بنــــــك جــــابر الأســـــلامي

السهم الملكي

عضو نشط
التسجيل
14 ديسمبر 2005
المشاركات
11
50% من أسهم بنك جابر تُمنح للكويتيين
تقدم مجموعة من النواب باقتراحين بقانونين لمجلس الامة امس لتأسيس شركة مساهمة عامة كويتية باسم «بنك جابر الاسلامي» برأسمال مقداره 300 مليون دينار.
وقرر الاقتراحان تخصيص 50% من اسهم البنك كمنحة للمواطنين يكتتب بها الكويتيون بأعداد متساوية من الاسهم باسم كل منهم، فيما تخصص 15% من الاسهم للجهات الحكومية المكلفة بالتأسيس و15% اخرى تطرح في مزاد علني و20% من الاسهم تطرح لاكتتاب مواطني مجلس التعاون الخليجي، على ان يؤسس البنك خلال ستة اشهر من تاريخ صدور القانون.
 

s man

عضو نشط
التسجيل
2 مايو 2005
المشاركات
327
يعنى 150 دينار للكويتى

مانبى , خلوا اقتراحكم لكم , نبى اسقاط القروض عن الكويتيين قبل العراقيين وباقى الخمة :mad:
 

ali17

عضو نشط
التسجيل
1 فبراير 2006
المشاركات
237
عدل كلام اخوي s man
نبي اسقاط القروض ومانبي اي شي ثاني ... ياجماعه الدواوين كلها تتكلم بهالموضوع ... والله مسكين الكويتي مايستاهل والله يعطون العراق ويخللون هالفقير الكويتي واهو احق منهم بهالثروه والله قهر ..اللي ينطر المعاش نطره .. طيبو خاطره...
وآنه عن نفسي وعن اهلي وربعي ومعارفي اللي امون عليهم
اقول حق اعضاء مجلس الامه... الحكومه مالها شغل وخصوصا الدائرة اللي آنه فيها ماني قايل اي دائرة
بس احب اقول لاعضاء دائرتي الكرام ... والله اذا ماتحركتو بالموضوع ماتشوفون حتى قطو يصوت لكم وعندي كمية لابأس بها من الاصوات ولكن تغير النتائج
تحركو اولا واذا ماقدرتو هذا شي ثاني
لكم كل الاحترام والتقدير
على فكره احب اقول بأن هذه الكلمات مجررد تذكيير فقط
واسمحولي اني اتكللم بهذه الطريقه ... مقهور شسوي
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
عمي افهم ارجوك

ali17 قال:
عدل كلام اخوي s man
نبي اسقاط القروض ومانبي اي شي ثاني ... ياجماعه الدواوين كلها تتكلم بهالموضوع ... والله مسكين الكويتي مايستاهل والله يعطون العراق ويخللون هالفقير الكويتي واهو احق منهم بهالثروه والله قهر ..اللي ينطر المعاش نطره .. طيبو خاطره...
وآنه عن نفسي وعن اهلي وربعي ومعارفي اللي امون عليهم
اقول حق اعضاء مجلس الامه... الحكومه مالها شغل وخصوصا الدائرة اللي آنه فيها ماني قايل اي دائرة
بس احب اقول لاعضاء دائرتي الكرام ... والله اذا ماتحركتو بالموضوع ماتشوفون حتى قطو يصوت لكم وعندي كمية لابأس بها من الاصوات ولكن تغير النتائج
تحركو اولا واذا ماقدرتو هذا شي ثاني
لكم كل الاحترام والتقدير
على فكره احب اقول بأن هذه الكلمات مجررد تذكيير فقط
واسمحولي اني اتكللم بهذه الطريقه ... مقهور شسوي

حبيب قلبي شنو تقول انت ؟؟
اسقاط قروض مافي
و بالعكس راح يطيحون ديون العراق و يعطون تبرعات للكل الا الا الا الا الا انت يالكويتي لما تموت وانت مديون وانا اجن كذلك ونندفن بالديون
موت وانا اموت وكل الكويتيين يموتون مديونين هذا اللي يبونه .

فهمت
 

browser

عضو نشط
التسجيل
12 ديسمبر 2005
المشاركات
161
يا جماعة اسقاط القروض عن الكويتيين نقمة ! و الله نقمة !


