كم هو سعر ارخص شقه تمليك بالكويت

[red1981man]

اخوي الاستقراطي المحترم ممكن اوضحلك انا توني متزوج ما عديت السنه باقي جم شهر على السنه

انا ما فهمت فكرتك تقصد اني راح أقط دبل الاجار الحين انا 3 غ 2ح 1ص1مط
بسعر 300 قلت لي جدام ما ادري الاسعار تتغير اروح فيها خل اضمن نفسي

انا ما اعرف شي عن شروط التسليف اللي سويته دمت بالاسكان وخذيت بدل الايجار وصارلي 5 شهور متزوج

كيف اقدر اخذ شقه على بنك التسليف وهل لازم تكون باسمي ؟؟؟

ودي بشقق الشعب البحري او درة الفنطاس

ومره سمعت عن المزارع بعد صباح السالم بتصير شقق تمليك وبيوت ولكن الحين اشوف فيها شغل وتمديدات هل بلشو فيها

اخوك عليمي بالعقا واحب اخذ المضمون وامشي يم الطوف حتى قسط السياره ما اشتهييه خير شر احس هم على القلب والدين ما اواطنه


بس اذا على التسليف مو مشكله ماكو فوايد جم يعطوني وشروطهم؟؟؟

 

[Doc30]

اخوي الاستقراطي المحترم ممكن اوضحلك انا توني متزوج ما عديت السنه باقي جم شهر على السنه

انا ما فهمت فكرتك تقصد اني راح أقط دبل الاجار الحين انا 3 غ 2ح 1ص1مط
بسعر 300 قلت لي جدام ما ادري الاسعار تتغير اروح فيها خل اضمن نفسي

انا ما اعرف شي عن شروط التسليف اللي سويته دمت بالاسكان وخذيت بدل الايجار وصارلي 5 شهور متزوج

كيف اقدر اخذ شقه على بنك التسليف وهل لازم تكون باسمي ؟؟؟

ودي بشقق الشعب البحري او درة الفنطاس

ومره سمعت عن المزارع بعد صباح السالم بتصير شقق تمليك وبيوت ولكن الحين اشوف فيها شغل وتمديدات هل بلشو فيها

اخوك عليمي بالعقا واحب اخذ المضمون وامشي يم الطوف حتى قسط السياره ما اشتهييه خير شر احس هم على القلب والدين ما اواطنه


بس اذا على التسليف مو مشكله ماكو فوايد جم يعطوني وشروطهم؟؟؟

الاخوان ممكن يفيدونك اكثر عن التسليف.اخوك عزوبي وما عندي اي فكره عنهم .

بس عندي اقتراح ثاني.ماله شغل ببنك التسليف . يعني ماراح ياثر على طلبك .

اذا عندك عيله صغيره.اشتر شقه بحدود ال35-45 الف . مو شرط تكون بالشعب البحري(لانها من اغلى المناطق). دورلك شيء على قدك وشوف جم عندك وزيده بقرض . وهال300 الي قاعد تدفعها اجار تروح حق القسط الشهري للقرض . واذا الله ارزقك في بيت تقدر تبيع الشقه بدون لاتخسر وايد. ويا تستخدم فلوس البيع لبنيان البيت او تخلى الشقه لك .

صج فكرتي يبيلها سنين علشان يبين خيرها بس افضل من ال300 الي قاعد تدفعا كل شهر ومو ماخذ منها الكثير . على الاقل راح تدفعها في عقار لك.

وبالتوفيق

 

[Doc30]

كيف اقدر اخذ شقه على بنك التسليف وهل لازم تكون باسمي ؟؟؟

ودي بشقق الشعب البحري او درة الفنطاس

ومره سمعت عن المزارع بعد صباح السالم بتصير شقق تمليك وبيوت ولكن الحين اشوف فيها شغل وتمديدات هل بلشو فيها

اخوك عليمي بالعقا واحب اخذ المضمون وامشي يم الطوف حتى قسط السياره ما اشتهييه خير شر احس هم على القلب والدين ما اواطنه


بس اذا على التسليف مو مشكله ماكو فوايد جم يعطوني وشروطهم؟؟؟

نعم تصير باسمك اذا عن طريق التسليف وبروح دورك مال البيت.

