هناك تطورات للأسهم المتعثرة الي يعرف اسهم تحسنت امورها المالية يخبرنا ...

الأشعف

عضو مميز
التسجيل
25 يونيو 2014
المشاركات
5,856
السلام عليكم ورحمة الله وبركاته ...
هناك تطورات للأسهم المتعثرة بالصدفه دشيت على البيانات المالية لشركة المستثمرون وكنت خابر الشركة موليه خسائر وديون وكانت متعثرة رأس المال كان 107 مليون وبعدها اصبح 32 مليون اكيد تخفيض بس متى صار وبعد ذالك اصبح رأس المال 62 مليون اكيد زيادة رأس المال متى تم ذالك وكم كانت زيادة رأس المال نقدي او كم كان سعر الاكتتاب ارجو من الاخوان الي يعرف عن شركات تم تخفيض رأس المال وزيادة رأس المال او تحسنت بيناتها المالية يخبرنا بها ...
 

KSE-Kuwait

عضو نشط
التسجيل
28 فبراير 2014
المشاركات
579
تم ايقافها نص ٢٠١٤ و ردت اخر ٢٠١٤

تخفيض راس المال من ١٠٠ مليون لي ٣٢ مليون
زيادة راس المال ب ٣٠ مليون بقيمة ١٠٠ فلس للسهم فقط لا غير
عبر دخول مجموعة المدينة بالزيادة

شهر ٢ ٢٠١٥ تم رفع السهم من مستوى ال٣٠ لي ٦٠ اثر زيادة راس المال

و نزل تالي لي مستويات اليوم
 

الأشعف

عضو مميز
التسجيل
25 يونيو 2014
المشاركات
5,856
تم ايقافها نص ٢٠١٤ و ردت اخر ٢٠١٤

تخفيض راس المال من ١٠٠ مليون لي ٣٢ مليون
زيادة راس المال ب ٣٠ مليون بقيمة ١٠٠ فلس للسهم فقط لا غير
عبر دخول مجموعة المدينة بالزيادة

شهر ٢ ٢٠١٥ تم رفع السهم من مستوى ال٣٠ لي ٦٠ اثر زيادة راس المال

و نزل تالي لي مستويات اليوم
واجد شركات نفس المستثمرون
اخذ عندك
اكتتاب
ميادين
نور
خليجي
جزاكم الله خير تصدقون شايلهم من بالي بالمره ومعتبرهم من الاسهم المنتهيه مثل الاهلية وغلف انفست وغيرها بس شلون وافقو المساهمين على تخفيض رأس المال ومن ثم زيادة رأس المال زين ما تم رفع قضايا من المساهمين ضد الشركة على العموم اعتبر هذا تنظيف لسوق شركات كانت على حافة الأفلاس وتم تعديل البيانات من خسارة كبيرة وديون كبيرة الى خسارة قليلة وديون قليلة ايضاً ولا شتسمونه هذا صحيح فيه ظلم للمساهمين الي يملكون في الاسهم من قبل لكن بنفس الوقت تنظيف لسوق واصبحت من شركات العفن الى شركات لا بأس بها منو يشاركني الراي .....
 

بوناصر56

عضو نشط
التسجيل
7 أبريل 2009
المشاركات
1,316
الإقامة
الكويت
الاشغف انت ذيب :cool:

واتوقع الي يعرف بموجات اليوت مو غشيم بالتحليل المالي


خلاص بنوصي عالسهم :D
 

الأشعف

عضو مميز
التسجيل
25 يونيو 2014
المشاركات
5,856
الاشغف انت ذيب :cool:

واتوقع الي يعرف بموجات اليوت مو غشيم بالتحليل المالي


خلاص بنوصي عالسهم :D
لا انتظر الى ان تتحسن بيناتهم وتتحول الى ارباح واهم شي تتأكد انهم تخلصو من الاستثمارات المسببه للخسائر والا سترجع الشركة للخسارة من جديد بس الي يطمن ان زيادة رأس المال ليس من المساهمين بل من مستثمرين يعني هناك شروط لصالح المستثمرين مثل التخلص من الاستثمارات المتعثرة والابقاء على الاصول المربحة والتركيز على الارباح التشغيلية وهذا يبين من البيانات السنوية والربع سنوية وستكون هناك محاسبة من المستثمر وكرسي في مجلس الادارة .
 

