استراحة الوهم ..

[بو*سليمان]

هههههههه اي تحب السمجه الملونه .. اتعب على البيضه هالايام ما تنوجد بسهوله .. اليوم الي يصيد سبيطي يقولوله صانع سوق ..

ههههههه

اللي يصيده عليه بالعافية

انا عن نفسي ما اكلهم اصلا

ولا احب حداقهم

احب اترس السطحة بالالوان

وايدي اتشلخ

موفق يا بوعلي تستاهل كل خير

 

[waham]

ههههههه

اللي يصيده عليه بالعافية

انا عن نفسي ما اكلهم اصلا

ولا احب حداقهم

احب اترس السطحة بالالوان

وايدي اتشلخ

موفق يا بوعلي تستاهل كل خير

وياك يااااا رب ..

 

[waham]

لا عاد مصخت وبقولها اليوم .. وينك يا بوجعفر .. تبون السوق اخضرررر . بالتوفيق .

 

[رابح رابح]

ههههههه الحيشان من السوق ..

بوعلي الحيشان تهون
وانت الصاج سيفة كاظمة دلخة وطينة اذا وقفت فيها غطست بالطين

 

[رابح رابح]

باجر حداق ليل .. وين زين الواحد يحدق فيه .. اليوم واحد يقولي تبي سمجه مخلوطه روح الدوحه .

الحين بالدوحة ينزل السبيطي بالغزر
سكراب مينا الدوحه او الطبعانه اللي مقابل المينا

 

[رابح رابح]

الاطيان ما تخلا طول السنة

بس صيد ماياتها عاد

ونصيحة سماري

موفق خير يا رب

اخوك الصغير حداق غزر

اذا تبي مزيزي وسبيطي سماري بالطينه اللي بين راس الدوحة والمينا بري البويات

بسنة 1979 كنا نحدق ونسمر بالدوحة بالشيف محد يدري عن المكان ونصيد عشرين هامور بساعات ومعاهم فرخ شماهي ونقرور ونويبي وماكو ولا طراد
نسمر بالش

 

[بو*سليمان]

اذا تبي مزيزي وسبيطي سماري بالطينه اللي بين راس الدوحة والمينا بري البويات

بسنة 1979 كنا نحدق ونسمر بالدوحة بالشيف محد يدري عن المكان ونصيد عشرين هامور بساعات ومعاهم فرخ شماهي ونقرور ونويبي وماكو ولا طراد
نسمر بالش

هههههه

هلا بوخالد

الوضع تغير من 1979

الحين الاسرار الجديدة صيد

من غير ييم

 

[رابح رابح]

هههههه

هلا بوخالد

الوضع تغير من 1979

الحين الاسرار الجديدة صيد

من غير ييم

بوسليمان جگنغ ولفاح وتشخيط
كنا صغار بأول السبعينات يودونا نشخط بالزور بقطعة سلامه بس تعشق الجير يضرب بالول واذا طالعت تحتك تشوف حديقة اسماك وحاليا مقبرة اسماك
وكنا نشخط حق السبيطي بالفنطاس الى نهاية التسعينات نصيد 10-20 سبيطي مدبق
والقراقير ينترسون بالعبرة بشهر 4 .. كل قرقور يصيد 3-7 هوامير

وحمام البر بشهر 4 كل يوم نصيد 100-200 حمامه.. كان الحمام زروف ترس السما
والدحاريج بالربيع مثل الجراد ترس السما والقاع

كان العصر الذهبي ابو الخير ايام الطيبين
لكل زمان رجال

 

[waham]

من صاده عشا عياله .. اغتنم الفرصه واحذر النزول المفاجئ .

 

[waham]

الحذر مهم في هذه المرحله والتشائم مرفوض هناك أحتمال أن يجتاز المؤشر 6150 نقطه الأسبوع القادم .. والتوقعات تشير الى تحسن في آداء كثير من الشركات وتعافي البورصات العالميه الفتره القادمه والذي بدوره سيشفع لمواصلة الارتفاع لكن يبقى هذا أحتمال ..ومن أستطاع أن يقتنص الأسهم الجيده بالقرب من القاع نقول له فاز باللذات من كان جسورا .. بالتوفيق .

 

[waham]

سمعته قبل قليل بان هناك نيه بعمل حمله ثانيه بدايتها بتاريخ 1/9/2015 وهي حملة الخدم .. هي حمله مشابه لحملة السمج خلوها تخيس .. اذا استمرينا على هالمنوال وتداركنا الموقف راح نقول فعلا نحن بدأنا زمن الرفاهيه .. ونرجوا من سمع عن هذا الخبر يفيدنا اكثر الله يجزاه خير ..

