استراحة الوهم ..

[longinvestor]

اه يا زمن .. ناس تحجي بالملايين والحبيب مستانس مطلع ثمانين دينار .. نعمة كريم يالله ..

اكيد قصدك عن المناقصات و العقود و العمولات

 

[الراقي]

يقولي واحد من شوي .. اليوم طلعت من السوق 80 دينار .. قتله تصدق انت شاطر ..

هذا افضل من الخسران وافضل من المتفرج اللي لاخسران ولا ربحان

 

[waham]

اكيد قصدك عن المناقصات و العقود و العمولات

صدقت ياخوي ..
غيره وغيره ايضا .. الف الحمد لله والشكر على الصحه والعافيه .

 

[waham]

هذا افضل من الخسران وافضل من المتفرج اللي لاخسران ولا ربحان

هههههه بالضبط ..

 

[رابح رابح]

فأنى تطيب لنا ذي الحياة .. وفينا ضعيف الجناح انكسر
وطفل فقير طواه الأسى .. ينام وفي مقلتيه الضــجر

 

[رابح رابح]

بالفيديو والصور «خلوها_تخيس»
تدخل يومها الرابع بنجاح
وأسواق السمك.. «خالية»
- جريدة الرأي العام
عفيه

http://alrayalaam.com/30741/

 

[رابح رابح]

اه يا زمن .. ناس تحجي بالملايين والحبيب مستانس مطلع ثمانين دينار .. نعمة كريم يالله ..

 

[رابح رابح]

اه يا زمن .. ناس تحجي بالملايين والحبيب مستانس مطلع ثمانين دينار .. نعمة كريم يالله ..

عن التاجر ...
ألا واهني الـي رصيـده ملاييـن ... وامضاه فـي راس القلـم يقبلونـه

وبواخره تمشـي بكـل البلاديـن ... مصادره من كـل شكـلٍ نمونـه

وعنده عيالٍ صالحيـن ورشيديـن ... لا غـاب والدهـم هـم يمثلونـه

وديوانه اكبـر مابنـى بالدواويـن ... مفتوحٍ واجـواد العـرب يدلونـه

فيه الخـدم متكامليـن ومطيعيـن ... من جـاء لهالديـوان بيباشرونـه

هذي الحياة الي لها النـاس شفقيـن ... من غر منها يـا حيـاة المهونـه


عن الفقير ...
اشوى من الي ياخذ الديـن بالديـن ... وطّلابتـه راس الشهـر يبلشونـه

ومع الفقر عنده بـزور ونساويـن ... يبـون حاجتهـم ولا يعـذرونـه

يقضي معاشه مامضى الشهر يومين ... الفقـر شيبّـه وشيـب عيـونـه

عايش ولكن عيشة الفقـر مسكيـن ... كنّه مصخن وهو مابـه صخونـه

يا اللــــه ياقابـل صـلاة المصليـن ... انـك تقـوم بعوننـا ثـم عونـه

المرحوم
الشاعر سليمان الهويدي غفر الله له

 

[بو راشد القرش]

السلام عليكم جميعا

يا شياب ويا متقاعدين

انتهم للحين بالسوق

 

[waham]

السلام عليكم جميعا

يا شياب ويا متقاعدين

انتهم للحين بالسوق

هههههه ذكرتني بواحد .. يقولي انت شتبي بالسوق بعد .. كل شوي عندك ومرتاح .. تبي الصج يا بوراشد .. ما عرفت ارد عليه غير اني قتله ادمان مو قادر اهد السوق ..

 

[waham]

عن التاجر ...
ألا واهني الـي رصيـده ملاييـن ... وامضاه فـي راس القلـم يقبلونـه

وبواخره تمشـي بكـل البلاديـن ... مصادره من كـل شكـلٍ نمونـه

وعنده عيالٍ صالحيـن ورشيديـن ... لا غـاب والدهـم هـم يمثلونـه

وديوانه اكبـر مابنـى بالدواويـن ... مفتوحٍ واجـواد العـرب يدلونـه

فيه الخـدم متكامليـن ومطيعيـن ... من جـاء لهالديـوان بيباشرونـه

هذي الحياة الي لها النـاس شفقيـن ... من غر منها يـا حيـاة المهونـه


عن الفقير ...
اشوى من الي ياخذ الديـن بالديـن ... وطّلابتـه راس الشهـر يبلشونـه

ومع الفقر عنده بـزور ونساويـن ... يبـون حاجتهـم ولا يعـذرونـه

يقضي معاشه مامضى الشهر يومين ... الفقـر شيبّـه وشيـب عيـونـه

عايش ولكن عيشة الفقـر مسكيـن ... كنّه مصخن وهو مابـه صخونـه

يا اللــــه ياقابـل صـلاة المصليـن ... انـك تقـوم بعوننـا ثـم عونـه

المرحوم
الشاعر سليمان الهويدي غفر الله له

صح لسانك يا بوخالد ..

 

[رابح رابح]

صح لسانك يا بوخالد ..

صح بدنك يابوعلي

 

[رابح رابح]

مؤشر السوق انتقل من ترند هابط
الى ترند خــــــــابط

 

[waham]

مؤشر السوق انتقل من ترند هابط
الى ترند خــــــــابط

ههههههه الحيشان من السوق ..

 

[waham]

باجر حداق ليل .. وين زين الواحد يحدق فيه .. اليوم واحد يقولي تبي سمجه مخلوطه روح الدوحه .

 

[بو*سليمان]

باجر حداق ليل .. وين زين الواحد يحدق فيه .. اليوم واحد يقولي تبي سمجه مخلوطه روح الدوحه .

جهز ربيانتك

وحيلك بعارض عوهة

الشماهي يناديك

 

[waham]

جهز ربيانتك

وحيلك بعارض عوهة

الشماهي يناديك

هلا بوسليمان .. من جم يوم الربع راحو ما توفقو .. يقول الاطيان مبين فيها بحر 35 .

 

[waham]

للتذكير ..
السوق لا يستمر في الصعود وكذلك ايضا لا يستمر في النزول .. فاغتنم الفرصه .

 

[بو*سليمان]

هلا بوسليمان .. من جم يوم الربع راحو ما توفقو .. يقول الاطيان مبين فيها بحر 35 .

الاطيان ما تخلا طول السنة

بس صيد ماياتها عاد

ونصيحة سماري

موفق خير يا رب

اخوك الصغير حداق غزر

 

[waham]

الاطيان ما تخلا طول السنة

بس صيد ماياتها عاد

موفق خير يا رب

اخوك الصغير حداق غزر

هههههههه اي تحب السمجه الملونه .. اتعب على البيضه هالايام ما تنوجد بسهوله .. اليوم الي يصيد سبيطي يقولوله صانع سوق ..