التداول الكترونيا عن طريق الخليج للوساطه

[Riskman]

الحساب مربوط برقم التداول للمقاصة وبالتالي هم يقومون بادخال العمليات اليومية يدوية.

مثال :
مرة صار علي مديونية وسددتها وراها بيوم ، ولكن الموقع يقول مديون ودق علي المكتب يقول عليك مديونية ورديت عليه أنا سددت من قبل اسبوع.

طريقة حساب العمولات غير عن طريقة المقاصة

الموقع طريقة حسابه للعمولات 0.00125 *قيمة الصفقة + 500 فلس
عادي يقولك العمولة 3.5 دنانير مثلا ولما تروح تأكد بالمقاصة محسوبة 5.5
في المقاصة عمولات اليوم لا تقل عن خمسة دنانير
راح تلقى الرصيد المتوفر غير عن كشوفات المقاصة


وهذه المشاركة ليس للنقد وانما توجيه رسالة للمسؤولين لتعديل الأخطاء

اخوي انا كنت شغال في المقاصه 6 سنين من قبل او كنت ماسك التسويات والعمولات او انا الحين اتداول مع الخليج او عمولتهم نفسها عموله المقاصه مافيها اي شي زياده يعني كأنك انت بالبورصه او قاعد اتداول في مكتب الخليج.

بالنسبه للصفقات مربوطه مع نظام البورصه 100% او هذا الشي انا عارفه من قبل لا اقدم استقالتي من المقاصه.

بالنسبه للطلب والرصيد الموجود غير هذا شي فعلا صارت معاي بس كلمتهم او عدلوه بأقل من دقيقه (قريبا راح يكون مشبوك مع حسابك بالمقاصه Live).

لاتنسى اي شي يصير يدزونلك رساله على التلفون بالصفقات اللي تمت
يعني تحط الامر او تطلع اذا تم الامر يوصلك مسج برقم الطلب + رقم الصفقه والكميه بعد 20 ثانيه.(شي يميز النظام)


اتمنى اني رديت عليك

 

[Blue Stock]

مشكور على الرد

والله القصد من هذة المشاركة النقد البناء ليس الا .

ان شاء الله يحلون سالفة الرصيد يربطونه دايركت


ومن أهم مميزات سهولة استخدام الموقع للبيع والشراء
و النظام ما يعلق تماما مقارنة بالشركات الاخرى


انا مشترك وياهم من شهر 12

واذا عندك اخبار عنهم ضبطنا .............مشكور

 

[matrex-ku]

لو سمحت اسلوب الجذب هذه مو اسلوبي وارجو ان ترقى اكثر باسلوب الحديث وتفهم الموضوع.

أنا اروي قصه صارتلي شخصيا ... ما اروي عن غيري...

وهذي القصه مع شركة الوساطه.


وتكررت هذه القصه مع ناس اعرفهم.


والي شايف انها شركه زينه ايروحله مو اجبار لانه يمكن في ناس مرتاحين


بالشركه.


وارجو ان نجعل الموضوع بعيد عن التجريح.

اول شي مشكوره علي الرد الراقي
وحقج علينا بس المواضيع اللي مثل هذي مشكلتي مافيني صبر عليها
لانها حييييل (00000000000
المهم الله لايجيب تجريح ولا يحزنون وكلنا اخوان بهاالمنتدي
والســـــــلام

 

[DOCTOR]

ارجو الإفادة عن الخليج للوساطة حسب موضوع الأخت أنهم !!

هذا بناء على كلام الأخت بورصوية انا يوم الإثنين كنت رايح افتح حساب بالخليج للوساطة المالية بس بصراحة خفت وحاب اشوف واتأكد من الموضوع

ايقول المثل اسئل مجرب ولا تسئل طبيب.


طلعت من هالشركة من كثرة التلاعب والغش .

كنت داشه بالبورصه اب 5000 هالشركه كل صفقه تاخذ عموله علي كيفها


اقل مره خذو 600 دينار قتلهم ليش قالولي راجعي الاداره رحت حق الاداره قالولي الدور السادس وهكذى الي ان تعبت.

