اشعــــار وخــــواطــــــر

Wise

عضو محترف
التسجيل
5 أبريل 2005
المشاركات
2,024
الإقامة
الكويت
قصيدة لشاعر الفذ سعد بن جدلان الاكلبي .


الجهالة في ابن آدم توليه الدبور = لو طريقه غاوي يحسب انه متجه

يحسب ان ما مع شوره من الأشوار شور = ما درى ان له مزاجٍ وللناس أمزجه

يمكن يلقى مزاجٍ يبادله الشعور = لو على فلم الشطارة وفلم الدبلجة

وآخر المشوار لا حصلت ما في الصدور = وكل زور فيه شورٍ إليا فاق اهرجه

يحسب ان معه أفضلية توليه العبور = إن لقى الملح أزعقه وإن لقى الحلو سمجه

القمر والشمس كنها تسلف منه نور = والجبال تصير تحته خيولٍ مسرجه

السما عجزت تصل له جناحين الطيور = ما وصله إلا محمد بليلة معرجه

يا ابن آدم يلعن الله مختال فخور = من تواضع تحت ربه يعليه درجه

لجل ما تدخل جهنم علشان الغرور =للعرب حاول تواضع وتعطيهم وجه

من لقى عذب المشارب مثمرة الزهور= ما قعد يغرف من البحر ويسوق حدجه
 

Wise

عضو محترف
التسجيل
5 أبريل 2005
المشاركات
2,024
الإقامة
الكويت

الا ياالله طلبتك طلبت الي ماعبد الاصــــــــنام = ولا يرضى بغير الشرع تحــــــريمة وتحليلة

ولا يرفع ايدية الا لعرشك والعباد نيـــــــــــام=ولا صلى لغيرك لامضى ثلثين من لـــــــيلة

شهادة لا اله الا انت تشهدله على الاســـــــــلام=ولا يخفاك تسبيحة وتكبيرة وتـــــــهليــــلة

يارب العالمين وعندك ارزاق العباد اقســــــام=يامنجي نوح ومخزي من غزا مـكه على فيلة

ياحيٍ مايموت ودايمٍ ماغيرك احـــــــــدٍ دام=يا محصي مامضى من جيل والي عاد من جيلة

خلقت الكون كله باكمله في ستت الايـــــــام=ياذخر العاجز المحتاج لاقلــــــــــــــت محاصيلة

ألاسبحان من بأمرة ونورة تنجلي الاظـــــــلام=هدى رسله بقـــــــرانة وتوراتة وانجـــــــــيلة

روؤفٍ رافاٍ يرحم قويٍ قادرٍ عــــــــــــــــــلام=عليمن عالمٍ بالغيب يعــــــــــــلم سر تئويـــــلة

يقدر مايشاء يفعل مرادة يرزق الايـــتـــــــــام=يصرفنا معه بالامر تأجـــــــــــــــيلة وتعجيـــلة

هدانا واهتدينا ماقطعنا الوصل والارحــــــام=نؤدي واجب المصحف وتجويدة وترتيــــــــــــلة

له الاسماء الحسنى ذو الجلال اسمه وذو الاكـــرام=انا وحدة ولاشريك له عبـــــــــــدة واصلــــي لة

وسع كرسية ارضة والسماوات السبع مانـــام=رقيبٍ فوق خلقة يرحم المؤمن ويؤيــــــــــــــــــلة

خلق من طينة الماء والثرء جلد ولحم وعظــــام=ومن فضلة علينا محكم كتابة وتـــــــــــنزيــــــلة

لو اني مارجيتة رب من صلى الصلاة وصـــام=خرجت من النطاق وقلت يادنيا من انتــــــــي لة

يارب رحمتك لاجاء الحساب وصرت الاقـــــلام=وفي دنياي تكفيني ثقيل الهم وتشــــــــــــيلة

تشيلة مقادير الاانت تفرجها على المنظـــــام=انا مخلوق يا خالق تزيح الهم وتزيـــــــــــــــــلة

الا يالله تقوم حظي اللي عاجزٍ ماقـــــــــام=على من بشتكي غيرك ومن بشرح ظروفــــي لة

دعيتك يامجيب و ياقريب تخفف الألــــــــم=تفرجها على الي زادت الدنيا غرابيـــــــــــــــــلة

ابي من نارك النجوى واسالك جنت الانعام=بيدك النار والجنة ومن عاداك ياويــــــــــــــــــلة

ياويلة من عقابك غره الشيطان بالوهـــــام=نسى يوم الحساب وطـــــــــــفف الميزان والكيلة

تمادا في خطاه وعاش في دنياه بالاجـــرام=ياويلة من عـــــــــذاب القبر لا ضاقت مداخيــــــلة
 

المنصف

عضو نشط
التسجيل
27 سبتمبر 2003
المشاركات
199
الحقيقة شعر جزل

صح لسان الشاعر

وسلمت يمينك يا وايس على نقلك له

أما هالبيت يصلح للي شاري الوطنية على 1.900 ومتعلق

فيها للحين من 5 شهور

الا يالله تقوم حظي اللي عاجزٍ ماقـــــــــام=
على من بشتكي غيرك ومن بشرح ظروفــــي له
 

Wise

عضو محترف
التسجيل
5 أبريل 2005
المشاركات
2,024
الإقامة
الكويت
هههههه

الله يعوض عليك يالمنصف وانشالله الوطنيه ترجع لسعرك .
 
أعلى