شباب فى احد دمج اسهم دانة غاز؟؟

[saam]

مرحبا يا اخوان

شباب يا ليت اذا فى احد دمج اسهم دانة غاز يفيدنا بالطريقة اذا ممكن ؟؟

ولكم جزيل الشكر ؟

 

[شبح الآجل]

الدمج للأقارب درجة الاولى فقط مثلا الاب- الام -الاخوة
1- مطلوب صور جوازت+ بطاقة مدنية+وكالة للجميع بالاضافة لك وتعبي فورما الدمج ونصيحة لاتخلي اوراق خاصة بالأكتتاب وماتاخذها معاك واهم شي عندك صندوق بريد
2-قبل الدمج تفعل رقم المستثمر موجود بالتخصيص kw او kwt ورقم كبير اما اذا مكتوب DANAG ورقم كبير تفتح رقم جديد بس هم تعطيهم صور جوازك وبطاقتك المدنية ومافي داعي تفتح لاهلك رقم مستثمر اذا مو ناوي تتدول بسوقهم
2-تدفع رسوم الدمج 200درهم للدمج
وسامحنا على القصور

 

[الغافقى]

اخوى شبح الاجل انا شيكى ما وصل الى الحين

انا حاط عنوان البيت

واذا فية طريقة اقدر القاة لا تبخل علينا فيها

 

[saam]

اشكرك على التجاوب اخوى شيخ الاجل

فى كلامك ذكر الاقارب الدرجه الاولى بالنسبة لغير هؤلاء ما هى الطريقة ؟؟
واين المكان المحدد لدمج ؟؟؟


ولك الشكر والامتنان

 

[hassankoc]

واخيرا وصل اسهم وشيك دانه غاز بس وين اصرف الشيك بالكويت بما انه الشيك من الأمارات وشلون وجم ياخذون ارجو الرد في اسرع وقت ممكن

 

[أرزاق]

استلام الشيك

اخي العزيز بوعلي
انا اللي سويته اودعت شيكي بحسابي بالتمويل واخذ عموله 5 دنانير وبعد 14 يوم تقريبا نزل.. يعني بالكثير 3 اسابيع
مع فرق الصرف البسيط
طبعا ماتسوى العنوه حق الامارات على فرق 7 دنانير بالكثير
الا اذا
الشيك فيه مبلغ كبير ومحتاجه الحين
و سلامتك
<واتوقع تصير باي بنك محلي اذا حسابك مو بالتمويل>

 

[hassankoc]

اخي العزيز بوعلي
انا اللي سويته اودعت شيكي بحسابي بالتمويل واخذ عموله 5 دنانير وبعد 14 يوم تقريبا نزل.. يعني بالكثير 3 اسابيع
مع فرق الصرف البسيط
طبعا ماتسوى العنوه حق الامارات على فرق 7 دنانير بالكثير
الا اذا
الشيك فيه مبلغ كبير ومحتاجه الحين
و سلامتك
<واتوقع تصير باي بنك محلي اذا حسابك مو بالتمويل>

يوم تأخرتو بالرد على بالمنتدى رحت المزيني وخذو 5دنانير على الشيك وقالو بعد اسبوع تعال خذ الشيك واصرفه وين ماتبي بالكويت بدون مقابل كلامهم صحيح؟

 

[شبح الآجل]

اشكرك على التجاوب اخوى شيخ الاجل

فى كلامك ذكر الاقارب الدرجه الاولى بالنسبة لغير هؤلاء ما هى الطريقة ؟؟
واين المكان المحدد لدمج ؟؟؟


ولك الشكر والامتنان

سامحونا على التأخير لظروف العمل
مافي دمج لهم بس تآخذ وكاله منهم ويستحسن بورقه واحدة عشان ماتدفع رسوم وايد حق كل واحد 5دنانير بالخارجية وعشرة للسفارة وموشرط تحضرهم مع بعض مرة واحده تزهب ديباجة التوكيل وتخليها عند الموثق وكل مافضى واحد من موكلينك وقع عند الموثق لين يوقعون كلهم تاخذ توكيلك بعد دفع الرسوم لان صعب تحضرهم كلهم مع بعض وتصدقها بالخارجية بالكويت وبالسفارة الاماراتية ولما تروح الامارات تصدقها بالخارجية الاماراتية وبعدين تروح بورصة ابوظبي وتفتح حق كل واحد منهم رقم تداول على حده ويكون عندك انت وسيط+رقم تداول خاص فيك وتفتح حق كل واحد منهم عند الوسيط نفسه مالك رقم تداول وتحط رقم حسابك بالبنك في فورمةكل واحد موكلك وبنفس الفورمة تودع حق كل واحد اسهمه يعني انت تقبض بدالهم بس ايداع الاسهم ياخذ اسبوع ( وليكن بنك دبي الاسلامي) ويتبعه وسيط الاسلامي وهو وسيطي الذي اتعامل معه
والله يعينكم حوسه

 

[شبح الآجل]

اخوى شبح الاجل انا شيكى ما وصل الى الحين

انا حاط عنوان البيت

واذا فية طريقة اقدر القاة لا تبخل علينا فيها

اتصل بالبنك الي اكتتبت فيه وعطهم رقم الفورما وزهب باجي البيانات رقم الجواز رقم البطاقة المدنية اكيد في لبس بالعنوان ان شاء الله يظبطونك بدالها وحصل معاي واقولك الي حصل معاي رقم صندوقي 297 بس دقيت عليهم قالوا لي طرشنا على 597 رحت البريد سألت عنها لقيتها واخذتها منهم