كيف تفكر المحافظ والصناديق بالسوق الكويتي ؟؟

الموضوع في 'السوق الكويتي للأوراق الماليه' بواسطة السوق الكويتي, بتاريخ ‏23 نوفمبر 2005.

  1. السوق الكويتي

    السوق الكويتي عضو جديد

    التسجيل:
    ‏12 أكتوبر 2005
    المشاركات:
    1,801
    عدد الإعجابات:
    0
    مكان الإقامة:
    الكويت
    ودي بس اسأل من حكم خبرتكم بالسووق ... كيف المحافظ تفكر وماهي خططها بالنسبة لتصريف الاسهم او تجميع الاسهم او الضغط ... الخ

    الفكرة من هالموضوع .. بأن نستفيد نحن من الاعيب المحافظ والصناديق خلال التداول .... ولست اتحدث هنا عن التحليل الفني او الاساسي للسهم ...

    انا اتحدث عن مايحدث خلال التداول .. وكيف تفهم تحركاتهم ... لأن البعض من المتداولين من يشوف واحد قط مليون سهم .. قط معاه حتى لو بخسارة !!

    اكيد الشباب اهني فاهمينهم عدل .. وعارفين كل الحركات .. بس يمكن احد يقدر يفيدنا او ينورنا على بعض الامور الخافية عنا .... على قولة واحد من الربع .. خطط بعض المحافض تذكرني بخطط كرة القدم !!!

    وايضا لاننسى بعض الحركات مثل ... حركة آخر صفقة !!! ... يحط كمية كبيرة .. ويسحبها واتصير انت بالويه مثل مايقولون ... او الضغط على السهم ....

    ولا اشرايكم؟
     
  2. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    السلام عليكم
    اخوي هذي يبيلها متابعه عدل ودرايه بالسوق واعتقد ان المحافظ يمشون على دعم ومقاومه بالاصح تلقاهم اغلب اللي ماسكين هالمحافظ محللين فنيين بس مو معانا اهني هههههههههههه

    المقصود انهم لابد انهم يعتمدون على التحاليل

    هذا بايجاز
     
  3. اقتصادي 2005

    اقتصادي 2005 عضو جديد

    التسجيل:
    ‏19 سبتمبر 2005
    المشاركات:
    167
    عدد الإعجابات:
    0
    سؤال...

    أخواني ممكن يكون سؤالي غريب لكن...

    شلون نقرأ سجل الأوامر خلال التداول؟؟؟

    يعني... كيف ممكن نقدر أن السهم احتمال صعوده أفضل من نزوله أو العكس؟؟؟

    :rolleyes:
     
  4. بسكوته

    بسكوته موقوف

    التسجيل:
    ‏24 يوليو 2005
    المشاركات:
    79
    عدد الإعجابات:
    0
    مكان الإقامة:
    Parabolic Sar
    تفكيرهم سهل جدا دراسه نفسيه المستثمرين وخصوصا الصغار المنهم واقصد الصغار بو مليون دينار او تحت هالرقم الاغلبيه منا يخاف على مبغله المستثمر فيه (راس المال) ودايما بالحسبان الخوف من الخساره او الانتظار طويل الامد خصوصا للمضاربين.. فالمحافظ يدركون نفسيه المستثمر الصغير تتم الاتفاقيه بينهم وبين بعض في مجلس خاص (ديوانيه) او شاليه او اتصال تلفوني بانهم راح يلعبون على سهم معين ويتم تجميعه بالنازل بطريقه كاتم الصوت لغايه ما تحين ساعه الصفر للانطلاقه ولما يصير لون السهم اخضر الناس تلتفت له وتركض وراه تصيده بالعالي ويصرفون عليهم من فوق(اتباع سياسه القطيع) واسفه على الكلمه بس هذي السياسه دارجه ولغايه ما يزهق المستمثر من الانتظار الطويل وعدم تحرك السهم مع ان عليه اخبار طيبه
    واللي ما لحق من التصرف او تم جزء معين يقوم البايع (المحفظه بعرض كميتها) وبنفس الوقت اهي الشاريه(تسترد السهم وتاخذه من الصغار) بهدف التجميع مره اخرى بالكويتي يهزون قلب المستمثرين الصغار علشان يقطون ويلمون خصوصا عل الاسهم الزينه ولما تتمكن المحفظه من اللعب باعصاب الناس وتلم اكبر عدد ممكن من الاسهم يرجع السهم بالانطلاقه مره ثانيه ويلفت انتباه الناس وتركض وراه .. واللعب مع الكبار سهل ممتنع ومن قناعتي الذاتيه في السوق الكويتي بالذات
    اما ان تكون مستثمر طويل الامد تشتري سهم استثماري وتخليه كوديعه بنكيه لكن في شركه قويه وتعطي ارباح طيبه
    او انك تضارب لو عشرين فلس باليوم وتطلع ولا تنطر عليه الا في حال التعليقه للسهم
    او انك تتحمل الخساره وتنطر سعر شرائك
    وفي اسهم بالسوق بخيله وحركتها اتييب لك الحارج مثل الانابيب والسفن والرابطه يا ثقل دمهم
    وفي اسهم مطيوره مو ذابته تطير فوق بدون تأسيس ولا تملي خانات (GAPS) مثل التخصيص والامتيازات والصناعات الوطنيه
    وفي اسهم راكده وثقه بس انطر عليها وتعطيك خير مثل المركز المالي واستثمارات وطنيه والمخازن
    وبالتالي اللي يعلب مع المحافظ لازم يكون مفتح عينه ويكون متفرغ تمااااااااما بس حق البورصه ولا يكون في حياته اي مشاغل ثانيه واحنا ماشاء الله دهر مشغولين بالنت وقراءه المتنديات الحلوه وتحليل الاسهم الصاعده والاسهم الشعبيه لكن لو يتم دراسه سهم دايخ وتحليله بحسب ملكياته وارباحه واصوله ومشاريعه صدقوني راح نجني من وراه خير
    في يوم كنا نضحك على رعد ونقول شنو عنده وشوفه عينكم
    والحين اتوقع النخيل السهم القادم بقوه عملاق
    السوق والايام يايه وتثبت لكم ... :)
     
