وانا بكامل قواي العقليه ..قررت الدخول يوم السبت

[فهد محمد]

حيا الله جماعه الربع ...وحيا الله كلن باسمه...اسفرت وانورت...

عسي ماتعور احد من هالدبجه اللي مهيب صاحيه.. يالله العافيه ذا الهوامير مايملي بطونهم الا ارباح اكثر من النصف..لا وزعلانين من العموله بعد ليش تخصم عليهم ..والضعيف مسيكين ياكله البنك بالعموله وياكلونه الهوامير بالاسعار..

المهم هذي حال السوق صعود ونزول ..وماعقب الضيق الا الفرج...سبحان الله ماعندنا حل وسط ..اذا السوق نزل بقووه كثررو المرجفين وبقووه وقالو انهيار ووصلونا الين 15000 وبعضهم لل14000

واذا طلع السوق هات من عبارات التفاءول والطفره و لتجزئه وسوق ابو متعب ووصلونا الين ال 25000 نقطه

المهم ماعلينا انا قررت انشاء الله الدخول من يوم السبت مساء او الاحد صباحا الدخول بالسيوله الباقيه في الاتصالات وزجاج وذلك لسببين اول شي متعلق بالسهمين صحيح فيه اسهم ثانيه بس بصراحه احس انها ماتواجه اني اعدل فيها..اتصالات سهم لكل ثلاثه نسبه السبت 994 يعني يبي يطبع علينا ب745 وزجاج منحه سهم لكل اربعه ونمو ممتاز نسبته السبت 752 يعني يبي يطلع علينا ب601 ....

اكيد يبي يجي واحد مطفي النور ويقول طيب وش دخلنافيك تشتري ولا تبيع نقوله جزاك الله خير بس احنا نعرض الموضوع علي الاخوان يمكن واحد ينصحنا بنصيحه تنفعنا في هالسوق اللي كنه بحر متلاطم الامواج...

بعدين بحكم غالبيه الاعضاء رياضيين نبارك هالمستوي المتطور للمنتخب ومن جرف لدحديره وياقلب لاتحزن...وتري فيجو مالعب الشوط الثاني..يله سلام​

 

[& ensaaan &]

أسأل الله ان يرزقنا وياك و كل مسلم ............................

 

[النبراس]

اجل يبي يجي واحد مطفي النور

حلووووووووووووه

ابومحمد حبيت ابشرك اني بكامل راس مالي بالسوق ولا عندي أي مشكله

70%صادرات
31.50% شمس الشموسه

تقولي وشلون جت الزياده 1.50% ؟
حولته من الحساب الجاري وخربته مره وحده يوم الخميس


وعندي ثقه كامله بالسوق انه مجرد وعكه صحيه وسوف تزول بأذن الله في القريب العاجـــل ،،،


تحيات :
الهيئه الموقره

 

[العمــاري]

الاسعار تبدو مغرية والشركات التي ذكرت استثمارية اتمنى لك التوفيق

 

[abooyaser]

حياكم الله جميعا

بالنسبه لي شخصيا اري بنك البلاد والراجحي + الإتصالات + ورأيت طيبه عاكسه السوق ...

اسهم آمنه -- والعودة للسوق او الشراءءء كما ذكرت اخي العزيز " فهد " مجددا يعود لسببين :

1- البنوك لم تتأثررررررر مثل باقي الأسهم هبوطا وان هبط اي سهم بنكي
فقد يكون هبوط قليل وليس 5% --- وطالما البنوك هي اللي تنزل الأسهم لغرض ما في نفس يعقوب --- فلنستفيد منها علي الأقل !!!!!!!

2- ان السوق سيرتد --- فكرر معي في مسألة كره القدم التي كلما كان وقعها علي الأرض وبقوه ترتفع عاليا وبنفس القوه --- اذن السوق مقبل علي ارتفاع وستقفل العروض وياتلحق او ما تلحق" نسب صعودا وقد تتعدل النسبه " -- وبإذن الله تخضررررر الشاشه وتبتهج النفوووووس..

وعلي هذا الأساس : طبينا في طيبه والبلاد ...ونشوف السوق الأسبوع القادم والله الموفق جل جلاله .... ولنكن دائما متفائلين ....


سلالالالا لالالا لا لا لالالا لالالالام​

 

[الشاهق]

والله ما أنصحك بالدخول للسوق الآن

إقفال المؤشر يوم الخميس سيء جداً من وجهة نظري

وإذا أقفل يوم السبت أو الأحد تحت 18093 نقطة سيكون الوضع أسوأ


.......

 

[فهد محمد]

اشكر الجميع علي الردود والتجاوب بطرح وجهات النظر ...هناك اسباب للتفكير بالدخول ....

1- نظريه العماري ثلاث ايام نزول مع اني لاادري هل تطبق في التصحيحات ولكني ساطبقها..

2- احساسي بان نقطه 18000 قد تكون نقطه نفسيه قويه ولو نزلنا الي 17800 ليس هناك فرق حتي الي 17500 ..تعودنا علي نزول نقاط كبيره بيوم واحد

3- حركه النصف كم اللي سواها مضاربي الراجحي والاتحاد قبل الاغلاق بعشر دقائق كنوع من الاستعراض ...بس ادعو من الله ان لايتم تاجيل موعد جمعية الراجحي المقرره غدا عصرا..

هناك نقطه اخيره موضوع ملف ايران النووي اليوم فيه اجتماع في فينا اذا الامور انحلت سلميا ..اعتقد سيكون هناك طفره غير مسبوقه بجميع اسواق الخليج خلال عام 2006 ...ربي يوفق الجميع....​

 

[the unknown]

والله السوق يخوف ...

