اكتب اسم المستعار لكل من طـــبل لسهم خاسر أو صــرف علينا

[السهو]

وانا بعد يا رحالي
واحد وسوسلي وماخلاني انام الليل
قالي اشتر كيه سبان تراها رايحه مشلعه
وخسرت فيها وقلت بعد ما ارد عليه ولا اسمع منه

بس ما خلاني اشتغل على وقالي وينك رايح شوف السفن وشوف عقودها الحق عليها قبل ربعك
زطعته وشريتها وغصيت فيها وبعتها بخساره

تدري يا رحالي شنو اسمه

السهو
لا تطيعه
مع انه ابن حلال وربحني عدل بالصناعات الوطنيه
بس كلا الربح مو كله بالسفن والكيه سبان

 

[rahaly]

منو السهو ؟؟؟؟

اعرفة وابخصة ...... مثل رحالي

هذول ما عليك منهم ..... ما يضرون غيرهم ..... يضرون نفسهم بس ...

وهذي ميزتهم .............. اللي يضر نفسه كيفه ..

بس ما نبي احد يضر غيره


رحالي

 

[السهو]

وهذا الاساس
اللي يخسر يلوم نفسه لا يلوم غيره
هو اللي خسر نفسه وهو اللي ربح نفسه
ليش نجيب بسيرة خلق الله
وحنا داشين بالعشر الاوائل من ذي الحجه

صدقوني بخبرتي المتواضعه شفت ان الربح والخساره مكتوبه عليك
تاخذ شركه الكل ربحان فيها وانت تخسر
وتدش على شركه الكل يذمها وتربح فيها
لا تلفت علشان تحمل غيرك مسؤلية قرارك

بعت الوطنيه بمربح قليل وبعد اسبوع الله لا يوريك هبوط مروع يخرع

ودخلت السفن وكلي احلام ورديه تحولت الى احلام خضراء من كثر الانواط اللي طارت

 

[qu66]

حورنية

اخي العزيز لم افهم ماذا تقصد ؟
فان كان المعنى الظاهر هو التضليل والتسويق بالليل
فكان يتوجب عليك ان تكون البادي بكشف من ظللك وغرر بك
لانه من كلامك يستقرئ انك ضحية الغير .. وان لم تكن ضحية
فكيف تتخيل افعال واحداث لم تحدث وتأمر الغير وتنهى نفسك
ومن ناحية اخرى فالمنتدى حواري وتبادل الاراء والمعلومات ودون
الزام بالتسليم عمياني على صحتها
فان كنت صادق وراعي تجربة كن القدوة في ذكر من غرر بك
وان كان غير ذلك فان اختيارك للموضوع غير موفق

مع تحياتي

 

[ميدنايت]

انا وياكم راح أذكر شي صار من دون ذكر اسماء

صار شباب خل كل واحد يقول على توصيه شلون أخذها وكيف طبع فيها من دون ذكر أسماء أو يذكر شخص ليس موجود في أي منتدى يعني صرف أو طبل وطلع من المنتديات علشان نخفف حدت الموضوع

وليكن الاسم البديل نفس نك صاحب الرسالة أو حته انا عادي

وخل تكون الوقائع اللي صارت دروس

أكون آنا البادئ في موضوع التصريف
المشكلة آنا صارت معاي في البالتوك
يوجد شخص صاحب محفظة كبيره كان في البداية متخفي بعدها بين أشكره انه صاحب محفظة
كل الشاب يمشون على كلامه عطاهم الأسهم اللي راح تصعد من قبل محفظته
طبعاً عطاهم بعد التجميع والاكتفاء في جميع الأسهم اللي بلغ عنها
بعدها الشباب يبون يقطون لأنهم ربحانين يقول لهم بعد السهم فوق لاتقطون
وصارت الطامة الكبرى قال لو شفتو الأسهم تنزل شيلوا أكثر لأن راح يرتد لا تخافون و تقطون
راحت الأسهم قوع وصرنا مستمرين طويلي الأمد بانتظار الإنقاذ لأنه صرف علينا

المهم ما أحب أكتب اسمه علشان لا تصير نجره ويتسكر الموضوع

نبي نشوف شكاوي الناس لتكن عبره للغير

 

[المهندس الكويتي]

كل واحد مسئوول عن قراره ولا يحمل احد نتائج هذا القرار ....