اكتتابات عامه جديده راح تنزل قريبآ

[حمووودي]

الاكتتابات العامه القادمة بالسوق الكويتي

السلام عليكم ورحمة الله وبركاته
الاكتتابات العامة القادمة بالسوق الكويتي

1- شركة المدينة الاعلامية
2- شركة مترو الانفاق
3- المحطه الثالثه للوقود
4- البنك العربي السياحي
5- شركة تنمية وتطوير جزيرة فيلكا
6- شركة تطوير وتنمية جزيرة بوبيان
7- بنك جابر الاسلامي
8- شركة استكشافات النفط الكويتية (كوفبك)
9- هناك ايضآ 4 شركات لادارة موانئ الكويت الاربعه
10- شركة الاتصالات الثالثة
11- شركة خاصه بالمستودعات
12- شركة الخطوط الملاحية الكويتية
13- شركة الخطوط الجوية الكويتية ( طرح نسبة الحكومة للاكتتاب العام للمواطنيين )


يعني المجموع 17 شركة للاكتتاب

وكثير كثر كثير بالطريق ....

 

[engfahad]

ممكن اتحدد تاريخ الإكتتاب ؟

استاذي العزيز حمودي مساك الله بالخير ، لو تكرمت ممكن اتحدد تواريخ بدء الإكتتاب لكل شركة اذا كنت تملك المعلومة وعســـــاك على القوة

 

[حمووودي]

الاكتتابات

اخي لا استطيع تحديد شهر الاكتتاب بالضبط لانه تحديد التواريخ بالضبط مو بايدي هذا شي بايد مجلس الوزارء لازم يوافق على الترخيص وبعدين يبدي الاكتتاب بس حسب توقعات ناس هوامير بالبورصه انا حطيت لك توقعات في اي سنه راح يكون الاكتتاب بس اهو اقرب اكتتابين اهما المدينه الاعلاميه راح تكون بشهر مارس والبنك العربي السياحي في شهر 5 بس احتمال يفتحون البنك العربي السياحي اكتتاب لجميع مواطني دول مجلس التعاون الخليجي

 

[العنزي_1980]

مشكور حبيبي ويعطيك العافية ومتى ماعرفت بتواريخ الاكتتابات عطنا خبر فيها

 

[كوت]

يعطيك العافيه اخوي بس جان زين تقول لنا عن اكتتاب الوقود الثاليه باي شهر 00

 

[حمووودي]

اكتتاب الثالثه

اخي العزيز بالنسبه لاكتتاب المحطه الثالثه للوقود راح تكون في اخر السنه يعني بين شهر 11 و 12 على ابعد تقدير ومؤسسة البترول اعلنت انه الاكتتاب راح يكون شهر 10 بس التوقعات تقول انها في شهر 11 او 12 ؟؟

 

[baselko]

اعتقد كثرة الاكتتابات راح تكون نتيجتها سلبية على البورصة لانها راح تسحب سيوله كبيرة من السوق وخاص نحن صغار المستثمرين لان اذا انا املك اسهم بقيمة مثلا 15000 دينار وحاطهم بالبورصة وايدي على قلبي
افضلي ان اكتتب بالشركات اللقادمة وخاصة على الكلام اللي ينقال ان الشركات راح تدرج خلال 6 اشهر واقل شركة تدرج ب200 فلس يعني هني انا دوبلت فلوسي وانا مطمان ولا شرايكم

 

[azizan400]

شنو هل الشركة

السلام عليكم ورحمة الله وبركاته
يا اخوان في اكتتابات عامه عديده راح تنزل السوق في القريب العاجل منها

1- شركة المدينة الاعلامية 2006

2- شركة مترو الانفاق 2007

3- المحطه الثالثه للوقود 2006

4- البنك العربي السياحي 2006

5- شركة تنمية وتطوير جزيرة فيلكا 2007


وشكرآ

أخوي العزيز حمووودي بالنسبة لشركة مترو الانفاق شنو تطلع هل الشركة شركة كويتيه؟؟؟؟؟

 

[الجااملى91]

اعتقد

انا اعتقد شركة مترو الانفاق خليجيه لانى سامع عنها اخبار بالامارات بعد

والله يستر من كثر هالاكتتابات

 

[مهندسجي اسهم]

يا جماعه تنصحونه نكتتب بأي وحده؟ يعني كلهم زينين والا في منهم ماتسوى الاكتتاب؟

 

[Moshaks_777]

يا جماعه تنصحونه نكتتب بأي وحده؟ يعني كلهم زينين والا في منهم ماتسوى الاكتتاب؟

اكتتب فيهم كلهم

 

[روبية]

ولاتنسون انه في اكتتاب على شركة خاصة بالمنافذ الحدودية والمستودعات يعني شبيهة بشركة المخازن , بالاضافة لتخصيص بعض الشركات النفطية مثل شركة كوفبك (شركة الاستكشافات النفطية)واللي راح تدش بمشروع حقول الشمال.
والله يرزق الجميع...

