اقتراح للأخوة القائمين على هذا المنتدى

[السهم التجاري]

السلام عليكم

إخواني القائمين على هذا المنتدى الرائع
من منطلق التطوير ،،، أقترح إضافة خاصية إظهار أسماء الأعضاء المتواجدين في المنتدى في لحظة معينة مع ذكر عددهم وإظهار عدد الضيوف

وذلك للأهمية

 

[بوحسن]

انت قلت للاهمية

؟

شنهي الاهمية في هذا الموضوع

عطنا الاسباب يمكن نصف وياك ...لاني حاليا اشوف بالعكس جذي اريح والمنتدى يكون اكثر حرفنه من التطبيل والمناجر وعرض العضلات الي سابقا كان

 

[السهم التجاري]

بالعكس شي مهم بنظري ،،

مثال : العضو ( س ) دايما اييب أخبار عن الشركة الفلانية ،،

أول ما أشوفه موجود أقدر أطرح عليه هالاسئلة والجواب راح يكون سريع
وبنفس اللحظة

سبب ثاني : هالطريقة راح تبين مدى شعبية المنتدى .

سبب ثالث : ديكور ودليل على التطور ، شنو الأحسن تاخذ سيارة مواصفات قليلة ؟ والا كاملة المواصفات ؟

شنو الأحسن يكون المنتدى كلشي فيه ؟ والا يكون ناقصه شي؟

سبب رابع : توه هالسبب يه ببالي ،، فكرت ، وقلت مادري الأخ الصبر مفتاح قاعد يقرأ ردي والا لأ ؟

لو أكو هالخاصية جان تطمنت انه احتمال كبير انك قاعد تقرأ ردي !

والسلام

 

[بوحسن]

بالعكس شي مهم بنظري ،،

مثال : العضو ( س ) دايما اييب أخبار عن الشركة الفلانية ،،

أول ما أشوفه موجود أقدر أطرح عليه هالاسئلة والجواب راح يكون سريع
وبنفس اللحظة

سبب ثاني : هالطريقة راح تبين مدى شعبية المنتدى .

سبب ثالث : ديكور ودليل على التطور ، شنو الأحسن تاخذ سيارة مواصفات قليلة ؟ والا كاملة المواصفات ؟

شنو الأحسن يكون المنتدى كلشي فيه ؟ والا يكون ناقصه شي؟

والسلام

وعليكم السلام

بس النقطه الاولى مهمه

بس شوف من ناحية ثانيه

ليم تشوف واحد يطبل وموجود بتلقى الناس لابده بالموضوع ينتظره تطبيله القادم

واي مطبلجي او واحد شايف نفسه ويفرد عضلاته ليم يلقى موضوع عليه زحمه بيقعد يألف على راسهم وبتشوف صفحات وايده بالموضوع بس حجي فاضي ..يعني تلقى السكره اما الفكره ... وين ووين ليم تلقاها ..وهذا منتدى اقتصادي

غي رالمواضيع الي عليها زحمه علبالك سهمها زين ..

وبالنسبه للمحافظ وزبانيتهم الي تدش المنتدى عشان تصرف عليكم باخبار او بتشوف تحاليل معينه لسهم ذو شعبيه وينعرف شعبيته من عدد الي يدشون الصفحه او الي لابدين بالصفحه ينطرون اي خبر
... ما يدرون اي موضوع عليه دوس فعلي او راح يصعب عليهم هالشي وعلشان جذي بيحتارون اشوي ...وبالنهايه كلنا بنستفيد من عدم مشاركاتهم

وان صارت نجره بين اثنين ..كل ما واحد شاف نك الثاني نطره ما يطلع الا ليم يشوفه طالع ..

انا اقول الباب الي اييك منه الريح سده واستريح

وتقدر توجه سوالك لاي شخص برساله خاصه او عامه وبتلقاه يرد عليك اذا عنده الاجابه والي هني كلهم كرما

 

[Q8 Stock]

السلام عليكم

طيب اذا اتكشفوا انه هذي الخاصيه من مواصفات السياره
تسبب مشكله في السياره
حيث تأدي الى رفع درجة الحراره فيها ؟
وعند ازالتها ترجع الامور الى طبيعتها

اخي العزيز
الخاصيه هذي طالبنا فيه الاداره
بعد ان تم تحديث المنتدى الى النسخه الجديد
ولكن المنتدى اصابه بعض البطئ في التصفحه
وبعض المرات لا يتم فتح المنتدى
سواء عندنا كمشرفين او بعض الاعضاء
فجاء العلاج بالتدريج
بإزالة بعض الهاكات عن المنتدى
ومن ضمنها هاك المتواجدين بالموضوع
لانه يسبب مشكله في السيرفر وضغط عليه
ولهذا السبب تم ازالة الهاك

ان شاء الله
قدرت اوضح لك هذا الامر

 

[السهم التجاري]

مشكور اخوي المشرف

الآن أزلت اللبس ،، والسلام

 

[بوحسن]

السلام عليكم

طيب اذا اتكشفوا انه هذي الخاصيه من مواصفات السياره
تسبب مشكله في السياره
حيث تأدي الى رفع درجة الحراره فيها ؟
وعند ازالتها ترجع الامور الى طبيعتها

اخي العزيز
الخاصيه هذي طالبنا فيه الاداره
بعد ان تم تحديث المنتدى الى النسخه الجديد
ولكن المنتدى اصابه بعض البطئ في التصفحه
وبعض المرات لا يتم فتح المنتدى
سواء عندنا كمشرفين او بعض الاعضاء
فجاء العلاج بالتدريج
بإزالة بعض الهاكات عن المنتدى
ومن ضمنها هاك المتواجدين بالموضوع
لانه يسبب مشكله في السيرفر وضغط عليه
ولهذا السبب تم ازالة الهاك

ان شاء الله
قدرت اوضح لك هذا الامر

انا قايل للفهلوي ..رب رمية من غير رامي