لكن مع القائلين بأن الارتداد إما مساء السبت أو الأحد إن شاء الله !!

لكن هذا تفاؤل ...

وهذا التفاؤل مشروط ...

تابعوا موضوع ( قاصد كريم ) ...

أرفق الشارتات ... ونحن بانتظار التعليق ...

إذا اطلعتم عليها ... ستخرجون بأن السوق مرشح للارتداد ... وقطاعات معينة سترتد وبعضها قد ينخفض !!!

تحياتي

 

[العمــاري]

ابو محمد الهيئة تسعى الى جعل السوق استثماري
السؤال هنا هل الاسعار الحالية تغري المستثمر ؟؟؟

 

[فهد محمد]

مهما حاولت الهيئه بجعل السوق استثماري ومتعقل...الصناديق والمحافظ الصغيره والكبيره تعودت علي الارباح الهائله ..ولها رغبه في معاوده الكره مرتين وثلاث...مثل السمك في الماء لاتستطيع الخروج منه..

فيه محافظ وصناديق متعلقه باسعار عاليه لابد لهم من الرجوع لتلك الاسعار علي الاقل للخروج ..مايمنع ان نكون معاهم ونخرج قبلهم..

سيكون السوق عديم جدوي اذا وجدت السيوله قنوات اخري تحقق لها تلك الارباح التي كانت تحققها في الاسهم ..غير ذلك ستظل تعمل بسوق الاسهم... والمضاربه فيه وبقووه ..الناس تنسي وبسرعه ...اذا عدت الازمه بخير وعاد السوق الي عافيته ستعود حمي المضاربات ....,,,​

 

[المتوكل باالله]

والله يا بو حمد دخلت السوق 80% استثمار و 20% مضاربه ولكن في وقت النزول هذا تساوى الجميع لا استثمار ولا مضاربه ولكن نحمد الله على كل حال

 

[العمــاري]

الاستثمار يا غالب ليس بهذه الاسعار سوقنا قلنا عنه من زمان سوق مضاربة
لابد من توفر شروط واداوت الاستثمار في الشركات من ارباح ونمو كلام الاخ فهد صحيح لكن لا نغفل عن اشياء مهمه انتهى زمن المضاربة في السوق السعودي كل القرارت تقول كذا ولازم نفهم
توجه الهيئة بالسوق الى الاستثمار ولكن جاء متاخر واجد
الضريبة يدفعها صغار المستثمرين
نصيحة لوجه الله اللي برى السوق لا يدخل بقصد المضاربة لانه ماراح ياكل عيش معاهم استثمر نعم ولكن عند النقاط السليمة والاسعار المتدنية بعد دراسة كافية للسهم مافي مجال للعواطف وهذا شغل

 

[المتوكل باالله]

صح الله لسانك وخلك ربي ذخر لنا ولربعك ( درررررر يا بو حمد )

 

[فهد محمد]

الحمد لله شرينا بالاتصالات وزجاج علي النسبه...

ودخلنا سدافكو بالموضوع ...سعر مغري ..وجالسه تقاوم ومافيه عروض بيع

فيه شراء في كثير من الاسهم ..بس سابك بصراحه طريقتها تضيق الصدر ماعجبتني..ياخوفي منها..

لو حصل ارتداد انشاء الله راح نشوفه باخر ربع ساعه من تداول المساء

او غدا صباحا افتتاح قاب اب...علي فكره ليست توصيه شراء او بيع بل هي اقرب للسوالف بيني وبين روحي اسلي نفسي واتمني تتحول الي واقع...

نقول انشاء الله هانت الامور وماعقب الضيق الا الفرج...تحياتي ...,,​

 

[LONG TERM]

السلام عليكم

لكل صعود هناك نزول والعكس صحيح

لكن الصعود بفترة اشهر هل تتوقع ان النزول او التصحيح سينتهي بفترة اسبوع او اسبوعين !!!!!!!

السوق السعودي سيمر بمرحله نزول طويل المده نسبيا واثناء النزول في صعود خفيف ثم نزول ( اي المنحنى العام للسوق نزول )

وهذا ليس تشاؤم ( ولا يجي واحد مطفي النور يقول انت منت فاهم )
هذي حركة الاسواق بالمنطقه والعالم

ولن يكون هناك هناك ترند صاعد للسوق السعودي قبل 4 - 6 شهور

وعليك بملاحظه الكميات والقيمة المتداولة ستقل مع الايام ........

ارتداد الاسبوع الماضي ماهي الا فرصة لصغار المستثمرين لتسيل الاسهم

انصح بالبيع باي فرصه هذا الاسبوع وعدم الشراء لحين ان يتعافى السوق
وهو محتاج الى فترة نقاهه للاسف طويله اشوي

انا متاكد ان الجديد بعالم الاسهم ما يعجبة هالكلام ولا يرغب بالاقتناع
لكن هذا هو واقع البورصات

والله لا يخسر مسلم ابد

 

[فهد محمد]

الاخوان المحللين تكفون عاد افزعو معنا لو شوي ..عطونا وجه....!!!

ظنكم السوق يبي يستقر ...ولا وده يرجع شوي علشان نبيع باكر ونشتري من تحت ( واحد مسوي روحه ذهين وهو من جنبها )​

....علي فكره وش رايكم باللون مهوب حلو​

 

[عائض بن فيصل ال رشيد]

هلا ابو محمد كلنا تحت امرك

ان شاء الله ستشاهد مايسرك خلال هذه اليومين

 

[فهد محمد]

اخوي قاصد لاخلا ولاعدم ...ربي يوفقك ويرزقك انشاء الله

ويغفر لجدتك ويرحمها بواسع رحمته...اللهم امييين...​