 

[حمووودي]

مترو الانفاق

السلام عليكم ورحمة الله وبركاته

اخواني بخصوص شركة مترو الانفاق هي شركة كويتيه قيد الدراسه لدى وزارة التجاره وراح يطرحونها للاكتتاب في 2007 وهي الشركة اللي راح تشرف على القطار اللي بيسونه بالكويت مثل دبي يعني وراح يكون راس مال الشركة صخم جدآ بحدود 500 مليون دينار كويتي راس المال

واي اكتتاب كله زين ومجدي ونافع لان اي اكتتاب مافيه خساره وهناك شركات
وايد بتطرح للاكتتابات اكثر من اللي انا كاتبهم مثل شركة المستودعات تابعه لشركة العقارات المتحدة وكثير كثير وكله زين وشي زين حق المواطنيين والشاطر اللي يكتتب

 

[حمووودي]

السلام

السلام عليكم

الى اخواني اللي يقرون هالموضوع اتمنى من اي احد عنده خبر عن اي اكتتاب عام بيطرحونه الحكومه للمواطنيين يبلغنا فيه ومتى تاريخه ويشاركنا وجزاكم الله الف خير

 

[محمد2000]

السلام عليكم ورحمة الله وبركاته

اخواني بخصوص شركة مترو الانفاق هي شركة كويتيه قيد الدراسه لدى وزارة التجاره وراح يطرحونها للاكتتاب في 2007 وهي الشركة اللي راح تشرف على القطار اللي بيسونه بالكويت مثل دبي يعني وراح يكون راس مال الشركة صخم جدآ بحدود 500 مليون دينار كويتي راس المال

واي اكتتاب كله زين ومجدي ونافع لان اي اكتتاب مافيه خساره وهناك شركات
وايد بتطرح للاكتتابات اكثر من اللي انا كاتبهم مثل شركة المستودعات تابعه لشركة العقارات المتحدة وكثير كثير وكله زين وشي زين حق المواطنيين والشاطر اللي يكتتب

.

سيتم تأسيس شركة مساهمة كويتية عامة لتسيير القطارات على أن يتم تحديد نسبة مساهمة الجهات الحكومية في الشركة والنسبة التي سيتم طرحها للاكتتاب العام.
وكانت وزارة المواصلات قد أعدت دراسة جدوى لمشروع ربط دول مجلس التعاون بشبكة خطوط.
ومن المتوقع أن تصل سعة القطارات 6 آلاف راكب وستكون ضمن مناطق في الكويت تقع داخل الدائري السادس وتربط المناطق السكنية بشبكات تحت الأرض.
ومن المقرر أن يبت مجلس الوزراء في نسبة مساهمة الهيئة العامة للاستثمار في الشركة الجديدة التي ساهمت في اجراءات التحضير لها كل من وزارة المواصلات ووزارة التجارة والصناعة وهيئة الاستثمار، فيما أعدت شركة بيت الاستثمار العالمي (جلوبل) دراسة عن جدوى الشركة بالاستعانة بمستشاري متخصص.
تحيـــــــــــــــــاتي للجميـــــــــــــــــع

 

[حمووودي]

شكرآ

شكرآ اخوي حريص 2000 على المعلومه الحلوه عن شركة مترو الانفاق واتمنى تقول لنا مصدر المعلومه من وين ؟؟؟؟

وياليت لو عندج معلومه عن اخر اكتتابات بتنزل تقول لنا عنها ؟؟


وجزاك الله الف خير

 

[محمد2000]

شكرآ اخوي حريص 2000 على المعلومه الحلوه عن شركة مترو الانفاق واتمنى تقول لنا مصدر المعلومه من وين ؟؟؟؟

وياليت لو عندج معلومه عن اخر اكتتابات بتنزل تقول لنا عنها ؟؟


وجزاك الله الف خير

حمووودي عسي ماشر .
(حريص2000 ولوعندج معلومة ).
لاتخاف ولا تحاتي الاكتتابات وايد بالطريج ( طول بالك ولا تستعجل )
مصدر المعلومة عن القطارات جريدة الرأي العام 29/5/2005

 

[روبية]

قطاراااااات !!!!
على شنو , منو كبر الديرة ... حتى البنغالي اللي يشتغل بالبقالة عنده سيارة تويوتا 1900 وحطبة
مثل ماقال سعدالفرج بالمسرحية ( يسوون نوط بو ألف دينار .. رايح شبرتك وشاري خضرتك .. بشتك تحت ابطك ......)

عشنا وشفنا ....

 

[مضارب 2]

قطاراااااات !!!!
على شنو , منو كبر الديرة ... حتى البنغالي اللي يشتغل بالبقالة عنده سيارة تويوتا 1900 وحطبة
مثل ماقال سعدالفرج بالمسرحية ( يسوون نوط بو ألف دينار .. رايح شبرتك وشاري خضرتك .. بشتك تحت ابطك ......)

عشنا وشفنا ....

اخوي الفاضل سالفة القطارات مو على مستوى الكويت بس ايقولك بيربطون الخليج كلة بخط قطارات ولا بسعر رمزي بعد يعني باجر مثل حالاتي بروح خميس ويجمعة المدينة المنورة ما احتاج استخدم الجمس او طيران من الكويت لي جده او رياض وبعدها طيارة لي المدينة علطول اركب القطار وخلال سويعات انا في المدينة والله الفكرة حلوة وان شاء الله تتطبق فعليا ...

سالفة الاكتتابات حلوه بس البنك السياحي مو اهو نفسة الي تكلم عنه سامي البدر , اذا نفسة انا سمعت اكتتابه مو بالكويت ؟؟؟

ودمتم بخير...

 

[حمووودي]

السلام اخوي مضارب

السلام اخوي مضار 2
هلا اخوي مضارب 2 بالنسبه لاكتتاب البنك العربي السياحي من وين سامع انه مو بالكويت ؟؟؟ ياليت تفيدنا بالمعلومه لاني انا قاري المعلومه بجريدة الوطن انه بالكويت وبيطرحون 65% من راس مال الشركة للمواطنين ومواطنين دول مجلس التعاون الخليجي وراس مال الشركة 2 مليار دولار

هذا يعني انه البنك راس ماله ضخم عشان جذي اتوقع بيفتحون الاكتتاب حتى حق دول مجلس التعاون الخليجي

وشكرآ