وهي الصفقه الوحيده الي عندي تكلفتها 7.5 دينار.


واكثر شي خذو مني تقريبا 2000 دينار عاد هذي ما سكت عنها.


وكثير كثير ... يعني الي اطلعه من البورصه اقطه عليهم.


الي ان حولت الي شركه جديده والحمدلله لا يحتاجون مراقبه .


هذى مالدي من نصيحه لاني لا اريد ان تتكرر هذي المأسات

مع الاخوان والاخوات.

 

[alshammery]

مايصير هالكلام 5000 دينار وياخذون علية عمولة600 دينار العمولة فى هالحالة لاتزيد عن 10 دنانير اذا هالكلام حصل تشتكى عليهم فى المقاصة وبالاثبات انا صار لى سنة معاهم الحساب كلة صح

 

[الزنقيل]

بالنسبه للتداول ممتاز وسهل
وبالنسبه للعموله ياخذون عموله السوق دينار وربع على كل ألف
و500 فلس للبون

أخوكم / بوعبدالله

 

[n5eeb]

مرحبه شباب ويعطيكم العافيه انشالله شرايكم في بنك الشرق والاوسط وجم ياخذون عالصفقة واذا فيه شركة وساطه ثانيه افضل منها ياليت تنصحوني شباب وجزاكم الله كل خير

بيتك للتداول اشتراك مجاني وشغل عدل مدل اسئل مجرب بس يبي منك اشتراك سريع وبالتوفيق

 

[n5eeb]

آنا من فتحت حساب بالبورصه وآنا أتداول مع الخليج ويشهد الله إنهم ممتازين بتعاملهم ورايتهم بيضه والله . و بصراحه إنا ناوي أشترك معاهم اليوم قبل باحر بس مشوار البورصه متعب والله. ممكن حل ثاني من غير ما روح البورصه؟؟

اي لاتروح للبورصة ولا تتعب حالك اي فرع لبيت التمويل اشترك في خدمة بيتك للتداول مجانيه وميه بالميه ولا فراخ الجمعيه

 

[n5eeb]

بس باقي الشغله السلبيه في التداول الاكتروني وهي اوامر سوق الكسور يعني بيع وشراء الكسور غير موجود في التداول الاكتروني فياريت انهم يضيفون هذي الخدمه المهمه جدا جدا لان اي سهم يصبح كسر مانقدر نبيعه او نشتريه الا باحد حالتين يااما تدق علي الدلال واغلب المرات مايردون او تتعني للبورصه وكانك يابوزيد ماغزيت فاتمني من مكتب الخليج انهم يهتمون لهذي النقطه المهمه ويطورنها وتصبح موجوده في التداول الاكتروني .

لا طال عمرك موجوده في بيتك للتداول وانا بشكل يومي اقدر اشتر بسوق الكسور تحياتي لك

 

[al_7ooooooooot]

خوش شركه وانا اتعامل معاها الصراحه جيده
وممتازه بعد
لكن فيهم عيب واحد
كل يوم لهم عموله
يعني في صفقات ياخذون عليها 4 ونص وفي 5 وفي 3 ونص ..؟
على اي اساس يحددون ما ندري ياريت احد يفيدنا
لكن الشركه ممتازه

 

[بنت بورصويه]

بييييييييي شنو هلغبار كح كحح كح ما شاء الله موضوع قديم

انشاء الله اتكون الخليج اتعدلت الحين بعد المنافسات.

بس الواحد احسن له التمويل ويرتاح لانه اسلامي

تمويل اون لاين

 

[العوضى]

انا صارلى فتره مع الخليج , صراحه شغل عدل و خصوصا بعد التحديث

 

[كحلي]

آنا من فتحت حساب بالبورصه وآنا أتداول مع الخليج ويشهد الله إنهم ممتازين بتعاملهم ورايتهم بيضه والله يجزاهم خير . وتحويل ألي من و الي البنك وصارلي سنتين ما دشيت البورصة.......

