متى التدخل لوقف هالنزول ؟؟

[Metaboy]

بالعكس السوق فرصة ذهبية للشراء

بس ياليت منو ينصحني بسهم يكون حده محترم ويستاهل الشراء الحين ويكون جدا واعد وما يكون سعره غالي

قاعدة انتظر منكم الرد على أحر من الجمر قبل ما يعكس السوق وأفقد الفرص الذهبية

وشكرا


دنانير،،،

عقارية أو تجارة

وانتي حرة

 

[Bo Tasneem]

السلام عليكم

قبل شوي 245 تقريبا

والحين 159

الصبر جميل

عدل عدل .. 112 نقطه !!

نترقّب


بوتسنيم​

 

[متداول اسلامي]

مدراء المحافظ
عيونهم على التلسكلوب مادري شسمه الي اهوا المكبر
دربيل ......!

الي اقصده سيوله جاهزه .........وكبيره تسخن للسحب
ولكن تنتظر الثيران والدببه يتعبون شوي
وينطرون الغيم يخف

 

[Bo Tasneem]

عطيناه عين .. رجع 115


بوتسنيم​

 

[الدليل القاطع]

لا حول ولا قوة الا بالله

وين اللي يبي يحافظون على السوق وانهياره

 

[careful_invest]

تعظيم سلام للهيئة والمحافظ..من الواضح انها لا ترغب حاليا بالدخول بقوة حتى تعطي فرصة لمن باع بان يسترجع أسهمه بسعر معقول..ولمن عنده سيولة أن يشتري..
لاحظوا كمية المعروض المحدودة في غالبية الأسهم..مؤشر واضح بان المحافظ لن تبيع..
طيب اذا الكبارية ما راح يبيعون..ليش هالهلع الزايد عن اللزوم من صغار المستثمرين؟؟!!!!

 

[متداول اسلامي]

منو سيولته جاهزه ويبي يطلع اب 30 فلس اقل شي اليوم ؟

 

[عبدالعزيز]

انا اقول بدال ماتابعو المؤشر تابعو الطلبات العرض والطلب احسن لانها اهيا المقياس علي النزول او الصعود وماننسه قيمه التداول فانا ادعو للمتابعتها احسن حتي تعرف هل السوق طبيعي او غير طبيعي وتقدرون تحكمون علي هذا الشئ من اول مافتح السوق نزول شنو كانت الطلبات والعروض وجم كانت قيمه التداول وقتها .
اعتقد والله اعلم انه اغلب عمليات البيع تتم عن طريق عقود الاجل التي حل الاجل مالها هذا اليوم فالوضع جدا طبيعي ولايدعو للهلع .

 

[أبوعلي الميموني]

يتعدل يتعدل انشالله والله لو سوق السعوديه جان شفتوه بالارض بس سوق الكويت سوق راقي له ضوابط مو فوق فوق تحت تحت يتعدل ماكو شي انشالله

 

[almoress]

يتعدل يتعدل انشالله والله لو سوق السعوديه جان شفتوه بالارض بس سوق الكويت سوق راقي له ضوابط مو فوق فوق تحت تحت يتعدل ماكو شي انشالله

إن شاء الله متأملين خير


الله يسمع منك

 

[اعلامي]

وكالة الأنباء الكويتية كونا

اجتماع طارىء لمجلس الوزراء صباح اليوم لابلاغ المجلس برسالة الاسرة.

الصبر حتى تتسرب بعض الأخبار حول فحوى الرسالة الموجهة وما دار في اجتماع مجلس الوزراء ... اعتقد الساعه 11:00 ستكون حاسمة ​

 

[Bo Tasneem]

أوووووووووووب 110 نقطه .. زاد التقلّص !! يالله زيده


بوتسنيم​

 

[LONG TERM]

السلام عليكم


الوضع غير مسبوق للبلد .....................

اللي يوصي بالشراء لان الاسعار نازله اليوم ....... اقوله يمكن باجر تلقاها

بنزول اكبر ( لا سمح الله ) .....

