الشركة الكويتية الصينية الاستثمارية ش.م.&#1603

[wolf steps]

انا اقولك لا تبيع و انطر الشركة تشتغل وشوف الصين وين قطت بريطانيا و فرنسا وراها بالنمو الاقتصادي و الدور قادم على امريكا و راح اتربع على عرش العالم بالنمو الاقتصادي وشوف بعدين شيصير بالسهم

 

[الناسجت]

صباح الخير .. السهم الى اليوم ما عليه اي تداول يذكر في الناسجت

دمتم

 

[Sharp Nero]

بسم الله الرحمن الرحيم

شنو تتوقعون ياشباب لنشاط الشركه !!

مافيه أخبار عليها ؟؟

 

[طهماز الخيل]

- شباب تتوقعون يتأخـــر أدراج أسهـــــــــم الصينية .؟

 

[FLOOD]

مو اقل من 18 شهر على مايندرج

 

[على حمد]

يا جماعة الخير ما سمعنا شي عن نشاطات هالشركة من الاكتتاب وهي لا حس ولا خبر !!! شالسالفة

وتقبلوا خالص شكري وتحياتي

 

[حمووودي]

الكويتية الصينيه

السلام عليكم ورحمة الله وبركاته
اخواني الاعزاء بخصوص الشركة الكويتية الصينيه للاستثمار كلنا ندري انها شركة استثماريه 100% وشركة يديرها الاخ اسعد البنوان واهو رئيس مجلس اداره في الاتصالات المتقله وشوفوو الريال جم وصل سهم الاتصالات يوم من الايام وصل 6 دنانير ؟؟؟

يعني شركة يشرف عليها الاخ اسعد البنوان ما تتوقعون توصل سعر حلوو ؟؟

بخصوص الشركة الكويتيه الصينيه انا اعتبرها افضل شركة اطرحت للاكتتاب العام بعد بنك بوبيان

مع العلم اني اتوقع لها مستقبل حلووو واستثمارات ممتازه واتوقع وصول سعر السهم في خلال سنتين الى مستوى 800 فلس

مع العلم انه الشركة تستثمر ببنوك في الصين والكل يعرف انه بنوك الصين مو شوية من حيث القوه وهذي شركة ما تخلي شي بالصين الا وتستثمر فيه

وبصراحه هذي شركة استثماريه وشوفو التداول بالسوق على الشركات الاستثماريه واسعارهم

اذا بتقارنونها هذي الشركه قارنوها بشركة المشاريع والاولى للاستثمار والمال للاستثمار والمركز المالي

بس نصيحه نصيحه اللي عنده هالسهم لايفكر يبيع قبل 2008 لانه بيوصل فوق 700 فلس
وشكرآ

 

[Moshaks_777]

اتوقع بينزل البورصه مو اقل من 410

 

[حمووودي]

الكويتية الصينيه للاستثمار

عدل اخوي Moshaks_777 يمكن ينزل بالسوق 410 بس انا بالنسبه لي اتوقع نزوله بالسوق على مستوى 250 فلس او 300 فلس ومع الايام يوصل لي 800 فلس وفي واحد مراهني انه سهم الكويتية الصينيه يوصل دينار بعد فتره
وبالفعل شركه استثماريه مافيها اي خوف وقويه وكفايه صينيه

 

[المؤشرجي]

كسر كل التوقعات

التوقعات ان الصينيه راح تصل الى ما فوق الدينار وفي وقت قياسي مقارنة بباقي الشركات وسهمها سيكون سعره تصاعدي لتكون اهم شركة تقود السوق لاسعار قياسيه لم يعهدها السوق الذي يعتبر الارخص في المنطقة.

على اساس النمو الحاصل في الاقتصاد الصيني الاعلى في العالم بشكل عام و بسبب مجالات عمل الشركة .

و إن غداً لناظره قريب​

 

[بيج بن]

اتقو الله في تجارتكم وابتعدو عن الحرام ومن ترك شي لله عوظه الله بخير منة الشركة ربوية ونزلت فيها اكثر من فتوي وتذكرو الاخرة ولا تغرنكم الحياة الدنيا والاموال وتنسيكم ماهو حلال وحرام تذكرو القبر يوم لا ينفع مال ولا بنون نصيحة الى اخوانى انت في الدنيا مجرد زائر وعابر ولست مخلد فيها
فلاتحمل نفسك اثما بل وما اشدمن اثم الربا وجزاكم الله عنا خير الجزاء

اذا عندك اسهم ما تبيهم انا حاضر اشتريهم منك بسعر 110 فلوس
مو تقول انها ربوية خلاص دورلي احد يبيع بهلسعر وانا شراي وباي كمية

 

[fa2473]

انزين بالحديث عن الربا

سؤال للاخوان اللي يتكلمون عن الربا : بيت التمويل الكويتي هل هو بنك ربوي؟؟

 

[بو مريم]

@@

بصراحه

الحمد لله اني اكتتبت فيها

وذا فيها حرام وربا ومادري شنوو بعد

تحمل الحكومه اولا والمؤسسين ثانيه

مو يقولون حول راتبك علي بيت التمويل

وذا فيي شبهه عليهم يعني في ذمتهم مثل شراء سياره وبطاقة فيزا

انا اقووول في ذمتهم

تحياتي

 

[الاشنق]

هدوا بالكم ياشباب وذكروا الله واحسنوا النية ومبين عليكم عيال حلال واوادم وكلكم فيكم حب وغيرة على الدين والسالفة امبين انها سؤ فهم بين الاخوة، وارجومن الاخوة المشرفين شطب الكلام الخارج عن حدود اللياقة الادبية
( حلوة اللياقة الادبية مو جذيه ) .

