السالفه ناس وناس يامشرفين

[دكتوراسهم]

والله هالكلام مو عدل يامشرفين يعنى فيه ناس تنشطب مواضيعهم في ناس لا انا لما تكلمت وكلت عن خبر انا سمعته من انسان والله ثقه عن سبب نزول السوق شطبتم الموضوع يمكن لان الموضوع سياسي اقولكم يامشرفين هذا مووووووووووووو عدل شوفم المواضيع اللى مكتوبه ليش مانشطبت والجواب مبين من عنوانه


على العموم مشكورين وماقرصرتم

 

[بسكوته]

عندهم مساحات وايد
اهم شي انك ما تكتب شي يخص الاوسط برو

 

[الراقي]

شباب الي ينشطب لادوخون راسك خلاص جنه ماصار شي

 

[فسكر]

عندهم مساحات وايد
اهم شي انك ما تكتب شي يخص الاوسط برو

اي والله اهم شي ماتكتب شي يذم بالاوسط برو

والله هم الي يابوا الكلام حق روحهم
وانا سبق وان سالت المشرف الفهلوي ليش تنشطب المواضيع الجدية الي تتكلم عن مشاكل الاوسط برو
مارد علي وما جاوب لان انا متاكد ان هو ماعنده جواب
والله خوش مشرفين

 

[بسكوته]

شوف الاعلان فووووووووق اول المنتدى وانت تعرف الجواب

 

[الفهلوي]

والله هالكلام مو عدل يامشرفين يعنى فيه ناس تنشطب مواضيعهم في ناس لا انا لما تكلمت وكلت عن خبر انا سمعته من انسان والله ثقه عن سبب نزول السوق شطبتم الموضوع يمكن لان الموضوع سياسي اقولكم يامشرفين هذا مووووووووووووو عدل شوفم المواضيع اللى مكتوبه ليش مانشطبت والجواب مبين من عنوانه


على العموم مشكورين وماقرصرتم

حبيبنا دكتورسهم

اعتقد موضوع يتم فيه الأنتقاص من امير البلاد وتحويله الي موضوع ساخر

يستحق ان يشطب


=========

اخت بسكوته

نعم لانقبل ان تكتبي اي انتقاد عن الأوسط ...

واذا كنتي مصممة فإذهبي الي مقر الشركة او اتصلي بهم

وقولي لهم ماتريدين قوله وجها لوجه .

اما نحن فلسنا ساحة حرب تقاتلين فيها الأوسط او غيره .



الفهلوي

 

[الفهلوي]

اي والله اهم شي ماتكتب شي يذم بالاوسط برو

والله هم الي يابوا الكلام حق روحهم
وانا سبق وان سالت المشرف الفهلوي ليش تنشطب المواضيع الجدية الي تتكلم عن مشاكل الاوسط برو
مارد علي وما جاوب لان انا متاكد ان هو ماعنده جواب
والله خوش مشرفين

اخ فسكر

لم اجاوبك لأنك واحد من مئات تعيد وتزيد في نفس الموضوع حتى اصابني الملل من كثرت الإعادة وكثرت الشرح والتوضيح بدون فائدة .

على كل حال الكلام الموجه للأخت بسكوته يعنيك ايضا .



الفهلوي

 

[بسكوته]

الاخ الفهلوي
الحوار البناء بالنقد او المدح يدعي ساحه قتال ؟
الحمدلله اني لا اتكلم من فراغ ولا اكتب لمجرد تجميع نقاط حتى اصبح عضو مميز او نشط ولكن ما واجهني في من خلال التداول واجهه الالوف من الناس مثلي والمنتدى بمثابه ديوان او مجلس نتحاور فيه باسلوب نرتقى فيه ونفيد بعض من خبراتنا
وانا لا اتحامل عليك او على برنامج الكتروني ولكن رفض الحوار البناء وتجاهل الردود بالخاص اظنها غير لائقه بمجمتع المفترض يتسم بالديمقراطيه
ولا تزعل الاوسط برو حلو حلو حلو بس لما يصير السوق احمر

 

[فسكر]

=========

اخت بسكوته

نعم لانقبل ان تكتبي اي انتقاد عن الأوسط ...

واذا كنتي مصممة فإذهبي الي مقر الشركة او اتصلي بهم

وقولي لهم ماتريدين قوله وجها لوجه .

