لماذا هذا النزول الحاد وبكل هذه العوامل الإيجابية !! أدخل وأعط رأيك .. فهو مهم

[Bo Tasneem]

وأيضاً هذا تشارت أخير لتداول اليوم !!

* الانترنت اشتغل والحمدلله .. ومازال السوق يهوي ويهوي !! يا ترى ..

أهكذا يستقبل السوق أميرنا الجديد !! آآآخ من هالتلاعب والقصد من وراء هذا الهبوط !!


بوتسنيم​

 

[الراقي]

موحنا قلنا الأنترنت مالشغل بنزول

 

[mustafa2005]

واذا قلت اشفيه السووق نازل .. يردوون عليك ناس واتقوول السووق صارله فتره صعد صعوود كبير ... اذبحونا بهالموااااال ...

انزين .. السووق صحح تصحيح قوي ونزل .. وبعدين كمل النزول بعد وفاة أمير البلاد .... يعني بالله هل يحتاج يصحح أكثر يعني تبوونه يرد ليه 6000 نقطة !!!

الحين كل العوامل ايجابية .. ليش نازل !!!

اتحدى اي واحد يقدر يقوول شنو السبب !!! مستحيل .. نزول ماله داعي كلش !!!


ماصار سوووق ... صار صالة قمار !!! انت وحظك ...

قمار + ارهاب محافظ + نصب واحتيال + طناش من المسؤولين = خسارة ونكسه للشعب

بس ما اقول الا منهو المسوؤل عن هالخرابيط و الضغط على الأسهم
بلييييز لا تقولون الانترنت

 

[dnyay]

الهيئه العامه للاستثمار

مو جنه الهيئه تقول ان ما راح تسمح للسوق بالنزول وراح تحافظ على توازنه........ اشوف توازنه حتى ميزان اسد ما يعدله

 

[القناص80]

مو جنه الهيئه تقول ان ما راح تسمح للسوق بالنزول وراح تحافظ على توازنه........ اشوف توازنه حتى ميزان اسد ما يعدله

ههههههههههههههههه


نطلب المساعدة من مجلس الامن والامم المتحدة

 

[دنانير]

هل هو تعمد للخسف بالسوق حتى نستجدي مساعدة السلطات العليا لوقف هذا الهبوط المفتعل

هل هو نهاية لشهر العسل الذي استمر خلال عام 2005 كما ذكره أحد المحللين الماليين فيCNBC العربية:

الأيام القادمة ستوضح لنا ما تخفيه بين طياتها

دنانير،،،،

 

[مزاجي]

أنا أتوقع هالنزول يكون السبب علشان نطلب من الحكومه انها تتدخل وترفع السوق وننسى سالفة اسقاط الديون والمنحه ( يعني نقول يالله السلامه لاتطمعون )

 

[UN LIMITED]

هالسوق يبيله رجال ترفعه مثل السعودية مو ربعنا لعب وجمبزة وكل يوم عذر!
نزل السوق بسبب وفاة الأمير ما قلنا شي...شي طبيعي

إرتفع السوق بعد ما إستقرت الأمور السياسية قلنا الحمدالله بدا إعدل وإعوض اللي إفقده...لكن ربعنا كأنهم متحسفين على الرفعه ما يبون العالم تسترزق...خل إشوفون السعوديه توفى الملك فهد من صوب نزل شوي ورد إرتفع وقوم مثل جي تي 77 للحين ما وقف!!

من كثر ما أهم راهين متوقعين سوقهم يكسر 32000 نقطة.

وأحنا شغلنا طرارة النقطة الوحده بالحسرة!

 

[sadsa]

أسباب النزول
الحكومه الحاليه مؤقته وأنتظارا للحكومه الجديده وسياساتها الماليه
يتذبذب السوق
مع أنه رأس الهرم الاقتصادى فى البلد هو الامير صباح
لكن يظل المنفذ لسياساته مجهول الى الان

 

[بو طلال]

انا اقول مافى اى سبب ينزل السوق وثاني عيب على المحافظ والصناديق امير جديد الشيخ صباح الاحمد المفروظ السوق يطلع ترحيب الى الامير بس الله يسامحهم 0
السوق ان شاء الله باجر طالع

 

[sadsa]

هالسوق يبيله رجال ترفعه مثل السعودية مو ربعنا لعب وجمبزة وكل يوم عذر!
نزل السوق بسبب وفاة الأمير ما قلنا شي...شي طبيعي

إرتفع السوق بعد ما إستقرت الأمور السياسية قلنا الحمدالله بدا إعدل وإعوض اللي إفقده...لكن ربعنا كأنهم متحسفين على الرفعه ما يبون العالم تسترزق...خل إشوفون السعوديه توفى الملك فهد من صوب نزل شوي ورد إرتفع وقوم مثل جي تي 77 للحين ما وقف!!

