اكتشاف كبير للغاز فى الكويت

ابو جراح

عضو نشط
التسجيل
30 يونيو 2005
المشاركات
102
الإقامة
دوارالبركه
التنقيب عن الغاز صارله 40 سنه مافى شى 000 بس اول ماقلنا نبى نساهم فى تعمير العراق ونزيد المساعدات حق فلسطين طلع رزقهم والله محظوظين:mad:
 

laqtan

عضو نشط
التسجيل
29 يونيو 2005
المشاركات
371
الإقامة
Kuwait
:) الله يزيد ويبارك في خير الكويت
 

oxford-84

عضو نشط
التسجيل
26 سبتمبر 2005
المشاركات
13
الإقامة
Kuwait
ألف مبروك لأهل هالأرض الطيبه وعساه زياده وزياده

الحمد لله والشكر على هذه النعم

صج إنه خيرنا لغيرنا, لكن نقول إذا هالخير إلي رايح لغيرنا بيحفظ لنا هالأرض الطيبه,فالحمد لله على كل حال
أحسن من ما ياخذون هالخير منه بالغصب وينزل سوقنا عدل,بعدين نطق إصبع :d

فنقول الحمد لله العلي العظيم على ما أنعم علينا والشكر لله يديم النعمه



ألف مبروك
 

Eng_004

عضو نشط
التسجيل
5 فبراير 2006
المشاركات
107
سبحان الله رب ضاررتن نافعه....وقف التفاوض مع الاخوان القطريين لمد خط (بايب) من قطرللكويت للغاز الطبيعي بسبب اشكالا ت فنيه...ورزفنا الله بالاكتشاف الكبير...الحمد لله على كل شي ....ديرتنا ياجماعه مباركه...بس ياليت ماينسون الشعب الكريم الوفي...ويفرحون المواطنين ..ياليت.
 

meshal

عضو محترف
التسجيل
9 نوفمبر 2003
المشاركات
1,035
الإقامة
kuwait
اعلان عن اكتشاف 35 ترليون قدم مكعب

و اكتشاف كميات من النفط الخام تتراوح ما بين 10 إلى 13 مليار برميل تضاف إلى الاحتياطيات الحالية

المصدر جريدة القبس والوطن

الثلاثاء 7 - 3 - 2006

http://www.alqabas.com.kw/news_details.php?cat=1&id=146568&brdate=2006-03-07


الحمد لله على ما اعطا وشكر له سبحانه


بس عسا ربعنا مايوزعونه على دول الضد ويكون نفطنا وغازنا خاص لهم

مثل ماهو باين بالسياسه الجديده

ويالكويتي استريح شوي
 

JoKaR

عضو نشط
التسجيل
23 يناير 2006
المشاركات
228
الحمدالله يارب


ومن بعدها ألف مبروك ;)
 

خالد العتيبي

عضو نشط
التسجيل
2 أغسطس 2004
المشاركات
666
الإقامة
الكويت
ألف ألف ألف مبروووووووووك للكويت وأهلها بهذا الاكتشاف الضخم واللي نتمنى وندعو الله أن يكون مقدمة لاكتشافات أخرى مماثلة (أو أفضل :))...



والحمد لله رب العالمين ...
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
ايواااااااااااااااااااااااااااااا طلع عندنا غاااااااز

يقووووولك الحكومه بتشبعنا غاز بيصرفون سلندرات ابلاااااش حق كل كويتي
ويقولك راح يضرون اهل روسيا بالغاز هذا لان هالغاز ريحته احلى من غازهم
وبوزعون بيوت جديده لنك حق اللي تزوجو شهر 6 اللي طاف ... انا واحد منهم
ويقولك بطيحون القورض عن اللي برا الكويت والسبه الغاز الجديد
ويقولك راح يساعدون جزر الكاوكاو عشان لا ينقطع كاوكاوهم عنا
ويقولك راح يعطون العراق فلوس عشان اتسنع مره ثانيه

تقولولي الكويت مالها شي اقولكم تحمدو ربكم بوزعون سلندرات ابلاش
والله طماعين الكويتيين


اللـــــــــــــه وينك يا الغاز من زمان
 

بو بندر

عضو نشط
التسجيل
15 سبتمبر 2005
المشاركات
1,002
الإقامة
متداول الاوسط سابقا
ما شاء الله

