الرشاوي والعمولات المشبوهه بكل مكان بالدوله ؟ توافقوني

الموضوع في 'السوق الكويتي للأوراق الماليه' بواسطة بوحسن, بتاريخ ‏17 فبراير 2006.

  1. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    الرشاوري والفساد المالي .... بكل مكان ؟ توافقوني

    الملاحظ ان الميزانيه القادمه بالدوله في ازدياد

    المشاريع التحتحيه بزياده ملحوظه والي يبي يتأكد يروح الاشغال


    النمو الاقتصادي بيكون اثره واضح والنمو العمراني بيكون واضح للعيان

    المدن السكنيه بتشوف طريقها الى النور

    اخر شي اشبيصير بالديره

    فساد ورشاوي مالها حدود ومدن ملعوب فيها وبنيه تحتيه او على الاقل بيكون انفاق اكبر على سعر تكلفه اقل مثلا ان كانت التكلفه الطبيعه لهاقدر 2 مليار بترتفع الى 4 مليار

    هذا الفساد ينخر حاليا بالكويت بشكل رهيب جدا

    الرشاوي بكل مكان وعلى مستويات الموظف البسيط
    حتى اكبر موظف واسمنها

    الرشاوي امتدت بكل مكان ........ وبكل وزاره من اهم الوزارات
    ..الى اقل الوزارات شأنا وابسطها

    المعاملات البسيطه حتى بالشركات التجاريه ايضا قاعده تمر بالرشاوي

    حتى اقر فيها الكثير من الشركات وقام بعمل تسجيل توريد وتنفيذ عن طريق عروض التجاري ...سايت انترنت حتى يخف الدفع تحت الطاوله

    احد المسئولين للمشاريع الانشائيه الحكوميه سال امامي
    ... يا اخي شركاتكم كلهم حراميه من النوع الثقيل

    البورد الي نشتريه من السوق اب 6دينار ..مسجل عندنا 48 دنانير بالفاتوره

    بفارق تكلفه مو اقل من 300 الف دينار ؟

    قالي هذي عمولات لازم يدفعها ولا ما راح يستدعى او يربح من المشروع وبتطلع عليه ملاحضات تخليه ينحاش والكويت كلها ماشية جذي

    هذا مثال ..ولو نفتح ما راح نخلص سوالف

    وانا ايضا اعمل في شركة مقاولات .. تدفع من كل مشروع عمولات لا تقل عن 50 % واكثر من الربح الفعلي لاغلب المشروعات ليس لانها تغش ؟؟ لا لانه لن يتم استدعائها او سيتم استبعادها وان كانت اقل الاسعار من قبل مسئولي الوزاره او بنفس المشروع بيطلعون حباب عينها

    في وكيل وزاره انشائيه .. والله يقسم 40 % من اي ربحية له ..واشكره

    تجديد وكالته سيتم خلال الفتره القادمه

    احدى الشركات الزميله رست عليها مواقف اعمال اضافيه بقيمه 100 الف مدة التنفيذ شهر

    التكلفه الفعليه 18 الف ..ربح الشركه 12 الف مضافه الى 18 الف

    الباقي عمولات الى مسئولين الوزاره

    ارضيات وزراه تكلفت 400 الف ..سعر المتر 6 دينار ... سعر المتر بالسوق 600 فلس الفروق لمدير المشروع وليس للشركه الا ربح بسيط
    والا لن يتم استدعائها ويطلعون لها حباب عينها

    مشروع بسيط عدد 8 مشاريع لاحد الوزارات رست على شركه وحده
    متوسط التكلفه الفعليه سعره 150 دينار .. دفع فيه 1900 دينار لكل مشروع
    الشركه فوق ال150 ربحت 400 دينار وبحدود 1500 لمهندس المشروع ..صار جدامي

    هذي الارقام لاني اعمل بشركه متوسطه وليست عملاقه ... ولا شفنا بلاوي

    لقطات من اسعار الرشاوي :

    تخليص معاملة شئون 300 دينار اعطاء زيادة عمال او تحويل
    تخليص اجازه قيادة 250 دينار
    تخليض جمركي 7 % من قيمة البضاعه اذا تجاوزت ال 50 الف واقل منه 2500 ونص لاي بضاعه لها وكيل معتمد
    تخليص ميناء بدون تفتيش 150 دينار اذا البضاعه تحتاج الى تراخيص معينه من وزارة التجاره

    وماني متكلم عن اقسام المشتريات بكل وزاره .............. الله الله من رئيس القسم الى القانوني الى مدير الاداره الى الوكيل

    الي ينكر هالشي ... هذا مو معانا بالديره


    واخيرا اخيرا .......... الرشاوي التي تدفع في البورصه لاعطاء خبر ..بيع او شراء لوجود معلومه او لنشر معلومه غلط بجريده .... وهذي على عينك يا تاجر ...