من كثر ما أهم راهين متوقعين سوقهم يكسر 32000 نقطة.

وأحنا شغلنا طرارة النقطة الوحده بالحسرة!

فى السعوديه اللهم لا حسد البشر والناس أكثر من أسهمهم عشان جذيه تلقاها مرتفعه
عندنا الاسهم مغطيتنا وزياده وأضرب عددنا بمليار ياله نتساوى مع عدد الاسهم المعروضه عشان جذيه الطلب عليها ردىء
غير ذلك كل سنه أرباح شركاتنا توزع على شكل منح وهذا يرفع أعداد الاسهم أضعاف عددها الحالى مما تظل الكميات غير مقدور على شرائها
والله أعلم

 

[Bo Tasneem]

أبشّركم ..

استقرار في سوق دبي وانتهاء النزول والحمدلله .. يالله تمم عليهم .. ومن أكبر المثال هناك عندهم شركة "إعمار" ..

نزل سعر سهمها إلى قرابة الـ 40% من قيمته قبل التصحيح الأخير .. وقد أعلنت الشركة أرباحها قبل التصحيح وكانت قرابة الـ 150% .. وهي نسبة ربح كبيرة عن العام السابق (ماشاءالله) .. وأفاد الاقتصاديون بأن السعر الحالي مغري جداً للشراء .. BBC

السؤال: هل يؤثّر هذا الاستقرار مع السوق الخليجي ككل .. والسوق الكويتي خاصة ؟ ننتظر 10 دقائق ونرى !!


بوتسنيم​

 

[السوق الكويتي]

اتوقع اليوم السووق راح يطيب خاطرنا ....



نكسر الخاطر مو صح !!

 

[بو بندر]

امبينا بوادرها


الله يستر والله لوع جبدنا

كل يوم لهم حجه

عوووووووووع يبا نبي راس مالنا بس

دمتم

 

[السوق الكويتي]

امبينا بوادرها


الله يستر والله لوع جبدنا

كل يوم لهم حجه

عوووووووووع يبا نبي راس مالنا بس

دمتم

هههههههههههههههههههههههههههههههههههه

 

[اقتصاد77]

اتوقع ان السوق راح يصعد صعود جنوني من يوم الاحد .. والله وعلم
الاسباب
1- راح تفوح ريحه ارباح الشركات المدرجه وانتم كلكم عارفين بان ارباح
سنه 2005 قياسيه لجميع الشركات .

2- تشكيل الحكومه الكويتيه

3- الاستقرار الامني

4- ارخص اسعار بين الاسواق الخليجيه

تفائلووو بالخير تجدونه

 

[بو بندر]

هههههههههههههههههههههههههههههههههههه

لا تلو مني مو مني من هالسوق الخايس

انا لو حاطلي بسطة بنك بأجوارود واجد اشرفلي


دمتم

 

[Solid_investor]

المتتبع لحركة السوقآخر شهرين يلاحظ الآتي:
- السوق مر بأعلى مستوياته في يوم 4 ديسمبر (11986 نقطة)
- بدأت حركة التصحيح في 5 ديسمبر لغاية 4 يناير
- من 7 يناير لغايةقبل وفاة الشيخ جابر الله يرحمه استرجع السوق بعض الخسائر
- في فترة اجراءات الحكم حصل نزول حتى أستقرت الأوضاع و صعد السوق مقتربا من ال 12000 نقطة

فأتوقع أن السوق سيكسر حاجز ال 12000 عند ظهور البوادر الايجابية لأرباح 2005 و أتوقع انها تكون في أول مارس مع اقتراب انتهاء مهلة الشركات للأفصاح عن ارباح 2005

مجرد رأي

 

[سامر]

شبعنا تطمينات وآخرها من الهيئة العامة للاستثمار
وآخرتها يصرفون الأسهم على صغار المستثمرين
وكل يوم السوق من سيء الي اسوء
وزاد الطين بلة اخبار عجز الميزانية وتوقعات بفرض ضرائب على المواطنين
لقد توقع الكثيرين ان السوق كان سيرتفع ابتهاج بمناسبة تولي سمو الشيخ صباح لكن تجري رياح السوق عكس سفن صغار المستثمرين .

 

[Bo Tasneem]

مو جنّه اللي بناه السوق أمس .. قاعد يهدمه اليوم !!

ما أقول إلاّ كما قالت سيدة البنات المراهقات "مشاعل الزنكوي" يهديها الله ..

أي شي !!


بوتسنيم​