عيون حاره

[nfrs66]

هل صحيح انه في بالسوق عيون حاره
هل تآمن بهالشي

واحد اعرفه اخد اصول ومن يومها ما شافت خير
خسر وطلع من السهم ودش على ع0 العقاريه 290 فلس ومن يومها

وعلى فكرة كان اول يوم تداول له يوم الاثنين الساعه 10 قبل اسبوعين
ويوم الثلاثاء السوق نازل والاربعاء 000000
والباقي انتو تعرفوه

 

[مضارب 2]

اتصدق عاد يا اكووو ناس عيوووونهم حاره ..

بس اقولك شئ الرزق على الله رب العالمين ,ولو مو بو عيون حارة !! لو اجتمعووو عيون العالم كله علشان يحرقون السوق ما يقدرون الا اذا شاء رب العزه والجلاله والحمد لله رب العالمين...

ودمتم سالمين..

 

[boali]

ياخوي
هذه صدفه
او لانك تامن بهالشي
صح ان مذكور
بس مو واحد ينزل السوق
شدعوه
عالعموم لا تحط بالك هالشغلات
وانشالله بتتوفق باذن الله
وشكرا

 

[bujwsq8]

انا اعرف واحد كل ما يدش سهم يقبس عليه

ولما يطلع منه يرد يتعدل حال السهم

وكان شاري 3 اسهم ومن خذاهم واهم لاسوء الاحوال ومعنا كان السوق كل صاعد ما عدا اسهم صاحبنا

بعد ما طلع منهم دش على سهم كنت داش فيه ومن حزتها والسهم بالنزول

يعني هذي صدفه بعد​

 

[CENTRALBANK]

انا اعرف واحد من الشباب يدش على السهم ينزل يطلع يصعد ... دش على الاهلية وقفوها اسبوعين... الله يستر...قبسة... بالنسبة للعين الحارة اعتقد تصيب الشخص نفسة مو السهم تخلية ما يتصرف عدل ويتخبط بالشراء والبيع

 

[jreea]

الرزق بيد مقسم الارزاق ،،،، والله لو تجيك توصيه مصوقره والتحليل يقول السهم صاعد صاعد وخبر عن عقد ملياري والسهم عندك ،،، وربك مو كاتبلك تربح ،،،، ماتربح ، ولا تقولون ماصارت ،،، صارت مع الجناعات وكذا سهم بعد ،،، اتلاقي العالم كلها تقول كل من فلان وانا ... ولو ... ولو ... حراميه .... لو سامع ....
طبعا هذا الكلام كله ماينفع وكلمة ( لو ) تفتح عمل الشيطان ،، وانما قول قدر الله ومشاء فعل ،،، لأن هذا اللي صار مقدر لك ومكتوب .

وهذا حديث قدسي
وركز على آخر ثلاث اسطر :

 

[المريح]

انا اعرف واحد كل ما يدش سهم يقبس عليه

ولما يطلع منه يرد يتعدل حال السهم

وكان شاري 3 اسهم ومن خذاهم واهم لاسوء الاحوال ومعنا كان السوق كل صاعد ما عدا اسهم صاحبنا

بعد ما طلع منهم دش على سهم كنت داش فيه ومن حزتها والسهم بالنزول

يعني هذي صدفه بعد​

يا معود إذا صج عطنا أخبار صاحبك هذا إذا دخل على سهم ولا طلع منه

أتغشمر

 

[bujwsq8]

يا معود إذا صج عطنا أخبار صاحبك هذا إذا دخل على سهم ولا طلع منه

أتغشمر

اقول انا ودي يطلع بس من السهم اللي عندي

علشان يتوفقون اللي شارينه وانا معاهم​

 

[أبو مشاري]

قول له يتفائل بالخير ولا يحط هالافكار براسه

والارزاق من الله واختيار السهم على اسس سليمه ومع الدعاء وصفاء النيه ان شاءالله بيتوفق وبيرزقه الله

لكن يشيل هالافكار عنه

صحيح الحسد مذكور لكن التفائل بالامور طيب ومو كل شي حسد وعين


وموفقين خير ان شاءالله