باااااااااااعوها بخرده لوووول

الموضوع في 'السوق الكويتي للأوراق الماليه' بواسطة البواردي, بتاريخ ‏16 نوفمبر 2005.

  1. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    السلام عليكم
    هذا ما نشرته القبس اليوم 16-11-2005

    إلى وجهاتها الخمس في المنطقة
    طيران الـجزيرة تسيّر رحلات بـ 5 دنانير.. فقط


    أعلنت شركة طيران الجزيرة وأول شركة طيران تابعة للقطاع الخاص في الكويت والشرق الاوسط، بمناسبة تدشين مسيرتها، عن عرض خاص هو الاول من نوعه في الشرق الأوسط، تمنح زبائنها من خلاله حرية أكبر للسفر. حيث تقلهم الى اي من وجهاتها الخمس: دبي، بيروت، عمان، البحرين ودمشق، بخمسة دنانير فقط، وعلى متن طائراتها الجديدة ايرباص A320، المجهزة بمقاعد جلدية.

    وقال مروان مرزوق بودي رئيس مجلس الإدارة والرئيس التنفيذي لشركة طيران الجزيرة: «خصوصية هذا العرض نابعة من خصوصية المناسبة، ومجسدة لإيماننا بضرورة منح زبائننا حرية اكبر للسفر».

    وذكرت طيران الجزيرة ان هذا يسري لمدة ثلاثة أيام بدءاً من فجر اليوم (16 نوفمبر) وحتى منتصف ليل 18 نوفمبر، ويمكن للمسافر الحجز على اي من رحلات طيران الجزيرة ما بين 21 نوفمبر لغاية 13 ديسمبر، وهو يشمل رحلات الذهاب والإياب من وإلى الكويت.

    وكانت رحلات الجزيرة انطلقت في 30 اكتوبر الماضي، وقد وسعت اخيراً شبكتها لتشمل خمس وجهات في الشرق الاوسط مع تسلمها لطائرتها الجديدة الثانية ايرباص A320 يوم 9 نوفمبر، بعد ان كانت قد تسلمت طائرتها الأولى في 24 اكتوبر الماضي.

    وأكدت طيران الجزيرة حرصها على استثمار افضل الافكار والخبرات والتكنولوجيا الحديثة في تقديم خدمات طيران غير مسبوقة في كونها تقدم نمطاً جديداً يعتمد على التذكرة منخفضة التكلفة لتكون تلبية حقيقية لاحتياجات المجتمع واستثماراً نوعياً في تطبيقات التكنولوجيا ووسائل الاتصال لخدمة الضيوف المسافرين.
     
  2. بقايا-جروح

    بقايا-جروح عضو جديد

    التسجيل:
    ‏6 نوفمبر 2005
    المشاركات:
    83
    عدد الإعجابات:
    1
    5 دنانير هذا سعر الروحه بس وغير الظرائب يعني تطلع عليك التذكره تقريبا 13 رايح و13 جاي هم والله بلاش:)
     
  3. الفهلوي

    الفهلوي عضو مميز

    التسجيل:
    ‏22 سبتمبر 2003
    المشاركات:
    4,244
    عدد الإعجابات:
    11
    مكان الإقامة:
    في قلب أمي
    رايج جاي تطلع 32 دينار

    لأن هناك ضرائب على التذكرة ، ومع ذلك تعتبر ببلاش


    الفهلوي
     
  4. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    السلام عليكم
    الاخ بقايا جروح والاخ الفهلوي مشكورين على المرور
    لكن انتو ما تتوقعون ان هذا سيناريو عشان لمن يكون وقت الادراج بالبورصه تكون الشركه خسرانه ويلمون اسمها ويطيرون فيهم ؟؟
    ولا فعلاً هذي عروض خاصه جداً جداً جداً وممكن تحقيق ارباح ؟؟
    ولا عناد بالكويتيه ؟
    والله هالتجار مخوخهم ما شاء الله عليهم توزن بلاااااااااد
     
  5. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    لا عزيزى الوضع كالاتى .. الخطوط الكويتيه هى التى بدات بالحرب بواسطه الشيخ طلال لما حطو خصم 50% على الرحلات التى تذهب اليها الجزيره ولهدف تكسير عظام الجزيره والكويتيه بوقت واحد يعنى ضرب عصفورين بحجر حتى يتسنى للوطنيه للطيران شراء الكويتيه بابخس الاثمان وعلى امل تصفيه الجزيره او الحاقها باكبر خسائر حتى لا تتوسع .. مع العلم ان الكويتيه خسرت عقد الحركه الارضيه بقيمه 3 مليون والتى كانت الجزيره بصدد توقيعها مع الكويتيه... عالعموم هذه الحرب من صالح المواطنين وليس من صالح مساهمين الجزيره
     
  6. adsx

    adsx عضو نشط

    التسجيل:
    ‏27 نوفمبر 2004
    المشاركات:
    210
    عدد الإعجابات:
    1
    السلام عليكم

    انفهمت غلط sorry
     
  7. Foool & Lobster

    Foool & Lobster عضو نشط

    التسجيل:
    ‏15 أكتوبر 2005
    المشاركات:
    198
    عدد الإعجابات:
    0
    تجار بحق وحقيق... الله لا يحط مصيرك بيدهم

