السلام عليكم ورحمة الله وبركاته سؤالي كيف الاستفاده من الامتوسط 50 و المتوسط 200 هل لمعرفة الشراء و البيع على السهم فقط السؤال موجه الى من يعرف الاجابه والتوضيح .
حياك الله اخوي اما بخصوص المتوسط 50 و200 يوم الاستفاده منها في معرفة حركة السهم اذا كانت الشموع فوق المتوسط يكون هناك رغبه في الشراء على السهم والعكس صحيح ... ومن هذي الطريقه تميز حركة السهم هل الشاري اقوى من البائع والعكس صحيح ويعمل ايضا كا دعم و مقامه واتمنى لك التوفيق
مشكور على الرد بس يليت توضحلى اكثر اذكر اثناء الدوره ذكر اخونا م/سيف ان 50 لازم تكون قبل 200 ولاكن متى وشلون والله اني ناسي مشكور مره ثانيه .
هلا بك الموفنق افرج اذا كان فوق سعر السهم راح يشكل مقاومه ويضغط على السهم طبعا اذا كان تحت راح يمثل دعم والوضع السليم يكون متوسط ال 200 تحت وفوقه متوسط ال 50 وفوقه سعر السهم وابو علي الله يذكره بالخير قال ان اسوأ حاله يكون فيها السهم لما يكون سعر السهم وفوقه متوسط ال 50 وفوقهم متوسط ال 200 وسلامتك
من القائمه الموجوده فوق insert indicators moving average إذا كان فيه طريقه أخرى أسهل وأسرع أرجو من باقي الإخوا الإفاده
تابع معي الصور فى الصوره الاولى لما تختار الموفنج افرج اسحبه بالفاره الى الشارت بعدها يطلع عندك الصندوق تختار عدد الايام اللي تبيها بعدها اختار ok راح تلقى المؤشر موجود على الشارت
