دورة المؤشرنت للتحليل الفني
50 دينار كويتي
الرشيدي 64 قال:سؤال وين راحت ارباح العقود الملياريه البانتاغون بروحه فوق 18 مليار عقود معلنه غير اكثر من 4 مليارات عقود اخرى
الارباح بس 500 مليون
الظاهر العقود مع الامريكان بسعر التكلفه والله شاك بشرعيتها لولا الفتوى الكويتيه بحلال تداولها
زين ارباح الربع الثالث 382 مليون دولار يبقى 118 مليون ارباح الربع الرابع
وين ارباح العقد الجامبو 3مليار ونص مو يقولون مرحل للبع الرابع
مانقول الا الله يتقاضالنا منكم اذا كان فيه تلاعب مثل مانشوف
careful_invest قال:كلام كتبته في النوادي يوضح جزء من ازمة المخازن:
المخازن مشكلتها في عقلية طارق السلطان الذي يجمع بين النبوغ والتهور. طارق سلطان شخصية اقتصادية مندفعة تريد ان تثبت نفسها في الساحة العالمية على حساب حقوق المساهمين. يؤمن بان المخازن لا بد أن تكون شركة شرباكة أذرعها تمتد الى جميع بقاع العالم كشركة عالمية مهيمنة على مصائر الشعوب وليس فقط الشعب الكويت. أعتقد ان طارق السلطان يعاني من عقدة بيل جيتس مالك شركة ميكروسوفت العالمية وهي بالمناسبة مثله الأعلى في عالم الاقتصاد كما رددها في أكثر من مناسبة خاصة.
طارق سلطان يريد أن يمتص من الأرباح لحساب توسعاته ويريدك أن تدفع ثمن هذا التوسع. ودورك أن تصبر وتتحمل سنة وسنتين وربما ثلاثة سنوات حتى ترى العائد على أموالك. طارق سلطان يتكلم عن استثمارات بالمليارات في الصين والهند ويتكلم عن المزيد من الاستحواذ في المستقبل القريب.
طيب الكاش من أين سيأتي: 1) الأرباح 2) المنحة 3)القروض..وكلها أعباء على المساهمين عليهم أن يتحملوها لسنوات قادمة.
اذا أين العدالة عندما طارق السلطان يقبض راتبه ومخصصاته الشهرية التي تقدر بعشرات الآلاف من الدنانير شهريا بينما الأرامل والشياب وأصحاب القروض عليهم الانتظار سنوات لكي يقبضوا ثمن العائد على استثماراتهم.
طارق السلطان ينظر بعالمية الشركة من منطلق مصلحته الشخصية لانها بالنسبة له هي عالمية طارق السلطان وليس للمساهمين نصيب في تلك العالمية..
طارق السلطان..توقف برهة وفكر بمن أستأمن ماله في شركتك وصدق عقودك وملياراتك وأرباحك المليارديرية لكي يضخ المزيد من أمواله في شركاتك..
أما المشكلة الأخرى انه فقد ثقة المحافظ الكبيرة بعنجهيته وغروره وتعاليه على الآخرين. هو يعتقد ان سعر السهم ليس مهم عنده لكن الاهم أداء الشركة على المدى الطويل. طارق السلطان أقولك على سر: سعر السهم ترى يهمنا ويهم الكثير من وثقوا بك لأنهم اصحاب أموال صغيرة والفلس يهمهم مثل ما المليون يهمك يا ولد الحمايل..
لا نريد منحة تضحك علينا بها وتدخلنا بدوامة سنة أخرى من الخساير..نريد نقدي يعوض صبرنا الذي طال وما نقول الا لا حول ولا قوة الا بالله..
Champion قال:شتبيه يسوي يعني ؟ تبيه كل ما خلصت السنه الماليه يعطيك كل اللي عنده ؟ما تبي الشركه تتوسع ؟ تبي الشركه مكانك راوح ؟ بل عكس هذا شي زين انه يكون طموح وخططه مستقبليه ويفكر ليه 3 4 5 سنين جدام .. وشوف أرباح المخازن السنه هذي وشوف أرباحها قبل 3 سنين وقارن وشوف طارق سلطان العيسى شلون يشتغل .. اهو قايل بنفسه انه سهم المخازن للأستثمار .. يا أخي اذا عندك جم دينار مو بعازتهم ,, قطهم بالمخازن وأرجعلهم بعد 5 سنين وراح تقول بأذن الله حق طارق مشكور وماقصرت ..