    والله ياخوي Investor كلامك في من المنطقية الشيئ الكثير, وخصوصا علاقة الكويتية مع الجزيرة.
    تشتغل الكويتية حرب اسعار لتكسيرها؟؟ مع ان الكويتية تمثل الطرف الحكومي ! والحكومه مع تنشيط القطاع الخاص!! يعني تضارب عجيب. والشغلة الادهى والامر, من الممكن ان نقول ان اللي حاصل لصالح المواطن اذا في تنافس عادل للاسعار مثل اللي بين الاتصالات المتنقلة والوطنية للاتصالات, لكن الكويتية شركة خسرانة وعلى وييها, وهالسنة بالذات كسرت الارقام القياسية بالخساير , يعني العاده 23-25 مليون دينار, هالسنة ولله الحمد 50 مليون وبكل فخر
    السؤال الحين للحكومة, شنو رايك؟؟
    انتي مع القطاع الخاص ولا علية, واذا انا مستثمر صجي مثل الجزيرة, شلون اامن على فلوسي واستثماري من هالسياسة العجيبة؟؟؟
    لكن مثل م يقولون might make sence
    يعني يكون كلام اخوي انفستر جدا معقول, انهم بيضربونهم ثنتينهم, للمولود القادم الجديد..الوطنية.
    وما ادراك ما الوطنية؟؟؟؟
    وعقب... قولو باي باي للاسعار الحالية وسياسة الاحتكار الجديدة...والغير حكومية وخصوصا بغياب تشريعات تحمي الناس من مثل ما يسمى بالاحتكار
    ودمتم
     
  8. pilot35

    pilot35 عضو نشط

    التسجيل:
    ‏10 يونيو 2005
    المشاركات:
    277
    عدد الإعجابات:
    0

    مااقول الا الله يهديك انت وربعك ويبعدك عن المشروب مع ربعك
     
  9. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    والله كلامكم كلكم صح ما عدا الاخ اللي قال المشروب طاح سعره
    :p
     
  10. بقايا-جروح

    بقايا-جروح عضو جديد

    التسجيل:
    ‏6 نوفمبر 2005
    المشاركات:
    83
    عدد الإعجابات:
    1
    لاوالله ياخوووي مو عناد ولاشي اعتقد من اهنيه يبدا التخطيط الاداري السليم واعتقد ادارة الشركة راح تنجح دام تفكر بهالطريقه اهيه بهالسعر خسرانه بجميع الرحلات اللي شملها العرض لاني الظرائب مو لهم وسعر 5 دنانير عالروحه و5 علي الجيه اعتقد مادفع الراكب حصته من بنزين الطياره فمابالك بالكابتن والطاقم والصيانه .............الخ .
    لكن اداره الشركة تبي تكسر حاجز الخوف ضد الباص الجوي او الناقل الجوي في وجود اشاعات تتكالم عن سوء التنظيم بالطياره وعدم وجود تامين و.. وو..الخ
    اعتقد ادارة الشركة راح تنجح بكل المقايس من ورااء هالحركه الذكية وراح تكسر حاجز الخووف من فكرة الباص الجوي واعتقدبهالاسلووب هالطيران(الجزيرة ) لوكتب له واستمر راح ياكل الجووو علي الكويتية في ظل الفساد الاداري الموجود بالخطوط الكويتية .
    مبروك لطيران الجزيرة هالاداره بصراحه مانقدر نقول الا برافووووووو جزيرة
     
  11. سامر

    سامر موقوف

    التسجيل:
    ‏7 مارس 2005
    المشاركات:
    596
    عدد الإعجابات:
    0

    الله يهديك مع ربعك ويثبتكم على طريق الصلاح والهداية
     
  12. Abdulazeez

    Abdulazeez عضو نشط

    التسجيل:
    ‏7 سبتمبر 2004
    المشاركات:
    5,644
    عدد الإعجابات:
    5
    مكان الإقامة:
    Kuwait
    الســـلام عليكم

    للتنويه للأخوان

    أول شيء سعر التذكره من أي جهه إلى الكويت هي ( 5 دنانيير فقط ) غير شـامله رسوم الجمارك

    يعني نويت أحجز بالنت حق واحد من الأصدقاء

    -----------------------------------------------------------------

    الرحله كالتالـي : كويت - دبي - كويت

    1) كويت - دبي
    سعر التذكره 26 دينار + 5 دنانيير جمارك

    2) دبي - كويت
    سعر التذكره 5 دنانير + 18 دينار الجمارك

    طلعت الحسبه 54 دينار رايح راد

    والله أعلم
     
  13. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    العرض مال 5 دنانير انتهى كان اخر فرصه للحجز يوم الجمعه الساعه 12 منتصف الليل وكانت التذكره صالحه لمنتصف شهر 12 تقريبا... اما اللى قاعد تشوفه بالنت فهى الاسعار العاديه .... وهم رخيصه
     
  14. السهو

    السهو عضو نشط

    التسجيل:
    ‏11 نوفمبر 2005
    المشاركات:
    623
    عدد الإعجابات:
    0
    المنافسه

    التنافس زين لكن نحتاج بعد شركتين ثلاث حتى تكون المنافسه على اصولها
    لكن الكويتيه بصراحه مظلومه مجبوره توظف الكويتيين ( هذا حق مو منه حتى لا تفهموني غلط ) وبرواتب ما شالله زينه - وعندها شلليه وفساد عجيب
    اسواء مظيفيين ومظيفات شفته في طياره هم في الكويتية
    ينافسون قطاع خاص يوظف عماله رخيصه ويستقطب الكفاءات فقط باسعار افضل من الكويتية ويقدر يوظف ويفنش بسهوله
    مادري يمكن اللي قاعد يصير يخلينا نتذكر انه كان فيه شركة طيران اسمها الكويتية بعد اعلان افلاسها
     
  15. بو زعلان

    بو زعلان عضو جديد

    التسجيل:
    ‏11 ديسمبر 2004
    المشاركات:
    223
    عدد الإعجابات:
    0
    مكان الإقامة:
    الكويت
    الموضوع عن شركات الطيران

    والأخ يقول أن كلامه يختلف عما فهمه البعض

    وليستمر النقاش حول الموضوع بعيدا عن الشخصنة

    :)