شركة مجموعة الراي الاعلامية

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
مساء الخير ......يسعدني أن أجاوب عن أي استفسار
يخص السوق السووده سوق الجت .. الملقب بسوق .. " ناسجت "
وكذلك أي استفسار عن الاكتتابات والاسهم الغير مدرجه
بوبيان الاسلامي \ الجزيره\الوقود\القرين\الشحن الجوي

وشكرا
 
التسجيل
20 أكتوبر 2004
المشاركات
1,242
مشكووووووووور

انا عندى اسهم مجموعه الجزيره الاعلاميه .... من الاكتتاب لى الحين ماسمعت لها حس ....
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
مساء الخير أخي الكريم

مساء الخير أخي الكريم
ارسطو الدروازه

أخوي .. أرسطو وين.......... والدروازه وين :) :) :)

الله يهداك ما في اي عامل مشترك بين الاثنين ...
على العموم حبيت أمزح معاك .. واهلا وسهلا :)

أسهم الجزيزه تفرق اشوي عن الوقود وبوبيان لانه الحكومه مو داشه فيها
وهذا جانب سلبي فقط من جهة الادراج فقط اقول بس السهم يشجع وفي كلام طيب عليه
ولان الحكومه مو داشه فيه يعني ماراح يكون له دعم وسند حق الادراج يعني
مثلا استثناءها من المده القانونية وهي ثلاث سنوات احتمال ضعيف
ويعتمد الموضوع على شطارة الملاك اذا حبو يضغطون على السوق بطريقتهم ..يمكن
يندرج ابجر
الشي الثاني المهم .. ان تاريخ اعتماد اول موازنه تاريخ مهم جدا
للسهم فبعد انتهاء من السنه الماليه الاولى تتضح امور كثيره ...
منها الدمج\ بيع الاسهم في سوق الموازي بشكل رسمي \ تعيين تاريخ الادراج بشكل اوضح

خلاصة الكلام لو تسال حتى المسؤولين في الجزيرة صدقني كل واحد راح يعطيك تاريخ
تقريبي مو أكيد بس لا باس يكون عندك تاريخ قريب .. عن يوم الادراج الفعلي

لاحظ دائما ان المؤسسين يهتمون بالدرجه الاولى عند تأسيس اي شركة .. يهتمون لامور ثانية
اهم من مسالة الادراج منه اعتماد الهيكل والبنية التحتية للشركة استقطاب الكفاءات
خطة العمل .. وهكذا ...

ارجو اني اكون قد لمحت لك بالجواب وما ابي اعطيك تاريخ معين وبالضبط
لانه كله يدخل في باب التخمينات ..

شكرا
 

bo jassem

عضو نشط
التسجيل
13 أبريل 2005
المشاركات
266
الإقامة
دولة الكويت الحبيبه
عساك على القوه حبيبنا,,,

عندي اسفتسار صغير و يا ليت تخدمني فيه,,,

انا شاري من واحد من ربعي أسهم بنك بوبيان و العموم قالو مافي تحويل,,,
السؤال : هل أخلي صاحبي يبيع و أرد أشتري الكميه نفسها أو أخليه يبيع لما يوصل السعر الي انا أبيه؟؟؟ أو اذا عندك راي ثاني انا أرحب و آخذ برايي اخواني بالمنتدى,,,
 

fullmoon

عضو نشط
التسجيل
1 سبتمبر 2004
المشاركات
68
الإقامة
kuwait
:D

ناسجت

ضحكتني الله يلعن ابليسك .... والله فرق ... بس صج خوش اسم

عالعموم مشكور على هالخدمة
 
التسجيل
20 أكتوبر 2004
المشاركات
1,242
مشكووور اخوى مكارم ....

وعلى العموم السهم بخليه حق الزكاه اخر السنه .. لانى توهقت فيه :d
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
اخوي الحبيب

اخوي الحبيب :)
fullmoon
اشلونك .. صج لقب يضحك .. بس لو كنت معاي وشفت اللي شفته طول هالسنين الماضية
من حركة وفوضه بسوق الجت .. تلقائي راح يخطر في بالك
الحركة والفوضى والربكة اللي تصير في الاسواق العالمية
وما شفت اي مسمى مناسب لسوق الجت مع احترام للجت
الا ناسداك
فخلطت بين المسميين

طلع

ناسجت .. :) :) :)
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
اخوي بو جاسم

اخوي بو جاسم ...وتحيه عطره لك ولجميع الحبايب في المنتدى ...

اذا كنت شاري من واحد ثقه مثل ما تقول .. وارجو انك تعي ما تقول.. يعني انشاء الله ثقة ثقة
وما يسقط عند الصجيه .... فلا تخاف من اي شي بس يبقى الخوف من شي واحد
وهو .. حكم السماء .. يعني لا يتوفى لا سمح الله وتدخل في قصه ثانية
مثل ما صار معاي توفى واحد من ربعي اللي انه ممكتب باسمه وعمره 35
والان تحولوا الاسهم الى شؤون القصر ... وماراح اخذ اسهمي الا لمن يبلغ الابن او البنت السن القانوني

بس انقول انشاء الله هذا احتمال بعيد ..