اولا : من غير العدل اسقاط القروض عنهم لانه عامل يساعد على التضخم بشكل كبير

ثانيا : المتضرر من اسقاط القروض هو المواطن نفسه و المستفيد الاول هم تجار العقار و البنوك فقط

ثالثا : تخيل كم راح ترتفع اسعار الاراضي !!! و الايجارات و العقار !!! شي خيال راح يصير بالبلد

رابعا : اول ما يطيحيون القروض تلقى ثاني يوم الكويتيين طق على البنوك يتسلفون

خامسا : شنو ذنب اللي مو ماخذ قرض !!

سادسا : انا لست مع اسقاط القروض عن العراقيين و لا الاردنيين بل عكس زيد عليهم الفايدة احسن

سابعا : انا عندي قرض , و محد طقنا على ايدنا و قالنا روحوا اخذوا قروض !! بكيفنا خذيناه و توهقنا فيه ! ليش الحكومة تطيحه !!

ثامنا : اذا طيحوا القروض و الله سعر اجار الشقق يوصل 1000 دينار و قول ما قلت !



غلط غلط غلط ,,, هذي مشكلة النواب الجهلة لما يحاولون يكسبون مواقف سياسية على حسابنا احنا و مسوين روحهوم فاهمين !!

لما توصل نائب جاهل للبرلمان هذي نوعية اقتراحاته , ناس ما تخاف على بلد !!
 

browser

عضو نشط
التسجيل
12 ديسمبر 2005
المشاركات
161
الاوحديون قال:
يالكويتي لما تموت وانت مديون


موت وانا اموت وكل الكويتيين يموتون مديونين هذا اللي يبونه .

فهمت



و ليش تتسلف !!


منو طقك على ايدك !!!

انا حالي من حالك !

بس كلنا تسلفنا برضانا !


اما بتدش السوق , او تبي تبني بيت او تشتري سيارة ! و الله 99% من الكويتيين هذا حالهم !

بس محد قالك تتسلف !!
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
أله شالرد الجاف

browser قال:
و ليش تتسلف !!


منو طقك على ايدك !!!

انا حالي من حالك !

بس كلنا تسلفنا برضانا !


اما بتدش السوق , او تبي تبني بيت او تشتري سيارة ! و الله 99% من الكويتيين هذا حالهم !

بس محد قالك تتسلف !!

انزين خلاص به مانبي اسقاط الديون
خرعتني اشفيك اكلتنا
بس انا آسف لك و للحكومة و لدول الضد و العراق و الاردن الشقيق ومنو تحب اني اتاسفله تراني حاضر بتاسفله

اوله اوله اعصابك يالاحبيب
 

Bronze

عضو نشط
التسجيل
3 يونيو 2005
المشاركات
90
سوريا تخيل معاي ســـــــــوريا رفعت الرواتب .. حلووو

سالفة التضخم وارتفاع المواد الغذائيه والايجارات الخ الخ هم جاوبت عليها سوريا بتشكيل لجنه لمتابعة اي غلاء ممكن ينتج ووضع عقوبات صارمه ووضع هاتف مجاني للشكوى حول اي ارتفاع للاسعار ولو طفيف !

شفت الفرق بينا وبين سوريا فرجاء بدون اعذار للحكومه ..

بالتوفيق للجميــع ..
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
وآسف حق بو محمد ..................... جارك بعد

يالــ browser
 

browser

عضو نشط
التسجيل
12 ديسمبر 2005
المشاركات
161
و الله مو معصب بس محتر ان احنا المفروض شعب واعي و اكثر الكويتيين فاهمين تجارة و اقتصاد , على الاقل القى فرق في طريقة التفكير حتى بالمنتديات , لو تروح منتديات اسواق خليجية تلقى الحوار عن البورصة و الاسهم كانه حوار عن سوق موبايلات !


بس اللي يحر صج نواب امة يقترحون اقتراحات تضحك !!! و تبكي من القهر !!

بنك جابر !!! شتبون ابتكسبون سمعة عالريال عقب ما مات !


شافوا الناس همها البورصة و الاسهم قالوا اقتراح ويا الهبه !


