أيهما أفضل السوق الكويتي أو الأمريكي

[بوريم]

من حيث تطبيق التحليل الفني عليه وأسرع للربح وتفادي الخسائر
وشكرا لكم

 

[FreeTrader]

من حيث تطبيق التحليل الفني عليه وأسرع للربح وتفادي الخسائر
وشكرا لكم

من حيث التطبيق
الامريكي افضل ,, مع الاسهم فوق 5 دولار تقريبا تكون ممتاز معاها التحليل
اما من حيث السرعه او الربح
كله بيد رب العالمين

والربح والخساره موجوده بالامريكي والكويتي والتوفيق من رب العالمين
اهم شي تشتغل صح وما تتسرع وتختار نقاط دخولك وعدم الطمع

 

[بوريم]

ماقصرت

شكرا لك ياأبو إبراهيم على الرد الطيب

وعسى الله يكثر من أمثالك

 

[alrabeet]

بوريم

اذا لك باع او معارف في السوق الكويتي خلك فيه ابركلك

الاسهم قليله في السوق الكويتي ومعروفه حركتها والتركيز عليها سهل

يعني اذا المؤشر العام مرتفع تصير الاسهم طيبه ونادر ما تحصل الردي وقت الارتفاع

 

[بن صقر]

بو براهيم مادري اذا توافقني الراي

السوق الامريكي بيوم واحد السهم ينزل يصير بالحظيظ عااادي

او يصير له سبليت (اذا بني ستوك )

او الشركه تعلن افلاسها وكل واحد يروح بيتهم يعني مالك حق تطالبهم باي شي

او تحول الشركه الى البنك شيت Pk

ومرات التحليل يخون

ولازم تدش دوره تحليل

ولازم تراجع الطب النفسي كل شهر تأكد من سلامة جهازك العصبي

يعني مشاكله واجد

ويبيله متابعه

وكله على الله

 

[FreeTrader]

كلامك صح
بس هم بالكويتي مرات تعرض كميتك والسهم نازل ومحد يشتري وباجر هم هم يشتري يعني هم ينزل بالحظيظ
على الاقل الامريكي تلقى شراي اذا نزل بس مو تروح حق اسهم بني ماعليها تداول ولا حتى شركات نصب
اشتغل بالثقيل اضمن احسن