"""برنامج يضاهي الميتاستـوك مختص بالاسواق الخليجية """

الموضوع في 'قسم المواضيع المهمه' بواسطة B_R_G, بتاريخ ‏20 ديسمبر 2005.

  1. B_R_G

    B_R_G عضو جديد

    التسجيل:
    ‏26 مارس 2005
    المشاركات:
    110
    عدد الإعجابات:
    0
    الســلام عليكمــ ..

    برنامج تكرشارت .. المختص بالاسواق الخليجية خاصه والشرق الاوسطية عامه .
    هالبرنامج شبية بـ برنامج الميتاستوك وبالنسبة لي افضل منه من حيث :
    1- تنزيل البرنامج باللغه العربيه او الانجليزيه (حسب الاخيتار)
    2- بأستطاعتك ان تقوم بتحديث اسعار اي شركة خليجية بـلمسة زر واحده.
    وهذا مربط الفرس .. حيث ان اغلب المشاركين يواجهون صعوبه في نقل المعلومات او الاقفالات السابقه من مواقع اخرى الى الاكسل ومن ثم الى الداون لودر ومن ثم ربطها في الميتاستوك .. لكن في برنامجنا هذا ماعليك الا فقط اختيار الشركه ومن ثمّ تحديث الاسعار التاريخيه لها .
    هذا هو الموقع.
    http://www.***********.com/

    بعد الدخول للموقع ماعليك الا الاتي:-
    1- تنزيل البرنامج .
    2- بعد اكتمال التنزيل اذهب الى نفس الموقع واضغط على ((تسجيل)) بعد الانتهاء من عملية التسجيل في الموقع راح يعطيك ((كود)) احتفظ بالكود عندك.
    3- تشغيل البرنامج .. وأول ما يفتح معك راح يطلع لك مربـّع يقولك ((ادخل الكود الخاص بتسجيلك للبرنامج))
    وانتهت العمليـّة .. :)

    ملاحظه: اعتقد ان البرنامج مجّاني .. لكن تحديث اسعار الشركات الخاصه بالسوق الكويتي تبدأ من تاريخ يناير/2006 بأشتراكات .. قيمة الاشتراك السنوي 115.00$
    لكن في رأيي ان هالاشتراك هذا .. يغنيك عن التعب وعن تنزيل الاقفالات اليوميه ونقلها من ملف اكسل الى ميتاستوك وغيرها ..

    طبعا في الاخير الشكر موصول للأخ ((عيســى)) احد الزملاء اللي قال لنا عن هالبرنامج اثناء دورة المؤشرنت اللي انعقدت قبل ايام
     
  2. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    السلام عليكم

    مشكور اخوي
    كثير من الاخوان يستخدمونه
    بس عيبه في البيانات
    الاقفالات بعضها خاطئه
    وسعر الافتتاح ايضا خاطئه

    وبجذي راح يعطيك قراءات خاطئه
    في احد من الاخوه راسلهم على هذي المشكله
    ولكن ما حصل منهم جواب

    ولك حرية اختيار ما يناسبك :)
     
  3. B_R_G

    B_R_G عضو جديد

    التسجيل:
    ‏26 مارس 2005
    المشاركات:
    110
    عدد الإعجابات:
    0
    هلا والله بأخوي ((كيو ايت)) ..
    انا جربته امس وسويت له تحديث اسعار وعطاني نتيجة تمام ..
    لكن انت اكثر خبـره وتعامل مع مثل هذي البرامج
    بس السؤال : ليش حاطين له اشتراك في تحديث الاسعار وهو فيه اخطاء؟

    شاكر لك
     
  4. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت
    هلا اخوي
    البرنامج من فترة وهو مجاني
    فقط كان على السوق السعودي والسوق الاردني
    برسوم اشتراك
    وهم لهم حسبه بالافتتاح والاغلاق على ما اعتقد
    وهم مطبقينها على السوق الكويتي

    هذا مثال للمجموعة الدوليه
    بالميتاستوك والتكرشارت
    لانه الشموع اليابانية لها قراءه مختلفه عن لاين شارت
    وراح تعطيك قراءه خطائه بسبب تكون شمعه مو متكونه اصلا
    شوف المثال المرفق

    راجع بيانات 1/11 و 2/11
    كان التداول فقط على 850 و 800
    شوف بالميتاستوك صورة IIGmeat
    وشوف بالتكرشارت صورة IIGticker

    بالتكرشارت معطيك شكل شمعة Marubozu
    وهذي الشمعة اساس مو متكونه لانه
    وتدل على اغلاق السهم تحت سعر الافتتاح
    واساسا مافي تداول على اللي هم حاطينه
    اول شمعه سعر الافتتاح 900 والاغلاق 850
    والشمعه الثانيه سعر الافتتاح 850 والاغلاق 800

    التداول كان على سعر واحد فقط وهو
    1/11 السعر 850
    2/11 السعر 800
    وتقدر تراجع التكرشارت وتحط السهم وتشوف بنفسك
    وتشوف بالاوسط كم كان التداول بهذا التاريخ


    التكرشارت برنامج جدا رائع
    وسهل الاستخدام وطريقة تحديث الاسعار
    افضل من طريقة الميتاستوك

    مو القصد التحبيط او تقليل من قيمة البرنامج
    هذي دراسة سلوك سهم وعندك بيانات خاطئه
    اكيد بتكون دراستك للسهم خاطئه
    اذا استطاعوا حل هذي الأخطاء بكون البرنامج افضل من ممتاز
    الحلو ما يكمل :)


    والكمال لله
     
  5. B_R_G

    B_R_G عضو جديد

    التسجيل:
    ‏26 مارس 2005
    المشاركات:
    110
    عدد الإعجابات:
    0
    أحسنت اخوي (كيو ايت)

    الخبـرة تلعب دور :)

    صحيح كلامك فيه شموع ما ظهرت على التكرشارت
    وانا حطيت البرنامج في بالي ان طريقته اسهل في التحديث
    و بما ان الاخوان جرّبو هالشيء واعطاهم اسعار اغلاق غلط وفيه اخطاء
    فـ أنتم أهل الخبـره في مثل هالأمور .
    انا للأمانه حطيت هالبرنامج لأن الميتاستوك قعد وياي اسبوعين وانا انزل فيه اقفالات السابقه فـ شفت هالشيء مريح وحبـّيت ان الاخوان يستفيدون منه
    وأكرر لك الشكر على ملاحظاتك على البرنامج .. واللي فعلا اثتبت صحّتها في المثال اللي ارفقته في ردك
    كل الشكر لك
     
  6. اقتصادي 2005

    اقتصادي 2005 عضو جديد

    التسجيل:
    ‏19 سبتمبر 2005
    المشاركات:
    167
    عدد الإعجابات:
    0
    أنا أشوف ان أفضل برنامج شفته الى حد الان هو ميتا ستوك...

    لأن مثل ما ذكر, التكر يعطي شموع خاطئة و الرسم فيه صعب خاصة مع اداة التكبير.

    ميزته التكر بالتحديث الالي, و خدمة التحليلات الي اتوقع ان ترى النور قريباً


    تحياتي...
     
  7. sarem

    sarem عضو نشط

    التسجيل:
    ‏1 يونيو 2005
    المشاركات:
    746
    عدد الإعجابات:
    0
    للأسف يحتاج اشتراك للسوق الكويتي شنو نسوي ممكن احد يفيدنا
     
  8. Q8 Stock

    Q8 Stock مشرف

    التسجيل:
    ‏12 يونيو 2005
    المشاركات:
    24,306
    عدد الإعجابات:
    4
    مكان الإقامة:
    الكــويـت