ماهي الخطوات للأنعاش الأقتصاد و البورصة الكويتية

الموضوع في 'السوق الكويتي للأوراق الماليه' بواسطة العمـــــــــدة, بتاريخ ‏18 فبراير 2006.

  1. العمـــــــــدة

    العمـــــــــدة عضو جديد

    التسجيل:
    ‏27 ابريل 2004
    المشاركات:
    167
    عدد الإعجابات:
    0
    لا شك فيه أن البورصة في أي بلد تمثل الشريان الأساسي للأقتصاد القومي المحلي. وبعد أن أصاب البورصه الكويتية الكثير من الشلل في النمو
    لا بد من تدخل في وقف هذا النزيف. ومن هنا لا نقصد الكلام العامي تدخل المحافظ و الصناديق و وضع اللوم على أدارة السوق. و لكن لابد هذا التدخل
    ذو نظره مستقبليه بما يضمن مصلحة الأقتصاد المحلي و مصلحة صغار المستثمرين. ولكن ماهو المطلوب نضع هذه الصفحه لأبداء الرأي للجميع ووضع النقاط على الحروف بما يجب على الحكومه الرشيده أن تأخذه.

    سوف أضع من وجهة نضري البسيطه ماهو المطلوب من الحكومة ببعض النقاط.

    1) فتح المجال لأدراج بعض الشركات التي جمدت مبالغ المستثمرين
    ( بوبيان - الوقود - القرين - ... الخ )

    2) ألزام الشركات بتوزيع مبالغ نقدية مع أي منحه

    3) عدم الموافقه على زيادة رأس المال ( الشركات المقفله ) ألآ بعد عمل دراسه جدوى ... و موافقه الجهات المختصه ... على أن تلتزم الشركه بأن الأرباح لا تقل عن الحالي

    4) الي زياده في رأس المال تكون محدوده و حسب المشاريع المتوفره

    مثال على ذلك . رعد و الثمار ... من رأس مال صغير ال 100 مليون سحب الكثير من السيوله من السوق ...

    ولكم الباقي
     
  2. بوعدول

    بوعدول عضو نشط

    التسجيل:
    ‏22 ديسمبر 2005
    المشاركات:
    927
    عدد الإعجابات:
    14
    مكان الإقامة:
    منتهيه
    السلام عليكم حبيبي
    اتوقع ادراج هالشركات بالسوق بهالوقت راح يزيد الطين بله
    الناس قطت فلوسها كلها بالسوق وشراء الاسهم وذا انزلت هالأسهم الي ذكرتها ( بوبيان - الوقود - القرين - ... الخ ) بهالوقت راح يصير في عرض ومافي طلب وراح تنزل قيمة هالأسهم اكثر
    وطبعا شركات مثل القرين للبتروكيماويات و الصفوه والاستحواذ وغيرها من الشركات الجديده الي رأس مالها بالــ 100 مليون دينار اسحبت سيولة صغار المستثمرين كلها طبعا صغار المستثمرين يمثلون تقريبا وعلى حسب الي قريته بالجرايده انهم يمثلون 45% من السوق طبعا نعتبر احنا شريحه مو هينه بالسوق .
    طبعا إلا اذا افتحوا المجال للمستثمر الاجنبي بدخول سوق الكويت للأوراق المالية ,, اهني راح تجيلنا سيوله من بره
    وراح يصير في طلب على الاسهم وهني ينتعش السوق
    اتمنى من الشركات الباجية انها ماتعطي أسهم منح ولا يصير في زياده في رأس المال عن طريق الاكتتاب ,,,, اتمنى ان تكون المنحه نقديه فقط
    هذي وجهة نظري وتحتمل الصواب والخطأ
    وانشالله اهل الخبره يفيدونا
     
  3. سهم استثماري

    سهم استثماري عضو جديد

    التسجيل:
    ‏13 نوفمبر 2005
    المشاركات:
    1,070
    عدد الإعجابات:
    0
    كلامك صحيح يا عمده .. وجان زين لو أحد من اصحاب القرار يفكر فيه ..
    بس لا تنسى إن اللي يبونه مدراء الصناديق وأصحاب الشركات هو اللي لازم يصير ... ويا اخوي من بعد ما صرفوا فوق اللحين ضغطوا اسهمهم لتحت حتى يكون السعر السوقي منطقي وقريب من التوزيعات المقرره ... وهم أصلا طلبوا من الحكومه عدم التدخل حتى يضبطون السوق ويمشونه على كيفهم ... تبي عاد الكلام المفيد اللي يبونه الكبار يصير يعني يصير ..
    مع قناعتي إن للسوق صعده وراح تكون طيبه في الفترة القريبه جدا .. ولكن السوق كله تجارب والشاطر اللي يتعلم من أخطائه .