ما بين الخوف والطمع تضيع فلوسك وانت تشوف

[Hussain A]

اذا بعت شفت السهم صعد ..
واذا شريت شفتة طاح ..
التحليل احيان كثيرة لا يتماشى مع سوق الكويت

احيان كثيرة هالحركة تخلينا نعتقد ان الموضوع (استهداف) .. مشكلة يعاني منها المضاربين الي ماله خبره بالتحاليل والشارتات الا على قده (نفسي) ... يسمع كلام اشخاص قد يكون تحليلهم صحيح ولكن لا ينفع لك .. كلمة (خروج) ياما اعفستنا ودشينا بسهم
اردى وخسائرة أكثر .. لذلك اعتقد ان موضوع المضاربة اذا مو فاهم فيها اشبه بالقمار ..
حتى الإستثمار بالاسهم القيادية تاخذة بسعر فوق ويطيح بجبدك .. والتوزيعات تعتبر خردة بالنسبة للمبلغ المستثمر و سعر السهم بعد فترة .

احد اسباب نزول السوق برايي المتواضع .. هو الغاء نظام الواحدات .. فصار بو 200 دينار شغال بيع وشرا .. وينزل ويشدخ بهالسوق
لانهم مو واحد ولا اثنين .. وملاحظين نهاية التداولات اليومية حركات لتغيير الاغلاق .

لكل تلك الأسباب اصبحت البورصة طاردة للمستثمرين .. تلاعب بلا رقابة .. خسائر بلا عوائد .. شلون تبونه يرتفع ؟؟

 

[متفائل على طول]

الله كريم وما بعد الضيق الا الفرج ان شاء الله

 

[سرور]

التاريخ يعيد نفسه
اذا زاد التذمر والتحلطم .. أعرف انه وقت الشراء
الحين أكثر من موضوع ومقال في المنتدى
فيه تذمر وخوف من المجهول القادم
لكن أحب اطمنك راح الكثير وباقي القليل
والصعود قادم باذن الله .

 

[لاعب بورصة]

السلام علبكم

اخوي حسين السبب ليس بالوحدات بل السيولة الداخلة والخارجة والتداول اليومي والحجمي

اذا كان هناك سيولة او احجام تداول على أسعار معينة سوف تختفي او بالأحرى تقل سالفة او سهم و 10

وهو نظام متبع ومفتوح للعالم منذ زمن ممكن لأننا متاخرين نضع اللوم على هذه النقطه

عموما السوق الكويتي بالنسبة للخليجي بالأسعار تعتبر مغرية جدا

اذا ليش السوق طايح حظه ؟

1 لايوجد دعم حكومي
والامثلة كثيرة منها قطر و الامارات والسعودية وامريكا نفسها ذات الطنطنه السوق يدعم نفسه وهي تدعم شركاتها وادخلت
استثمارات دول الخليج عنوه في شركاتها دي أمريكا لا تنهار وتروح سنداتنا واستثماراتنا

2 لايوجد دعم شركات ومحافظ
لانهم يقولون يا معود خلني اسوي مديونتي واسدد اقساطي واضبط سيولة واصفي بعض الاستثمارات
وهمن اكروت أي سرقات وارصدة زائدة او احولها لشركات او ادخلها باستثمار فاشل حتى أبدأ من جديد
بدون محاسبة ابيض ماشي كدا ازيك انته ( تخفيض او زيادة براسمال وهكذا )
بعدين متلاحقين السوق شنو بيطير وهم اللي يعرفون قبلكم وثاني شي تعال انت وياه سوق وسوق بالعربي نملك فوق 30 % الى 90 % من اسهمنا

3عدم فتح السوق للمستثمر الأجنبي وهذا اهم عامل من 1 و 2 لانه يحفظ السرية في التعامل بيعا وشراء ليس كما الحاصل منذ زمن
ودخول وخروج السيولة الساخنه بقوة ونسب تملك تسد التداول واحجامه وتعوض النقص المفتعل وتجعل : 4 فئات تتصارع
افراد أجانب وافراد محليين
ومحافظ أجانب ومحلية

4 تعديل قوانين هيئة سوق المال كاملة لتتناسب للدخول في الأسواق قبل الناشئة والناشئة أيضا وليس على هواء شيخ وتاجر ويقول كش ياهووو من سيأتي عندك اذا ؟؟؟؟ ويخاطر

 

[يوسف_007]

التاريخ يعيد نفسه
اذا زاد التذمر والتحلطم .. أعرف انه وقت الشراء
الحين أكثر من موضوع ومقال في المنتدى
فيه تذمر وخوف من المجهول القادم
لكن أحب اطمنك راح الكثير وباقي القليل
والصعود قادم باذن الله .

والله ان اللي قال

اسأل مجرب ولا تسال خبير

انه صاج

على راسي والله ياسرور

انت ورابح رابح بو خالد ووهم
عندكم خبره والله انكم استثمار لنا
الله يرزقكم ويحفظكم

 

[ولد السرة]

التاريخ يعيد نفسه
اذا زاد التذمر والتحلطم .. أعرف انه وقت الشراء
الحين أكثر من موضوع ومقال في المنتدى
فيه تذمر وخوف من المجهول القادم
لكن أحب اطمنك راح الكثير وباقي القليل
والصعود قادم باذن الله .

وين الصعود كل يوم نقول باجر لو ابيع وأسافر واي أبرك من هالسوق

 

[Hussain A]

وين الصعود كل يوم نقول باجر لو ابيع وأسافر واي أبرك من هالسوق

تدري جم مره ابيع اسهمي كلهم وابعد جم يوم وارجع اشوف الاسعار صارت مغريه وادش الشداخه مره ثانيه ..
الله كريم .. في ظل الاوضاع الحالية اتمنى حدوث بعض التعديلات التي تدعم الأقتصاد والمواطنين .

 

[AL.MOUSAWI]

متى ما رايت ان البنك الوطني قد تعافى من عملية( الاغتيال ) التي تعرض لها

وعاد الى اسعاره السابقة فوق مستوى الدينار..في ذلك الوقت تاكد ان السوق

قد خرج من العناية المركزة الى ردهة المستشفى او الجناح....

هذي هي زبدة الحجي.....