خمسة اسهم اشترِها.. وخمسة ضارب عليها.. وخمسة لا تقرب منها

بوصله

عضو جديد
التسجيل
23 أغسطس 2005
المشاركات
4
السلام عليكم ورحمة الله وبركاته
اطلعتنا جريدة القبس بموضوع خمس سركات اشترها وخمس ضارب عليها وخمس لاتقرب منها ، ونرجو من الاخوه المشاركه في هذا الموضوع وأبداء أرائهم مع الحرص على الصدق والامانه ومراقبة الله بالسر والعلن .
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

اولا مشكور على هلاموضوع الجيد .
اسهم تشتريها .
1.كويتيه للاستثمار .2.اسمنت شارقه .3.عقارات وطنيه .4.انابيب.5.عربي قابضه .
اسهم للمضاربه (السريعه).
1.استثمارات صناعيه 2.تجاره3.مشاريع4.صناعات متحده5.وكثير من الاسهم ؟.
اسهم لاتقرب يمها .
1.مجموعه دوليه وتوابعها .2.المال3.جميع اسهم البحر.
 

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
حدث العاقل بما يعقل

أسهم تشتريها: أنابيب !!
عندي هالسهم من قبل 3 سنين، شريته 1.340 لما كانت المخازن بنفس السعر وكان عليه كلام قوي..
وإذا كنت متابع للسهم فأعتقد شفته لي وين نزل وفوق هذا نطرت قلت بخليه استثمار.. "امحق استثمار"
أخذت توزيعتين وزدت راس المال بالاكتتاب السنه اللي طافت وعليك حسبة الخساره !!
الناس بالفتره اللي نطرت فيها راس مالهم اندبل 3 مرات عالأقل وسهم أنابيب اتضح لي لو مضارب فيه وايد أحسن !!
واللي يقول إنه مو سهم مضاربه للأسف ما يعرف بالسوق.. ولأني ما أعرف بالسوق سمعت كلام غيري سنين وجنيت أرباح عجيبه :p

وللعلم للحين أملك سهم أنابيب.. وشوفة عينك حتى مع آخر عقد وللحين مكانك راوح !!


والمجموعة الدولية أخذتها 540 وشوف سعرها اليوم
وعليك الحسبة جم ربحان منها ولله الحمد :cool:

فعلاً
حدث العاقل بما يعقل​
 

المضاربه فن

عضو نشط
التسجيل
26 سبتمبر 2004
المشاركات
1,330
الخمسه الي لا تقربلها
بوبيان
بوبيان
بوبيان
بوبيان
بوبيان
حسبيا الله ونعم الوكيل
 

fhdtur

عضو نشط
التسجيل
20 مارس 2005
المشاركات
93
مجموعة الصناعات و إقطع

الخمس اللي تشتريها و تحط ريولك بماي بارد هي أسهم مجموعة الصناعات و ريح بالك :
الصناعات القابضة
الوطنية لمواد البناء
مشاريع التخصيص
إسمنت الكويت
و إن شاء الله هاليومين النور للإستثمار المالي عندما تدرج بالبورصة.
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

ويلاه قال:
أسهم تشتريها: أنابيب !!
عندي هالسهم من قبل 3 سنين، شريته 1.340 لما كانت المخازن بنفس السعر وكان عليه كلام قوي..
وإذا كنت متابع للسهم فأعتقد شفته لي وين نزل وفوق هذا نطرت قلت بخليه استثمار.. "امحق استثمار"
أخذت توزيعتين وزدت راس المال بالاكتتاب السنه اللي طافت وعليك حسبة الخساره !!
الناس بالفتره اللي نطرت فيها راس مالهم اندبل 3 مرات عالأقل وسهم أنابيب اتضح لي لو مضارب فيه وايد أحسن !!
واللي يقول إنه مو سهم مضاربه للأسف ما يعرف بالسوق.. ولأني ما أعرف بالسوق سمعت كلام غيري سنين وجنيت أرباح عجيبه :p

وللعلم للحين أملك سهم أنابيب.. وشوفة عينك حتى مع آخر عقد وللحين مكانك راوح !!