المزارع الي تقول عنها هذي اسمها بوفطيره والي قبلها اسمها شرق القرين. الاراضي اقل شيء على 85 الف وفوق

توني اثبت انك قايل الدين ما اتواطنه ...عيل لا تقرى اقتراحي

 

[red1981man]

الدين عشان البيت يهوون اما لامور ثانيه لالالالالالالالا تدري البيت والعقار فايده

طبيعي راح تحط جم شقه اجار او دور كامل وتطلع اللي عليك

بس بعرف بالنسبة لي الشروط تطبق علي من التسليف ؟؟ زواج اقل من سنه

 

[Doc30]

الدين عشان البيت يهوون اما لامور ثانيه لالالالالالالالا تدري البيت والعقار فايده

طبيعي راح تحط جم شقه اجار او دور كامل وتطلع اللي عليك

بس بعرف بالنسبة لي الشروط تطبق علي من التسليف ؟؟ زواج اقل من سنه

زواج سنتين او انجاب طفل والله اعلم

 

[فنان999]

نصيحتي لك أخوي ال 300 اللي الحين تقطها وانت في بداية حياتك راح اتقط دبلها اذا الله ارزقك عيال ان شاء الله آنا الحين مأجر 4 غرف ب 500 دينار فاذا صارلك أكثر من سنة متزوج أخذلك شقة شرط من الشقق المرتبة اللي يعطون عليهم قرض التسليف و عندك خيارين يا تأجرها ب 800 دينار و فوق يا تسكن فيها ومتى ما الله فرجها بيعها و اشترلك بيت ،،، للعلم بنك التسليف يسمحلك تشتري ثلاث مرات ،،،

شقة تأجرها ب800 دينار وفوق
وين وبأي منطقة

 

[FOCUS]

شقة تأجرها ب800 دينار وفوق
وين وبأي منطقة

أعتقد بالشعب البحري وواجهة بحرية



وإذا حصلت شقة تمليك بواجهة بحرية زين لأن التمليك نادر على البحر

لا يقصون عليكم وتنخدعون يقولون لكم إطلالة ترى ماتسوى الإطلالة واجهة ولا لا ..


من يومين شفت عمارة حديثة مقابل نادي الشعب البحرى سألت الحارس تمليك ولا أجار قال أجار ماكو تمليك والأجار غرفتين نوم وصالة وغ خدامة على البحر مباشرة 900 دينار روووووووووح !!!!!


أخوكم فووووووكس

 

[الأرستقراطي]

والتاجير على شركات لديها عقود مع الجيش الامريكي او الشركات النفطية ، يعني عقود مستمرة .

الى متى سيبقى الامريكان؟مدى الدهر؟؟؟؟؟؟؟؟؟؟؟؟
صدام والحمدلله ازاله الله عن صدور الكثير منا وباقى نراه معلق على حبل المشنقه حتى ترتاح كل ام فقدت ابنها او زوجه لزوجها او طفل لوالدها

ليش انت حسبالك ان صدام هو آخر الطماعين ،،، من اسبوع صرحت احدى القياديات في العراق بحق العراق في الكويت ،،،

 

[الأرستقراطي]

شقة تأجرها ب800 دينار وفوق
وين وبأي منطقة

شقق الفنطاس المطلة على البحر مقابل حديقة شاطيء العقيلة :
2 غرفة و منافعهم مفروشة ايجارها الشهري 850 دينار
3 غرفة ومنافعهم مفروشة ايجارها الشهري 1200 دينار

يمكنك الذهاب الى الموقع المذكور و التأكد

 

[المهندس حسين]

الفنطاس منطقة جميلة لكن عيبها شقق العزاب يعني الواحد وده بشقة بموقع حلو على البحر يسكن مع أهله على الأقل إطلالة على البحر تشرح الصدر بس ما نضمن إن ما يطلع جارنا منو أو شباب مأجرين شقة أو غيره ...