اللهم زد وبارك لنا

ياليت يستغلونها للتنميه او تقدم الدوله

مو هبات او قروض منسيه اوتالي اتطيح


دمتم
 

بو محمد

موقوف
التسجيل
16 يناير 2004
المشاركات
355
الإقامة
KUWAIT
100 %

الرومي قال:
اخواني لازم ما نبارك حق الشعب الكويتي ...باركوا حق الشعوب العربية لانه ديونهم راح تطيح اما الشعب الكويتي والله مغلوب علي أمره لا وكملها تقرير البنك الوطني اليوم انه علي اخر الشهر راح تزيد الفائدة فهنيئا للشعوب العربية ولأصحاب المراقد

خـــــيــــــرنـــــــــا لــيــغــيــرنـــــا
 

عجب

عضو نشط
التسجيل
18 يناير 2006
المشاركات
90
كدينا خيــــــــر


هالحين الكويت ارتاحت من صدام ومن وضع العراق


وراحو واعلنو الاكتشاف مع انه قديم بالحيل


بس كانو خايفيين من العراقيين


وهالحين راح ينط كم صعلو من الحزب القذر حزب البعث
ويشن من الحملات والتداعيات،،


فلذلك اتوقع ان اميرنا المفدى

ابو ناصر طول الله بعمره

راح يسد فم العراق بكم مليار

والله اعلم
 

fahad1234_1

عضو نشط
التسجيل
19 أكتوبر 2005
المشاركات
396
الكويت ماتبي الغاز يقولون كفايه علينا النفط والبورصة والغاز تبي تعطيه مساعدات للعراق
 
التسجيل
30 سبتمبر 2005
المشاركات
259
fahad1234_1 قال:
الكويت ماتبي الغاز يقولون كفايه علينا النفط والبورصة والغاز تبي تعطيه مساعدات للعراق


لو يعطوني قرشه غاز بس حق تفتفيخ بنتي بسويلها عيد ميلاد قبل لا يعطون العراقيين .. انا من شفت شركه العراق القابضه حاشني احباط و يانه الفقر بالبورصه
 

AMR

عضو نشط
التسجيل
28 أكتوبر 2004
المشاركات
853
AL-Saa7R قال:
تكفون بس بطلع الحره اللى فينى
انا عندى خدامه فلبينية صارلها عندى سنة وشهرين
اليوم داقة على اهلها تسالهم عن الارض الى شرتها وقاعد تبنى عليها ويوم سالتها عن الارض طلعت شاريه ارضين مساحتها 2000 متر
ومعاشها 45 د
وانا صارلى 14 سنة متزوج وعيالى صاروا اطول منى وللحين ساكن بشقة
وهذا حال اغلب الشباب الكويتى
لا واخر شى يطلعلك بيت 400 متر لا وممنوع تحط حديقة واذا رحت مع عيالك للبر دير بالك لاتشوفك الشيخة امثال داخل محمية
والله مادرى شقول بس الله يعز الكويت ومبروك الغاز للتجار


---------------------------------------

انا بعد نفسك صارلي 14 سنه انطر البيت ( الله يعين )


و بالنسبه للغاز

نبارك للعراق و الاردن و مصر و السودان و اليمن :
علىاسقاط ديونهم لا وبعد بياذون فلوس

و احنا بيوت ماطلعت و معاشات مارتفعت
14 سنه ناطر بيت

وزير الاسكان يقول : لن ينتظر المواطن اكثر من سنتين لحصوله على السكن

المقصود : اهو بنفسه ما راح يقعد بالوزارة اكثر من سنتين
و غيره يردد نفس ما قال ( ماكوا فايده )

------------------

الحمدلله الحمدلله الحمدلله و الشكر لك يا رب على الغاز

وشكرا
 

circle

موقوف
التسجيل
5 نوفمبر 2004
المشاركات
4,611
الإقامة
الكويت
راح مخيمنا


الله يبارك للبلد فيه

وان شاء الله يعطيهم خيره ويكافيهم شره


ويكون خيره لابناء البلد .
 

سهم طاير

عضو جديد
التسجيل
25 فبراير 2006
المشاركات
9
الحين بعد هذا الاكتشاف المفروض ان البلد تتفاعل شي وتصعد بورصتها
بس حنا العكس
البورصة انهارت بعد هذا الخبر الجميل
شسالفه
 
التسجيل
30 سبتمبر 2005
المشاركات
259
سعد الفرج قال راح يسوون الكويت اميه طبقات .. و هذا توجه الحكومه الغني راح يصير غني و احنه بالعطى رضينه و لا ارضينه لا رحنه و لا يينا مجرد صغار مستثمرين ...:(

انا اتسائل .. لو تم الاعلان عن هذا الاكتشاف في اي دوله خليجيه او دوله اوربيه ... هل سيكون اقتصادها من خلال سوق المال مثل ما حصل عندنه اشك في ذالك تماما .. بس العوي عوي
 
أعلى