  5. الناسجت

    الناسجت عضو نشط

    التسجيل:
    ‏8 يونيو 2005
    المشاركات:
    2,159
    عدد الإعجابات:
    12
    مكان الإقامة:
    هنااااك

    مساء الخير ...

    كلام سليم ....

    دمتم ..
     
  6. قربان

    قربان عضو جديد

    التسجيل:
    ‏23 يونيو 2005
    المشاركات:
    304
    عدد الإعجابات:
    0
    اخوي انصحك تدش دوره في التحليل الفني ...و اعتقد بعدها راح تعرف شلون يفكرون بنسبه 70% ا و اكثر ...

    هم يمشون علي التحليل الفني بنسبه كبيره ..ممكن يحاولون يلعبون شوي بشكل السهم بصعوده و نزوله علي فترات قصيره و لاكن في النهايه لهم حدود صعب انهم يكسرونها ....و الي يجولك سوق الكويت ما يمشي علي التحليل الفني ...قولا دش دوره ممتازه و يعدها تعرف ماكو سهم عليه تداول بالعالم ما يمشي علي التحليل و لاكن كل سهم له خصائصه و هندسه خاصه من صانع السوق ممكن صعب علي المحللين المبتدئين (مثلي طبعا :) ) انا نفهمها و لاكن تاكد ان المحليلن المحترفين يصيدون حركه اسهم و توجهاته بنسبه كبيره اغلب الاحيان ....و يلعبون علي صانع السهم مو معاه ;)

    اذا كنت داش دوره اعتقد انك تعرف هالشي و اذا ما كنت داش انصحك من كل قلبي انك تدش لاني صراحه تحسفت علي كل يوم تداولت فيه و انا كنت اعمي

    جرب و بعدها بتسوي شذي :eek: :eek:
     
  7. السوق الكويتي

    السوق الكويتي عضو جديد

    التسجيل:
    ‏12 أكتوبر 2005
    المشاركات:
    1,801
    عدد الإعجابات:
    0
    مكان الإقامة:
    الكويت
    أخووي الظاهر فهمت كلامي غلط ... انا كنت اسأل شنو اساليبهم بوقت التداول مثلا ...

    اعطيك مثال .. وهالشيء مايبين بالتحليل الفني ...

    محفظة تبي تشتري اسهم .. بس المعروض قليل .. فتقووم وتعرض ثاني يووم كميات كبيرة علشان اتخوف الصغار .. ويبيعوون .. بس اشلون ؟؟

    تعرض كمية كبيرة على سعر معين ... بعدين تلقى الناس تعرض معاهم او سعر اقل ... مره وحده اتشووف المحفظة اسحبت الكمية من المعرووض .. وتلقى اللي صار ان المعرووض كله من الصغار .. وتقووم واتشيل المعروض !!

    اشلون اتعرف ؟؟ لو اتشووف معروض 2,500,000 سهم .. وعددهم 17 شخص ... مره وحده لقيت هالرقم قل صار 15 .. والمعروض صار 500,000 سهم !!!!
    دشت المحفظة وخذت ال500,000 عالماشي ....

    اكو اساليب كثيره .. وحبيت اشووف الشباب شنو عندهم سوالف مثلا .. لاحظوها بالسوق ...
    واشلون اتعرف تحركاتهم ...

    انا اتكلم عن وقت التداول بس ...
     
  8. قربان

    قربان عضو جديد

    التسجيل:
    ‏23 يونيو 2005
    المشاركات:
    304
    عدد الإعجابات:
    0
    الظاهر اني فهمتك غلط ...ماعليه اخوي بس حبيت اساعد بمعلومه اعتقدت راح تفيدك ...