    وطبعا الخير يخص والشر يعم .. ولا يزال نجد هنا وهناك القليل من الشرفاء

    ممن غاريتهم الدين والكويت وخوفهم على صحة عيالهم والبلاء المتوقع من الله

    وطبعا لانهم من المتنفذين هؤلاء المرتشين .. ... تلقاهم بلندن على حساب الدوله يتعالجون بسبة ما ابلاهم الله من الرزق الحرام

    اللهم اغننا بحالك عن حرامك وبطاعتك عن معصيتك وبالنجاة من النار
     
  2. q8 investor

    q8 investor عضو نشط

    التسجيل:
    ‏9 أغسطس 2005
    المشاركات:
    190
    عدد الإعجابات:
    0
    مشكور يا خوى الصبر .بس ممكن خدمه.....................لو تحط قائمه باسعار الرشاوى وتراجع القائمه كل يوم على حسب تغيير السعر .. وممكن تحط مؤشر سعرى ووزنى للرشاوى .... انا اجزم بعد سنتين راح يوصل المؤشر لمستويات قياسيه ... تدرى ليش ... لان الاسعار دائما فى صعود ....ههههههههههههههه بصراحه كلامك كله صحيح وعدل واللى يقول غير جدى .... اقوله اسمحلى غلطان .....واعتقد رخصه القياده صار حد اعلى يوم الاربعاء اللى طاف .. لان اخر ثانيه علقوه وهمى
     
  3. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    المشكلة أذا أنهار النفط شراح يصير فينا :confused:
     
  4. Moshaks_777

    Moshaks_777 موقوف

    التسجيل:
    ‏26 أكتوبر 2005
    المشاركات:
    3,518
    عدد الإعجابات:
    0
    مكان الإقامة:
    الكويت
    اذا نهار النفط

    نقول بصوت واحد ((((( وا على الدنيا السلام )))))
     
  5. الوسيم

    الوسيم عضو جديد

    التسجيل:
    ‏18 يونيو 2005
    المشاركات:
    273
    عدد الإعجابات:
    0
    مكان الإقامة:
    لاحب غير الكويت

    كلامك مضبوط100% واكثر
    وصدقني محد ماكلها ومولاعب فيها الا

    الكـبـــــــــــــــــــــــــــــــــــــــــــار
     
  6. osamaism

    osamaism عضو نشط

    التسجيل:
    ‏14 يناير 2006
    المشاركات:
    456
    عدد الإعجابات:
    0
    والله يا جماعه الدنيا كلها شذى
    كل دول العالم موجود فيها هذا النظام ، بس ما راح تلاقى احد يدفع عشان رخصة قياده ، او معاملة شئون ، راح تلاقيهم يدفعون عشان اشياء ادهى واكبر

    وعموما فهذا التصرف حرااااااااام والله يبعده عنا وعن ديرتنا الغاليه الكويت
     
  7. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة
    هذا هو الخبث، مجرد سؤال بسيط ..

    لو انا اشتغل ومديري يبوق اشكره .. ويبيني ابوق معاه، شنو ممكن يخليني أقوله اسمحلي انا ما اتعامل بالحرام والرشوه ؟ ليش اقوله جذيه ؟ بتقولي حب الكويت بقولك استرييييييح .. هذا موال ما قاعد تسمعه إلا بالاناشيد الوطنية والاحتفالات .. ما هو السبب الذي يجعل الكبير والصغير يتشاركون في النهب "المحرم" ومن تحت الطاولة، الكلام في هذا يطول واسمع الكلام اللي يدور في الدواوين تمل .. تستغرب .. تبجي .. تضحك .. لكن شي واحد فقط .. فقط واحد هو اللي ممكن يخليني اقول حق مديري "لا" وابلغ عنه بعد هو "الخوف من الله" فقط .. ولا شيئ آخر. الفساد ضرب اطنابه في مؤسسات الدوله ولو استمر على هالحال اقول قول لاقتصاد الكويت السلام، اللي باط جبدي شي واحد ..