لو الشيخ متوفي قبل 5 سنين جان قالوا نبي منطقة او مدرسة ( مع انه اكو ) ! بس الحين هبة بورصة قالوا نبي بنك !!!


نواب مصالح و ما يستحون
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
browser قال:
و الله مو معصب بس محتر ان احنا المفروض شعب واعي و اكثر الكويتيين فاهمين تجارة و اقتصاد , على الاقل القى فرق في طريقة التفكير حتى بالمنتديات , لو تروح منتديات اسواق خليجية تلقى الحوار عن البورصة و الاسهم كانه حوار عن سوق موبايلات !


بس اللي يحر صج نواب امة يقترحون اقتراحات تضحك !!! و تبكي من القهر !!

بنك جابر !!! شتبون ابتكسبون سمعة عالريال عقب ما مات !


شافوا الناس همها البورصة و الاسهم قالوا اقتراح ويا الهبه !


لو الشيخ متوفي قبل 5 سنين جان قالوا نبي منطقة او مدرسة ( مع انه اكو ) ! بس الحين هبة بورصة قالوا نبي بنك !!!


نواب مصالح و ما يستحون

عالعموم كافي معرفة امثالك تراها مكسب اكثر من اسقاط القروض
وحبيب قلبي
 

browser

عضو نشط
التسجيل
12 ديسمبر 2005
المشاركات
161
Bronze قال:
سوريا تخيل معاي ســـــــــوريا رفعت الرواتب .. حلووو

سالفة التضخم وارتفاع المواد الغذائيه والايجارات الخ الخ هم جاوبت عليها سوريا بتشكيل لجنه لمتابعة اي غلاء ممكن ينتج ووضع عقوبات صارمه ووضع هاتف مجاني للشكوى حول اي ارتفاع للاسعار ولو طفيف !

شفت الفرق بينا وبين سوريا فرجاء بدون اعذار للحكومه ..

بالتوفيق للجميــع ..




انت قلتها سوريا :cool: : !!!!


اولا سوريا رفعوا سعر البانزين اكثر من 50% قبل الرواتب بكم شهر و طبعا ترفع البانزين يعني يزيد سعر كل من
( السيارات - التكاسي - المواصلات - مشتقات البانزين و البترول - مصانع اللي تعتمد المحارق مثل مصانع الخبز و السكر و الدقيق )
لاحظ انها كلها مواد اولية للعيش فمعناتها المعيشة غلت , الناس تضايقت و صار قيل و قال , طبعا بسوريا تقدر تقول شي :D :D :D

المهم عقب تهديدات امريكا قاموا زادوا المعاشات عشان يكسبون الشارع مو عشان الاقتصاد , بعدين الزيادة كانت بسيطة مو 50 % !!!
 

ali17

عضو نشط
التسجيل
1 فبراير 2006
المشاركات
237
ليييييييييييييييييييييييش الحسد الحسد الحسد ...
ياجماعه بعد التحرير مباشرة يوم تم اسقاط القروض على المواطنين ...احد قال شي بيوت 50 و60 و70 الف دينار طاحت عن الكويتيين والبيت طلع عليك ببلاش..مححد قال والله آنه بعد عطوني بيت ليش هذا احسن مني ولا اهوكويتي وآنه (...).. لكل حادث حديث يبى عليهم بالعافية مححد تكلم
الحين تقول نقمه اسقاط القروض...الله يسامحك ...
الكويت ياجماعه تعيش فترة انتعاش موطبيعي اللهم زد وبارك
وتقول شمعني اللي ماخذه قرض ليش ينظلم ..لاوفي ناس تقول محد طقك على ايدك
اي والله يقول نقه

سمحولي مجررد نقاش :D
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
والله انا شاك فيك

browser قال:
انت قلتها سوريا :cool: : !!!!


اولا سوريا رفعوا سعر البانزين اكثر من 50% قبل الرواتب بكم شهر و طبعا ترفع البانزين يعني يزيد سعر كل من
( السيارات - التكاسي - المواصلات - مشتقات البانزين و البترول - مصانع اللي تعتمد المحارق مثل مصانع الخبز و السكر و الدقيق )
لاحظ انها كلها مواد اولية للعيش فمعناتها المعيشة غلت , الناس تضايقت و صار قيل و قال , طبعا بسوريا تقدر تقول شي :D :D :D

المهم عقب تهديدات امريكا قاموا زادوا المعاشات عشان يكسبون الشارع مو عشان الاقتصاد , بعدين الزيادة كانت بسيطة مو 50 % !!!


