متداول قديم : البورصة الكويتية غبية !!

[السهم التجاري]

متداول قديم : توزيعات الأرباح في بورصة الكويت غبية

السلام عليكم ،،،

حبيت أعرض لكم هالموضوع
سألت واحد من الناس وهو متداول قديم في البورصة الكويتية بعد حوار عن أرباح الأسهم قال لي : السوق غبي ، إليكم نص الحوار :

قلت له : عندي سؤال: انا عندي 10000 سهم بنك برقان شريتهم بسعر 600 فلس ، والبنك راح يوزع نقدي 40 % يعني راح يحوشني 400 دينار

وقلت له : لكن قرأت في موقع الجمان ان تفسيخ السهم راح يكون 40 فلس
يعني :

لو كان سعر السهم قبل الجمعية العمومية 640 فلس ،، أنا جم ربحان ؟ 400 دينار ،، صح ؟
ولكن اذا حبيت اخذ ارباحي النقدي راح يعطوني 400 دينار كاش ويرجع سعر السهم 600 فلس !!!!

يعني في النهاية ما سويت شي !!
قلت له : لو أبيع السهم بسعر 640 فلس قبل الجمعية العمومية وايد أحسن لي ، لأن ما يسوى علي اطلع من الدوام واروح استلم شيك الارباح عالفاضي !! لان في النهاية نفس المبلغ .


قال لي : هذي المصيبة ان السوق غبي لازم يحسبون الارباح بطريقة تخلي الواحد فعلا يربح !! مو بعد التفسيخ يصير كأنه ماله شي !!

،،،
وأنا ماني عارف ليش المحافظ تقول نبي السهم اللي يوزع نقدي ! شفايدة النقدي دام ان قيمة أموالك قبل تفسيخ السهم = قيمة أموالك بعد استلام الأرباح ،، مادري يقصون عالناس ؟


معادلة الأرباح في البورصة الكويتية :

قيمة أموالك في سهم معين قبل التفسيخ = قيمة أموالك بعد استلام الارباح


يعني شنو استفدت من الارباح ، مادري؟

شنو رايكم بالموضوع؟

 

[AMR]

تدري ليش يبون الصناديق و المحافظ نقدي

لان انت عندك 10000 سهم و تقدر تبيع على 640 فلس ( ربحان 400 )

بس اللي عنده 10.000.000 مايقدر يبيع الملايين على 640 و ربحان 400.000
اقصد المحافظ و الصناديق ( نقدي افضل لهم )

هذا بعتقادي

وشكرا

 

[السهم التجاري]

السلام عليكم ،،شكرا عالمشاركة
كلامك صحيح اخوي وفيه فكرة حلوة ،، بس هم عالاقل لازم يكون اسم الأرباح -------- > اسم على مسمى ، يعني صج ربحت !

يعني شنو ذنب اللي أخذ السهم من زمان وقال أنا أبي توزيعة الارباح وحافظ عالسهم لمدة سنة كاملة

وفي النهاية ليمن استلم الارباح : شاف ان قيمة اسهمه قبل الارباح 6400 دينار كويتي ، ، مثلا

وبعد استلام الارباح صارت فلوسه 6400 دينار أيضا ،،

ما تسوى عليه كل هالنطرة ، لازم يعاد النظر بسعر السهم بعد التفسيخ هذي وجهة نظري

يعني السهم مثلا 640 قبل التفسيخ ، ومع توزيع 40 % نقدي

يصير سعر السهم بعد التفسيخ 620 مثلا ،،
يكون فعلا حقق ربح

والا شرايك

 

[الريان]

السلام عليكم ،،شكرا عالمشاركة
كلامك صحيح اخوي وفيه فكرة حلوة ،، بس هم عالاقل لازم يكون اسم الأرباح -------- > اسم على مسمى ، يعني صج ربحت !

يعني شنو ذنب اللي أخذ السهم من زمان وقال أنا أبي توزيعة الارباح وحافظ عالسهم لمدة سنة كاملة

وفي النهاية ليمن استلم الارباح : شاف ان قيمة اسهمه قبل الارباح 6400 دينار كويتي ، ، مثلا

وبعد استلام الارباح صارت فلوسه 6400 دينار أيضا ،،

ما تسوى عليه كل هالنطرة ، لازم يعاد النظر بسعر السهم بعد التفسيخ هذي وجهة نظري

يعني السهم مثلا 640 قبل التفسيخ ، ومع توزيع 40 % نقدي

يصير سعر السهم بعد التفسيخ 620 مثلا ،،
يكون فعلا حقق ربح

والا شرايك

احسبها على بيت التمويل اللي شروه بال94 كم يطلع عليهم عائد نقدي سنوي وايضا كم يكون العائد على حقوق المساهمين

انت تتكلم عن من يملك السهم لفترة لاتزيد عن سنة لكن لو تلقى نظرة على من يملك عشر سنوات
انظر الي الوطنية العقارية وملكيتها في المخازن كيف تستفيد منها مع العلم يتم تقيم السهم على السعر الدفتري وليس سعر السوق

 

[المعوشرجي79]

احسبها على بيت التمويل اللي شروه بال94 كم يطلع عليهم عائد نقدي سنوي وايضا كم يكون العائد على حقوق المساهمين