    الضريبه، كيف ستفرض ضريبه .. وانا ارى انه فلوس الدوله قاعد ينهبها اصحاب المناصب والنفوذ ومن لديه ادنى سلطه .. كيف استأمنك على اموالي التي ستأخذها مني وفي المقابل سأتوقع منك، بلدية نظيفة، شوارع نظيفة، خدمات صحيه ممتازه، خدمات تعليمية متميزه، تسهيل في المعاملات، وغيرها وغيرها .. وهو هذا الشيئ اللي من اجله فرضت الضريبه .. لتقديم خدمات افضل للشعب، طيب وانا اشوف البوق اللي يصير في الديره تبيني اعطيك هالضريبه عشان تروح ببطونهم .. عسى بطونهم الشق ان شاء الله .. التعديل يصير من فوق .. والضرب بيد من حديد لأكبر الشخصيات وبلا هواده او تردد .. مصالح البلاد والعباد - المفروض - انها تكون فوق كل اعتبار.

    ما اقول الا الله يستر بستره على ديرتنا ..
     
  8. المريح

    المريح عضو جديد

    التسجيل:
    ‏13 سبتمبر 2005
    المشاركات:
    391
    عدد الإعجابات:
    0
    مكان الإقامة:
    شرقاوي
    شالسالفة لاتصير نظرتكم للأمور نظره سوداوية وتحليلاتكم سلبية.

    كل ديره وكل مكان وكل زمان في الزين والشين.

    حبايبي تذكوا أن المنتدى يقراه الكويتي وغير الكويتي.

    أخوكم المريح
     
  9. الفارس_Q8

    الفارس_Q8 عضو جديد

    التسجيل:
    ‏17 يونيو 2005
    المشاركات:
    185
    عدد الإعجابات:
    0
    والله كلامك صحيح والمشكله صار هالشي علني والحرامي والمرتشي صار مايستحي والناس تعودت على هالكلام

    والا اشلون واحد راشي يحط اعلان في الجرايد والشوارع نشتري بطاقات الدعوه للشركه الفلانيه 000يعني ندفع فلوس (رشوه ) علشان نصير في مجلس الاداره 000هذا شنو راح يسوي لصار عضو اكيد بيسرق
     
  10. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0

    والله بروحه هذا موضوع

    نبيع بطاقات الدعوه ؟ على الي مو كفو ..ونقول تالي ؟ سهمنا الي بعنا بطاقات الدعوه ملوته ؟؟ ليش مجلس ادارته اطلعو حراميه ؟ وليش سهمنا ما ارتفع ؟
    وكل هذا عشان نربح 40 او 50 دينار ... لاحول ولاقوه الا بالله
    كيفما تكونو يولى عليكم

    المريح ..الي غير كويتي ويبي ينتقد الديره خل يستريح ..محد علمنا الرشاوي الا البعض ومعروفين ..وبعدين خل ينشغل بعيوبه وبعيوب دولته احسن

    ستاربكس ... اخوي تدري والكل يدري دائما عندنا مسئول متجمد لانه مو راضي يشارك مسئوله البوق .. والله المنتقم

    كويتي انفستر يوز عني
     
  11. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    السلام عليكم

    في يوم من الايام صار عندي شغل للشركة اللي انا اشتغل فيها بوزارة التجاره
    وقالي المدير ترى ماراح يمشونها لين تتصل علي وتخليني اكلمهم وقالي بعد يا فلان لا تروح انت انا قررت اني انا بنفسي اسويها ورحت

    ولمن الموظف شاف اسم الشركه قالي لا اخوي هذي عند المدير رحت للمدير قالي اتصل على مديرك خلني اكلمه :eek: انا تبققت عيوني
    دقيت على المدير وكلمه وقال مدير اللي بالوزارة يا اخي انتو الي يابسين ولا احنا بالعكس وايد سلسين وياكم وضحك وسكر التلفون وقالي استريح وشربني جاي ووكلي كاكاو باااتشي وقالي ثواني وتييك المعامله

    قمت اسولف معاه وسويت نفسي ادي ان السالفه فيها ان قالي شنسوي يا اخي ما يصير نشتغل شغل فوق طاقتنا بدون مقابل كل يوم ايونا اكثر من 15 شركه وزحمه .... قلتله صاااااااااج الله يعطيكم العافيه

    بالعلم ان المعامله انا موديها الساعه 9 وماكو معاي ولا قطو بروحي بقسمهم


    الله يهديهم ويصلحهم صايره بزووود هالسالفه والله العالم نصير مثل اللي تحط بجوازك 1000 ليره ولا لأ

    والله من وراء القصد