نرجع لموضوع التحويل

.. طبعا بعد اكتتاب بنك بوبيان صار فيه تاريخ فاصل بين الاكتتابات السبقة
واللاحقة منها بوبيان واللي بعدها .. تغيرت القوانين تغيير جذري ..
.. يعني بعد ما في غشمرة طبعا شفت البنوك اشلون مشدده وقت الاكتتابات

موضوع الدمع له 3 سيناريوهات

الاول ولحد الان ما في اي معلومه تبشر بالخير لانه الجماعه عندنا بالبورصه والمقاصة
شادين حيلهم في منع دمج المحفظة .. وهذا الشي ما راح يبين الا وقت التداول والادراج الرسمي
ولا احد يقولك انه في دمج محفظه .. كلامه قطعا .. فتوى بغير علم .. فقول انشاء الله
يسمحون بدمج المحافظ وراح يكون من السهل دمج الاسهم الى اسمك دون حظور الطرف الثاني
..

الثاني وهو الاسوأ سيناريو
انك تفتح حساب للتداول باسم الشخص بعد ما تدمج كل الاسهم باسمه وطبعا موضوع الدمج
هذي سالفه ثانيه ولانه مو في محور سؤالك على ما أظن
وبعدين تبيع باسم الشخص وتستلم الشيك
لاحظ اي سعر تبيع بالسوق بنفس الوقت لازم انت تشتريه ويسمونه هالطريقة
بايع شاري نفس المكتب وفيه تفاصيل اشوي طويله
ولاحظ انه راح يكون هناك اسهم كسور وسوق الكسر يختلف عن الرسمي
بس على كل حال راح تقدر تبيع وانت تشتري نفس الكمية حط في بالك جيد
انه لازم يكون عندك مبلغ شراء الاسهم واللي بعدين راح تسترجهم من البيعه
بس بالنهاية راح تخسرفقط العموله اللي عادة راح تكون بالدنانير
لا تنسى ان البايع راح يكون ارفيجك يعني الشيك راح يكون باسمه
ويكون للمستفيد الاول .. ولو شنو تسوي ماراح تشييل الكروس ..
يعني فقط يصرف الشيك باسم صاحبك والشيك ما يتجيررررررررررررررر ..
بس مثل ما قلت انه ثقه تروح معاه البنك ويسحب الفلوس باسمه ويعطيه اياهم
مهم جدا لمن تفتح حساب تداول .. تكتب اسم البنك المفضل لديك هو بنك اللي صاحبك
فاتح حساب فيه .. علشان تاخذ قيمة الشيك من البنك نفس اللحظة ..

وهنا ملاحظه مهمه جدا جدا للاخوة جميعا ... اللي شروا من الثقات
خلال هذه المراحل فتح الحساب \ بيع باسم الشخص \ واستلام الشيك بالنيابه عنه
لاسمح الله لا سمح االله رفيجك انقلب عليك ... :eek:
يقدر يبهدلك قانونيا ويبهدل الموظف اللي فتح الحساب واللي باع الاسهم
بس انشاء الله هالشي بعيد جدا .. واحنا بالكويت يعني احنا بخير

السيناريو الثالث
عمل وكاله رسميه بالتصرف بالاسهم عن طريق المحكمة وهذي فيه جزئيات
كثيرة والمهم ان صيغة التوكيل عندي ..
فيصير انك تسوي نفس خطوات السيناريو الثاني بس بشكل رسمي دون الخوف من الانقلابات
وبدون حضور الطرف الثاني ...

اذا بغيت تفاصيل بعد اكثر وادق .. انه حاضر لا تتردد
شكرا
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
يا بوجاسم

يا بعد جبدي يا بوجاسم
انشاء الله بوبيان ينزل بالسوق فوق 500 فلس
ذيك الساعه ولمن تبيع وتحصل فلوسك طالبها منك طلابه بسيطه

كنافة من الكنفاني ... " ست الكل " :)

مع التوصيل .. رجاءا :)

دمتم
 

azoz25

عضو نشط
التسجيل
26 فبراير 2004
المشاركات
669
الإقامة
الكويت
ابي اشتري سهم الامتياز وجم سعره اذا اممكن؟؟
 

Blue Chips

عضو نشط
التسجيل
7 يونيو 2005
المشاركات
453
الاخ العزيز makarem
كيف الحصول علي نسخه من صيغة الوكاله ؟
 

سوق التجار

مشرف قسم الناسجت
التسجيل
1 ديسمبر 2004
المشاركات
1,857
makarem قال:
مساء الخير ......يسعدني أن أجاوب عن أي استفسار
يخص السوق السووده سوق الجت .. الملقب بسوق .. " ناسجت "
وكذلك أي استفسار عن الاكتتابات والاسهم الغير مدرجه
بوبيان الاسلامي \ الجزيره\الوقود\القرين\الشحن الجوي

وشكرا

makarem

kam se3er alshahan algawi fi soog algat
 

bo jassem

عضو نشط
التسجيل
13 أبريل 2005
المشاركات
266
الإقامة
دولة الكويت الحبيبه
حبيبنا makarem,,,

