات ايجابية للسوق
والمشكلة ان السوق عشان يدخل في الايجابية راح يكلف صناع السوق وايد .... خل ياكلونها الحين
حسبي الله عليهم

 

[سرور]

جريدة الرؤية
هبوط معظم بورصات الخليج.. والمؤشر السعودي ينهي الأسبوع على ارتفاع
الجمعة, 25 أبريل/نيسان 2014

 

[رابح رابح]

مساكم الله بالخير

بوعادل لو تكرمت ممكن ابداء الراي في مشاركة تداول الخميس لسهم صينية
والمشاركة مفتوحة لجميع الاخوان مع الشكر

http://www.indexsignal.com/community/threads/282551/page-20

 

[Now]

بوعادل كلامك صح وقاعدين ندور في حلقة مفرغه hستنزاف لاموال وصحة وتفكير المساهمين بس المعلومه اللي ذكرتها وصدمتني ان:
(( و أحد مؤسسي الدوانية نزّل ايفا والديره حد ادنى ايام ولعبوا لعب بالناس جان ينزلون اعلان مضمونه (ماكو الا العافية) ))
وهذي مصيبه كبيرة اذا كان الطبيب ينقل العدوى
والموضوع الثاني اللي صج مخوفني وحضرتك ذكرته هو :
((تصحيح الاسواق العالمية المحتمل))
وهذا الاحتمال اذا تحقق سيكون مدمر نتيجة جرم كبير تم ارتكابه في حق المساهمين والشركات بكل مايعنيه الكلام
لان الكل مقتنع ان الانخفاض منظم والضغط على السوق مفتعل ونقل حل مشكلة السوق للغرفة والمجلس مشابة للجوء الى الجلاد هربا من الجلد

المشكلة واضحة ولاتحتاج عبقرية وهي ان السوق والمؤشر تحت سيطرتهم وهم من يملكون السيولة والتأثير على صناعة القرار الاقتصادي

والعملية مرتبطة بمصالح مالية يالسوق ومتى ما تطلبت مصالحهم رفع اسعار اسهمهم لجني الارباح بيرفعون السوق مو حبا بالمساهمين ولكن حبا في تحقيق الارباح
وحاليا العمليه متوقفه ولا اعلم السبب ولكن اتوقع انها مرتبطه بتوقيت محدد وتصفيات بالسوق والاستحواذ على الاسهم المرهونة بأقل الاسعار التي سيتم تسييلها بكميات كبيرة
واعتقد بعد ذلك سيكون هناك ارتفاع قياسي لان نسبة ملكياتهم ارتفعت وسترتب عليها تحقيق ارباح كبيرة .. استثمار يحقق ارباح خيالية لمن يبقى بالسوق بالمكان الصح
(( Dirty money ))

الى متى يا بوخالد .. الى متى !؟

كتبت قبل هالمرة في صفحة اخونا بواحمد البغدادي .. ان الغاء نظام الوحدات لم يكن لصالح صغار المستثمرين .. بل لصالحهم للتحكم بالمؤشر ونفسيات المتداولين بأقل التكاليف .. والى الان الناس مو راضية تتقبل هالفكرة .. ولي الحين الناس اذا شافت السوق احمر راحوا وباعوا اسهمهم حتى لو كانت زينة

على طاري تسييل اسهم مرهونة .. شفت الخبر اللي يقولك ان بنوك خليجية وافقت على شراء مديونيات بعض الشركات الكويتية .. هل راح يأثر بعمليات التسييل؟ ام هي نوع من انواع التصريف "الاحترافي" باسلوب يديد؟

 

[سرور]

مساكم الله بالخير
ياريت أحد من الأخوة يقول لنا أسماء شركات مجموعة الخرافي
الموجودة في البورصة ..
وذلك للأهمية .. وشكرا مقدما

 

[Now]

بوعادل لو تكرمت ممكن ابداء الراي في مشاركة تداول الخميس لسهم صينية
والمشاركة مفتوحة لجميع الاخوان مع الشكر

http://www.indexsignal.com/community/threads/282551/page-20

تامر امر .. بشكل عام الصينية سهم ليس للبيع بكل الاحوال حسب ميزانيته .. خلني ادرسه فنيا عدل واردلك خبر

 

[Now]

مساكم الله بالخير
ياريت أحد من الأخوة يقول لنا أسماء شركات مجموعة الخرافي
الموجودة في البورصة ..
وذلك للأهمية .. وشكرا مقدما

مساك الله بالنور

تبي الشركات كاملة والا بس ملكيات الخير الوطنية ؟

 

[Now]

متى جلسة البورصة بالمجلس يالربع

والله ما عندي فكرة .. لكن في كلام عن استعجال الجلسة

 

[رابح رابح]

الدكتور سليمان الشطي ضيف برنامج حديث الذكريات بتلفزيون الكويت
قال كلام محترم وقال ابي اطلب من كل مواطن طلب وهو :
أن ما وهبه الله لك من نعمة في هذا الوطن بفضله وكرمه يجب ان يقابلها شكر وطلبي هو ان كل شخص يجب ان يعمل من موقعه ويؤدي وظيفته باخلاص فقط

 

[Now]

كفو والله
هذا الكلام الي يجمد على الشارب
واترك عنك التحاليل والشارتات والمقاومات والفجوات
وما أدري شنو بعد
الي يبونه الكبار يسوونه ما يرجعون حق هالسوالف