اما نحن فلسنا ساحة حرب تقاتلين فيها الأوسط او غيره .



الفهلوي

اها
طيب وليش لما الواحد ينتقد اي شركه اخري غير الاوسط تسمحون له؟
ولا ناس وناس؟
ولا الاوسط علي راسه ريشه؟

 

[fahad1234_1]

يا جماعه الاوسط برو منتج دينمركي ؟؟
احب اضيف شغله للجميع انتم غير مجبورين انكم تتعاملون مع الاوسط برو
اللي يبي حياه الله واللي مايبي يشوفله طريقه ثانيه
والمثل يقول الجود من الموجود

 

[دكتوراسهم]

حبيبنا دكتورسهم

اعتقد موضوع يتم فيه الأنتقاص من امير البلاد وتحويله الي موضوع ساخر

يستحق ان يشطب



والله عجيب امرك يالفهلوى

منو اللى انتقص من الامير لاتحط على كلام انا ماقلته ترى هذا نوع من انواع الظلم اخوى
انا قلت عن خبر والله مكتوب بالجرايد امس اول امس الجرايد تكتب والمنتدى لا
ويكون بعلمك انت يمكن ماتذكر او ماشفت اللقاء لما كانت مع الشيخ صباح يوم كان رئيس الوزراء بالطياره شنو قال ترى انا ماجبت شي من عن بعدين وانا حطيت الخبر افيد الاخوان فيه واذا احد قام يتمصخر على قولتك اشطب مشاركته مو الموضوع كله

 

[ارسطو الدروازه]

يا جماعه هدوو موضوع وانشطب خلاص انسا .....

 

[خير الكلام]

السلام عليكم

خوفي ان المراقب يتدخل لمصلحته الخاصه .
وان شاء الله مايصير هالشئ .
واشكر المراقبين لشطب المواضيع اللي فيها نميمه وكلام فارغ .
وان شاء الله يرجع منتدى المؤشر كما كان منتدى الحب والخير والمصداقيه .

 

[دنانير]

يا حبكم للنجرة جنكم ضراير (شرايج)

بس تدرون ليش تتناجرون لأنكم أخوان وتحبون بعض وأكيد كل واحد منكم ما يقصد السوء بالآخر . ياجماعة الاتجاه والاتجاه المعاكس وسعوا صدوركم شنو خليتو للغريب اللي يدخل بيتنا (أقصد منتدانا)

والدليل أن ما يطوف يوم والا اشوف مشاركات نفس الأعضاء تقريبا مع من يخالفهم بالرأي . وترى الاختلاف في الرأي لايفسد للود قضية. وأنا متأكدة انكم كلكم حبايب انشاءالله


صفي النية وعيش في البرية
الجنة بدون ناس ما تنداس

It is by the fortune of God that, in this country, we have three benefits: freedom of speech, freedom of thought, and the wisdom never to use either.


دنانير،،،

 

[بوحسن]

بالنسبه لي انا فاك نفسي والمنتدى اي حق ناس وناس

الناس الطيبه بس نبيهم وانشاء الله الي هني كلهم طيبين

اما عن نفسي فانا عندي واسطه بالمنتدى ...الاخ فهلوي .......

مضبطه بغتره وعقال وقحفيه حق ولده ... حتة شوفو الصوره الي يحطها

.........

اما اختي دنانير

صفي النية وعيش في البرية واشرب الماي من الحنفيه



؟؟ من وين هالامثال ؟ طال عمرج

 

[واحد قنوع]

بالنسبه لي انا فاك نفسي والمنتدى اي حق ناس وناس

الناس الطيبه بس نبيهم وانشاء الله الي هني كلهم طيبين

اما عن نفسي فانا عندي واسطه بالمنتدى ...الاخ فهلوي .......

مضبطه بغتره وعقال وقحفيه حق ولده ... حتة شوفو الصوره الي يحطها

.........

اما اختي دنانير

صفي النية وعيش في البرية واشرب الماي من الحنفيه



؟؟ من وين هالامثال ؟ طال عمرج

كل اللى قلته مثل العسل بس بريه وحنفيه احلى من العسل .

 

[الصراف]

واحد قنوع راعي مخيمات يا جماعه