المجموعة الدولية للاستثمار ش .م.ك.م ( المجموعة د )

[قربان]

الله يعطيك العافيه اخوي قربان على هالتحليل .


للعلم اخوي قربان .... يوم الثلاثاء ما ظهر لنا دوجي مثل ما انت تقول ... وبالنسبه لتحليل المجموعه د ... بأن السهم إذا غير اتجاهه نزول وكسره 980 وهي دعم السهم ... من الممكن انه يلامس 950 ... لان فيه فجوه سعريه محصوره بين 950 و 970 .
وانا اتوقع انه رايح يرتد من 980 - 990 .... وإن شاء الله انه ما يروه لهالفجوه .... وبالنسبه لجميع المؤشرات إيجابيه وما منها خوف ... ولكن بالنسبه للشمعه الاخير ( دوجي ) اهي اللي تخوف .. مثل ما انت تفضلت بتحليلك.... وعلى فكره انا جدا متفائل بهالسهم هالمره.

وياريت تطلع على مؤشر Parabolic SAR للمجموعه د

ومشكور مره ثانيه على هالتحليل .. وسامحونا عالاطاله.

قبل لا انسى .. بو سلمان شلونك ؟ .... شكلك معاد لك خل تحلل شي

هلا و الله اخوي Bo_Rashed1

الله يعافيك
بالنسبه لرأيك و تحليلك انا احترمه و موغلط .. لانه هناك احتمالات عديده بالتحليل و كل واحد يشوف السهم من نظرته ..و بالنهايه هذي الاستفاده الحقيقه من المنتدي .لكي نشوف كل الاحتمالات و نطرحها للاخوان بالمنتدي للاستفاده .
بالنسبه للخطا المطبعي -- اعتقد القصد واضح ان كنت قاعد اتكلم عن يوم نجمه الاربعاء

" اسهم المجموعه و جراند زينه و ليست سيئه ..يمكن بس بترو وضعها مو مضبوط " ..لاكن انا احرص ان الاخوان يطلعون باقصي الاستفاده من صعود و السهم و نزوله المتكرر ... بدون تطبيل و مبالغه بالصعود و النزول ..

" ترا في ناس استفادو من صعود المجموعه الدوليه و نزولها الي صار في الثلاث اشهر الي فاتت و بالنسبه لهم .. كانهم باعو المجموعه علي 1800 فلس بس لانهم احترمو التحليل الفني و كشتو بتطبيل " خلك مستثمر "

بالتوفيق

 

[قربان]

بالنسبه للمؤشر الي ذكرته ..صراحه ما تعامل معاه... لانه مثل ما تعرف في عشرات المؤشرات و معا الوقت تتعود علي المؤشرات الي تحسها ماشيه اكثر اما لبساطتها او لدقتها في احيان كثيره

 

[قربان]

مؤشر الماكد ما يزال إيجابي ... وهو مؤشر مهم

وشمعة الدوجي تحتاج إلي تأكيد لتداول الغد ...

ونشكر أخونا قربان علي ما قام به من تحليل .




أخوكم المارد

العفو اخوي المارد

اتفق معاك 100 % علي ان تداول الغد مهم جدا للتاكيد علي ان هالنجمه فعلا تدل علي ان المتداولين قد يقرورن ان السهم كفي ووفي و يبيله نزله شوي عشان ياخذ بنزين

" EVENING DOJI STAR " اقرا عنها

 

[LONG TERM]

السلام عليكم.........

خلال ايام المجموعة ستودع الدينار الي فووووووووق من غير رجعه له

باذن الله

 

[Pivotrend]

أكثر قمية و كمية تداول تمت على سعر 1.020
69% من قيمة التداول تمت على سعر 1.020
اليوم يتحدد الأتجاه

والله أعلم​

 

[LIMIT UP]

السلام عليكم.........

خلال ايام المجموعة ستودع الدينار الي فووووووووق من غير رجعه له

باذن الله

تئبرنييييييييييييي يا long Term شووووووووو ها الطلاااا ما احلاها
فدييييييييييت خشمك

 

[portfolio grl]

الوضع ما يطمن

 

[Bo Tasneem]

هناك تجميع آخر سيتم بهاليومين قبل اطلاق مدفع الأرباح للمجموعه والبقية .. لذا يجب التنويه على ذلك ..