هده خله يتحدي

عضو نشط
التسجيل
15 مارس 2007
المشاركات
2,089
الإقامة
لندن
شنو اهم اصولها؟
وكم عندها كاش؟
وشكثر عليها ديون؟


جاوب على الاسئلة هذي
وبعدها نقدر نحكم اذا الشركة فيها امل او لا
يقولون عندهم اراضي بمصر
 

بن زيمه

عضو نشط
التسجيل
16 أبريل 2008
المشاركات
1,699
مستثمرون عنده اصل بمصر قيمته

مليار جنيه واكثر وهذا اللي خلى

الشربيني يستذبح على السهم وضمه

للقروب
 

الأشعف

عضو مميز
التسجيل
25 يونيو 2014
المشاركات
5,856
شنو اهم اصولها؟
وكم عندها كاش؟
وشكثر عليها ديون؟


جاوب على الاسئلة هذي
وبعدها نقدر نحكم اذا الشركة فيها امل او لا
عندك سلف انا مو قاعد اوصي على السهم لو تعطيني السهم بلاش في السابق ما خذته وكنت معتبرهم مفلسين والامر مجرد وقت وامس دشيت موضوع السهم ولقيت الاعضاء يتكلمون عن السهم كسرو خاطري شلون داشين على السهم وكنت بنصحهم على طول بالابتعاد عن السهم بس قلت خلني ادخل على البيانات وحطها قدامهم قبل انصحهم بالخروج من السهم عشان يقتنعون لقيت السهم تغيرت بيناتة المالية 180 درجة شلون تخفيض رأس المال وتخلص من الخسارة وبعض المطلوبات وبعدها زيادة رأس المال اكيد بتعدل الشركة لكن الغريب شلون اتفقوا الملاك ولم يكن هناك تصفية لشركة ولم يعترض المساهمين ...
المهم في الموضوع ان شركات العفن تعدلت اوضاعها وصارت مقبولة وهذا من صالح السوق ان الشركات المهددة بالأفلاس اغلبها استطاع ان يعدل من وضعه ويبعد شبح الأفلاس من السوق وهذا بكل تأكيد جيد للبنوك والشركات والمساهمين ...
 
التعديل الأخير:

هده خله يتحدي

عضو نشط
التسجيل
15 مارس 2007
المشاركات
2,089
الإقامة
لندن
وتتملك شركة جراند10% بالمستثمرون
وللعلم شركة جراند قاعدين يرتبون امور الشركة وانعقدت الجمعيه العموميه لجراند قبل يومين
«جراند»: خطة لتخفيض الديون عبر تسويات مع كبار الدائنين
وتترقب حكما قضائيا لأعادة الادارج
 

الأشعف

عضو مميز
التسجيل
25 يونيو 2014
المشاركات
5,856
مستثمرون عنده اصل بمصر قيمته

مليار جنيه واكثر وهذا اللي خلى

الشربيني يستذبح على السهم وضمه

للقروب
هلا بن زيمه اصدق ولا شلون تم انقاذه السهم كان منتهي
 

بن زيمه

عضو نشط
التسجيل
16 أبريل 2008
المشاركات
1,699
السهم بعد التخفيض تحسنت اموره

قيمته الدفتريه كانت ٢٤ فلس

حاليا ٨٩ فلس

قروب المدينه يبي ياكل البدر

بدا ببترو وخلص بالمستثمرون
 

Albaghdadi

بوأحمد
التسجيل
20 أكتوبر 2009
المشاركات
32,004
في موضوع مثبت في المنتدى وهو تسويات وصفقات تمت لاخوي عندك سلف ...
 

بن زيمه

عضو نشط
التسجيل
16 أبريل 2008
المشاركات
1,699
وتتملك شركة جراند10% بالمستثمرون
وللعلم شركة جراند قاعدين يرتبون امور الشركة وانعقدت الجمعيه العموميه لجراند قبل يومين
«جراند»: خطة لتخفيض الديون عبر تسويات مع كبار الدائنين
وتترقب حكما قضائيا لأعادة الادارج

ربع جراند يبون السلامه ويوم الجمعيه

العموميه خونوا بربعهم وسلموا الامور

للشمالي
 

الأشعف

عضو مميز
التسجيل
25 يونيو 2014
المشاركات
5,856
السهم بعد التخفيض تحسنت اموره

قيمته الدفتريه كانت ٢٤ فلس

حاليا ٨٩ فلس

قروب المدينه يبي ياكل البدر

بدا ببترو وخلص بالمستثمرون
ورأس المال 62 مليون والمطلوبات 9 مليون فقط بس عنده خسائر مرحلة 4 مليون هل هي جديدة ام المتبقي من الخسائر السابقة
هذا يبين بربع القادم هل في تحسن او زيادة في الخسارة بس وضع الشركة افضل من قبل بكثير والله أعلم
 
أعلى