انت تتكلم عن من يملك السهم لفترة لاتزيد عن سنة لكن لو تلقى نظرة على من يملك عشر سنوات
انظر الي الوطنية العقارية وملكيتها في المخازن كيف تستفيد منها مع العلم يتم تقيم السهم على السعر الدفتري وليس سعر السوق

تحية لك اخوي السهم التجاري وايضا الى اخوي بوريم

والله اوافقك الراي يالسهم التجاري توزيع الارباح ما منها فود بنسبة 90% بالذات لصغار المستثمرين ليش اشتري سهم واخليه 10 سنوات على شان يرتفع وما تدري يمكن يتوقف عن التداول او ينشطب نهائيا من على بورد البورصه او .. او ... او .... انا جربت الارباح ما منها فود الا لبعض الاسهم على سبيل المثال :

الاتصالات الوطنية : وزعوا ارباح 2004 وكانت 50% نقدي ( اعتقد ) تفصخ السهم ورد علقوه ايام عدة يعني الي شرى استفاد

بيان : وزع ارباح 2004 ( ايام عزه ) وعلق يعني الي شراه قبل التفصيخ استفاد الارباح والتعليقات ( الله يخلي المخازن سابقا )

وهكذا ....

لذلك ارى الارباح المباشرة للسهم قبل التوزيع افضل بكثير من انتظار الارباح ومن ثم النكسات ، لانها مخاطرة

 

[Solid_investor]

توزيع الارباح النقدية يعطيك عائد سنوي ممكن تقارنه بالوديعة مع امكانية ارتفاع سعر السهم بعد الفسخ الى السعر قبل الفسخ

 

[ذيبان]

انا صراحه ضد تفصيخ السهم ياخي خله السوق عرض وطلب واهو الي يحكم

 

[stillhamad]

تفصيخ السهم هل هو قرأن منزل .. أم هو عرف أم هو قانون ام هو عادات وتقاليد ام هو بروتوكول ام هو الشريعه والحياة .. أم ماذا بالظبط يعني كل سهم بعد التوزيع لازم يتفصخ ولا مو شرط ومنو هذا اللي يفصخه يعني من الله ولا من بن أدم

والأخ اللي فوق يقول انا ضد تفسيخ السهم هل يفهم من قوله بأن له القدره علي تفسيخ السهم من عدمه وهل يتم ذلك بالقوه أم عن طريق الميانه ؟؟؟

 

[bbcc]

المشاركات في الاعلى كلها مفيدة وراقية

لكن باعتقادي المتواضع ان هذه الشغلة تفيد كبار المستثمرين وليس الصغار

ومعروفة الشركات تبي تراضي الكبار اصحاب الملايين

وما تحط اعتبار لاصحاب الالوف

 

[circle]

تفصيخ السهم هل هو قرأن منزل .. أم هو عرف أم هو قانون ام هو عادات وتقاليد ام هو بروتوكول ام هو الشريعه والحياة .. أم ماذا بالظبط يعني كل سهم بعد التوزيع لازم يتفصخ ولا مو شرط ومنو هذا اللي يفصخه يعني من الله ولا من بن أدم

والأخ اللي فوق يقول انا ضد تفسيخ السهم هل يفهم من قوله بأن له القدره علي تفسيخ السهم من عدمه وهل يتم ذلك بالقوه أم عن طريق الميانه ؟؟؟

اوافقك بس اذا التوزيعه كاش ،،، فعلا ليش تنزل قيمة السهم !! السهم وزع الكاش من ارباحه ولم تمس اصوله ..

لكن المنح لازم يتفسخ معاها السهم لان الاسهم زادت وهذا الفرق بين الشركه اللي فيها 5 ملايين سهم والشركه اللي اسهمها مليار

يعني العقد اللي تجني منه الشركه مليار يودي الاولى القمر والثانيه يمكن يحركها شوي

 

[السهم التجاري]

الأخ سيركل ،،،

أصبت كبد الحقيقة .

 

[BuRashed]

السلام على الجميع,في نقطة ثانية وهي زكاة الاسهم, الي يستثمر الأسهم دون بيع أي ياخذ الارباح فقط, يزكي على الربح فقط وليس على رأس المال, أما الي يبيع و يشتري فيزكي على رأس المال كامل.

 

[أحمداني]

ماشالله عليكم موضوع هام جداً والمناقشه جداً راقيه.

موفقين جميعاً بإذن الله

 

[supv]

السلام على الجميع,في نقطة ثانية وهي زكاة الاسهم, الي يستثمر الأسهم دون بيع أي ياخذ الارباح فقط, يزكي على الربح فقط وليس على رأس المال, أما الي يبيع و يشتري فيزكي على رأس المال كامل.

من يقول هالكلام ؟

 

[Riskman]

في فرق بين المستثمر لمده طويله والمده القصيره

مثال:
شريت 10000 سهم البنك الوطني في سنه 1953 او مابعت ولا شي منهم
بس تستلم الارباح النقديه والمنحه تزيدها مع الاسهم اللي عندك لو تجمع الارباح اللي استلمتها خلال 5 سنوات راح تغطي تكلفه الاسهم بالكامل.

او على ما مأظن قبل فتره بالجريده (القبس) مقابلين واحد من الشيبان يملك 1000 سهم البنك الوطني من التأسيس على كلامه يقول انه 1000 سهم طلعوله من الارباح مليون دينار لي غايه اليوم(طبعا يوم المقابله).


في فــــــــــــــرق بين اســــــــتــــــثــــمـــــــار او مــــــضـــــارب