كلام في الصميم ؟؟؟

الموضوع في 'السوق الكويتي للأوراق الماليه' بواسطة الفتيحي, بتاريخ ‏18 ديسمبر 2005.

  1. الفتيحي

    الفتيحي عضو جديد

    التسجيل:
    ‏12 سبتمبر 2005
    المشاركات:
    27
    عدد الإعجابات:
    0
    يدهشني كل الدهشة ان نواجه نزول السوق الحاد بكلام بارد ان هذا تصحيح وانه صحي وكيف يكون ذلك وهو تدمير لاقتصاد البلد فالمفروض انه في حالة التصحيح الصحي ان يصحح السوق بطريقة ذكية بحيث لا تتأثر كافة الاسهم او القطاعات ويخسر الجميع ونقول اننا قد نبهنا ان هناك تصحيح قادم ومن وجهة نظري ان الكبار يريدون ان يخسروا الصغار ويأخذوا اموالهم وكيف اذا خرج الصغار من السوق فهل يشتغل الكبار بدون الصغار هذا كلام غير مقبول فلو خرج الصغار من السوق ويكون سوق مفصل للكبار نقول على الدنيا السلام وهنا اقول ان هذا النزول مفتعل من اطراف حسوده ومبغضة وتود ان تظهر بورصة الكويت وكأنها بورصة طاردة وليست جاذبة تنبهوا واحرصوا على اقتصاد الدولة فمثلا اذا تكلمنا بمنطق الدراسات فنجد ان سوق الكويت هو اعلى سوق في المنطقة من ناحية العائد والربحية ومازالت الاسهم رخيصة بالمقارنة بباقي اسواق الخليج ونرى السوق السعودي يصعد الى 17000 نقطة ولايوجد كلام عن تصحيح واذا صحح يكون تصحيح منطقي ومدروس اتقوا الله في صغار المساهمين وعودوا الى صوابكم وانهضوا باقتصاد الكويت الحبيبة اللهم بلغت اللهم فاشهد
     
  2. بومهدي

    بومهدي محلل محترف

    التسجيل:
    ‏7 أكتوبر 2004
    المشاركات:
    383
    عدد الإعجابات:
    3
    مكان الإقامة:
    الكويت
    السلام عليكم ورحمة الله

    ممكن تساعدنا اخينا الحبيب ما المقصود بالجمله المقتبسه من مشاركتك ؟؟

    مع الشكر مقدماً

    أخوك
    بومهدي
     
  3. الفتيحي

    الفتيحي عضو جديد

    التسجيل:
    ‏12 سبتمبر 2005
    المشاركات:
    27
    عدد الإعجابات:
    0
    المقصود اخوي بو مهدي ان السوق السعودي وصل الان الى 17000 نقطة والاسعار فيه تعرفها يا بو مهدي اذا قارنت تلك الاسعار بسوقنا هتشوف الفرق شاسع والعائد على السهم متندني بالمقارنة بسوق الكويت ومع هذا تجد السوق طبيعي ولا نري انخفاض يومي ولمدة شهر ونقول تصحيح وانت سيد العرفين بومهدي ؟؟
     
  4. بومهدي

    بومهدي محلل محترف

    التسجيل:
    ‏7 أكتوبر 2004
    المشاركات:
    383
    عدد الإعجابات:
    3
    مكان الإقامة:
    الكويت
    السلام عليكم و رحمة الله

    اخوي الفتيحي

    بخصوص العائد على السهم او العائد الجاري هذا شأن كل اقتصاد و المتعاملين بالأسواق الماليه ، يعني كل سوق له خصوصياته.

    أما عن التصحيح المنطقي ، اسمح لي اخوي ان اقول لك ان العمليه حسابيه ولا يمكن وصف التصحيح منطقي من عدمه الا اذا خرج الأمر عن المألوف ، وأحنا لا زلنا في منطقة الأمان يشهد الله اني اقول هذا الكلام من منطلق الحرص ، واني مطمأن تماما ان الأمور لا زالت في نطاقها الطبيعي.