    الله يوفجك

    اخوك بوادم
     
  9. sprite

    sprite عضو مميز

    التسجيل:
    ‏22 يوليو 2005
    المشاركات:
    3,436
    عدد الإعجابات:
    171
    سوابق

    - أذكر عندما أعلنت شركة المشاريع القابضه عن إعلان الأرباح و البالغ 18% نقدي وهو توزيع جيد جدا تراجع السهم بشكل متعمد في نفس يوم الاعلان .. ما جعل صغار المستثمرين يعتقدون أن التوزيع غير جيد فهموا بالبيع .. و ما هي إلا أيام قليله حتى شق السهم طريقه للأعلى مطلوبا بالحد الأعلى لمدة 3 أيام متواصله .

    - و نفس الشئ حدث مع سهم بيان للإستثمار لحظة فوز المخازن بالعقد الملياري الأول إذ تعلقلت بالحد الأعلى كل أسهم المجموعه , لكن في اليوم الثاني تراجع سهم بيان بالحد الأدنى لتجميع أكبر قدر ممكن ليأخذ باليوم الثالث طريقه نحو 750 فلس من غير توقف مرتفا بنسبة 70% و بعدها إلى الدينار و نصف .
     
  10. بو بندر

    بو بندر عضو نشط

    التسجيل:
    ‏15 سبتمبر 2005
    المشاركات:
    1,002
    عدد الإعجابات:
    50
    مكان الإقامة:
    متداول الاوسط سابقا

    حبيبي السوق الكويتي

    هذا او من خبرتي المتواضعه انه السهم تحت الضغط للتجميع ايعرض لك علشان اتقطله علي الطلب ليما ايشوف المعروض غير كميته مغري يسحب الكميه او ياخذ المعروض او انه ايقط علي الطلب كله وبعدين ايشيله ليما يجمع الكميه الي يبيها

    او في هذي الحاله ما تقدر اتصيده الا لما اتكون امتابع السهم من اول السوق علشان اتعرف عرض الكميات كل امر او جم العرض او حجم العرض علي العدد والكميه المعروضه

    اما بالنسبه السلوك المحافظ بالسوق اودراستها صعب يا اخوي لانه كل محفضه عن محفضه تختلف الاداره مثلا

    في محافظ استثمارها قصير اوهذي يكفيها وحدتين او ثلاثه وتقط السهم

    في محافظ مستثمره او تكون داعمه للسهم وتكون حاطه سعر لبيع السهم مع المضاربه عليه ابنفس الوقت لكن الكميات ما تطلع الا بسعر البيعه لسعر السهم المراد


    ارجو انها اوصلت
     
  11. خير الكلام

    خير الكلام عضو جديد

    التسجيل:
    ‏9 سبتمبر 2004
    المشاركات:
    1,030
    عدد الإعجابات:
    1
    السلام عليكم

    هناك انواع مما يسمى بمحغظه محفظه استثماريه بحته على سبيل المثال محغظه اشترت الصناعات الوطنيه ب600 فلس وباعت ب1720 (ربح جيد).
    اما بخصوص اساليبهم فيجب ان تكون المحفظه تابعه لثقل اقتصادي قوي كي تنجح اساليبها اما الاساليب هي ان تقوم ببيع كميات هائله من سهم معين لنفسها وبالنازل وياويل اي محغظه اخرى تقوم بالتجميع (كما حصل مع الصناعات الوطنيه ),
    الكثير من صغار المستثمرين لايشترون بالنازل سهم ممتاز الا القله القليله .وارجو التنبيه لامر مهم ان هناك شركات تقوم بعمل محافظ لتجميع اسهمها وبطرق ملتويه حيث ان القانون لايسمح للشركه بشراء اسهمها الا بترخيص (هذا امر دولي),
    اعتقد اني لم اكن دقيق لان السالفه يبيلها كتاب مو مجرد اسطر .
    المهم اكثر شئ يغيظ المحافظ هو المستثمر الذي يحتفظ باسهمه مهما كانت الظروف على سبيل المثال شخص اشترى الصناعات الوطنيه وهو يعلم ان سعرها العادل 1200 ولذلك يستعملون معه الضغط والكثير من المستثمرين ينهارون ويبيعون عند اي ارتفاع الا القليل كما هو الحاصل الان بالظبط مع الكويتيه للاستثمار محافظ تقوم بشراء السهم على سعر 750 فلس لعلمها الشديد ان هذا السهم له مستقبل باهر .
    وهناك مجموعه من الافراد يشكلون محفظه للمضاربه فقط ويقومون ببث الاشاعات والكذب كي ينخدع المساكين ولذلك ان رايت صغار المستثمرين تجد غالبيتهم خسرانين او بربح قليل .
    ولذلك احذر من هؤلاء المخادعون الذين لا ذمه لهم ولا ضمير .
    اما بخصوص ان صغار المستثمرين ينقادون كالقطيع فهذا ظلم شديد لان اغلبهم نيتهم صادقه ويحسبون الناس مثلهم .
     
  12. سهم استثماري

    سهم استثماري عضو جديد

    التسجيل:
    ‏13 نوفمبر 2005
    المشاركات:
    1,070
    عدد الإعجابات:
    0
    فعلا أنت خير الكلام ... جزاك الله خير لتنبيه اخوانك