البورصة فيها شي ؟؟

[بو صالح]

ان شاء الله انها خيره

والكل بياخذ رزقه

 

[marbilla]

نظام هندي شتبي من وراه

رحنا فيها اذا عمموا السستم .

 

[careful_invest]

يقولون ان أحد أسباب التعطيل يبون يشوفون شلون السيستم اليديد راح يشتغل وهو متعطل

 

[الغافقى]

قالوا لهم ثور
قالوا إحلبوة

فية احد يركب سيستم هندى لكن يدورون الرخص عشان....

 

[Winchester]

اذا تم السوق واقف فتره أكثر راح يتم تخصيص الفتره المسائيه للتدوال

 

[وراكم وراكم]

والله ملينا من تعطل السستم ابي منوا الشخص او الاشخاص المسؤلين عن هذا السستم ليش مايقدمون استقالاتهم

 

[chocoholik]

أزيدكم من الشعر بيت ان البورصة يعني يكونوون قاعدين يطورون سيستم التداول و يحدثونه و تكبر سعة استقبال الأوامر من 20,000 أمر الى 60,000 أمر، المفروض انهم يحطون سيستم على الأقل يردون القديم للأمور الطارئة ؟؟؟؟!!!!

 

[ارسطو الدروازه]

لا ويقولون البورصه واجهة الكويت ....
هين اذا مرك خليجى ...

 

[بوحسن]

يا اخوان ترى السالفه وما فيها ان الهندي للمره الثانيه

شلع كيبل التداول علشان يحط بلاك المكنسه

نص ساعه يخلص كنس

وانشاء الله كل الامور اوكي

اشوية صبر

 

[الكونكورد]

هل راح يعوضون التوقف اليوم مساء؟

 

[wanasa]

يا شباب عندى اعيان توها بدت اتغير ارقام العرض والطلب جنه بيشتغل

 

[نقوشي]

والله ملينا من تعطل السستم ابي منوا الشخص او الاشخاص المسؤلين عن هذا السستم ليش مايقدمون استقالاتهم

روح للراس الكبير والمسؤول عنهم : صعفق الركيبي

 

[careful_invest]

قالوا لهم ثور
قالوا إحلبوة

فية احد يركب سيستم هندى لكن يدورون الرخص عشان....

تصدق عاد ان الهنود عندهم مفاعل نووي وجامعات مصنفة في الصدارة عالميا..يعني أقولك ان عندنا سيستم كويتي مو هندي!!

 

[ابو عليا]

ما وقف النظام الا لما صار السوق اخضر
ياللة انشاءاللة خيرة

 

[ابوالبدرين]

القشه التي ستقصم ظهر صعفق



ولو انها مو قشه بس من كثر ما تكررت عملية وقف التداول صرنا نستسهلها

بسيطه ماتستبسطهاش

في الدول المتقدمة اعتقد خلل مثل هذا يطيرون فيها اكبرها روس

بس هالمره اعتقد فيها شي

 

[wanasa]

اشتغل

 

[Believer]

الحمدلله

الحمدلله اشتغل النظام الحين

 

[جمال1975]

وقف السوق وتذكرت مثل شعبي ( لاتفرحين بالعرس ترى الطلاق باكر ) وعلى طاري العرس شنو اللي اخضر بالسوق واحمر بالايد )

 

[أبـو شـهــد]

اشتغل السستم بس الاوامر امعلقة

 

[careful_invest]

يا اخوان ترى السالفه وما فيها ان الهندي للمره الثانيه

شلع كيبل التداول علشان يحط بلاك المكنسه

نص ساعه يخلص كنس

وانشاء الله كل الامور اوكي

اشوية صبر

أشوة ان خلص وكنس بس غرفة الركيبي