والمجموعة الدولية أخذتها 540 وشوف سعرها اليوم
وعليك الحسبة جم ربحان منها ولله الحمد :cool:

فعلاً
حدث العاقل بما يعقل​
========
اعتقد ان كلامك موجه لي ؟
طيب فعلا حدث العاقل بما يعقل ؟؟؟؟:)
مو مشكلتي انك اشتريته قبل سنتين وبسعر عالي .
الان الانابيب فقط للاستثمار .
والمجموعه انت اشتريتها ب540 واكيد بعتها بسعر اعلى شوي والا للحين متمسك فيها ؟
نرد لسالفه الانابيب شلون تقول مو استثمار مع ان اللي باعك السهم بسعر 1230 ربح منك يعني السهم زين ؟
الخلاصه الانابيب ماكنت انصح فيها من قبل سنتين .اما الان فانصح فيها .وحدث العاقل بما يعقل .
ويلاه منك :)
 

kkekke

عضو نشط
التسجيل
26 أبريل 2004
المشاركات
414
اقولك يا الحبيب اشـــــــــتر انـــــــــابيب

هات إذنـــــــــــــــــــــــــــك واشتر ادنك

مني لك احلى اشارات تمسك بامتيازات

خلاص كافي ثلاثة
 

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
خير الكلام قال:
========
اعتقد ان كلامك موجه لي ؟
طيب فعلا حدث العاقل بما يعقل ؟؟؟؟:)
مو مشكلتي انك اشتريته قبل سنتين وبسعر عالي .
الان الانابيب فقط للاستثمار .
والمجموعه انت اشتريتها ب540 واكيد بعتها بسعر اعلى شوي والا للحين متمسك فيها ؟
نرد لسالفه الانابيب شلون تقول مو استثمار مع ان اللي باعك السهم بسعر 1230 ربح منك يعني السهم زين ؟
الخلاصه الانابيب ماكنت انصح فيها من قبل سنتين .اما الان فانصح فيها .وحدث العاقل بما يعقل .
ويلاه منك :)


أنابيب استثمار ولا تزعل

وإذا السالفه سالفة اللي باعني ربح فليش تزعل إذا أحد خسر :rolleyes:

وأبشرك للحين عاض المجموعه د ;)
 

برق الشرق

عضو نشط
التسجيل
13 أغسطس 2005
المشاركات
1,018
الإقامة
في ظل غيمة!
اشتر:
استثمار خليجي
مزايا
صكوك
وانحش من:
جيزان
المباني
السفن
 

saja

عضو نشط
التسجيل
9 أكتوبر 2004
المشاركات
205
اسهم تشتريها

1- خرسانة خلويه
2- الرابطة
3- الصفوة
4- اسمنت ابيض
5- هواتف

اسهم مضاربه

1- الاولى للاستثمار
2- تخصيص
3- متحده
4- اهليه
5- غلف انفست

اسهم لا تشتريها

1- مخازن
2- مركز سلطان
3- مجموعة دوليه
4- جراند
5- تعمير
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

ويلاه قال:
أنابيب استثمار ولا تزعل

وإذا السالفه سالفة اللي باعني ربح فليش تزعل إذا أحد خسر :rolleyes:

وأبشرك للحين عاض المجموعه د ;)
===========
طيب مااختلفنا .ليش ماتكتب رأيك بكل سهم بحريه (بحريه مو البحريه :). :)
اكتب ان المجموعه ممتازه للاستثمار وان الانابيب للمضاربه ماكو اي مشكله .
وبالاخير راح نشوف النتايج :)
وتاكد ان الاختلاف بوجهات النظر هو شئ صحي .والاحلى اننا نكون اخوان مهما كانت الظروف .
وليش ازعل اذا احد خسر ؟طبعا ازعل اذا انت خسرت والا تبيني افرح ؟
 

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
الله كريم

خير الكلام قال:
===========
طيب مااختلفنا .ليش ماتكتب رأيك بكل سهم بحريه (بحريه مو البحريه :). :)
اكتب ان المجموعه ممتازه للاستثمار وان الانابيب للمضاربه ماكو اي مشكله .
وبالاخير راح نشوف النتايج :)
وتاكد ان الاختلاف بوجهات النظر هو شئ صحي .والاحلى اننا نكون اخوان مهما كانت الظروف .
وليش ازعل اذا احد خسر ؟طبعا ازعل اذا انت خسرت والا تبيني افرح ؟