    ابي اعطيك مثال اقرب لك الصوره التي في مخيلتي اخوي الحبيب :

    تخيل ان الله لم يخلق ليل ولا نهار ؟ هل في هذا منطق ؟

    الله سبحانه وتعالى خلق ليل ونهار وبرد وحر ، قيس ذلك على جميع الأشياء.

    أخوك
    بومهدي
     
  5. لحلاح1

    لحلاح1 موقوف

    التسجيل:
    ‏11 نوفمبر 2005
    المشاركات:
    70
    عدد الإعجابات:
    0
    مساك الله بالخير اخوى ابو مهدى لكن اذا شفت الخطا لاتسكت عليه لازم تنبه اخوانك فى المنتدى على طول السوق احمر مو صحيح طيب واذا صار انهيار مثل ماصار سنة 97 وطلعو الهوامير من السوق راح تقول كلمه وحده ( ياليتنى بعت)
     
  6. بومهدي

    بومهدي محلل محترف

    التسجيل:
    ‏7 أكتوبر 2004
    المشاركات:
    383
    عدد الإعجابات:
    3
    مكان الإقامة:
    الكويت
    السلام عليكم و رحمة الله

    اخوي لحلاح 1

    مساك الله بالخير ،

    ظروف 97 غير موجوده اليوم ، هذا من جهة ، من جهة اخرى اترك لك موضوع التحذير و ما يدور في المنتدى او الدواوين لتحكم عليه ...... عينك ما تشوف الا النور ، ماني متعود اعطي امثله خاصه لكن خلني اقوللك سالفه صارت لي امس : لقيت واحد من الربع قال لي عندك الشركه الفلانيه
    قتله ما أفكر اشتريها الحين ، شوي ويطقني ، قتله يبه شفيك تبي تشتري اشتر وتحمل اللي يجيك ، مع النقاش ابتدأ يفهم وجة نظري ، تدري شنو المزعج في الموضوع اخوي ؟ انك تقنع الناس وتقول لهم ديروا بالكم على حلالكم ورزق عيالكم ؟؟ هل هذا منطق صحيح ام مقلوب ؟؟؟

    بين السطور غصه الم والله الشاهد.

    اخوك
    بومهدي
     
  7. Wise

    Wise عضو محترف

    التسجيل:
    ‏5 ابريل 2005
    المشاركات:
    2,024
    عدد الإعجابات:
    0
    مكان الإقامة:
    الكويت
    بارك الله فيك اخوي بو مهدي على الكلام الطيب ومشاركاتك فى الوقت الحالي هذى بحد ذاتها وقفت اخ مع اخوانه وعساها فى ميزان اعمالك .
     
  8. h1964kw

    h1964kw عضو نشط

    التسجيل:
    ‏8 فبراير 2005
    المشاركات:
    1,136
    عدد الإعجابات:
    606
    مكان الإقامة:
    الكويت
    والله فعلا يا أخي بو مهدي قال شنو حادك يا مسمار قال المطرقه
    فعلا اكو اعضاء في المنتديات ما ترحم .
     
  9. مستثمر من 1996

    مستثمر من 1996 عضو نشط

    التسجيل:
    ‏24 مايو 2005
    المشاركات:
    1,029
    عدد الإعجابات:
    131
    مكان الإقامة:
    المنتدى
    اخواني اعتقتد الفتيحي قصده يقول في اسهم طلعت روح الناس حتى طلعت 100 فلس أو 70 مثلاأ وتنزلها بيومين أو ثلاث هذا مو منطق ومو تصحيح ، تصعد 100 بشهر وتنزل 30 فلس بيومين تصحيح 30 % نقول تصحيح .

