شركة المزايا القابضة ش.م.ك.م ( مزايا ) .‏

[nasy]

اولا مشكور على التذكير وبارك الله فيك

بس ايضا وايز نبهنا عليها سابقا

وهو يقول خذوها ان عدت ال 830

انا اقول ان عدت ال 850 أأمن

وهي عدت

اخ الصبر مفتاح اكو توصيات كثيره تقول اذا السهم كسر الرقم الفلاني اخذه ..... طيب السؤال مو احتمال يوصل هالرقم على سبيل المثال ويرجع ويعلقني بعد ما شريت ..... مجرد سؤال ؟

 

[kokoko]

ngdy 25 fils
min7a 25%
zyzdt ras mal 30% 300 fils

 

[Bo Tasneem]

شباب .. إللي شرا اليوم (مثلي ) .. هل تحوشه التوزيعات إن شاءالله !!


بوتسنيم​

 

[برق الشرق]

كم ربحية السهم؟ هذا هو المهم

 

[بوحسن]

اخ الصبر مفتاح اكو توصيات كثيره تقول اذا السهم كسر الرقم الفلاني اخذه ..... طيب السؤال مو احتمال يوصل هالرقم على سبيل المثال ويرجع ويعلقني بعد ما شريت ..... مجرد سؤال ؟

كل سهم واخلاقه

بس هالسهم ياي من هالشكل Channel Pattern moving in an Uptrend

يعني السهم متجه بشكل متصاعد داخل جنل متصاعد

يعني هالتماسك الي صار هدفه شنو ؟ والترند الصاعد هدفه شنو .. يبيله تفصيل اكثر ومن فقط هذا الترند لن يكون واضح او انا ما قريت عنه شي واضح ولكنه سيستمر بالارتفاع ..مكن من خلال نظرية الموجات الصوره تكون اوضح

تدري ... لو ما كان في خبر زين جان قتلك في احتمال تشوف السهم باجر 840

اسال وايز فهو صاحب هذا السهم عموما

 

[برق الشرق]

تدري ... لو ما كان في خبر زين جان قتلك في احتمال تشوف السهم باجر 840

كلامك على متمه!
الاحتمال له نسبة كبيرة ,تعودنا في الارتفاعات السريعة يتبعها انخفاض لتاسيس السعر ,والمجموعه الدولية خير دليل

 

[العمـــــــــدة]

كم ربحية السهم؟ هذا هو المهم

ربحية السهم 94 فلس فوق الممتاز ....


مبرووك لملاك السهم ,, أتوقع السهم يدور الدينار الأن قبل الأدراج ببورصة الأمارات

 

[Q8 Stock]

مجلس ادارة المزايا يوصي بتوزيع 25%نقدي و25%منحة و30% زيادة رأسمال
يعلن سوق الكويت للأوراق المالية أن مجلس ادارة شركة المزايا القابضة
قد اجتمع أمس الثلاثاء الموافق 07-02-2006، واعتمد البيانات المالية
السنوية للشركة للسنة المالية المنتهية في 31-12-2005، وفقا لما يلي:‏
ِ1) نتائج أعمال الشركة:‏
البند السنة المنتهية في 31-12-04 السنة المنتهية في 31-12-05‏
الربح(د.ك) 6,585,308 14,008,429‏
ربحية السهم(فلس كويتي) 43,90 93,72‏
علما بأن ربح السنة المالية المنتهية في 31-12-2005 يتضمن أرباحا غير محققة
بمبلغ قدره 5,969,129 د.ك.‏
ِ2) التوزيعات المقترحة:‏
أوصى مجلس ادارة الشركة باجراء التوزيعات التالية عن السنة المالية المنتهية
في 31-12-2005، للمساهمين المسجلين بسجلات الشركة بتاريخ انعقاد
الجمعية العمومية:‏
توزيع أرباح نقدية 25% من القيمة الاسمية للسهم 25 فلس كويتي لكل سهم
توزيع أسهم منحة 25% من رأس المال المدفوع 25 سهم لكل 100 سهم
كما أوصى مجلس الادارة بزيادة رأسمال الشركة بنسبة 30% من رأس المال المدفوع،
بقيمة اسمية 100 فلس كويتي للسهم الواحد، مضاف اليها علاوة اصدار قدرها
ِ300 فلس كويتي للسهم الواحد.‏
علما بأن هذه التوصيات تخضع لموافقة الجمعية العمومية للشركة والجهات ‏
المختصة.‏

