اقتراح منو يوافقني عليه ... انشاء ( ديوانية بورصة الكويت ) !!

[السوق الكويتي]

والله مع احترامي للجميع.....أعتقد مالكم الا ديوان المؤشرنت...هو كافي و مشاء الله يستوعب كثير من المهتمين بشؤن البورصة و الأسهم...مواضيع متنوعة و مفيدة...وكثير من الأعضاء صار بينهم علاقة محبة و أخوة من خلال المنتدى.....مو كافي الدواوين المعتاد زيارتها؟...... على الأقل الانسان يريح من البورصة و اهمومها و تروح أماكن تاخذ فيها قصط من الراحة الذهنية للتجديد تكسر الروتين.....كافي الساعات الي نقعد فيها أمام شاشةالكبيوتر بالساعات يوميا...الصبح أثناء التداول ...بعد التداول ....بعد الغدا ....بعد اصلاة العشاء.... قبل لا تروح تقضيلك كم شغله....قبل النوم....و انت مسافر....ولا بعد صار عندنا سيييرا كارد...ويين ما نروح الا اللابتب معانا...وهم دوانية حق المتداوليييييين !!!!!! ....

ترى يا الربع الحياة مو بس بورصة.....

بو عبد المحسن

كلام واقعي ..

 

[ابوعمر العتيبي]

شكلنا بالاخير بنصفي على مخيم بالصبية (عاد عندي لكم خوش فيضة هناك ولا يمه مضراب سيل بو مناور شكلك بتطيحله شوي ومع دلة قهوة شقرا ومهيلة وغوري جاي زنغييليل الشاعة 11 بتصير 4 الفجر)


بس على فكرة هل يوجد جمعية صغار المستثمرين بالبورصة؟؟ليش ما نأسس وحده

ترى مايبيله الا العزيمة والصملة وتقديم طلب للحكومة والهدف ارشاد ومساعدة صغار المستثمرين الكويتيين لتشجيع وتوسيع قطاع المستثمرين من الشعب باكبر قدر ممكن وهذا افتكر له اثر اكثر من جيد على اقتصاد البلد وحركة الاموال .................والله اعلم

ودمتم

 

[ابوعمر العتيبي]

اممممممممممممممممم

عليكم بالعافية

ما كو الا احنا نسوي ديوانية بورصوية للسيدات

يالله لكم خيمتين تفتحونهن على بعض بطرف المخيم الجاي والقهوة علينا بس الله يعينكم على طبخ القوازي (الوقت شتا واحتمال كبير يصير صيد فالله يعينكم على طبخ القطا وحمام البر والدحاريج)

ولو تكملونها وتتبرقعون كملت مسلسل بدوي :وضحة والشيخ ابن عجلان.كوم

 

[شيكاغو]

جنك تقط نقزه علي وضع مايك ولا ترى الفكره طيبه

 

[بوراشد جروب]

الفكرة والله ممتازة . بــــــــــــس.

هل تعتقدون أنه راح يتم السماح لنا نحن صغار المستثمرين ومتوسطيهم هل تعتقدون أنهم (كبار المستثمرين) سيسمحون لنا بعمل مثل هذه التجمعات ، التي تهدد طمعهم المالي.

راح يهجمون علينا بكل السبل لتدمير مثل هذا المشروع الذي يمثل خطر عليهم...

راح يصدرون قانون بمنع التجمع لأكثر من 30 شخص يتكلمون عن البورصة خارج قاعه التداول الرسمية...

وراح يخلونا بدون مأوى او طعام مثل مايقولون....

إشلون .........

انا أقولكم إشلون

ماكو دعم مادي(قرض) علشان تبني الديوانية
ماكو مني ورايح إسميت (اسمنت) علشان نبني أساسات الديوانية
ماكو شبابيك وحديد
ماكو تأمين على الديوانية علشان يخر المطر فوق راسنا وتطيح الطوفة ونموت كلنا.
ماكو لحم وسمج علشان العشا والغدا
ماكو مشاريع حيوية صوب الديوانية علشان تصير قديمة ومأحد يمرها.
ماكو طابوق وخرسانة
ماكو خط تيلفون ولا وايرلس علشان نشبك ونشوف أخبار السوق.
ماكو وماكو وماكو...................إلخ

ماراح يخلونا بحالنا.....

 

[درب العصامى]

الاخ ابو عمر ..