انا اشوف التريث في الشراء لحين حسم الامر حتى لو كانت الاسعار اليوم

فرصه .............. خلك على المضموووون

 

[careful_invest]

السلام عليكم


الوضع غير مسبوق للبلد .....................

اللي يوصي بالشراء لان الاسعار نازله اليوم ....... اقوله يمكن باجر تلقاها

بنزول اكبر ( لا سمح الله ) .....

انا اشوف التريث في الشراء لحين حسم الامر حتى لو كانت الاسعار اليوم

فرصه .............. خلك على المضموووون

أتفق معاك أخوي..لكن برأيي التريث بالشراء مع عدم البيع..ما تدري شنو ممكن يصير من تطور سياسي مفاجئ لصالحنا. أمسك بمينونك قبل لا أييك أين منه!!!!

 

[متداول اسلامي]

السلام عليكم


الوضع غير مسبوق للبلد .....................

اللي يوصي بالشراء لان الاسعار نازله اليوم ....... اقوله يمكن باجر تلقاها

بنزول اكبر ( لا سمح الله ) .....

انا اشوف التريث في الشراء لحين حسم الامر حتى لو كانت الاسعار اليوم

فرصه .............. خلك على المضموووون

بارك الله فيك على حرصك
لكن توصيه عن توصيه تحتلف
خاصه اذا كانت من صانع للسهم

 

[المخيال1]

يااخوان العالم ما الومها ضاعت بين تشتري ولا تبيع...انا اعتقد اللي قالت الهيئه العامه للاستثمار بان على العالم تمسك السهم لاتقطه هذا قد ينفهم خطأ..عندك سهم مثل بوبيان برأيي واضح عليه تصريف ليش نتمسك فيه..حق الخساير..قطته ابرك

 

[Bo Tasneem]

أقول بوتسنيم وخر عينك اشوي عن المؤشّر السعري لأنك من جابلته وهو نازل .. حاضر !!

142 نقطه !!


بوتسنيم​

 

[أبوعلي الميموني]

محمود حيدر يصرح اليوم :«السوق وايد زين» بهذه العبارة بدأ رجل الاعمال محمود حيدر توقعاته عن تداولات سوق الكويت للاوراق المالية خلال جلسة اليوم والمرحلة المقبلة معتبراً ان البورصة هي مرآة الوضع الاقتصادي الجيد في الكويت.
واعتبر حيدر ان الحسم السياسي وفق مبدأ التوافق وبهذه السرعة والسلاسة من شأنه ان يكون متواجداً بقوة في تداولات اليوم التي توقع لها ان تشهد انطلاقة حقيقية نحو الاعلى.
واكد حيدر انه سيكون داعماً للسوق في حال استغلال البعض للتأثيرات النفسية الراهنة عبر الاتجاه نحو الشراء معتقداً ان هذا الدعم يمثل في ذات الوقت بعدا استراتيجياً على اعتبار ان البورصة مقبلة على قفزات متتالية في المرحلة المقبلة.
ولفت حيدر الى ان الكويت تتجه فعلياً الآن واكثر من اي وقت مضى لتتبوأ الصدارة كمركز مالي خليجي بل واقليمي وهو الامر الذي سينعكس على كافة تفاصيل الحياة الاقتصادية في الكويت.
منقول

 

[مستثمر1]

اسعار الاسهم قبل ايام كانت عادله اما الان فالاسعار فرصه . والحاصل بين الاسره لن يسوء اكثر من اللي حاصل الان فهذه الاسعار تعتبر فرصه. البورصه في هذه الظروف تعتبر في ظل كارثه واغتنم انت الفرصه .

والله من وراء القصد

 

[السوق الكويتي]

فعلا الاسعار مغرية ... بس ماتدري الوضع شنو ...

انا عن نفسي .. راح امسك اللي عندي ولا راح ابيع بخسارة ...

وما افكر اشتري اي سهم حتى تتضح الرؤية ... للحين السووق 190-