إن استطعت أن تضارب كان بها .. وإن ما عرفت فسكّر الشاشة اشوي وجابل شغلك أبركلك .. فلاداعي للخوف إن شاءالله


بوتسنيم​

 

[Bazona]

ممكن أحد يقولنا وين نقاط الدعم للمجموعة؟؟
نصيدها على أي سعر؟؟

 

[Bo_Rashed1]

هناك تجميع آخر سيتم بهاليومين قبل اطلاق مدفع الأرباح للمجموعه والبقية .. لذا يجب التنويه على ذلك ..

إن استطعت أن تضارب كان بها .. وإن ما عرفت فسكّر الشاشة اشوي وجابل شغلك أبركلك .. فلاداعي للخوف إن شاءالله


بوتسنيم​

محد فاهمني كثرك يا بو تسنيم


على راسي والله

 

[portfolio grl]

اطلب بال 990 و بيع 1000

 

[حسين بن عاقول]

هالاسبوع اخر فرصة شراء و ان شاء الله نودع الدينار وتبدا رحل جديده مع المجموعة

 

[LIMIT UP]

see you 990 , it was nice meeting you

يخليلنا ياااااااااااااااااااااااااااك

 

[chocoholik]

يامحللين افيدونا شنو اللي حاصل اليوم على المجموعة و جراند تجميع ولا تصريف؟؟؟؟؟؟؟!!!(

 

[Bazona]

شكلي باجر بطلبه ب 970، في احتمال أحصله بهالسعر!

 

[المريح]

الأربعاء اللي طاف نجمة دوجي و اليوم شمعة حمرة كبيرة...شنو راي المحللين ؟

 

[الكونكورد]

هل تم تأكيد نجمة الدوجي اليوم ؟

بانتظار تشارت من اخوانا المحللين

 

[بن عاقول]

يا جماعة الخير . . لا تشدون حيلكم وايد بالتحليل الفنى ، سوق الكويت ما ينفع معاه لا شموع و لا سراى زهيوى ، سوقنا سوق مزاج و عصابات تسحب اللقمه من حلج الفقير المسكين. لو يبون ارفعوا السهم فوق . . فوق.. حتى لو كل المؤشرات تشير الى النزول.

 

[alshammery]

يا جماعة الخير . . لا تشدون حيلكم وايد بالتحليل الفنى ، سوق الكويت ما ينفع معاه لا شموع و لا سراى زهيوى ، سوقنا سوق مزاج و عصابات تسحب اللقمه من حلج الفقير المسكين. لو يبون ارفعوا السهم فوق . . فوق.. حتى لو كل المؤشرات تشير الى النزول.

كلام معقول وهذا الواقع فى سوقنا لايعرف التحليل ويمشى حسب مزاج الكبار اذا حبوا يرفعونة باشارة واحدة والعكس صحيح ....لو ان السوق عندنا يمشى حسب التحليل انا من الحين اشترك فى دورة تحليل اسهم .... اخوانى لنكن واقعيين السهم عندنا ما يحركة الا خبر حلو وصاروخى كارباح السنة المالية والتوزيعات وهذا مثال سهمى جيزان وبيان ربح فلس واحد فى الربع الثانى اشسوى فيهم والحين نشوف سهم التخصيص ربح 8 فلوس اشسووا فية والامثلة كثيرة ولامجال لذكرها .....

 

[Bo Tasneem]

يا جماعة الخير . . لا تشدون حيلكم وايد بالتحليل الفنى ، سوق الكويت ما ينفع معاه لا شموع و لا سراى زهيوى ، سوقنا سوق مزاج و عصابات تسحب اللقمه من حلج الفقير المسكين. لو يبون ارفعوا السهم فوق . . فوق.. حتى لو كل المؤشرات تشير الى النزول.

وليش هالفقير المسكين ما يصير عيّار وجمبازي !! اشلون يابوتسنيم !!

إلعب معاهم يبه بكمية من اللي عندك وليست كلها .. خل نصها استثماري بحت .. والنص الثاني ضارب إذا كنت اتعرفلها .. بيع بعد ماتقتنع بالربح واشتر من بعد مايصير تأسيس على السهم طبعاً هذا كله من قناعتك بالأوامر ونظرتك الثاقبة للتداول ..

وجهة نظر بس لا أكثر !!


بوتسنيم​