 

[قطاع الارماس]

ماكو شيئى فى العالم كامل والكمال للاه سبحانة
بالنسبة لشركة الخليج للوساطة المالية انا معاهم ستة اشهر ولااروع من التعامل وخاصاَ الاستقبال الرئيسى ابو سمرة السكرة
تداولت خارج الكويت ولاحسيت بالفرق وهذة ميزة تحسب للخليج
ولاكن المقترحات كتالى
1- لايمكن ان تشترى وليس عندك رصيد وخاصتاً التداول الاكترونى عكس الاخوان ماقالوة
2- لايوجد بيع اوشراء للكسور بالتداول الاكترونى فقط الاسعار وسجلات الاوامر والصفقات
ولاكن من كثر الناس الى عندهم الله يعينهم​

 

[wzer]

ماكو شيئى فى العالم كامل والكمال للاه سبحانة
بالنسبة لشركة الخليج للوساطة المالية انا معاهم ستة اشهر ولااروع من التعامل وخاصاَ الاستقبال الرئيسى ابو سمرة السكرة
تداولت خارج الكويت ولاحسيت بالفرق وهذة ميزة تحسب للخليج
ولاكن المقترحات كتالى
1- لايمكن ان تشترى وليس عندك رصيد وخاصتاً التداول الاكترونى عكس الاخوان ماقالوة
2- لايوجد بيع اوشراء للكسور بالتداول الاكترونى فقط الاسعار وسجلات الاوامر والصفقات
ولاكن من كثر الناس الى عندهم الله يعينهم​

للاه غلط
لله جذى صح
قلنا بدليات بس مو لهدرجه ضبط عمرك مدرس خصوصى تصرف ياخى

 

[al_7ooooooooot]

ماكو شيئى فى العالم كامل والكمال للاه سبحانة
بالنسبة لشركة الخليج للوساطة المالية انا معاهم ستة اشهر ولااروع من التعامل وخاصاَ الاستقبال الرئيسى ابو سمرة السكرة
تداولت خارج الكويت ولاحسيت بالفرق وهذة ميزة تحسب للخليج
ولاكن المقترحات كتالى
1- لايمكن ان تشترى وليس عندك رصيد وخاصتاً التداول الاكترونى عكس الاخوان ماقالوة
2- لايوجد بيع اوشراء للكسور بالتداول الاكترونى فقط الاسعار وسجلات الاوامر والصفقات
ولاكن من كثر الناس الى عندهم الله يعينهم​

حبيبي في بيع وشراء بسوق الكسور عن طريق التداولا الالكتروني للخيلج

 

[دلوعة البورصه]

آخر كلام .. شرايكم ف شركة الخليج ؟؟

منو احسن خدمه واحسن تعامل للتداول الالكتروني

الخليج أو بيتك أو الوطني ؟؟


اسرع 3 اجابات لهم جائزه

 

[ahmed7667]

آخر كلام .. شرايكم ف شركة الخليج ؟؟

منو احسن خدمه واحسن تعامل للتداول الالكتروني

الخليج أو بيتك أو الوطني ؟؟


اسرع 3 اجابات لهم جائزه

:d

افضل خدمة الاوسط برو

 

[qatel4]

أنا عندي حساب عندهم وبصراحة احسن من الشركات الثانية انك تتداول برقم التداول الاصلي الخاص بك بالبورصه مو عن طريق محفظة مثل بقية الشركات

والعمولة هي عمولة البورصة مافي غيرها قالوا بزيدون دينار على الشراء بس بعدهم ما طبقوها

 

[سناعيس]

انا من اوائل مستخدمى خدمة التداول الالكترونى بالخليج للوساطه

الان اصبح التداول من اروع مايمكن بعد صراع معهم

كنت كل يوم اناشبهم على المشاكل والقصور بالنظام

الحين الحمد لله ملاحظات بسيطه لا تذكر عليهم