والله انا شاك فيك انك وزير الدولة لشؤون المقترضين
انت موهين تحتك بله
او انك ماعندك قروض او ان راتبك يكفيك لآخر الشهر

وفي كلتا الحالتين ينشك فيك

قاعد اتقشمر لا تهاوشني مثل قبل اشوي
 

browser

عضو نشط
التسجيل
12 ديسمبر 2005
المشاركات
161
ali17 قال:
ليييييييييييييييييييييييش الحسد الحسد الحسد ...
ياجماعه بعد التحرير مباشرة يوم تم اسقاط القروض على المواطنين ...احد قال شي بيوت 50 و60 و70 الف دينار طاحت عن الكويتيين والبيت طلع عليك ببلاش..مححد قال والله آنه بعد عطوني بيت ليش هذا احسن مني ولا اهوكويتي وآنه (...).. لكل حادث حديث يبى عليهم بالعافية مححد تكلم
الحين تقول نقمه اسقاط القروض...الله يسامحك ...
الكويت ياجماعه تعيش فترة انتعاش موطبيعي اللهم زد وبارك
وتقول شمعني اللي ماخذه قرض ليش ينظلم ..لاوفي ناس تقول محد طقك على ايدك
اي والله يقول نقه

سمحولي مجررد نقاش :D



ماهو حسد !


بس ظلم و عدم مساواة !!
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
browser قال:
ماهو حسد !


بس ظلم و عدم مساواة !!

يا brower أفا أفا عليك

خلنا نتحلم عالاقل قمتنا ترى
 

browser

عضو نشط
التسجيل
12 ديسمبر 2005
المشاركات
161
:d


احلم لا يصير الحلم بفلوس بعد ! :d
 

المناور

موقوف
التسجيل
1 يناير 2006
المشاركات
460
browser قال:
يا جماعة اسقاط القروض عن الكويتيين نقمة ! و الله نقمة !


اولا : من غير العدل اسقاط القروض عنهم لانه عامل يساعد على التضخم بشكل كبير

ثانيا : المتضرر من اسقاط القروض هو المواطن نفسه و المستفيد الاول هم تجار العقار و البنوك فقط

ثالثا : تخيل كم راح ترتفع اسعار الاراضي !!! و الايجارات و العقار !!! شي خيال راح يصير بالبلد

رابعا : اول ما يطيحيون القروض تلقى ثاني يوم الكويتيين طق على البنوك يتسلفون

خامسا : شنو ذنب اللي مو ماخذ قرض !!سادسا : انا لست مع اسقاط القروض عن العراقيين و لا الاردنيين بل عكس زيد عليهم الفايدة احسن

سابعا : انا عندي قرض , و محد طقنا على ايدنا و قالنا روحوا اخذوا قروض !! بكيفنا خذيناه و توهقنا فيه ! ليش الحكومة تطيحه !!

ثامنا : اذا طيحوا القروض و الله سعر اجار الشقق يوصل 1000 دينار و قول ما قلت !



غلط غلط غلط ,,, هذي مشكلة النواب الجهلة لما يحاولون يكسبون مواقف سياسية على حسابنا احنا و مسوين روحهوم فاهمين !!

لما توصل نائب جاهل للبرلمان هذي نوعية اقتراحاته , ناس ما تخاف على بلد !!

والله غريب أمرك

شنو ذنب اللى ماأخذ قرض والله هذا الحسد بعينه

وما الذى يضره اذا سقط الدين عن الآخرين هل هذا فيه مضره عليه

وبعدين من منا ليس عليه قرض كل كويتى مديون

إلا إذا كنت تقصد تجار الكويت صدقنى هم سيكونوا من أول المستفيدين
 

الاوحديون

عضو نشط
التسجيل
18 أكتوبر 2005
المشاركات
447
الإقامة
كويتي أصل و فصل
شفت اشلون ترى مشكوك فيه ::

اكيد الاخ browser احد هؤلاء التجار اللي مو مديونين

عليه بالعافية والله يرزقه
 
أعلى