اللى يعرف بالاوسط للتداول لا يقصر

الموضوع في 'السوق الكويتي للأوراق الماليه' بواسطة واحد قنوع, بتاريخ ‏26 فبراير 2006.

  1. واحد قنوع

    واحد قنوع عضو جديد

    التسجيل:
    ‏12 ديسمبر 2005
    المشاركات:
    188
    عدد الإعجابات:
    0
    مكان الإقامة:
    المؤشر السعري
    السلام عليكم ورحمة الله
    ياجماعه انا اتداول عبر وسيط بالهاتف ومفكر بل جازم اني اشترك بالاوسط وعندي كم استفسار اذا سمحتم :

    1: كم ياخذون اشتراك او رسوم خدمه وهي شهريه او سنويه او على الصفقات .
    2: كم قدر التاخير عن السوق بلنسبه للاوامر او شريط الاسعار .
    3: اذا بحول بعض فلوسي الى رصيدي بالبنك لازم اجي للسوق واخذ شيك مثل المكاتب الثانيه لاني سمعت انه عندهم تحويل مباشر من غير شيك وحبيت اتاكد.
    4: وين اروح حتى اشترك وهل اخذ معاي جهاز اللاب توب ام لا .


    كلكم حلى ودمتم .
     
  2. BuRashed

    BuRashed عضو جديد

    التسجيل:
    ‏19 مارس 2005
    المشاركات:
    131
    عدد الإعجابات:
    0
    مكان الإقامة:
    الكويت
    و عليك السلام , أنا أستعمل بنك الكويت و الشرق الاوسط, وأحاول أفيدك:

    1- الرسوم على الصفقات فقط.وهي نفس نسبة الدلالين في السوق.
    2-بأستعمال السيت فقط التأخير تقريبا دقيقتان, أما تستعمل البرنامج مالهم يكون التأخير تقريبا ثانيتان, ولكن البرنامج أول شهر مجاني بعدين 20 دينار كل شهر.
    3-كل التحويلات من و الى رصيدك تجدر تسويها و انت في البيت, وحتا أرباحك و المنحة تدخل في حسابك بدون ماتروح البورصة.
    4-تروح أي فرع لبنك الكويت والشرق الأوسط, وماتحتاج تاخذ الاب توب.

    أرجو أن أكون جاوبتك.
     
  3. واحد قنوع

    واحد قنوع عضو جديد

    التسجيل:
    ‏12 ديسمبر 2005
    المشاركات:
    188
    عدد الإعجابات:
    0
    مكان الإقامة:
    المؤشر السعري
    الله يطول عمرك بوراشد كفيت ووفيت بس اذا رحت البورصه اقدر اشترك هناك ولازم اسيل الاسهم حتى افتح حساب بالاوسط حتى اشترك وانا حسابي على التمويل مدرى شكلي فهمت منك اني لازم افتح حساب بنك الاوسط .
     
  4. BuRashed

    BuRashed عضو جديد

    التسجيل:
    ‏19 مارس 2005
    المشاركات:
    131
    عدد الإعجابات:
    0
    مكان الإقامة:
    الكويت
    وعمرك انشاء الله, شوف عزيزي , تجدر تحول أسهمك الى محفظتك في الأوسط بس هذي العملية تاخذ أكثر من شهر, فاذا هي أسهم أستثمارية طويلة و موناوي تبيع دخلهم في محفظتك واذا لأ سيل أحسن.

    ونعم لازم تفتح حساب في بنك الكويت و الشرق الاوسط,
    أو انك تروح شركة الاوسط و هي تابعة للبنك بس ماتشطرت فتح حساب.

    و أنا حاضر لأى استفسار أخر , اذا أعرف, لا تتردد.
     
  5. الصـــــالح

    الصـــــالح عضو نشط

    التسجيل:
    ‏1 يوليو 2005
    المشاركات:
    610
    عدد الإعجابات:
    15
    مكان الإقامة:
    الكويت
    مع الاحترام لشخص الاخ بوراشد ، ومن خلال تجربتي مع الاثنين ، شركة الاوسط افضل من بنك الشرق الاوسط من ناحية تزويدك بالرقم السري للدخول فيما بعد على محفظتك ولان البنك فيه روتين ممل وكل واحد يحذفك على الثاني، والاخرى هي امكانية الاتصال على غرفة التداول واجراء عملية البيع او الشراء عن طريق الهاتف. وهذا رقمهم وتقدر تستفسر منهم 2245135 - 2245130 - 2245131 - 2245099 والله يوفقك.
     