سؤالك حلو ..ليش ما ننشىء جمعية الدفاع عن صغار المتداولين والمستثمرين بالبورصة ..؟

وعلشان احنا اصحاب الفكرة .. راح ننشىء الجمعية ..

بس انا راح اكون رئيسها وانت لك ان تكون - امين السر - وراعى النصيفة سالم ؟ و نوزع الحصة ..

يعنى راح يطلعلك كم بيزة حلوة ..

يعنى بس الاعضاء فى مجلس الامة هم المستفيدين من الاحتكارات( بدعوى انهم اصحاب الفكرة ) مثل ما حدث فى "المدينة الاعلامية " ..مثل " مانى ذاكر الاسامى علشان مايزعل البعض " ..وعطوها لشركة المال للاستثمار ..

وانا عندى افكار اخرى : المدينة الرياضية ..المدينة الطبية ..المدينة السياحية ..المدينة الاقتصادية - ..واعرضها على الحكومة و ادخل فيها كم مستفيد- متنفذ- وتمشى السالفة ..

وشرط انى اكون رئيسها - او - قرقش مخباتك و.....؟؟

 

[ابوعمر العتيبي]

شيكاغو

والله فكرة مايك مبرقع.....ذكرني اكلم مصنعنا باليابان يصممون براقع هالنمونه

بوراشد

ياخي والله العظيم انت متشائم وخليتني اتشائم مثلك كلامك صحيح ذبحونا هالهوامير

نفتح بنشر..........................يفتحون شركات اطارات حرش ولنق ويكثرون فروعها ولا عليها سحب (تخيل تاير وعليه سحب سيارة!!!)

نفتح بقالة .......................يفتحون مراكز تسوق وسوبر ماركات ماتعرف من وين تدشه وتطلع منه ولا السنيكر عليه سحب!!

نبعد عنهم ونحط بقالة متنقلة بالبر موسميه.................يحرشون عليك الحوكمة وتنسحب وتتقلص التراخيص

لابصراحة وضع ماينسكت عليه ........ذكرني اكلم وكيل اعمالي بسنغافورة يكلم لنا الكونغرس الكولومبي يكلمون لنا القصر الرئاسي ببنغلاديش يشوفون لنا صرفة مع هالهوامير اللي معاهم بس جم مليار !!

درب العصامى

والله انك خطير ومحكحك انا اقولك خذ حصة بكبرها وعطني بس عباءتها...انا راضي بهالحسبة

 

[مضارب 2]

كلام حلووووووو

وبانتظار المزيد من الاراء .......

وبالنسبة للاخوات البورصجيات ليش لا نأسس لهم ديوانية بورصة الكويت يستاهلون اخواتنا ....

 

[كرباج]

نتشرف
ومعاكم على بركة الله

 

[ماكوشغل]

هل تعتقدون أنه راح يتم السماح لنا نحن صغار المستثمرين ومتوسطيهم هل تعتقدون أنهم (كبار المستثمرين) سيسمحون لنا بعمل مثل هذه التجمعات ، التي تهدد طمعهم المالي.

راح يهجمون علينا بكل السبل لتدمير مثل هذا المشروع الذي يمثل خطر عليهم...

راح يصدرون قانون بمنع التجمع لأكثر من 30 شخص يتكلمون عن البورصة خارج قاعه التداول الرسمية...

وراح يخلونا بدون مأوى او طعام مثل مايقولون....

إشلون .........

انا أقولكم إشلون

ماكو دعم مادي(قرض) علشان تبني الديوانية
ماكو مني ورايح إسميت (اسمنت) علشان نبني أساسات الديوانية
ماكو شبابيك وحديد
ماكو تأمين على الديوانية علشان يخر المطر فوق راسنا وتطيح الطوفة ونموت كلنا.
ماكو لحم وسمج علشان العشا والغدا
ماكو مشاريع حيوية صوب الديوانية علشان تصير قديمة ومأحد يمرها.
ماكو طابوق وخرسانة
ماكو خط تيلفون ولا وايرلس علشان نشبك ونشوف أخبار السوق.
ماكو وماكو وماكو...................إلخ

ماراح يخلونا بحالنا.....