Champion قال:شتبيه يسوي يعني ؟ تبيه كل ما خلصت السنه الماليه يعطيك كل اللي عنده ؟ما تبي الشركه تتوسع ؟ تبي الشركه مكانك راوح ؟ بل عكس هذا شي زين انه يكون طموح وخططه مستقبليه ويفكر ليه 3 4 5 سنين جدام .. وشوف أرباح المخازن السنه هذي وشوف أرباحها قبل 3 سنين وقارن وشوف طارق سلطان العيسى شلون يشتغل .. اهو قايل بنفسه انه سهم المخازن للأستثمار .. يا أخي اذا عندك جم دينار مو بعازتهم ,, قطهم بالمخازن وأرجعلهم بعد 5 سنين وراح تقول بأذن الله حق طارق مشكور وماقصرت ..
careful_invest قال:شتبي يسوي؟؟؟؟ شنو رأيك أخوي؟؟؟ أحد قاله عطني الارباح كلها؟؟ احد قاله لا تتوسع ؟؟ لا يا الحبيب!!!!! مثل ما طارق يبي لازم يعطي عائد سنوي حتى يكون حافز للمستثمر بالاستمرار؟؟ لكن يقعد يقبض سنة وسنتين وثلاث بدون مقابل ويمكن بعدها ما يحوشنا شي ما دام شهية التوسع مفتوحة وما لها حدود!!!!!!
أخوي ما احد يستثمر بدون حافز؟ وخير الأمور أوسطها .. ولا المثل عندك (يا طخه يا افتح بطنه)
أبي واحد يثبتلي انه رئيس مجلس الأداره أهو بنفسه اللي يرفع السهم وينزله !!! يبه والله ماله شغل ,, هذا سووووووووووووووووووووق فيه محافظ فيه صناديق في مضاربين ,, رئيس مجلس ادارة احدى الشركات المدرجة في البورصه يصيرلي .. سألته على يوم شفي سهمكم مقوع متى تنصح آخذه ؟ قاللي والله مادري هذا سووقالرشيدي 64 قال:بيه مايصرح الارباح فوق 300 فلس
نبيه يشوف السهم نازل من 4800 الى الهاويه وتقول توسعه
نبيه يعلن ارباح منطقيه بحجم العقود المبرمه
نبيه يوزع نقدي كفانا منح خذمن جيبه وعايده
مافيه فرق بين النح والسرقه
Champion قال:كلامك جدا معقول ياخوي .. بس أهو قاعد يعطيك منح لاتنسى ! وهذي تعتبر توزيعات ومنحه على منحه ترى مو شويه خاصتا اذا عندك كميه جيده ,, سهم المخازن أنا اعتبره من اسهم الأستثمار من الدرجه الأولى والدليل التوسعات وتملك الشركات العالميه وهذي تحصد ثمارها بعدييييين مو بيوم وليله ,, انا لو عندي جم دينار غير اللي أضارب فيهم جان أقطهم بالمخازن وأنساهم .. بس أنا أضارب بالمخازن وماعندي مبلغ إضافي عشان أستثمره بالمخازن.. ليش أعور راسي بالتوزيعات والأرباح ؟؟؟
شكرا على طرحك الراقي
Champion قال:أبي واحد يثبتلي انه رئيس مجلس الأداره أهو بنفسه اللي يرفع السهم وينزله !!! يبه والله ماله شغل ,, هذا سووووووووووووووووووووق فيه محافظ فيه صناديق في مضاربين ,, رئيس مجلس ادارة احدى الشركات المدرجة في البورصه يصيرلي .. سألته على يوم شفي سهمكم مقوع متى تنصح آخذه ؟ قاللي والله مادري هذا سووق
================المعوشرجي79 قال:اقول استريح / استريحي بس تعشمين ناس على سهم كديش ما من وراه الا الخساير ، ياجماعة اخذوا هذا الخبر يقولون اكو قضايا يديده بالطريج على شركة المخازن رافعها عميد الاسرة كمال السلطان ( والله خوش ) وافهم يافهيم ....
ستوك قال:إذا الشركة قالت تبي تستثمر مليارين دولار في آسيا هذا لا يعني إن الشركة ماتبي توزع نقدي ..
هذي الوطنية للاتصالات استثمرت أكثر من مليار دولار بالجزائر ووزعت 80 نقدي و5 منحة ..
أشوفكم تزهبون الدوا قبل الفلعة
بس والله ما ألومكم لأن أنا بعد راسي انترس فلعات اليوم ومافادني لا دوا ولا شي
الله كريم ..
ان شاءالله يوزعون توزيعة طيبة بإذن الله تعالى
دورة المؤشرنت للتحليل الفني
50 دينار كويتي