حـلـــول ســريعة ... لإنقاذ سوق المال ... قبل مسيرة الثلاثة مليون نسمة

الموضوع في 'السوق السعودي للأوراق الماليه' بواسطة النبراس, بتاريخ ‏28 فبراير 2006.

  1. النبراس

    النبراس عضو نشط

    التسجيل:
    ‏21 أغسطس 2005
    المشاركات:
    426
    عدد الإعجابات:
    0
    مكان الإقامة:
    الرياض
    حلول سريعة ... لإنقاذ سوق المال ... قبل مسيرة الثلاث ملايين نسمة



    لا نلعب على بعض... كلكم مهتمين بسوق الاسهم .... اللي فلوسه مبطبطة .. والا من باب العلم بمجريات السوق لزوم دق الحنك مع الشباب بالاستراحة.. واللي داخلة السوق تغاير صديقاتها ..."تصدقين... لون سهمي امس... مو احمر.. فوشي".

    انتم تعرفون اللي داخل السوق ما يربوا عن ثلاثة ملايين نسمة .

    واخاف ان هالمتداولين يتفقون على مسيرة سلمية من رئاسة الحرس الى قصر الملك.

    لذلك سأجتهد في اقترح حلول لتلك المصيبة لا اعادها الله ...

    اقرار زيادة 15% في الراتب "بدل اللي طارت في القرض"... عشان نقترض ونعزز في اسهمنا

    دخول محافظ امراء المناطق .. وخصوصا اللي ياكلون سمك كل يوم.. وتكليفي بإدارة محفظة الوليد بن طلال

    إلغاء نسبة 5% .. نكتفي بنسبة 0.00006% خلال هاليومين حتى تنفرج الغمة

    كف يد جماز السحيمي ... وتوزيع محفظة بنته في بنك الاستثمار على الاسهم الزراعية وخصوصا بيشة.

    تجزئة الاسهم "السهم بهللة".... وحبحبة يدين الاجانب عشان يستثمرون عندنا.

    ضرب طنب "حق خيمة" في بلعوم بشر بخير وربط لسانه به ... مع خياطة فمه , احتياط لا يفلت لسانه .

    زيادة رأسمال سابك "ثلاثة اضعاف".. وطرح الخطوط السعودية للاكتتاب.... وتأميم البنوك السعودية وخصوصا الراجحي وسامبا.

    انشاء صالات للتداول في المستشفيات ... مو الواحد يفطس بين هالعالم وهم فاقين خششهم في الشاشة.

    توزيع خيمة لكل متداول ... عامود للعزوبي.. عامودين للمتزوج ....

    الإعداد لحملة إعلامية مزيفة عن انتشار أنفلونزا الطيور في السعودية ........ارمه بالموت, يرضى بالنسبة تحت.

    فتح ساعات العمل اليومية ... خل الواحد يروح للشغل على كيفه , ويرجع على كيفة .... بلاش نذبح بعض عشان كلمة عابرة من مدير طايش ..

    اخذ تعهد على كل متداول ... تبغا راس مالك .. وقع ورقة انك ما ترجع للسوق مرة ثانية .... الواحد داخل السوق يحسب نفسه بيل طس

    تخفيض اسعار تذاكر تايلند .... والسماح للهجرة الى كندا ............"مساكين الكنديين .. وش ذنبهم حارمينهم منا؟".



    دقيقة خلوني اشوف المؤشر تحرك والا راقد





    اشوا ... حطني تلقاني يا بعد خلقاني... وش زين مؤشرنا .....يذكرني باهداف ماجد عبدالله اذا عادوها بالبطيء... تجلس ساعة يالله تخلص



    للمعلومية يا شباب ... عندي سبحة حجر كيرمان "هو اسمها كيرمان والا سوبرمان"... شاريها رمضان الماضي بخمسمية .. الا يبغاها بخمسين ريال يرسل لي رسالة ... وبأعطيه معها مجانا نص خبزة تميس باقيه من عشاء امس.





    ......ابو ابليسك يا شيخ .... ليتني اشوف وجهك ... قال المواشي رايحة خمسمية



    المهم .. وش كنت اقول ... ايه .. الحلول ....... المهم هذا سوق ابو متعب ... ولا تخافون .. بإذن الله .. اللي أخذتوه 5% .. بياخذونهـ 99% .. والحمدلله .. ما رحت لبعيد. كلها كم سنة .. ويجينا واحد جديد يعطينا 10% .. وياخذ بدالها كلية .... ايه كلية ... وش عندكم يستاهل ياخذونه.

    صزززززز نسيت اسألكم ... خط دعم السوق والارتداد المتوقع على مؤشر فوتشي ... وشو؟





    منقووووووووول