وما بقى تقول الا ماكوشغل

 

[garmin]

تصبحون على خير

بما إنه فكرة الديوانيه ماراح تضبط ففكرت إني انام فيها
عن إذنكم
أتمنا لكم أحلام قرانديه وبتروقلفيه ومجموعيه
تصبحون على خير
اخوكم
بوفواز

 

[ولد ابوه]

الفكره جيده

لكن تطبيقها صعب ؟

انا اقترح للاخوان اللي ودهم بالدوانيه هاذي
يخلونها بالاسبوع يوم او يومين بالكثير عشان ماتكون كلافه علي راعي الدوانيه
وتكون بوقت مناسب مو تالي الليل لان في ناس وراهم دوامات او عيالهم
مدراس,,,,

مثلا من بعد صلاة المغرب لغاية بعد صلاة العشاء بنصف ساعه فقط

جذي تكون السالفه تكون خفيفه علي راعي الدوانيه وعلي روادها
وبالجدول هذا ماعتقد راح يغيب من الاعضاء عن الدوانيه
لان وقتها راح رسمي وخفيف عليهم وبعيد عن الاحراجات

مجرد وجهة نظر منطقيه
سلام

 

[feb2005]

شلون طريقة هالديوانيه
عشان اعرف فيها اختلاط هههههه راح ينسون بورصه هههههه بس قولي لان الى الحين خسرانه

 

[feb2005]

بشنو حلمت
يمكن تتحقق احلامك واحلامنا مره وحده

 

[جرير]

يالله شبااب بعد انا ويااكم <<< شفيه غرااس هههههههههههه

بس جنه موضوعكم صارله شهر

شكلكم بلشتم بنياان

حااضر شبااااب اثاث الديوانيه على حساابي
بسوي لكم طلبيه من رومااا يمدحون الزل فيهاا

 

[nasy]

راي حلو بس يمكن تستغل للاخبار الغير صحيحه وينشأ فيها خلافات ومشاكل قاعدين نلاحظها خصوصا بالمنتدي وتحميل كل طرف الاخر بانه هو السبب بالخساره ( فكره حلوه ولكن راح ينتج عنها مشاكل اشوفها بالمنتديات )

 

[saud koc]

ممتاز

والله الفكره ممتازه ، س طولتو تبون الكلام المظبوط المفرووظ راعي الفكره يصمل ويقووول الوعد يوم الفلاني والساعه كذا ليه الساعه كذا ، مو كل شوي نشوف رد من واحد والباجي يعلقون ، بس تدروون صج يمكن تصير مشاكل ، ليش لأ، علي العموم توكلو علي الله ونا بعد وياكم .
شرايكم نسميها دوانية (بوحضين)

 

[بورصراتي]

سلام عليكم
شباب اذا فية عشاء انا راح اكون اول الحضور

 

[garmin]

بما إنه فكرة الديوانيه ماراح تضبط ففكرت إني انام فيها
عن إذنكم
أتمنا لكم أحلام قرانديه وبتروقلفيه ومجموعيه
تصبحون على خير
اخوكم
بوفواز

يقولون الكويت بتصير كلها قطارات سيارات ممنوع
وبتروقلف بتوزع هدايا لكل مواطن كويتي برميل نفط ( بترول ) يعني مع بطاقة التموين بس من غير مقابل
قراند يقولك راح تبني الكويت كلها طبقات ..يعني بيتك فوق بيت جارك
والمجموعه الدوليه راح تسوي نوط بو ألف راح توزعه على أهل الديره او ل طبعه راح تكون مجانيه
يعني نفطك في مخباتك بيتك تحت عينك ونوطك بو الف تحت أباطك
يعني الحياة غير يعني العذال راح يزيدون ويموتون قهر لا حرام يموتون قهر

خل بس يشوفون التوقيع والله يعينهم

أخوكم
بوفواز

ماكو شغل

تصبحون على خير

 

[thunder]

مبروكين

فكرة عملية جيدة جدا،وكل واحد يدفع خمسة دنانير شهريا مصرف الشاي والقهوة،وتبدامن بعد صلاة المغرب حتي بعد منصف الليل ،وموشرط الكل يتواجد طوال الوقت،كل حسب ظروفه،ومو بالضرورة يلتزم راعي الدوانية بالحضور المستمر،يمكن ينوب عنه احد اخوانه او ولده او يختارله نائب يثق فيه لما ماتسمح ظروفه بالتواجد..وهكذا سوف تنجح الدوانية...لكن من يعلق الجرس ؟؟يعني من يبدأ؟؟؟اسف..لوعندي دوانية كبيرة كان دعيتكم من باتشر اتشرفوني