إن شاء الله إخوان بدون شك

اللي شايفه إن كل الأعضاء بهالمنتدى يكتبون بكل حريه
و ويلاه عضو مثلهم ويكتب بكل حريه :cool:

لكن للأسف ماني محلل وأقدر أحلل الأسهم، والا بتشوف كل هالصفحات اللي بالمنتدى والمنتدى اللي ورانا وحتى اللي براس العاير مافيهم صفحه إلا وفيها تحليل لي.. فاحمدوا ربكم إني ما صرت محلل :p

أذكر مره وحده حللت جم سهم لما كنت ماخذ دورة مبتدأ وطلع تحليلي ثاني يوم نفس ما ذكرت :confused:
واللي متابع كتاباتي يعرف نوعية كتاباتي، والحمدلله إني بعيد عن الإشاعات أو وكالة يقولون

أما بالنسبه لتعليقي على كلامك فكان لسبب إني أملك بالسهمين المذكورين فتره طويله نفس ما ذكرت، ورفيجي ضارب بسهم أنابيب وطلع منه خير الله يزيده، وهذا اللي خلاني أذكر اللي حصل معاي وعليكم انتوا إنكم تقارنون وتقيمون
مو يقول المثل " إسأل مجرب ولا تسأل خبير " ;)

وإذا كان الهدف إن بالأخير نشوف النتايج
فآنا متأكد إن احنا مو بسباق ولا بامتحان، ولا حتى نعرف بعض إذا شفنا بعض بالشارع، ويمكن كل يوم نشوف بعض، ويمكن نكون أهل بس النك عامل عمايله :D

ومتأكد إن الفلوس اللي شريت فيها أسهمي ما أخذتها من أحد
ولا الفلوس اللي إنت شريت فيها أسهمك من جيبي
وسواء نزل السهم والا صعد مافي واحد راح يفيد أو يضر الثاني

مشكلتنا بهالمنتدى إن أي واحد يخالفني الراي صار ضدي

بس الواحد شنو يقول إذا كانت نيته صافيه ويحب يفيد إخوانه ويرجع كلامه عكسي عليه؟؟

ما يقول إلا

الله كريم
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

ويلاه قال:
إن شاء الله إخوان بدون شك

اللي شايفه إن كل الأعضاء بهالمنتدى يكتبون بكل حريه
و ويلاه عضو مثلهم ويكتب بكل حريه :cool:

لكن للأسف ماني محلل وأقدر أحلل الأسهم، والا بتشوف كل هالصفحات اللي بالمنتدى والمنتدى اللي ورانا وحتى اللي براس العاير مافيهم صفحه إلا وفيها تحليل لي.. فاحمدوا ربكم إني ما صرت محلل :p

أذكر مره وحده حللت جم سهم لما كنت ماخذ دورة مبتدأ وطلع تحليلي ثاني يوم نفس ما ذكرت :confused:
واللي متابع كتاباتي يعرف نوعية كتاباتي، والحمدلله إني بعيد عن الإشاعات أو وكالة يقولون

أما بالنسبه لتعليقي على كلامك فكان لسبب إني أملك بالسهمين المذكورين فتره طويله نفس ما ذكرت، ورفيجي ضارب بسهم أنابيب وطلع منه خير الله يزيده، وهذا اللي خلاني أذكر اللي حصل معاي وعليكم انتوا إنكم تقارنون وتقيمون
مو يقول المثل " إسأل مجرب ولا تسأل خبير " ;)

وإذا كان الهدف إن بالأخير نشوف النتايج
فآنا متأكد إن احنا مو بسباق ولا بامتحان، ولا حتى نعرف بعض إذا شفنا بعض بالشارع، ويمكن كل يوم نشوف بعض، ويمكن نكون أهل بس النك عامل عمايله :D

ومتأكد إن الفلوس اللي شريت فيها أسهمي ما أخذتها من أحد
ولا الفلوس اللي إنت شريت فيها أسهمك من جيبي
وسواء نزل السهم والا صعد مافي واحد راح يفيد أو يضر الثاني