 

[بو*سليمان]

بوسليمان جگنغ ولفاح وتشخيط
كنا صغار بأول السبعينات يودونا نشخط بالزور بقطعة سلامه بس تعشق الجير يضرب بالول واذا طالعت تحتك تشوف حديقة اسماك وحاليا مقبرة اسماك
وكنا نشخط حق السبيطي بالفنطاس الى نهاية التسعينات نصيد 10-20 سبيطي مدبق
والقراقير ينترسون بالعبرة بشهر 4 .. كل قرقور يصيد 3-7 هوامير

وحمام البر بشهر 4 كل يوم نصيد 100-200 حمامه.. كان الحمام زروف ترس السما
والدحاريج بالربيع مثل الجراد ترس السما والقاع

كان العصر الذهبي ابو الخير ايام الطيبين
لكل زمان رجال

اسف توني اشوف المشاركة

اييييه عقبك بشوي لحقت على عز البحر

 

[المستفسر]

السلام عليكم "

اهل الديوان ونصبح عليكم

ونقول كما يقول ابو علي الحذر ثم الحذر

 

[رابح رابح]

السلام عليكم "

اهل الديوان ونصبح عليكم

ونقول كما يقول ابو علي الحذر ثم الحذر

بوعبدالله عادةً
بالاسواق الثانية :
الحذر ثم الحذر ثم اليسر ثم اليسر ثم اليسر

بسوقنا صار لنا سنين :
الحذر ثم الحذر ثم الحذر الحذر ثم الحذر ثم الحذر الحذر ثم الحذر ثم الحذر الحذر ثم الحذر ثم الحذر
وبعدها انهيار ثم انهيار ثم انهيار ثم انهيار
وبعدها الحذر ثم الحذر الحذر ثم الحذر ثم الحذر ثم الحذر ثم الحذر ثم الحذر الحذر ثم الحذر ثم الحذر

كل شي له نهاية ونبي نعرف متى ينتهي مسلسل الانهيار بسوقنا ؟؟؟

 

[waham]

سوف اتكلم عن الزعل وغضب بعض الاعضاء من الي يزعل منه بعد قليل .. تابعوني على صفحة اخوكم تجار الوهم خخخخخخ اسف اخوكم الوهم بوعلي ..

 

[waham]

سلام عليكم ..
اقولها لكم في المقدمه .. بان الزعل هو نابع من الحب والعشره .. ولا الوم من يزعل على اخيه في هذا المنتدى الموقر .. ولانه صاحب احساس ومشاعر ايضا مثل ما تفضل اخونا عنيد بوجعفر .. ولكن والمهم هناك في بعض المشاركات .. قليلا من التشنج وقد يكون في زعل بين الاعضاء الى درجة انه كأنما فاقد والعياذ بالله ما يملكه من مال او بنون او اي شي غالي عليه لا سمح الله .. وايضا استغرب من العضو الي ينصح الاعضاء ويرشدهم ويحذرهم والي بالمقابل يسمع ما لا يسره ويتضايق منهم .. اخي العزيز يزعل من يزعل ويرضى من يرضى .. طول ما انت عندك احساس بانك ماشي بالطريق الصحيح .. لا تهتم في غيرك اذا زعل وتعطيه من وقتك .. لانك راح تتعب كثيرا وللعلم لا راح يزيدك بشي ولا ينقص من شي .. وحاول ان تمتص غضب الي حولك من خلال مشاركاتك ..
يتبع بعد قليل او غدا ..
المعذره لمن لا يعجبه هذه المشاركه ..

 

[رابح رابح]

 

[waham]

هذي هديه حق اخونا بوناصر يقول انا متابع لصفحتك الموقره .. وهذا يشكر عليه جدا جدا لاعطائه من وقته الثمين لنا ..
الموضوع : اخونا قناص السوق فاتح صفحه عن التصويت .. استغرب من البعض الي ما يشارك او يقول احراج .. اخي العزيز لا تجعل بينك وبين اي شخص حاحب .. واني لأعلم ان هذا رأيك الشخصي ويجب علينا احترامه .. ولكن قد نطلع بنتيجه جيده وحلوه ولنعلم من هو الافضل .. برجاء بعيدا عن المجاملات وقد يكون هذا وسام شرف للفائز .. ويستاااااهل .. اخي الكريم صوتك امانه هههههه وخلك ويانه ..
شكرا لك .

 

[بوناصر56]

ههههههه
عجبتني امانه خلك ويانا


حتى لو ما فزت الزمن يتغير والاراء متأكد انها تتبدل

صحيح المحلليلن من اصحاب الخبرات منهم اساتذه

بس بالنهايه احيانا التلميذ يتفوق على استاذه


و وانا اسعى للاجتهاد والتحدي ولو لا المنافسات و الاجتهادات ما نصل على ما وصلنا اليه




واذا كان الخساره فهي نعتبرها نجاح لان تزيدنا شرف للبذل مزيد من الجهد

 

[waham]

ههههههه
عجبتني امانه خلك ويانا


حتى لو ما فزت الزمن يتغير والاراء متأكد انها تتبدل

صحيح المحلليلن من اصحاب الخبرات منهم اساتذه

بس بالنهايه احيانا التلميذ يتفوق على استاذه


و وانا اسعى للاجتهاد والتحدي ولو لا المنافسات و الاجتهادات ما نصل على ما وصلنا اليه




واذا كان الخساره فهي نعتبرها نجاح لان تزيدنا شرف للبذل مزيد من الجهد

نعم بالضبط وكلك عدل .. بوناصر جذي وتصير صانع سوق .. وليييييه من يقدر عليك عاد .. لا حبيب يا خوي الله يوفقك دنيا واخره قول امين ..