هلا ببن جمعان

التحاليل والشارتات ما نقدر نخليها طال عمرك .. هي عيننا اللي نشوف فيها بالسوق

 

[سرور]

مساك الله بالنور

تبي الشركات كاملة والا بس ملكيات الخير الوطنية ؟

عطني ملكيات الخير اذا تكرمت

 

[Now]

عطني ملكيات الخير اذا تكرمت

تفضل

استثمارات
الساحل
المال
صناعات
انابيب
سفن
كابلات
سكب
بوبيان دق
زين
اسمنت خليج
قابضة مصرية كويتية
اغذية

 

[رابح رابح]

الى متى يا بوخالد .. الى متى !؟

كتبت قبل هالمرة في صفحة اخونا بواحمد البغدادي .. ان الغاء نظام الوحدات لم يكن لصالح صغار المستثمرين .. بل لصالحهم للتحكم بالمؤشر ونفسيات المتداولين بأقل التكاليف .. والى الان الناس مو راضية تتقبل هالفكرة .. ولي الحين الناس اذا شافت السوق احمر راحوا وباعوا اسهمهم حتى لو كانت زينة

على طاري تسييل اسهم مرهونة .. شفت الخبر اللي يقولك ان بنوك خليجية وافقت على شراء مديونيات بعض الشركات الكويتية .. هل راح يأثر بعمليات التسييل؟ ام هي نوع من انواع التصريف "الاحترافي" باسلوب يديد؟

قريت الخبر وضاق خلقي بتصير الاسهم بيد بنوك بره الكويت وممكن يسيلون اسهم جيده ويستحوذون عليها مستقبلا عند العجز عن السداد

والله بوعادل نظام التدول الجديد سئ وسلبي جدا على السوق والمساهمين انا انسان بسيط انتقدت نظام التداول الجديد اول ما بلش بقوه ..وللاسف اغلب المحللين دافعو عنه بشراسه وكان منهم الخبير الاقتصادي السعدون واغلب شركات الوساطه بسبب ازدواجية العموله التي ستصب لصالحهم

 

[رابح رابح]

تفضل

استثمارات
الساحل
المال
صناعات
انابيب
سفن
كابلات
سكب
بوبيان دق
زين
اسمنت خليج
قابضة مصرية كويتية
اغذية

قواك الله بوعادل وضيف لهم
الاولى للاستثمار - المغاربية - السورية - الصفاة - صافتك

 

[Now]

قواك الله بوعادل وضيف لهم
الاولى للاستثمار - المغاربية - السورية - الصفاة - صافتك

تسلم بوخالد

بس حبيت اوضح ان الشركات اللي ذكرتها ملكيات شركة الخير الوطنية فقط .. اما الاولى للاستثمار والمغاربية والسورية فهي ملكيات شركات الخرافي الاخرى

 

[سرور]

أ/ نواف العون @al3un
Follow
من الملاحظ عمليات الدخول على مجموعة الخرافي في اخر ساعة بالاضافة الى بورتلاند وحيات كوم هل هناك شيء يلوح في الافق !!

12:34 PM - 22 Apr 2014

 

[رابح رابح]

توني بايع ٢٥٠ الف استثمارات ب ١٥٨ صار لهم ست شهور نايمين من سعر ١٤٦ فلس ومابقى عندي الا ٥٠ مرمرنا هالسهم

خليتهم علشان ما انقهر اذا ارتفع

 

[Now]

استكمالا للحديث مع بوخالد في صفحة (الصينية)

شوف على سبيل المثال .. الصفقات اللي تمت على الوطني تمثل أمر واحد فقط .. يا بيع يا شرا

اللي بالمربع الاحمر .. تم شراء\بيع 123,578 سهم وطني دفعة واحدة .. وعدد اللي حاطين اوامرهم 6 .. شوف تشابه الوقت

 

[رابح رابح]

أ/ نواف العون @al3un
Follow
من الملاحظ عمليات الدخول على مجموعة الخرافي في اخر ساعة بالاضافة الى بورتلاند وحيات كوم هل هناك شيء يلوح في الافق !!

12:34 PM - 22 Apr 2014

خوش محلل اسمع له احيانا بالمؤشر الله يوفقه

 

[رابح رابح]

استكمالا للحديث مع بوخالد في صفحة (الصينية)

شوف على سبيل المثال .. الصفقات اللي تمت على الوطني تمثل أمر واحد فقط .. يا بيع يا شرا

اللي بالمربع الاحمر .. تم شراء\بيع 123,578 سهم وطني دفعة واحدة .. وعدد اللي حاطين اوامرهم 6 .. شوف تشابه الوقت

مشاهدة المرفق 224110

ماشاء الله ..لا اله الا الله عليك بوعادل سوبر ملاحظه هذي يبيلها عبقرية
بغير اسمك من الزعيم الى انشتاين المنتدى
الله يحفظك من شر كل حاسد ويزيدك علم

بوعدل تكفا شرايك بوضع ارزان مرمرنا صانع سوقه خايس بكل مايعنيه الكلام
وتعتقد ماله علاقة بشركة البورصة اليديده عندي فيه ٤٠٠ ومعاند ماني بايعهم اعرف البحر سهم فيه خير ينحش المساهمين منه وضغطه على السهم مو طبيعي اكثر من اللازم