مشكلتنا بهالمنتدى إن أي واحد يخالفني الراي صار ضدي

بس الواحد شنو يقول إذا كانت نيته صافيه ويحب يفيد إخوانه ويرجع كلامه عكسي عليه؟؟

ما يقول إلا

الله كريم
================
حبيبي ويلاه السهم اللي للمضاربه من صقاته انه يكون متحرك مو جامد .
حقيقه من الناحيه النفسيه مااحب احد يخسر وايضا من الناحيه العمليه خساره صغار المستثمرين تضر اقتصاد البلد .
المجموعه الدوليه حسب خبرتي بالزندقه البورصويه :)
اقول حسب خبرتي المتواضعه راح تعلن عن توزيعات مربكه ومدروسه .
فان شفت فيها زياده راس مال كبيره وعلاوة اصدار مبالغ فيها فعليك الحذر خاصه وانت طالع بخساره من الانابيب .
والله خوفي تكون علاوة الاصدار اكثر من 500 فلس:((
وعليك الحسبه مع الاخذ بعين الاعتبار ان اهل الشركه مو ثقه والتاريخ يشهد .
المهم دير بالك انت والاخوة الباقين ترى لا انا ولا انت ولا احد يقدر على حراميه السوق خاصه وان الاعلام وحتى بعض الجهات الرسميه تدعمهم .
 

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
خير الكلام قال:
================
حبيبي ويلاه السهم اللي للمضاربه من صقاته انه يكون متحرك مو جامد .
حقيقه من الناحيه النفسيه مااحب احد يخسر وايضا من الناحيه العمليه خساره صغار المستثمرين تضر اقتصاد البلد .
المجموعه الدوليه حسب خبرتي بالزندقه البورصويه :)
اقول حسب خبرتي المتواضعه راح تعلن عن توزيعات مربكه ومدروسه .
فان شفت فيها زياده راس مال كبيره وعلاوة اصدار مبالغ فيها فعليك الحذر خاصه وانت طالع بخساره من الانابيب .
والله خوفي تكون علاوة الاصدار اكثر من 500 فلس:((
وعليك الحسبه مع الاخذ بعين الاعتبار ان اهل الشركه مو ثقه والتاريخ يشهد .
المهم دير بالك انت والاخوة الباقين ترى لا انا ولا انت ولا احد يقدر على حراميه السوق خاصه وان الاعلام وحتى بعض الجهات الرسميه تدعمهم .


أولاً: أنابيب: مع إني ما أتابعه بشكل مستمر وناسيه بس أعتقد إنه يصعد وينزل بين 770 - 1.020 ناقص اشوي والا زايد ماني متأكد بس أعتقد بين هالرقمين لأني فعلاً ناسيه ولا أشيك عليه، فأصبح متحرك والا إنت اشرايك؟؟

ثانياً: المجموعة د: تأكد إن لي هدف ولا ناطر الأرباح مع إنها تفيد، وبالنسبه لملاك السهم فالشي هذا ما يعنيني، لأني أدور ربحي من أي سهم بالسوق، وهذا آنا مثل ما قلت لك مع أنابيب من عمر وملاكه إنت أدرى فيهم، لكن شوفة عينك..

وأخيراً وليس آخراً حرامية السوق الحمدلله إنهم ما يقدرون يفتحون الأدراج ويحولون أسهمنا أو يبيعونهم على كيفهم والا يشترون لنا على مزاجهم ;)
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

حبيبي ويلاه الانابيب سهم للي عنده سيوله ويحب يستثمر .اما اللي يحب ربح سريع فهناك مجموعه كبيره من الاسهم للمضاربه .حقيقه سهم تربح منه 20 فلس كل اسبوع تفضل من سهم تنطر عليه شهور على حاله .
اما بخصوص المجموعه د انا افضل السكوت حاليا لكي لااسبب ربكه لاخواننا اللي بالمنتدى يعني خلاص حذرت والمزيد من التحذير شئ بايخ .
99% متاكد ان المجموعه راح يصير عليها زلزال وكارثه وال1% ممكن تكون على خطأ .انا بشر مهما كان .
وعلى طاري الحراميه اي يقدرون يبيعونك ورق وياخذون فلوسك كما حصل مع جيزان .
ومو شرط انهم يغتحون الادراج ؟
بقولك عن سالفه مره حذرت شخص ابواقع الحياة وقلتله بيع سهم معين بس مااقتنع لاني اعرف شنو يعني الامل بالنسبه للمستثمر .
فما راح ينفع كلامي او تحذيري مهما كان .
سهم الاسواق قبل الغزو لما يصعد من 25 فلس ل26 فلس الكل يصفق ويستانس .
واللي قاعد اشوفه ان هناك ملايين الاسهم قاعده تتصرف بشكل عجيب .
ماكو احد من صغار المستثمرين باع المجموعه بالعكس اكثر اللي اشتروا من الصغار .طيب منو هالغشيم اللي باع ؟
ابيك اتجاوب على سؤالي ؟
 