    اسهم ما صعدت صار لها 4 - 5 شهور والحين تنزل 100 - 160 فلس ( مثلاً الاستثمارات هذها مو تصحيح ، هذا فعلاً تلاعب ، ومؤشر ان السوق مو للصغار ابداً - ورساله إلى كل مستثمر ان يتحول الى مضارب لان المستثمر ايضاً يهتم بسعر السهم وليس فقط بالعائد من الارباح .

    اسهم اسعارها الحالية 50% من السعر الذي الذي تستحقة شيء مرفوض .

    وللعلم هناك مستثمرين من الخارج ( سعوديين وامارتيين ) يخرجون من السوق الكويتي وبخسارة مع كلمة حلال عليكم السوق لو بيروح 20000 نقطة وهذا شيء مو جيد ابدأ.

    انا اعمل بشركة ومستثمر يرغب بتحويل 13 مليون من الامارات اوقف التحويل مع العلم بان الوقت جيد للشراء ، بس الرجال اخترع او وصلته رسالة من اخوانه يلي جربوا السوق قبله وما نصحوه .

    مو هذا مفهوم التصحيح ابدأ .

    السوق ما صعد ولا يوم 200 نقطة حتى ينزل بيوم 207 نقطة

    واذا السوق صعد 2000 نقطة التصحيح مو يعني ينزلها ، التصحيح ان ينزل 30- 40 % من النقاط يلي صعدها ويأسس على هذا المستوى .

    انا اؤيد بان السوق رح يصعد ، لكن ما احد ينكر ان السوق مو سليم بالعمل بهذه الآلية وليش كبار السوق يسوون هذا الشيء وشنو الرسالة يلي يبي يوصلونها .

    اليوم واحد واحد قالي ، واحد من الكبار كل ما ربح مليون ما يفكر يشلون يكمل الطريق ويربح مليون ثانية ، لأ يبي يرجع من الطريق نفسه ويربح المليون مره ثانية مو يربح نص مليون .

    ما ادري اذا قدرت اوصل يلي بفكري .
     
  10. bujwsq8

    bujwsq8 عضو جديد

    التسجيل:
    ‏26 يونيو 2005
    المشاركات:
    385
    عدد الإعجابات:
    0
    مكان الإقامة:
    kuwait
    شوف انا اقول شهر 12 مجربينه كل سنه العاده يكون شهر ميت ويموت الاسهم اللي عندك يعني تنزل اقل من سعر الشراء

    بس اتشوف في اسهم تصعد واسهم تنزل بس بهداوه وايد

    بس اللي الحين قاعد يصير شي غير طبيعي بس ما انقول الا لا حول ولا قوة الا بالله

    كل يوم الاسهم كلها نازله ماعدا 10 اسهم تلقاها صاعده واليوم الثاني تلقاها نازله واليوم اللي بعده انزلة ازيد من اللي اصعدته

    شنو يعني تصحيح من صجكم هذا تصحيح

    قبل الكل وده يحلل يا بالتلفزيون او بالاذاعه الحين يدورون التلفزيون مع الاذاعه اي واحد بس يبونه يحلل والكل يعتذر لان مافي اي تفسير باللي قاعد يصير بالسوق

    بس في شي لان حتى المحافظ الكبيره مع صناع السوق شايلين ايدهم يبون مصالحه ويبون شي وقاعدين يشوفون مصالحهم تتعطل ويبون كل قرارات البورصه لصالحهم

    اعتقد ان اللي قاعد يصير مو تصحيح ولا علشان اي اكتتاب بس في شي والله اعلم

    والكل مصيود بهذي التمثيليه اللي ابطالها الهوامير واحنا صرنا الكنبارس بتمثيليتهم

    بس اقول ما راح ابيع لو كل اسهمي توصل اسعارها 100 فلس
     
  11. boali

    boali عضو نشط

    التسجيل:
    ‏22 سبتمبر 2005
    المشاركات:
    3,890
    عدد الإعجابات:
    7
    مكان الإقامة:
    المؤشر نت
    مشكور اخوي
    ويعطيك العافيه