بيتنا بكيفان و بينا وبين كنفاني الي بالجمعيه دقيقه مشي :) :)

انت تستاهل عشى و فوق هذا أشتري الكنافه الي تبيها و أكلها عندي بالدوانيه خل يتبارك بيتنا بوجودك,,,
والعين أوسع من البيت لك و لكل واحد بهذا المنتدى الطيب,,,
 

sa3eed

موقوف
التسجيل
6 يونيو 2005
المشاركات
203
اخي makarem
تستطيع اختصار كل هده المعمعة (بفتح حساب) مشترك بينك وبين البائع
بشركة الكويت و الشرق الاوسط.
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
اخوي سعيد يعطيك العافية

اخوي سعيد يعطيك العافية
ارجوك لاحظ اللي كتبته عن السيناريو الثاني .. قلت لك أنه الاسوأ
يعني نفترض انه ما في حساب مشترك ..وانه تعمدت أبين أسوأ الافتراضات
وبعدين مو الكل راح يوافق يفتح حساب مشترك معاك .. هناك محاذير طبعا بالموضوع
بالنسبة للبايع ..اقول ..لحظتها راح تنجبر انك تطلع الشيك على حسابه الخاص

وفي تنبيه وصلني من المشرف العام .. ان موضوع البيع والشراء غير قانوني
والظاهر انه ينغز لي لا اتكلم واشجع على البيع والشراء
أقول لك حق يا مشرف ..
بس آنه بينت الاحتمالات وردا على التساؤلات اولا وبعدين راح اغير كلمة بيع وشراء
وأحط جملة .. " وعد بالبيع " .. افتكر هذي الجملة راح تاخذ صفة قانونية

وسبق اني نوهت ايضا ان اي تداول \ بيع\شراء\تنازل\ رهن .. بهالاسهم باطل قانونيا وراجع الموضوع
في المنتدى ...

دمتم ..
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
اخوي

اخوي
never win
انشاء الله ارتبها معاك وهذا وعد
بس بين قوسين ..

الوكاله ماراح يكتبون فيها سند تخصيص لانه باطل قانونيا
ولازم ينكتب فيها أسهم .. وهذي مو أسهم

فقط مسألة أيام ويعتمدون البنك اول موازنه ذيك الساعه يحتمل اقول يحتمل .. ان السندات تتحول الى اسهم

دمتم
 

الناسجت

عضو نشط
التسجيل
8 يونيو 2005
المشاركات
2,162
الإقامة
هنااااك
أخوي اقتصادي 2005

أخوي اقتصادي 2005
عساك على القوه

السهم اللي ذكرته ماله أي سعر حاليا في الناسجت
والامر معزو لعدة عوامل منها
1- كثرة الاكتتابات المتتالية والتي ارهقت جيوب المستثمرين ولا تنسى ان السهم المذكور كان آخر اكتتاب
بعد اربع اكتتابات متتالية ...
2- عدم حسم موضوع الاسهم السابقة.. اهملت السهم الاخير.. بشكل أو بآخر
3- الحكومه لم تساهم بالشركة يعني من ناحية الادراج راح تطول اشوي
بس مو معناته انه راح يتاخر وايد
4- اللي اعرفه انه صار شراء غير قانوني على البطاقات بسعر 7 دنانير لاجل الدخول على السهم والاكتتاب فيه
بيع وشراء محدود جدا جدا اتذكر كان بو اسبوع عشرة ايام وهذا مؤشر على ان المستثمر الرغاب
قدر يكتتب بالحد الاعلى اساسا عن نفسه والمقربين .. فليش يروح يشتري اسهم بطريقة غير قانونية
وهو مكود اسهم ...

وهذا كله لا يعني ان السهم ضعيف .. بل اسمح لي اقولك .. سهم قوي ومحكور بين الملاك
واللي باسرع وقت راح يلمونه عند الادراج مما يعني صعود السهم صعود تجميعي

واذكرك في بوبيان للبتروكيماويات لمن نزل 400 فلس وطق 500 بعدين ريح

شكرا
 

ولدهم

عضو نشط
التسجيل
26 يوليو 2005
المشاركات
120
الاخ makarem :

يعطيك الف عافيه على مساعدتك لاخوانك وحبيت اسأل اذا عندك فكره عن موعد ادراج القرين للكيماويات فى البورصه , ومشكور مقدما
 

Blue Chips

عضو نشط
التسجيل
7 يونيو 2005
المشاركات
453
makarem قال:
اخوي
never win
انشاء الله ارتبها معاك وهذا وعد
بس بين قوسين ..

الوكاله ماراح يكتبون فيها سند تخصيص لانه باطل قانونيا
ولازم ينكتب فيها أسهم .. وهذي مو أسهم

فقط مسألة أيام ويعتمدون البنك اول موازنه ذيك الساعه يحتمل اقول يحتمل .. ان السندات تتحول الى اسهم

دمتم

شكرا واحسنت علي الرد الطيب يا طيب.
 
أعلى