محتاج نصيحه ..

[onlyme]

السلام عليكم ..
في بدايه حاب اشكر مؤسس الموقع لانشاء هذا المنتدى الرائع واشكر جهود الاعضاء الي قاعدين يبذلونها بالموقع ..

وانا الصراحه حاب ادش البورصه بمبلغ بسيط وهو الف دينار لاني توني مبتدئ وتوني طالب بالجامعه :d وعندي خبره قليله عنها ((داش عده دورات )) وهل تنصحوني بدورات معينه جيده قبل الدخول ؟؟ وماهي توصياتكم لي واذا في لنكات مواضيع مهمه ارجو اضافتها هنا .. واخر شي هل في مشكله على العمر ؟؟ لان عمري 19 سنه

وشكرا مقدما ..

 

[boalons]

اخوي تبي نصيحه

ادخل دورة للتحليل الفني , وبهذا المبلغ انصحك تبدي بالسوق الامريكي افضل , لان بسوقنا نظام الوحدات يعني بالسوق الرسمي اقل شي يبيلك 2500 د.ك وهذا المبلغ الي عندك راح يدخلك سوق الكسور الي ماهو مثل السوق الرسمي

والقصد من انك تدخل السوق الامريكي انك تتعلم وهذا مايمنع انك اتابع سوقنا والاسواق الخليجية , وحلوا ان الواحد يدخل بمبلغ صغير يتعلم فيه ولما يتمكن يزيده

وموفق ان شاء الله

 

[onlyme]

يعطيك العافيه على التواصل السريع وانزين ما قلتلي شلون على العمر ؟

 

[عندك سلف]

يعطيك العافيه على التواصل السريع وانزين ما قلتلي شلون على العمر ؟

العمر ماله علاقة

 

[اقتصادي 2005]

تقدر تدخل سوق الكسور (يعني تطقطق شوي شوي)

لكن .... أنصحك تدش على الصناديق الاستثمارية فربحها شبة مضمون...

أو ... الاحسن لك انك تكتتب بالسور لان الاكتتاب ما يخّسر يعني ربحان 100%


ترى السوق بحر... تعرف شنو بحر؟؟؟ يعني يخليك ما تنام الليل... ونت بعمرك,,,, موناقصك عوار راس و تفكير زايد...

شوف... صج اني ما عرفك لكن نصيحة للله:

انا كنت بنفس عمرك لما دشيت السوق و كليتها عدل (سبع سنين عجاف) ما كنت أعرف عن السوق شي... مابي يصيرلك الي صارلي...

هذه نصيحة لك ولأمثالك...

 

[ساردينه]

نصيحه خلك على الاكتتاب يوم الاحد يبدأ في شركة الوقود وبعد سنتين او اكثر راح تدوبل معاك وبعدين دش البورصه شي ببلاش ربحه بين :d

 

[boali]

اخوي تبي نصيحه

ادخل دورة للتحليل الفني , وبهذا المبلغ انصحك تبدي بالسوق الامريكي افضل , لان بسوقنا نظام الوحدات يعني بالسوق الرسمي اقل شي يبيلك 2500 د.ك وهذا المبلغ الي عندك راح يدخلك سوق الكسور الي ماهو مثل السوق الرسمي

والقصد من انك تدخل السوق الامريكي انك تتعلم وهذا مايمنع انك اتابع سوقنا والاسواق الخليجية , وحلوا ان الواحد يدخل بمبلغ صغير يتعلم فيه ولما يتمكن يزيده

وموفق ان شاء الله

وانت الصاج 2550 دينار

 

[ساردينه]

تدري شلون الالف دينار سافر فيهم الي بانكوك وريح بالك

هذي الدعوه بمثابة نظره شخصيه:d

 

[onlyme]

عندك سلف .. الف شكر على المعلومه ..


اقتصادي 2005 تسلم على النصيحه

ساردينه .. والله الاهل مكتتبين ببنك بوبيان وانشاء الوقود بس حاب انا امشي ابخطي ومثل ماقلت الربح مضمون 100%

تدري شلون الالف دينار سافر فيهم الي بانكوك وريح بالك

لول :d


الف شكر يا اخواني على النصايح