أحمداني

عضو نشط
التسجيل
9 يناير 2006
المشاركات
123
السلام عليكم,,,

يا جماعه اذا ممكن تزودوني بالمقال

و دمتم
 

SpeciaL 1

عضو مميز
التسجيل
23 يوليو 2005
المشاركات
5,672
الإقامة
أي مكان فيه واي فاي
شكر واعتذار

خير الكلام قال:
حبيبي ويلاه الانابيب سهم للي عنده سيوله ويحب يستثمر .اما اللي يحب ربح سريع فهناك مجموعه كبيره من الاسهم للمضاربه .حقيقه سهم تربح منه 20 فلس كل اسبوع تفضل من سهم تنطر عليه شهور على حاله .
اما بخصوص المجموعه د انا افضل السكوت حاليا لكي لااسبب ربكه لاخواننا اللي بالمنتدى يعني خلاص حذرت والمزيد من التحذير شئ بايخ .
99% متاكد ان المجموعه راح يصير عليها زلزال وكارثه وال1% ممكن تكون على خطأ .انا بشر مهما كان .
وعلى طاري الحراميه اي يقدرون يبيعونك ورق وياخذون فلوسك كما حصل مع جيزان .
ومو شرط انهم يغتحون الادراج ؟
بقولك عن سالفه مره حذرت شخص ابواقع الحياة وقلتله بيع سهم معين بس مااقتنع لاني اعرف شنو يعني الامل بالنسبه للمستثمر .
فما راح ينفع كلامي او تحذيري مهما كان .
سهم الاسواق قبل الغزو لما يصعد من 25 فلس ل26 فلس الكل يصفق ويستانس .
واللي قاعد اشوفه ان هناك ملايين الاسهم قاعده تتصرف بشكل عجيب .
ماكو احد من صغار المستثمرين باع المجموعه بالعكس اكثر اللي اشتروا من الصغار .طيب منو هالغشيم اللي باع ؟
ابيك اتجاوب على سؤالي ؟


الأخ خير الكلام

النقاش طال مع إن مشاركتي كانت لطرح واقع مُجرّب
لكن
أصبحت هذه الزاوية وكأنها نقاش يخص ويلاه و خير الكلام

ذكرت بالسابق تجربتي مع أنابيب منذ 3 سنوات إلى الآن
وذكرت أيضاً تجربتي مع المجموعة د منذ أن كانت بسعر 540 وحتى تاريخ كتابة هذا الموضوع وقد أصبحت بفضل الله 1.020

والتقييم للقاريء الذي كُتِب من أجله هذا الموضوع ليقارن بنفسه ويقيم أي السهمين للاستثمار وأيهم يبتعد عنه، ويشهد الله بأني إلى هذه اللحظة أملك بالسهمين

وبالتأكيد أن الفترة التي تمسكت بها بسهم المجموعة د تعد فترة استثمار ولا أشك بذلك

وبالنسبة للسؤال الموجه لي فأعتقد تداول اليوم هو أفضل رد على السؤال المطروح والمطلوب مني الإجابة عليه


إلى هنا أتمنى أن أكون قد وفقت في نقل واقع لا يخفى على أحد، لأنه وبمجرد الضغط على لوحة المفاتيح في سايت البورصة وإعادة تاريخ الشركتين سيتضح للقاريء ما ذكرت

انتهى تعليقي على هذا الموضوع


شكراً لك خير الكلام للمساهمة في تنوير القراء
وعذراً للقراء على الإطالة
 

الهادى

عضو نشط
التسجيل
11 سبتمبر 2004
المشاركات
499
او سهم لو اشتراك لاتشتريه
عربيه عقاريه
عربيه عقاريه
عربيه عقاريه
عربيه عقاريه
عربيه عقاريه

طلقه بالثلاث وتنازل عن كل حقوقك الماديه افضل لان ملاكه كل يوم خسرانين تقول يدفعون نفقه ( امحق من سهم يجيب الفقر لو بالصين )
 
أعلى