سؤال لأهل الخبرة في بيع و شراء البيوت

busalih

عضو نشط
التسجيل
7 يناير 2009
المشاركات
116
السلام عليكم

أبي أستشيركم سواء من مجرب أو من أصحاب المكاتب ، ناوي أبيع بيتي و أشتري بيت في منطقة أخرى بسبب القرب للأهل بس خايف من هالعملية بسبب تذبذب أسعار العقار المفاجئ أحيانا في ديرتنا ، أبي أعرف منكم منو عنده خبرة في هالموضوع ، شلون أقلل من المخاطرة و ألقى بيت وأضمن سعره قبل لا أبيع بيتي؟ أنا عارف أن الإجراءات اتطول على ما أبيع بيتي (خصوصا إذا الشراي هم عنده قرض إسكاني) و أحصل فلوسه يمكن يروح علي البيت إللي باشتريه أو ترتفع الأسعار...و شلون أضمن إن بيتي ينباع بسعر السوق؟

أبي أي نصايح من إللي مجرب أو عنده خبرة في مثل هذي الصفقات بحيث تساعد في البيع و الشراء (مثلا أمور تعاقدية و العربون إلخ)

و أشكركم
 

المتفوق

عضو نشط
التسجيل
21 مايو 2007
المشاركات
340
السلام عليكم اخوي بوصالح شغلتك سهله جدا كل شي بالاتفاق تتفق مع الطرفين الاول الي بتبيعه بيتك ان عند التسجيل يعطيك العربون وبنفس العربون تعربن فيه على البيت اوالارض الي بتاخذها تشرط على الاول انه اذا هون اوصارتله اي مشكله يروح عليه العربون والي بتشتري منه العربون حلال عليه وبالطريقه هذي تضمن انك ماتخسر شي وبالنسبه حق الدلاله للمكتب الي بتشتري عن طريقه ماتدفع شي الا بعداتمام البيعه لكن دير بالك احد يقولك بيع وامسك الكاش لان ممكن ترخص البيوت لان هذي تعتبر مغامره خطره للغايه انا اعرف شخص توهق بهالسالفه ومن بعد ماكان يمتلك بيت وهو صغير بالسن صار مستاجر الحين وهو على ابواب الخمسين من عمره وساكن اجار من ٢٠٠٨للحين والكاش الي معاه طار نصه والقرار اول وتالي راجعلك
 

busalih

عضو نشط
التسجيل
7 يناير 2009
المشاركات
116
السلام عليكم اخوي بوصالح شغلتك سهله جدا كل شي بالاتفاق تتفق مع الطرفين الاول الي بتبيعه بيتك ان عند التسجيل يعطيك العربون وبنفس العربون تعربن فيه على البيت اوالارض الي بتاخذها تشرط على الاول انه اذا هون اوصارتله اي مشكله يروح عليه العربون والي بتشتري منه العربون حلال عليه وبالطريقه هذي تضمن انك ماتخسر شي وبالنسبه حق الدلاله للمكتب الي بتشتري عن طريقه ماتدفع شي الا بعداتمام البيعه لكن دير بالك احد يقولك بيع وامسك الكاش لان ممكن ترخص البيوت لان هذي تعتبر مغامره خطره للغايه انا اعرف شخص توهق بهالسالفه ومن بعد ماكان يمتلك بيت وهو صغير بالسن صار مستاجر الحين وهو على ابواب الخمسين من عمره وساكن اجار من ٢٠٠٨للحين والكاش الي معاه طار نصه والقرار اول وتالي راجعلك

مشكور يا المتفوق ...ردك فادني واجد...بس انت أعتقد قصدت أدير بالي من إني أبيع و استلم كاش و ممكن تغلى البيوت (مو ترخص)... خطأ مطبعي صح؟

و فكرة العربون ممتازة بس عندي للحين حيرة من موضوع المدة الزمنية ....أكيد الشراي ممكن راح يتأخر بسبب ظروفه كانهاء إجراءاته من بنك التسليف ، و أنا كذلك أكيد راح أتأخر على البياع بسبب انتظاري للشراي و أيضا إضطراري لتخليص معاملة التسليف! فشلون أحمي نفسي؟ مثلا أحط مدة العقد الأول (بيعة بيتي) أقصر من الثاني (شراء البيت الجديد) و أشرط بذهاب العربون في حالة التأخر؟ و كم المدة المناسبة و المتعارف عليها برأيك؟

و شي ثاني ......... العربون ما يحميني من هاذي الحالة مثلا: لنفرض سويت عقدين ، أولا حصلت عربون بمبلغ 10 آلاف عند توقيع البيعة على سعر 300 ألف ، وشرطت 4 أشهر كمدة حتى إتمام البيعة عند التسجيل العقاري ، و طبعا عربنت شراء البيت الجديد و حطيت مدة 6 أشهر مثلا لنفس السعر 300 ألف ، لنفرض البيعة الأولى تمت و حصلت المبلغ و لكن في غضون الأربعة أشهر ارتفع العقار و صار البيت إللي كان 300 ألف على 350 ألف (و الله مو مستبعدة في وضعنا مع أسعار البيوت كل شوي تطمر بجنون) ، أكيد البياع راح يفسخ العقد و راح ما يهمه العربون إللي رايح عليه لأنه يبي يستفيد من فرقية الأسعار المرتفعة....شنو نصيحتك في هذي المخاطرة؟ أزيد قيمة العربون ؟ أكيد في حد للعربون الناس ما تتقبل أكثر منه؟

و سامحني على الإطالة و مشكور على مشاركتك و جزاك الله ألف خير
 

busalih

عضو نشط
التسجيل
7 يناير 2009
المشاركات
116
نريد مزيد من الآراء في هذا الموضوع جزاكم الله خير!
 

maxmas

عضو نشط
التسجيل
4 يونيو 2014
المشاركات
11
السوق العقاري الحين مافي بيع وشرا بشكل المعرف

بعد مارفعوا التجار اسعار البيوت بشكل جنوني وغير معقول محد قادر يشتري

اللي صاير بالسوق الحين اسمه سوق العقار التبادلي بمعني اللي يملك عقار الحين اهو اللي يقدر يبيعه ويشتري بمكانه عقار بشرط

سرعة البيع والشراء خلال شهر واحد وبسرعه والا والا راحت عليك

وهذا خل الناس ماتبيع عقارها وتمسكه ويصير شح في العرض بالسوق وارتفاع الأسعار

النصيحه حاول تبدل ببيتك تدور اللي يبي منطقتك وانت تبي منطقته وشوف من يدفع الفرق
 

busalih

عضو نشط
التسجيل
7 يناير 2009
المشاركات
116
ما شاء الله 150 مشاهدة و مشاركتين فقط؟؟؟؟ وينكم يا أخوان نبي رايكم
 
أعلى