ياالموت كنك بالخليج إستقريت

الموضوع في 'إستراحة المنتدى' بواسطة عائض بن فيصل ال رشيد, بتاريخ ‏21 يناير 2006.

  1. عائض بن فيصل ال رشيد

    عائض بن فيصل ال رشيد عضو محترف

    التسجيل:
    ‏14 ديسمبر 2003
    المشاركات:
    6,715
    عدد الإعجابات:
    1
    مكان الإقامة:
    الـريـاض
    ياالموت كنك بالخليج إستقريت
    أشوف صارت لك ديــاره محــطــات

    من عام الأول وانت فينا تمثنيت
    فبوظبي خليت فالقــلب حــســـرات

    أخذت زايد راعي الطيب والصيت
    وابكيتنا وابكــيـت شعــب إلإمــارات

    خليتنا بفقده نجــر التناهـــيــت
    أبوخليفه طيب الصــيــــت والــــذات

    والعام عام الحزن يوم إنك أبكيت
    عــمـّيــت حــزنك بالـفـضـا والمجرات

    أخذت منــّـا فـهـْـد الإسلام واركيت
    بقـلـوبنا من صالي الـــنــار جـمــرات

    وشلون تاخذ خادم الدين والبيت
    وأستغفر الله ليه شارون مامات .؟؟

    لامرحبا ً بك لاهلا لاأنت حييت
    نـــدري بـهـــا رادة بـديع السموات

    ثم جيت لدبي الحبيبه ومديت
    كفك وأخذت الشيخ راعي الجمالات

    مكتوم بن مكتوم جيته وخليت
    كل العيون بـْموته تـْـهل عــبــرات

    ومن بعده بساعات ياالموت ماأبطيت
    شفـتــك توجــهـــت المنامه بــلـحـظـــــات

    في دار أبو سلمان من يوم ما جيت
    أخذت فـيصل مـنــْـه في بضع ساعات

    وشفت الكويت قريــّـبه ثم تعديت
    منها خذيت أعـَـز وأغــلا الأمـانـــات

    خذيت جابر شيخنا بس ياليت
    إنك دريت شكبر حجم الـمـعـانـــات

    خذيت جابر .. لاحشى خذت الكويت
    إي والله إنــّـا كــلــنــا مــثـل الأمــوات

    خذيت جابر .. ياهنيـّـك تهنيت
    اهــديـتـنا حـزنك .. واخــذت المسرات

    تدري بربك بأرضنا ويش سويت
    كــثـرتها بأرض الكــويت الــمــناحـات

    ساد الحزن في كل شارع وكل بيت
    حــتى الـطـيـور إسـتاحـشـت والنبـاتات

    خليتنا والله بلا قلوب واقفيت
    نزعــتـها منـّـا عــلى غير مـشـهــات

    انا اشهد إنك صح كفيت وفيت
    فـيـنا مــن وسـومك لك الله عــلامـات

    بسـّـك وإذا لأفعالك القشر حـنيت
    بــالـك تــجي لـبـلادنا والــزعــامـات


    منقووووووووول
     
  2. FreeTrader

    FreeTrader عضو محترف

    التسجيل:
    ‏15 سبتمبر 2005
    المشاركات:
    9,696
    عدد الإعجابات:
    10
    مكان الإقامة:
    الكويت
    لمسه حلوة منك يابومسك
    بارك الله فيك
     
  3. بو صالح

    بو صالح عضو نشط

    التسجيل:
    ‏25 ديسمبر 2004
    المشاركات:
    642
    عدد الإعجابات:
    0
    مكان الإقامة:
    الكويت
    قصيده رائعه

    بس منو الشاعر