  6. BuRashed

    BuRashed عضو جديد

    التسجيل:
    ‏19 مارس 2005
    المشاركات:
    131
    عدد الإعجابات:
    0
    مكان الإقامة:
    الكويت
    مشكور أخوي, بس أنا ما فضلت واحد على الثاني أنا مجرد جاوبت على أسألة الأخ الساءل.
     
  7. واحد قنوع

    واحد قنوع عضو جديد

    التسجيل:
    ‏12 ديسمبر 2005
    المشاركات:
    188
    عدد الإعجابات:
    0
    مكان الإقامة:
    المؤشر السعري
    الله يجزاكم خير وطولة عمركم بالبورصه لهم مكان لاني باكر انشالله بروح البورصه او لهم مكان ثاني ويين صاير الله يبارك فيكم .
     
  8. طير شلوة

    طير شلوة عضو جديد

    التسجيل:
    ‏25 ديسمبر 2005
    المشاركات:
    246
    عدد الإعجابات:
    0
    شركة الاوسط الدور العاشر بأول عمارة مقابل المباركية اعتقد اسمها عمارة عقارات الكويت. اجراءاتك تسويها بعشر دقايق ويعطونك النك نيم والباسوورد وتحول فلوسك من بنكك لهم بس تجيبلهم وصل التحويل وبعدين تقدر تحول فلوسك منهم لبنكك عن طريق النت .

    ملاحظة تجيب معاك بطاقتك المدنية وبطاقة البنك
     
  9. قمر صناعي

    قمر صناعي عضو جديد

    التسجيل:
    ‏22 يناير 2005
    المشاركات:
    63
    عدد الإعجابات:
    0
    مكان الإقامة:
    kuwait
    انصحك لوجه الله يا واحد قنوع انك تفتح عند الاوسط وتنسى بروكرية السوق تراهم مصاخين ويحبون يستغلون وينشفونك تنشف عشان يردون عليك ويحدونك على البغشيش وحسبي الله عليهم

    روح حق الاوسط وعند مديرهم الخلوق خالدكرم وراح تشوف المعالمه مختلفه بالحيل وعساهم على القوه وبالمناسبه انتهز الفرصه هم للشكر على محمود العتيبي الي مايقصر بالرد علينا وبطلب الاجل من السوق
     
  10. واحد قنوع

    واحد قنوع عضو جديد

    التسجيل:
    ‏12 ديسمبر 2005
    المشاركات:
    188
    عدد الإعجابات:
    0
    مكان الإقامة:
    المؤشر السعري
    جزاكم الله خير وبروح لهم باكر انشالله بس لو واحد يثبت لى مكانهم .
     
  11. qatel4

    qatel4 عضو نشط

    التسجيل:
    ‏19 يوليو 2005
    المشاركات:
    667
    عدد الإعجابات:
    0
    اذا تبي البنك روح بنك الكويت والشرق الاوسط. www.bkme.com

    واذا تبي الشركة روح البنك العقاري الرئيسي المدخل الخلفي اسأل عن شركة الكويت والشرق الاوسط للاستثمار المالي اي دور. www..alawsat.com

    وفي شركات ثانية ايفا بورصة ومتداول وبورصة جلف
    www.mutadawil.com
    ifa-borsa.com
    www.gulf-borsa.com
    هذه مجموعة الشركات التي تقدم الاون لاين
     
  12. مسلم نت

    مسلم نت عضو جديد

    التسجيل:
    ‏22 مايو 2005
    المشاركات:
    93
    عدد الإعجابات:
    0
    اخوى عندى سؤال ابى احسن شركة لأنى اسمع ناس واجد يشتكون من الأوسط ساعات وأحس ان عليه ضغظ من كثر المشتركين