 

[رومنسيات]

اخوى كنتاكى

انا اكتتبت بالشركة وللأسف ماكنت ادرى انه ربوية انا سمعت قبل الأكتتاب
بس كان مجرد كلام ماقريت فتوى ولا شى بس الحين قاعد اسمع وايد
انه شركة ربوية وتقرض وتقترض...
انا الحين انطرها اول ماتندرج بالسوق وبس يصعد سعر السهم ببيعها
ماراح استمثر فيها

بس ممكن تقولى شنو مصدرك اللى قالك حرام الأكتتاب فيها
من الشيخ اللى قالك او اصدر الفتوى...

وتسلم.........

 

[الناسجت]

صباح الخير

الاخوان الاعزاء ... عنيد + wolf steps + كنتاكي + ابوعليا ...

هل هذا جزاء من ثبت الموضوع واعطاكم مساحة للحوار وتبادل المنفعة ...

هل ضاقت بكم الأرض بما رحبت حتى تعبروا عن اختلاف وجهات نظركم .. بكلام ليس له داع ...

دمتم

 

[عنيد]

صباح الخير

الاخوان الاعزاء ... عنيد + wolf steps + كنتاكي + ابوعليا ...

هل هذا جزاء من ثبت الموضوع واعطاكم مساحة للحوار وتبادل المنفعة ...

هل ضاقت بكم الأرض بما رحبت حتى تعبروا عن اختلاف وجهات نظركم .. بكلام ليس له داع ...

دمتم

أخوي أنا أعتذر وأكرر اعتذاري منك أنت شخصيا .

بعدين أخوي ما يصير يطلع لي واحد كبر ولدي الصغير عمره ما يتجاوز

العشرين سنه ويقول عني لا تخورها بالكلام .

أتعقد أنت ما ترضى هالكلام .

وثاني مره أكرر أسفي لك والحشيمة لك أخوي وللأخوان طبعا المحترمين .​

 

[الناسجت]

صباح الخير

الاخوان الاعزاء ... عنيد + wolf steps + كنتاكي + ابوعليا ...

هل هذا جزاء من ثبت الموضوع واعطاكم مساحة للحوار وتبادل المنفعة ...

هل ضاقت بكم الأرض بما رحبت حتى تعبروا عن اختلاف وجهات نظركم .. بكلام ليس له داع ...

دمتم

أخوي أنا أعتذر وأكرر اعتذاري منك أنت شخصيا .

بعدين أخوي ما يصير يطلع لي واحد كبر ولدي الصغير عمره ما يتجاوز

العشرين سنه ويقول عني لا تخورها بالكلام .

أتعقد أنت ما ترضى هالكلام .

وثاني مره أكرر أسفي لك والحشيمة لك أخوي وللأخوان طبعا المحترمين .​

اخي الكريم صبحك الله بالخير والسرور .. شاكر لك أخي مشاعرك الطيبة ... وتم عمل اللازم وايقاف العضو المذكور ... وتأكد والبقية .. أن المشرفين لن يسمحوا بأي تهجم على الغير .. خاصة اذا كان هذا الغير ... تجار الكويت ... وكان وزير دولة ... " قاتل الله التعصب " ....
أخي الكريم واخواني البقية الاعضاء ... في المستقبل أي مشاركة تجدونها غير لائقة برجاء ارسال رسالة الى مسؤول القسم وتاكدوا بانه سيقوم بعمل اللازم فوراً ....

أخي العنيد ... قطعاً لا أرضى أن يتعرض لك أحد ... ولو انتظرت قليلاً قبل أن ترد عليه لرأيت كيف جاوبته على كلامه ...

نعم لا نحتاج ولا يحتاج أحد من الاعضاء أن ينبري أحد من العوام ويعلمنا مسائل ديننا ... فالحمد لله البلد تعج بالفقهاء والعلماء الافاضل ....

حياك الله اخي العزيز العنيد بين اخوانك واهلك وحياكم الله البقية وما حصل قد حصل ...

دمتم

 

[FLOOD]

مشكو يا نسجت على حسم المور بسرعة حتى يعود التركيز للموضوع الاساسى

 

[ابو عليا]

على راسي يالناجست انت واهل المنتدى الطيبين
بس انت شفتة واشلون يتهجم واسلوبة الغير اخلاقي معانا
والسموحة منك من اهل المنتدى