 

[sam]

ان شاء اللة حد اعلى اليوم

 

[boali]

انشالله

 

[A.M.W]

السلام عليكم يا جماعة الخير نصيحة الاخوة وايز والجيماز والصبر مفتاح
ابي شوركم ادش عالسهم يوم السبت والا راحت علي ارجو منكم توصية قبل يوم السبت وجزاكم الله الف خير

 

[sam]

مادري ليش شايف السهم راح يوصل 1.250 وعلى فكرة سهم محترم

راي شخصي وليس دعوة للشراء او البيع

 

[browser]

مادري ليش شايف السهم راح يوصل 1.250 وعلى فكرة سهم محترم

راي شخصي وليس دعوة للشراء او البيع

اشاركك الراي .... شركة ممتازة و ادراجها في دبي 20 الشهر

 

[راعيها]

لاهل التحليل الفني

الى اهل التحليل الفني نرجوا المساعده ........

ناس تقول سعر البيع 920 وناس تقول 1,000 دينار

وناس تقول راح يصير جني الارباح على 960


لحقوا علينا يا اهل التشاراتات وقتكم قبل ما تتبخر ارباحنا .

 

[بوحسن]

السلام عليكم يا جماعة الخير نصيحة الاخوة وايز والجيماز والصبر مفتاح
ابي شوركم ادش عالسهم يوم السبت والا راحت علي ارجو منكم توصية قبل يوم السبت وجزاكم الله الف خير

انا مو عاجبني هالسعر الي وصله 900
ابي مره ثانيه اشتريه 840 ولا تدري 850 ما يخالف

وايز المفروش يعطيك الراي الشارتي هذا السهم سهمه

والجيماز يقولك متى تبيع

 

[bo_ahamad]

والله أنا أشوف سعرها الحين على ال900فلس وايد ممتاز وذلك بسبب أرباحها وتوزيعاتها المميزة والشي الثاني بسبب قرب أدراجها في دبي والمتوقع يكون أدراجها بسعر يقارب 1.100 وذلك على حسب الكلام اللي قاعد يدور بالسوق وثالثا مثل ماشفتو تداولها يوم الأربعاء كان جيد على ال900فلس!

 

[ibrahimi]

وشنو تحليلكم اليوم على870 فية نزول بعد ولا راح يثبت

 

[برق الشرق]

وشنو تحليلكم اليوم على870 فية نزول بعد ولا راح يثبت

صعب الواحد يتوقع السعر لأن السوق هذا الاسبوع غير مستقر, لكن باعتقادي انه راح يأسس حول ال 850 كما ذكرت في مشاركة سابقة.

 

[Semsar]

السهم كسر التماسك بتاريخ 7 -2 بسعر 840 تقريباً
ومتجه الى طول الحركه اللي سبقت التماسك وفيها تقريبا ربع دينار
يعني 840 + 250 =990 فلس كهدف اول
وانشالله راح يتحقق من اسبوع الى شهر

 

[العمـــــــــدة]

حسب معلوماتي .... أي سهم قبل أدراجه ... يأخذ معدل الأقفال لأخر 5 أيام

لذلك قبل الأدراج في دبي .... المزايا لا بد أن يكون ورائها صعود قوي

فوق الدينار هذا الكلام الذي يدور أن تداول في في بورصة دبي

يعني السهم فيه خير أنشاء الله